嬰兒醫護 今日: 0 | 主題: 79153

積分: 24086

1123^#

發表於 14-12-1 23:25 |只看該作者

本帖最後由 pyjess 於 14-12-1 23:25 編輯

回覆 MissGinny 的帖子

時間表上, 一個7星期大BB, 可能仲係食完就要瞓, 玩到10分鐘已經好多, 所以每餐之後都要瞓

1. 玩時係唔係可以任意抱，抱下、傾下偈、放低佢自己玩﹖另外佢會越嚟越重，之後無力抱怕抱唔夠。

玩時當然可以任抱, 而且要多抱; 清醒時多抱, 避免睡時抱就是原則

2. 如果玩玩下瞓咗，係唔係應該叫醒佢等佢NAP先比瞓﹖佢飲完
如果玩玩下瞓左, 即係玩O既時間太多, BB唔應該攰先瞓, 而係你知佢想瞓前已經要落床, 等佢自己瞓

3. 而家改緊時間表，佢肚餓會喊，係唔係都唔可以抱起佢﹖
又唔係, 不過要弄清楚佢真係肚餓, 定係瞓唔到落去? 前者當然要俾佢食, 最多拖佢10分鐘, 後者唔應該抱, 但要觀察有無唔舒服

4. 餵奶時BB

係唔係要清醒的，因為可能之前習慣咗，BB

好多時都合埋眼食奶。
避免, 因為BB會慣左食=瞓, 瞓=食, 無得食唔瞓, 唔係瞓時唔食<--- 最慘係呢種

5. 若果戒咗夜奶，會唔會影響奶量，定係都要起身泵奶﹖
唔會, 我身邊全部都係全人奶媽, 戒左夜奶一樣多奶到放滿雪櫃; 反而壓力大會令奶量大減

6.當成功建立時間表後，係唔係夠鐘，佢唔喊都比佢食﹖
成功建立時間表後, BB已習慣時間表, 所以夠晒鐘先會肚餓, 而你夠鐘就餵, 就剛好早過佢覺得餓;

7.佢nap時成日會醒下，郁下，成功後會改善嗎﹖
郁下啫, 個個瞓覺都會郁O架喇; 至於醒, 就睇下咩原因, 如果餓醒, 呢個方法當然會改善, 如果熱醒, 凍醒, 摩洛反射嚇醒自己, 就要你觀察佢咩原因, 對症下藥

8. 餵人奶都要掃風30MIN嗎﹖

唔知, 我未餵過人奶+ 我個仔日日嘔, 餐餐嘔, 掃完都嘔, 我始終安全至上, 建議掃足30分鐘

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

積分: 24086

1124^#

發表於 14-12-1 23:36 |只看該作者

回覆妹豬媽媽的帖子

教孩子, 要避免先入為主; 所以說, 即使做錯, 罰完佢, 佢道歉左, 要攬返錫返, 回復正常, 而且"忘記"佢做錯過; 不能因為之前犯錯, 而累積佢錯O既次數, 記憶, 否則就不是真正的原諒; 而你之前做O既功夫就會白費

至於佢打爸爸, 的確要教, 問題係爸爸唔介意佢打, 你就要咁講:＂唔可以打人, 無論點都唔可以打人, 爸爸媽媽都無打你; 而且我好錫爸爸, 你打佢, 我會心痛"
爸爸就自然唔會出聲, 因為你'保護"佢
爸爸放手後, 要問孩子: "你係唔係唔鐘意爸爸咁同你玩, 下次你要出聲講你唔鐘意咁玩, 而唔係打人, OK?"
爸爸知道小朋友唔鐘意咁, 就會收歛

兩夫婦唔一致的確係好大問題, 因為反映著你兩的感情, 尤其你覺得你唔係"一個人控制"到, 一個家, 要有很多很多的愛心, 包括父母相愛, 才會令孩子生活得快樂; 而呢樣, 你可以再做得更多, 你願意走出一步, 我相信你先生也會願意行前一步; 多點跟他談孩子, 更要談你的感覺, 和你明白他的感受

私人傳訊

kalam123

大宅

積分: 1319

1125^#

發表於 14-12-2 03:42 |只看該作者

回覆：[分享] 自行入睡方法, 不打不罵教孩子及夫婦關係與孩子

我女女7個半月，唔知點解晏覺一放床仔就醒，有時放得低好地地幾分鐘就醒，所以我抱住佢訓，但愈來愈重開始頂唔順，有無可能可以教佢自己訓？我唔介意氹佢訓但抱住訓頂唔順喇

