影視娛樂 今日: 5 | 主題: 16127

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1142^#

發表於 15-11-3 16:22 |只看該作者

第4集看點
（4）情絲繞
惠妃被皇后借故責罰，要她到先太后宮中佛堂點三十枝焟燭，靜妃知她怕黑，好意陪她去。

完成後因為避雨走到一個老宮女吳嬤嬤的住處外，因為好奇無意中聽到有個宮女為主子去要情絲繞，那是一種烈酒，也可說是催情酒，廿多年前，先太后曾使用這種酒於蒞陽長公主身上，現在有人找情絲繞，必定不會用到甚麼好的事情上。

惠妃覺得不妥，必有人想用於不正當的勾當上，想要做點甚麼去阻止，但靜妃對惠妃說後宮內還是明哲保身為好，叫惠妃當作沒聽見就好。

靜妃雖然對惠妃說明哲保身，當不知道有人會用情絲繞，不過她可是於心不忍，想到最近的大事就是郡主招親的事，那個被算計的女子應該就是霓凰郡主了，靜妃決定要聯絡上蒞陽長公主，她即晚趕工做好數個藥囊，準備第二天呈獻給太皇太后，蒞陽長公主多會在場，那時就可以借送禮為名，暗示蒞陽去找她詳談。

太皇太后果然喜歡靜妃送的藥囊，召見了靜妃，靜妃借送藥囊傳書，說明自己有事找蒞陽長公主。

聰明的蒞陽知道靜妃應該在暗示某樣東西，眼神已告訴觀眾，她是在思考當中。

蒞陽果然聰明，之後來到紫蘿宮找靜妃。

靜妃把有人想用情絲繞的事告訴蒞陽，也把自己的估計告訴她，請求蒞陽想辦法出手打救霓凰。

這一段還有些旁枝：
惠妃雖然份位不高，平日也沒多得寵，可是她為人正直，平素也不愛爭愛搶的，只因為皇后常常針對她，在後宮中常常被欺負，但她也是個安份守己的人。這段中她最初因為好奇，知道有人在找情絲繞，料到不會是好事，還想如何可以阻止，心性尋於正直的人，在後宮中如世無爭的，想怕只有她和靜妃。

太皇太后應是有老人痴呆症或腦退化症，只記得久遠年代的記憶，上次在暖閣中見到宗主就叫小殊，還問他跟霓凰的婚事。今次是見到靜妃就想到宸妃，既然靜妃是林家送進宮的醫女，太皇太后就叮囑靜妃要好好照顧宸妃。

皇后很緊張的指出現在已沒有宸妃

太皇太后想起祈王，不能接受這個重孫子再不存在的事實，

看到這裡知道太皇太后除了林殊，就是較喜歡祈王了。後宮裡就只有太皇太后敢說起祈王宸妃和林家人，大家都當她老了頭腦不寧，可她可能就是最看得通透，最了解所有人心的老奶奶。

蒞陽長公主當年被自己母后算計，喝下情絲繞，失身於謝玉，無計可施下唯有下嫁謝玉，多年來外人看似神仙眷屬的謝侯爺夫婦，其實並非外人看見一般的面貌，被靜妃勾起了傷心事，心中除了難過，還有心心不忿，可是事過境遷，多年下來都只有無奈只有認命了。

現在知道郡主有難，蒞陽出於道義不會坐視不理，出於同情更是憐憫郡主，也感懷身世，蒞陽當年性情也是剛烈堅定，跟現在的郡主可有幾分相似，自己一生幸福被毀，自然也不想再有人受害，這也不單單是同情，也是一種自我投射，如果自己當年有人如此幫忙，可能今天也不是謝侯爺夫人了，雖然多年來謝玉對蒞陽不俗，但蒞陽可是心中有道砍，永遠都不會消失。

花旗太太生活在花旗國，留意時差，你問我未必即時答到。

私人傳訊

積分: 174325

1143^#

發表於 15-11-3 16:38 |只看該作者

hugoma2015 發表於 15-11-2 22:51
睇書有睇書既心痛，睇電視有睇電視既心痛。

睇書，宗主一出黎就好病弱，反而讀者會有心理準備。然後郡主 ...

的確，書同劇設定有所不同，我地作為讀者或觀眾都有不同體驗，書入面我地一早就知宗主壽元不長，佢只係飛流少少掌風同大殿上飲咗一杯酒就已經病發吐血，書入面佢明知霓凰已移情別戀仲要處處維護佢，為佢同聶鐸想得周全，最唔鍾意就係太奶奶死，郡主只有一封得四隻字嘅信俾宗主，宗主睇咗好耐至燒，之後郡主同聶鐸成日話要返金陵，宗主身體唔好都仲要親自回信，怕佢擔心成封信寫咗好耐，睇到呢D，點會唔心痛。宗主自無可戀，心願已了，可以俾佢做番林殊上戰場戰死，佢係求之不得，佢可以話係帶笑上戰場，可以返去梅嶺同自然父帥同赤焰軍一齊，佢俾宗主最完美結局。

劇唔同，我都認為宗主心中有牽掛，雖然好多時佢都係奮不顧身，為盡孝為太奶奶守戒，令到身體差咗，勸靖王又受風寒，懸鏡司內被虐待佢死過翻生，基本去到呢度已得番唔夠半條人命，大事上佢完全唔錫身，只要係可以了卻心願，去到最後心事了咗，知道自己命不久已，於佢其實只係淨番一個霓凰可以令佢唔捨得死，點知要去打仗，自己唔去唔得，取捨下只能有負霓凰，佢係走得有牽掛，只係大義當前，佢只能咁樣揀，以後霓凰只能喺沙場上追逐林殊嘅身影，今次係真真正正失去，劇嘅愛情雖然淡，但令人更動容更難過，結局我依然覺得咁樣係最好，只係有D遺憾寫情寫得唔夠盡唔夠多。

花旗太太生活在花旗國，留意時差，你問我未必即時答到。

私人傳訊

積分: 28097

1144^#

發表於 15-11-3 16:42 |只看該作者

rose-mag 發表於 15-11-3 16:22
第4集看點
（4）情絲繞
惠妃被皇后借故責罰，要她到先太后宮中佛堂點三十枝焟燭，靜妃知她怕黑，好意陪她去 ...

呢度可以睇出惠妃無咩心計，雖然與世無爭，但分分鐘死左都唔知乜事就喺呢種人了。

靜妃，呢度都睇出佢好有心計。好彩，佢將心計用喺救人上，否則呢個女人都好恐怖。

越妃想用情絲繞搞掂郡主，真是低估左郡主既剛烈了

私人傳訊

積分: 174325

1145^#

發表於 15-11-3 16:53 |只看該作者

今日無聊，搵吓琅琊榜演員出生年份，發覺好有趣：

宗主胡歌 1982年33歲
郡主劉濤 1978年37歲
靖王王凱 1982年33歲
譽王黃維德 1971年44歲
蒙摯陳龍 1976年39歲
太子高鑫 1976年39歲
飛流吳磊 1999年15歲
景睿程皓楓 1976年39歲
豫津郭曉然 1983年32歲
夏冬張齡心不詳（相信已過30歲）
謝玉劉奕君 1970年45歲
宮羽周奇奇 1986年29歲
梁帝丁勇岱 1958年57歲
蒞陽張琰琰 1978年37歲
言侯王勁松 1968年47歲
秦般若王鷗 1985年30歲
謝弼匡牧野 1985年30歲
靜妃劉敏濤 1976年39歲
藺晨靳東 1976年39歲
皇后方曉莉 1970年45歲
越妃楊雨婷 1978年37歲
林殊張哲瀚 1991年24歲
穆青張曉謙 1989年26歲
紀王寧文彤 1969年49歲
惠妃陳麗娜 1980年35歲
宇文念喬欣 1993年22歲
靖王妃盧杉 1989年26歲