夜晚就8點訓，但又係要抱住一放低好快醒，大概10點後先可自己訓耐小小，但係半夜都要起3-4次身，嚴重起黎要起6-7次

但有時又可以自己訓到5-6個鐘⋯
有無方法可以教到佢自己訓床仔？我抱佢抱到腰又痛手又痛

私人傳訊

積分: 24086

1126^#

發表於 14-12-2 09:21 |只看該作者

回覆 kalam123 的帖子

請先爬文

私人傳訊

MissGinny

積分: 145

1127^#

發表於 14-12-2 16:41 |只看該作者

本帖最後由 MissGinny 於 14-12-2 16:48 編輯

回覆 pyjess 的帖子

勁感謝pyjess你的解答。令我又安心好多。講下我的進度先，今日第四日Training，已經改成4個鐘1個cycle。BB已經喊少咗好多，仲有一個NAP可以無咩突然醒咗瞓唔返，仲要我叫醒佢先食奶。
而家最難的就係要分辨佢係唔係肚餓喊，好多時佢都食手，總係覺得佢肚餓，因為仲係適應時間表中。
好開心知道應該幾時抱佢，可以令佢有安全感。
而家BB飲奶開始計，個半鐘後瞓2個半hr(佢可以玩到半個鐘)。試緊戒夜奶至10點最後一餐奶，至朝早6點食第一餐。
如果呢個時間表WORK，佢每日都可以瞓到17hr，夠唔夠呢﹖定係每個NAP都瞓多少少。

尋晚10點最後一餐奶，跟住3點開始ee ar ar，4點開始大喊，比過啖水佢飲，等到6點先餵佢，咁樣做啱唔啱﹖

最開心見佢笑，最安心見佢瞓得冧唔會喊。

私人傳訊

積分: 24086

1128^#

發表於 14-12-3 00:15 |只看該作者

回覆 MissGinny 的帖子

你做得太好了!

其實BB食手不是肚餓, 而是用口腔探索世界, 因為只係郁到口同手, 就放手入口

我估你BB食得好快, 而且易掃風
瞓到2.5HR一個NAP很好, 全日有17小時亦非常健康, 所以你真的做得很好

如果飲一啖水就再瞓至六點, 佢應該係適應緊, 否則唔會滿足於一啖水, 所以呢個做法OK, 到佢只係EE AR AR, 唔喊又瞓返, 就OK喇

其實我自己好鐘意呢套方法, 隨左因為見到小朋友多笑少哭, 更因為我可以了解小朋友多D

加油!

私人傳訊

MissGinny

積分: 145

1129^#

發表於 14-12-3 10:06 |只看該作者

本帖最後由 MissGinny 於 14-12-3 16:46 編輯

回覆 pyjess 的帖子

要多謝你咁詳細指導，我哋先可以體會到呢套方法的好處。至少做媽媽的，可以輕鬆好多。
多謝你話我知，原來食手唔係肚餓，安心咗十萬倍。

BB食奶都唔算快，每次都要食30分鐘左右，好多時都係瞓緊覺，醒下食下咁。掃風就未必有GUR。

BB的cycle仲係set緊，係我要佢瞓2個半鐘一個nap，有時都會突然喊醒，喊返成個鐘。好在尋日有2個nap都可以瞓到。
有時佢會只係飲奶時醒過下，或者掃風時醒過下，之後就未到nap時間就攰到瞓到暈咗咁，唔知係唔係而家仲未係瞓到一日17個鐘(因為唔係每個nap都瞓得好)，所以唔夠瞓呢。

放落床nap，有紗巾綁手，有時落床嗰下會喊，跟住會自己玩，有時自己瞓著，有時會喊。我覺得安撫物未發揮到作用。

至於戒夜奶方面，我前晚係餵咗啖水比佢，佢仍然大喊架，我由佢，直至6:00時間到我先餵佢。尋晚我就最後一餐延遲到10:45，佢就4點開始喊，我太眼瞓，由佢斷斷續續喊到自己瞓返，6:00先餵佢。

佢而家每次nap，無論可以瞓到全個nap，定係喊咗1個鐘再瞓返，佢都要我叫醒佢先食奶。係唔係如果成功咗，佢會自己喊醒，定係都要叫醒起身食﹖
還有，nap期間，如果中間要出街，咁將bb帶離開張床，咁bb咪會瞓前瞓後環境改變。可以點解決。

都想分享下我的時間表
快2個月的BB，全人奶埋身餵

6:00 Milk
7:30-10:00 nap
10:00 Milk
11:00 Bath
11:30-14:00 nap
14:00 Milk
15:30-18:00 nap
18:00 Milk
19:30-22:30 NAP
22:30 Milk
23:30 Sleep