太子仲大過越貴妃，穆青宇文念少年林殊都係得廿零歲，正係青春無敵，景睿居然大過宗主，豫津都唔似咁大。

花旗太太生活在花旗國，留意時差，你問我未必即時答到。

私人傳訊

積分: 28097

1146^#

發表於 15-11-3 16:59 |只看該作者

本帖最後由 hugoma2015 於 15-11-3 17:22 編輯

rose-mag 發表於 15-11-3 16:38
的確，書同劇設定有所不同，我地作為讀者或觀眾都有不同體驗，書入面我地一早就知宗主壽元不長，佢只係飛流 ..

相對黎講，我都喺揀電視劇版結局。雖然宗主走得唔安樂，郡主又好淒涼。但起碼2個人既心喺永遠一齊噶，過程裡面有互相愛慕，互相安慰過。雖然死而有憾，但是生而無憾了。

另外有人話過，電視劇裡面，郡主存在既意義，就是代觀眾（尤其是女觀眾）去心痛宗主，去照顧宗主，呢個亦喺我地書迷既願望。所以無左聶鐸呢個小人喺海晏呢次改編，最合理既決定。

私人傳訊

積分: 28097

1147^#

發表於 15-11-3 17:07 |只看該作者

rose-mag 發表於 15-11-3 16:53
今日無聊，搵吓琅琊榜演員出生年份，發覺好有趣：

宗主胡歌 1982年33歲

胡歌82年，演技已經去到呢個程度了

套用劇里一句台詞：“此劇過後，沒有任何人，可以阻礙胡歌了！”

私人傳訊

oran04

侯爵府

積分: 20485

親子王國15週年勳章

1148^#

發表於 15-11-3 19:01 |只看該作者

引用：今日無聊，搵吓琅琊榜演員出生年份，發覺好

原帖由 rose-mag 於 15-11-03 發表
今日無聊，搵吓琅琊榜演員出生年份，發覺好有趣：

宗主胡歌 1982年33歲

最利害莫過於景睿仲大過長公主，之前花絮都有講

私人傳訊

積分: 174325

1149^#

發表於 15-11-3 23:17 |只看該作者

引用：Quote:原帖由 rose-mag 於 15-11-03 發表今

原帖由 oran04 於 15-11-03 發表
最利害莫過於景睿仲大過長公主，之前花絮都有講

越貴妃同太子都係，仲要話係生母添。

花旗太太生活在花旗國，留意時差，你問我未必即時答到。

私人傳訊

hoganbaby

積分: 27460

1150^#

發表於 15-11-3 23:22 |只看該作者

回覆：茄莉04 的帖子

睇咗少少

私人傳訊

積分: 174325

1151^#

發表於 15-11-4 06:47 |只看該作者

回覆：有無人睇琅琊榜？

今日再翻睇第4第5集，突然諗起一樣有關霓凰，宗主成個計劃由始至終都冇預霓凰，靖王係佢一隻棋子，要完成佢個理想天下，靖王係最好皇帝選擇，所以即使佢唔適合參與奪嫡，宗主都無可奈何要推佢上位，景睿佢好在乎，但為咗拉倒謝玉都要被利用，宮羽都係一隻棋子，蒙統領喺過程中都幫咗好多次喺皇帝面前俾提示，就算其他人如甄平，黎綱，藺晨，静妃，夏冬等都對佢嘅計劃有不同用處，就算飛流都喺計劃中佔有一定作用，唯獨郡主，宗主一直將佢推出呢個計劃，唔想佢出面，愛屋及烏，就連穆青，當郡主唔喺京城，宗主都看實佢，唔俾佢太高調，免被皇帝注意。