私人傳訊

krishui

積分: 432

1130^#

發表於 14-12-3 16:54 |只看該作者

回覆：[分享] 自行入睡方法, 不打不罵教孩子及夫婦關係與孩子

你好，我比較多問題想問架，介紹下自己先
人奶b，女女剛滿2個月，日頭好乖，食就食玩就玩，係有時唔多肯訓，但好少喊
去到夜晚，食完11點最後轉奶，會放返佢去bb床然後關燈
無耐佢就會開始扭，然後爆喊，呢個時候我會比佢食奶安撫佢，到佢想訓就放床
然後又喊，再食再放床，然後又喊，再食再放床⋯結果晚晚2，3點先訓到
由前晚開始我決定train佢訓覺，食完最後轉奶就放床關燈，爆喊成個鐘都無理過佢，終於累到訓左
到琴晚，爆喊左個幾鐘都唔收，終於比我抱起左，失敗⋯

我想問嘅係
1: 喺滿足bb所有需求下，夜晚爆喊係味完全唔好理佢？由佢喊到訓？
2: 放落床之前係咪應該關左燈先，再安撫一陣等佢無咁驚？
3: bb好醒訓，好多時就算訓左聽到大人郁，佢都會醒，有咩辦法？
4: 小睡時間多數都唔肯訓，一係眼光光，一係扭人玩，應該點train佢小睡？
5: 由於我都幾肯定佢可以唔食夜奶，以下時間表ok嗎？

求解答，好希望可以喺bb仲細時比到個好習慣佢，唔該晒呀！

11:00 milk
11:30 play
12:00 nap
13:30 bath
14:00 milk
14:30 play
15:00 nap
17:00 milk
17:30 play
18:00 nap
20:00 milk
20:30 play
23:00 milk
24:00 sleep

私人傳訊

積分: 24086

1131^#

發表於 14-12-3 23:31 |只看該作者

私人傳訊

積分: 24086

1132^#

發表於 14-12-3 23:38 |只看該作者

本帖最後由 pyjess 於 14-12-4 00:13 編輯

回覆 krishui 的帖子

1: 喺滿足bb

所有需求下，夜晚爆喊係味完全唔好理佢？由佢喊到訓？絕對唔係任由佢喊唔理, 之前有一個BB, 就係爆喊無人理, 原來係嘔奶, 結果死左, 呢單新聞促成我寫呢個POST
Control crying 請看Post 12

2: 放落床之前係咪應該關左燈先，再安撫一陣等佢無咁驚？
點解assume BB驚, 佢只係習慣左要你抱先瞓, 無人抱等於無人叫佢瞓, 要改變呢個習慣而已

3: bb

好醒訓，好多時就算訓左聽到大人郁，佢都會醒，有咩辦法？
唔係BB醒瞓, 而係未慣時間表, 或者根本未有時間表, 日夜顛倒

4: 小睡時間多數都唔肯訓，一係眼光光，一係扭人玩，應該點train佢小睡？
請先爬文

5: 由於我都幾肯定佢可以唔食夜奶，以下時間表ok嗎？
完全唔OK, 第一餐點會11AM先食? 我有詳細列出時間表, 請看Post 4

仍然是這一句, 請先爬文, 若不想爬文, 請勿亂用這方法做training, 可能大家覺得我好串, 但我寧願你抱BB抱天光, 都不要危害BB生命安全

私人傳訊

積分: 24086

1133^#

發表於 14-12-3 23:58 |只看該作者

回覆 MissGinny 的帖子

當初我都一樣, 因為唔了解BB, 所以俾自己好大壓力, 亦因此而對住醫生喊; 好在醫生原來真係講一句, 勝過其他人講10句, 佢話: 你識左佢唔係好耐啫, 慢慢你就知佢喊咩O架喇
為左安全, 最好掃到GUR, 或者掃足30分鐘; 我個仔好難掃, 每次食奶都要掃足, 而且用幾個方法掃

佢NAP時得時唔得, 其實代表佢適應緊, 而且係好叻叻咁, 有時已經適應到, 又好努力咁去學習

其實食奶對BB來說, 係一個強烈運動, 所以食完好勊, 非常正常, 如果唔係腸胃未成熟, 怕嘔奶, 真係可以即刻瞓著.... 你想像下你行左10個小時山, 你就明白佢有幾攰

安撫物發揮作用, 不是一朝一夕, 發揮到你也未及觀察到; 正如我小朋友, 都要到6個月大, 我先知到原來佢瞓一定要毛巾仔; 但其實可能兩個月前安撫物已發揮作用; 而有左安撫物, 有時你唔明佢喊咩, 安撫物都有安定作用; 之前睇過一套片, 有個4歲大妹妹要去睇牙醫, 狂喊, 一攞住安撫物, 就乖乖坐定俾牙醫睇牙

晚上大喊, 仍然要用control crying, 不過唔好抱起, 拍下好喇, 因為一定要安全, 要知佢喊聲有無唔對路

佢斷斷續續喊, 又瞓返, 應該都係適應緊, 一樣要注意安全

成功咗，佢唔會喊醒，好有可能要你叫醒佢食, 又或者醒左都會等食; 我仔當年朝早醒左, 會自己玩一陣, 一見到我行去餵佢, 就會笑; 或者叫佢起身, 佢都會笑

最好Nap之前已經出街, 或者瞓醒出街食奶; 不過佢未習慣時間表前, 盡量減少呢類形變數

時間表很好, 很適合

私人傳訊

MissGinny

積分: 145

1134^#

發表於 14-12-5 17:16 |只看該作者

本帖最後由 MissGinny 於 14-12-5 21:06 編輯

回覆 pyjess 的帖子

多謝你pyjess今日day 7 training
又有問題出現咗添
BB呢2日開始，瞓瞓下突然醒嗰時喊住啜手指公，啜到好大聲添，有時啜啜下就會瞓返，呢個係唔係壞習慣，我要阻止佢嗎？會唔會因為佢得唔到滿足，而自我安慰的表現。

整體嚟講，BB都叻咗好多，nap時自己瞓得多咗。

私人傳訊

積分: 24086

1135^#

發表於 14-12-5 23:12 |只看該作者

回覆 MissGinny 的帖子

可能啜手指成為左佢Comfort Item, 不過BB只得兩個月大, 好難話好定唔好, 因為呢個時候係"口腔期", 用口探索世界, 而唯一有能力放入口, 就係手

我小朋友都啜手指, 但又唔係得唔到滿足, 由小到大都係一個好開心O既小朋友, 笑, 是他的招牌; 我地無好堅持阻止佢啜, 亦阻止唔到, 有段時間真係啜得太大力, 手指有傷, 但之後又無大力啜; 而細力左之後, 手指變返圓, 而且再無傷; 佢寫字都算幾靚

如果你可以阻止, 讓你們安心, 就教他不要啜, 但不要用罵, 因為仍在口腔期, 啜是很正常的; 到了大約1歲仍啜, 方要用一些更積極的方法教導

私人傳訊

krishui

積分: 432

1136^#

發表於 14-12-7 09:45 |只看該作者

回覆：[分享] 自行入睡方法, 不打不罵教孩子及夫婦關係與孩子

唔該晒pyjess, 而家我做法係食飽就玩一陣，然後放床仔比佢試自己訓，不過好多時都唔work
雖然bb得兩個月，但已經唔係以前食飽就訓，好多時仲會醒到下一餐
set左遊戲時間同小睡時間，係咪成個小睡時間都唔可以抱佢哄佢，或者同佢玩？
我見佢訓唔著就狂食手，唔知係咪當左安撫物，因為平時同佢玩嘅時候係唔食架
上次爬文不足，睇啲唔睇啲，真係唔好意思，唔好嬲

私人傳訊

積分: 24086

1137^#

發表於 14-12-8 09:59 |只看該作者

本帖最後由 pyjess 於 14-12-8 10:00 編輯

回覆 krishui 的帖子

我唔係嬲, 而係因為有家長唔知聽左邊一D教法, 真係全晚都唔理, 個小朋友嘔奶死左; 所以我好心急心痛

小睡當然不應哄, 也不應抱, 同樣, 要觀察有無唔舒服, 愈少安撫愈好
食手的確可能當安撫物, 也可能只是口腔期, 滿一歲才過口腔期的

私人傳訊

suetfunglui

男爵府

積分: 5303

BB防敏心得分享勳章

1138^#

發表於 14-12-11 09:53 |只看該作者

回覆：[分享] 自行入睡方法, 不打不罵教孩子及夫婦關係與孩子

謝謝你的分享，堅持埋食餵到而家一歲，因為半夜經常扎醒要啜奶才再入睡情況令我好困擾，日頭又要返工，睇完你分享有番啲信心於唔戒人奶情況下同佢訓練返入睡方法，但有啲無從入手。
1.睡前較暗燈，睡前kiss完就咁放落床就離開？我要在房內嗎？要拍拍他入睡嗎？
2.他還未有安撫物，如何訓練他用？試過奶咀半夜掉下就醒，都係重覆執奶咀的動作。
3.半夜扎醒試過唔理佢，佢就扶住床欄醒哂咁搖，又大叫，兩個鐘後我頂唔順比返佢啜。。。唉，好失敗。
請樓主指教

私人傳訊