原因只有一個 : \"霓凰於我，終究跟其他人不同。\"喺霓凰面前，宗主有平日冇嘅温柔，同樣地，霓凰嘅女兒心腸只有在宗主面前至表露出嚟。呢個可以體現喺九安山，靖王傳訊俾郡主去解圍，宗主見到郡主係好意外。

花旗太太生活在花旗國，留意時差，你問我未必即時答到。

私人傳訊

Paris

侯爵府

積分: 21135

1152^#

發表於 15-11-4 08:41 |只看該作者

rose-mag 發表於 15-11-4 06:47
今日再翻睇第4第5集，突然諗起一樣有關霓凰，宗主成個計劃由始至終都冇預霓凰，靖王係佢一隻棋子，要完成佢 ...

好有心機寫，但放衛峥入穆府很危險啊！
請問你住東岸那城市，時差多少?

行到水窮處坐看雲起時

私人傳訊

積分: 174325

1153^#

發表於 15-11-4 09:20 |只看該作者

本帖最後由 rose-mag 於 15-11-3 20:58 編輯

Paris 發表於 15-11-4 08:41
好有心機寫，但放衛峥入穆府很危險啊！
請問你住東岸那城市，時差多少?
...

當時宗主已同夏江講咗衛錚已隨夏春太太出城，由李逍遙護送去江左盟，而且正常走甩咗都會出京，冇人估到會留喺京城，仲要係喺穆王府內，宗主自郡主唔喺京城後都睇實穆青，穆王府反而係藏蔘安全地方，有冇聽過最危險地方就係最安全？

我喺美國西岸，慢香港好多個鐘，而家係星期二下午5點幾，香港已經係星期三上午。

花旗太太生活在花旗國，留意時差，你問我未必即時答到。

私人傳訊

積分: 28097

1154^#

發表於 15-11-4 09:34 |只看該作者

本帖最後由 hugoma2015 於 15-11-4 09:37 編輯

rose-mag 發表於 15-11-4 06:47
今日再翻睇第4第5集，突然諗起一樣有關霓凰，宗主成個計劃由始至終都冇預霓凰，靖王係佢一隻棋子，要完成佢 ...

有無覺得宗主入金陵既時機都有 D特別？唔喺比武招親之前再提早一D，又唔等比武招親之後？啱好比武招親，佢就黎金陵？

第一，郡主常年駐守雲南，難得有機會返金陵，宗主可以借呢個機會見到郡主。佢唔想同郡主相認，但佢應該好想見到郡主。第二，雖然佢已經派左百里奇潛伏，但郡主對於佢黎講太重要了，佢都係親自黎金陵督戰會放心D。第三，如果佢早D入金陵，恐怕已經成為譽王既“謀士”，咁郡主對佢第一印象就唔喺“江左宗主”，而喺“譽王手下既謀士”了。以郡主對譽王既印象，對宗主既好感都會大減（例如言侯，就到最後對宗主都有成見）。雖然佢做唔翻林殊，雖然佢對其他人（尤其靖王）都刻意擺出一副“我梅長蘇就喺咁陰險”既姿態，但佢始終在意郡主點樣睇佢。

無錯啊，靖王喺一隻棋子，為左最後既目標，宗主可以狠心一直瞞住佢既身份。對景睿，雖然預計到對佢傷害有幾大，但依然狠心執行計劃。對宮羽，明知道代替夏冬坐監喺苦差，雖然行動失敗，但無論事前事後宗主對宮羽一句安慰都無。但係對郡主就完全唔同了，宗主對郡主狠唔到心，唔辦法將佢變成棋子。郡主唔單只做唔到棋子，佢甚至凌駕于成個棋局之上。情絲繞事件，佢甚至為左救郡主，連手上最重要棋子“靖王”都出動，好彩靖王無俾亂箭射死，否則真係“劇終”了。呢件事睇出，遇到危難，宗主將郡主安危放喺靖王之前，放喺佢成個計劃之上。宗主亦從呢件事發現自己既死穴就喺郡主。宗主對郡主一直都有一種負疚感，因為受到赤焰的牽連，雲南穆府被削減兵力，穆王爺因此戰死，郡主17歲就要代父出征，從此鐵血10年。所以佢絕對唔允許郡主再因為佢而受到傷害。

第一次睇，有時都覺得宗主對郡主既感情幾淡，有時都覺得佢安排郡主返雲南（南楚使團入京，郡主就要回去雲南，呢個喺宗主計劃既一部分），去守陵好狠心。第二次睇，感受到呢種“狠心”，其實喺一種保護，保護郡主，同時保護自己既棋局。有郡主，宗主真係會分心啊。

私人傳訊

積分: 174325

1155^#

發表於 15-11-4 13:31 |只看該作者

hugoma2015 發表於 15-11-3 17:34
有無覺得宗主入金陵既時機都有 D特別？唔喺比武招親之前再提早一D，又唔等比武招親之後？啱好比武招親，佢 ...

係呀，由始至終，宗主都冇將郡主包括喺呢個計劃入面，其實應該話，可以的話，宗主應一個舊人都唔想拉入局，最初佢同蒙統領講唔想佢幫，但蒙統領又點會肯唔出手，而且佢接近風暴中心，好多嘢都難免唔受到牽連，但表面上佢同蒙統領都只係點頭之交，而皇帝見到嘅係蒙統領保持中立。

靖王就無計，拖太子譽王落馬就一定要有人上馬，選無可選之下就只能扶植靖王，但當中最陰詭最危險嘅宗主可以幫靖王擋得都擋晒，有D嘢一定要靖王做嘅佢都妥善安排同教路，同時亦由得靖王隨心而行，好似結識一班能人純臣，宗主只係安排契機，但點樣相處點樣交心都係由得靖王自己選擇，同時佢都幫靖王去留意點樣籠絡呢班人。對於要推原本無心奪嫡嘅靖王走上呢條不歸路，宗主都有愧疚，只係去到後來，靖王自己都睇到以前祈王嘅理想同抱負，如果可以揀的話，我估靖王都唔想做真正嘅孤家寡人，始終比起祈王比起林殊，靖王冇咁嘅胸懷同理想，佢只係繼承兩個嘅心志同期望，其實活喺別人期望同陰影下，靖王都幾可悲。

我第一次睇完都有怨宗主對郡主好似太狠心，已時日無多，點解仲要設法將佢調離自己，其實呢樣至係大愛，佢要郡主遠離危險，即使係穆青佢都代郡主照顧得好好。獵宮果場佢根本冇想過去叫郡主嚟，以佢聰明才智又點會想唔到衛堎有1千兵馬，雖然唔多，但以禁軍3千嚟，呢1千兵馬已經係好難得可貴，只係佢自己都知呢次係兵行險著，對住5萬興歷軍，就算後來得番一半都係凶險萬象，宗主唔想將郡主搭入嚟，所以冇派人去請郡主，反而係靖王冇呢個考慮，出咗九安山後就派人去通知霓凰，希望就算自己趕唔切都有郡主可以頂一陣。郡主見到宗主果種開心法，對比宗主最初錯愕後來冷靜嘅表現，第一次睇係好難理解到，而家翻轉頭再睇再想就會發現胡歌同劉濤詮釋宗主同郡主兩個嘅角色係好有心得，佢地嘅愛情表面係好淡，但其實藏得好深，而且細水長流。霓凰係宗主嘅死穴，宗主又何嘗唔係霓凰嘅軟肋，宗主要保護霓凰，自己頂晒，霓凰肯諒解肯忍實在係大家都愛對方，以一個鐵血沙場十年嘅女漢子，喺宗主面前佢只係默默聽從，默默偽裝被佢嘅說話騙到，佢地嘅感情戲唔駛咩激情戲已經令人感染到當中嘅洶湧澎湃。

花旗太太生活在花旗國，留意時差，你問我未必即時答到。

私人傳訊

積分: 28097

1156^#

發表於 15-11-4 14:55 |只看該作者

本帖最後由 hugoma2015 於 15-11-4 14:57 編輯

rose-mag 發表於 15-11-4 13:31
係呀，由始至終，宗主都冇將郡主包括喺呢個計劃入面，其實應該話，可以的話，宗主應一個舊人都唔想拉入局， ...

劇裡面既靖王，無論個人能力、抱負都難當大任。所以宗主成日話對佢唔住，將一個能力唔夠，或者講唔適合既人推上去，等於置果個人於危險之中。宗主出於同對靖王既兄弟情，一定嘔心瀝血都要幫他掃清障礙。

我第一次睇獵宮果場，就覺得好怪啦，郡主既表現我完全可以理解，佢命都唔要過黎救宗主，見到宗主無恙自然欣喜若狂。但係宗主既表現，我覺得好冷淡。郡主都未講完，佢就出大殿。然後郡主主動同佢講聽到獵宮被圍好擔心佢，馬上過來救佢。宗主居然一D表示都無，就算唔多謝佢，都應該安慰佢叫佢唔使擔心啦。睇到果度，我真是有D心淡噶。然後第45集另外2次宗主郡主同場（捉到聶鋒果場、同聶鋒相認果場），宗主都好冷淡（甚至一句話都無同郡主講），好似保持距離咁，都令我唔喺好舒服。不過而家你講起黎，宗主當時應該喺好唔希望郡主冒險黎救佢地噶，佢可能自己內心都發緊自己脾氣。我當時喺直到宗主病發昏迷前特別交代甄平隱瞞郡主，我先感覺到宗主仲喺好在意郡主，怕佢擔心。唉，只能怪佢將自己既真心收得太深了。所以有人話，宗主唔系個個女人都愛得起噶，只有郡主果種先可以包容佢，愛佢。換其他女人，早就胡思亂想到SHORT左了！

私人傳訊

積分: 28097

1157^#

發表於 15-11-4 16:26 |只看該作者

本帖最後由 hugoma2015 於 15-11-4 16:47 編輯

欣赏黄维德　胡歌一招泄爱意

Yes娱乐 2015-11-03 10:52 .

欣赏黄维德　胡歌一招泄爱意

胡歌、黄维德、吴磊、王凯和刘涛等人主演的古装剧《琅琊榜》今晚将在台首播，男主角胡歌因故无法前来台湾宣传，他在百忙中抽空接受台湾媒体越洋连线采访，分享拍摄《琅琊榜》的甘苦谈；他在戏里和黄维德有不少对手戏，他夸对方演技非凡、「非常喜欢他在剧中的演出」；虽然两人的场次分开拍，不过他表示「後来依旧有收看，欣赏他（指黄维德）充满内涵又内敛的演出。」言谈中不难看出他对黄维德的喜爱。

剧中他虽扮演才冠绝伦，不过却拥有病弱之躯，该剧从冬天拍到夏天，而他经常得裹着厚重古装，夏天实在吃不消时，他开玩笑表示「从厚重衣物到只剩下外衣外领，大衣里都是赤裸的啦！」戏里他和王凯和靳东之间，常被粉丝觉得有「基」情，他直言「至今都还是很排斥！」不过面对网友们的天马行空，他一笑置之。

他更自曝该剧的饭量跟台词量成反比，有一场不到5页纸的戏，竟拍得他嗓子冒烟、大喊吃不消；他质疑以前拍古装剧说的都不是人话，他为了把台词理顺连饭都没吃，就急忙回房吃泡面，不料却又因为泡面烫嘴，无疑雪上加霜；本来他庆幸这是第一次拍古装剧没武打戏，但戏杀青後他深刻体悟「嘴上功夫更难」，感叹「替身易寻嘴替难觅」，他甚至戏谑「身为有追求、有理想的演员，一定要以新闻主播的高标准来要求自己！」

来源：NowNews

——呢個喺台灣媒體既訪問。其實胡歌從拍攝開始，就一直引導粉絲，唔好將呢套戲既兄弟情，君臣義理解成“基情”，從呢個訪問都可以睇出佢好反感呢種腐向既行為。作為書迷，真應該感謝佢。其實從胡歌以前既一點行為睇，佢唔排斥甘樣既宣傳方式噶，佢都成日拿佢同“小紅花”，霍建華甚至陳龍既所謂“基情”開玩笑。但點解呢次咁排斥？我覺得2個原因。第一，佢好尊重呢個小說既主旨，因為呢個小說深深感動左佢，所以佢同大部分書迷一樣，想維護佢。第二，佢排斥同果2個人用“基情”宣傳，佢好尊敬靳東，視為大哥。至於另一個人，呵呵呵呵呵

私人傳訊

積分: 174325

1158^#

發表於 15-11-4 16:45 |只看該作者

hugoma2015 發表於 15-11-3 22:55
劇裡面既靖王，無論個人能力、抱負都難當大任。所以宗主成日話對佢唔住，將一個能力唔夠，或者講唔適合既 ...

無錯，劇入面只有郡主可以愛得起宗主，獵宮宗主病發，冇人通知郡主，第二日郡主知道後，唔敢去搵宗主，只好去搵幫宗主睇病嘅靜妃，當時都未知靜妃已經知道宗主係林殊，兩個女人交換眼神後就明白大家都知道，果陣郡主至敢釋放自己情緒，將擔心害怕同靜妃講，靜妃果然係明白人，佢點出宗主唔講係唔想霓凰擔心，霓凰忍住唔出聲一樣係唔想宗主擔心自己，兩個人根本就係好愛，但當時環境唔容許佢地兩個愛到出面，靖王都未知宗主係林殊（仲係想一直瞞佢），所以聶鋒出現果場，郡主同宗主兩個仲要係離行離列，郡主擔心宗主都唔敢行埋去，後來郡主夜訪宗主房間都係靜靜去，唔俾人見，見到宗主可以放肆地講出自己係小殊，郡主已經幾乎喊到慘到好似彼此兩人相認果陣咁。

見到有人話宗主冷血，對唔住霓凰，可能真係睇一次發現唔到佢地藏得好深嘅愛意，宗主唔係想推開霓凰，可以的話佢係想一直保護佢，只係佢真係愛唔起，兌現唔到今生承諾，三生之約雖然好似係假，但可以講得出「今生之約，來世必踐」即係話今生愛得深，好似蒞陽對於謝玉，外人之神仙眷屬都只係期許今生同死，宗主可以許以來世就係要補番今世未愛完郡主嘅部份。好無奈，作為金陵最閃亮嘅少帥林殊，一份可以廝守嘅愛情於佢係一個奢侈，文武兼佳有理想有抱負成為佢被梁帝忌憚針對嘅資本，佢羨慕人家平常百姓可以執子之手與子偕老，原來一個小小希望對於林殊居然係遙不可及。對住呢個宗主，又點會可以個心唔痛，作為霓凰，除咗明白佢包容佢之外，做到支持佢配合佢，同自己嘅愛去忍耐去溫暖宗主餘下嘅日子，離別時兩個人忍住唔喊，宗主唔敢回頭，佢D眼淚已經開始唔受控制，郡主一直含笑，眼淚只係眼眶入面轉，呢兩個人愛對方嘅境界太高太深，普通尋常男子女子無可能明白，最愛一個人可以做到放手，對方開心快樂就係自己快樂嘅根本。

現代痴男怨女太多，合則離不合則去，要去到宗主同郡主呢種境界又有幾多人？我而家實在唔捨得怪責宗主，佢都好無可奈何，對於郡主佢以另一種形式去守護去愛，郡主亦以最了解最體諒嘅心情去回應。

花旗太太生活在花旗國，留意時差，你問我未必即時答到。

私人傳訊