影視娛樂 今日: 22 | 主題: 16127

積分: 28097

1161^#

發表於 15-11-4 17:26 |只看該作者

rose-mag 發表於 15-11-4 16:45
無錯，劇入面只有郡主可以愛得起宗主，獵宮宗主病發，冇人通知郡主，第二日郡主知道後，唔敢去搵宗主，只好 ...

46集，郡主對住靜妃喊果場，我都有眼濕濕。郡主真係隱忍得好辛苦！因為要隱瞞宗主既身份，郡主對於宗主既一切都不可以對旁人提及。開心又好，擔心又好，都只可以屈埋自己心入面。連弟弟，連閨蜜夏冬都唔可以講。尤其對宗主既身體，我覺得郡主一開始就知道佢身體唔好，但係佢又唔敢問，擔心又無處訴。所有野都要自己承擔，真係好辛苦好壓抑。所以佢喺靜妃面前真喺情緒崩潰。睇到果度，好心痛郡主。當然，通過靜妃把口，我地亦明白宗主既用心良苦。

我記得你講過宗主無對唔住任何人，佢唯一辜負既喺佢自己。佢俾郡主既愛，撫心自問，又有幾多人可以俾到自己既愛人呢？正如胡歌所講，宗主90%都好理智，只有10%好感性，因為呢10%就是佢對郡主既愛。無錯，愛情只占宗主既10%，但係佢全部俾曬郡主了，夫復何求呢？

睇完瑯琊榜，我地記住“有一種愛叫蘇凰，有一種守護叫林殊，有一種等待叫霓凰”

私人傳訊

積分: 28097

1162^#

發表於 15-11-4 17:49 |只看該作者

本帖最後由 hugoma2015 於 15-11-4 18:07 編輯

rose-mag 發表於 15-11-4 17:12
胡歌以前俾人笑同袁弘係真愛，最近袁弘有女朋友啦，就改話佢同霍建華係基友，佢地幾個都當笑話開玩笑，不過 ...

我見到好多所謂“蘇靖MV”“蘇靖同人文 “，我避之則吉。我本身都有睇BL小說，但問題喺我睇呢套劇，真是一D CP感都無喔！老實講，我覺得電視劇裡面宗主同靖王既感情淡過書入面好多……唔知道喺2個演員真是擦唔出火花呢，定喺編劇改編，又或者喺宗主同郡主既愛太深得我心？又或者喺王凱演繹左一個“無情無義，不可愛”既靖王出黎？

其實製作方（劇組官博同電視台官博）系套戲播出後期既宣傳上，確實偏向”基情“，呢個引導作用唔好（尤其喺電視台方面）。而且某藝人既團隊從一開始就捆綁胡歌炒作蘇靖CP了，例如有一次，我好記得開播之前一次宣傳，胡歌繞過某人，同某人身邊既吳磊講野，呢個鏡頭啱好比媒體影左，同其他相片一起放左出黎，某人就特登轉發呢張相出黎，話人地拍到佢同胡歌好似KISS咁。咦……無野搵野講，博宣傳都唔好咁做啦，甘多同胡歌既合照唔講，講呢張，仲要自己帶頭無中生有！

難怪胡歌反感噶。佢從開拍開始，就不斷強調唔喺基情，我覺得喺對片方申明自己既底線同立場。呢個片方，另一套劇《偽裝者》就賣腐賣到離曬譜！以後接佢地既戲，真是小心D

我而家喺越黎越埋怨套戲後期既感情線太少了！令腐女有可乘之機。

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1163^#

發表於 15-11-5 14:18 |只看該作者

本帖最後由 rose-mag 於 15-11-4 22:24 編輯

hugoma2015 發表於 15-11-4 01:26
46集，郡主對住靜妃喊果場，我都有眼濕濕。郡主真係隱忍得好辛苦！因為要隱瞞宗主既身份，郡主對於宗主既一 ...

係呀，宗主所有嘅感情都俾晒郡主，雖然只有呢個人嘅10％，但郡主滿足架啦，因為郡主明白宗主嘅抱負，佢唔會好似藺晨咁鬧佢，唔會好似靖王咁阻佢去打仗，佢係默默體諒同支持，宗主同郡主都為對方付出自己最大嘅愛，可惜係亂世兒女，可以相許嘅實在係太少，唔係無情，而係太多責任負擔凌駕喺呢段情之上，宗主郡主咁深嘅愛尚且唔能夠有結果，何況宮羽呢種小兒女嘅愛情，我覺得獵宮一戰之後，宮羽應該放眼睇下周圍，俾機會其他人，例如豫津。

點只蘇靖CP，有人顛到蘇蒙CP蘇晨CP，其實我覺得宗主萌萌同飛流三個好有喜感，似三兄弟，宗主飛流加藺晨就搞笑版。唔係成日想吐糟王凱，但真係覺得佢同胡歌擦唔出CP感，反而我覺得宗主同藺晨更似好兄弟，藺晨只係配角，出得好少，但靳東做得好好，有佢就同宗主有火花，如果個造型可以好D更正（戴耳圈、造型又影得靳東肥矮闊）。好彩胡歌一早要求淡化飛流同宗主嘅親密感，如果唔係成日倚喺宗主膝頭討安慰，D人又心邪。

其實呢套劇唔駛用呢D宣傳技倆，個人覺得劇嘅中心思想，家國天下情懷更難得，不過可能後生一班唔識欣賞。去貼吧有D言論更得人驚，睇下就算，根本好多人係睇得唔深入，或者睇慣果D瑪麗蘇劇，愛情大過天，所以覺得宗主冷血無情，又有問點解宗主有資格都唔做皇帝，佢地以為以前D皇帝係一人一票選舉出嚟，好似庭生咁，原本係下一代儲君第一人選，但因為當初喺掖幽庭出世，又借咗人地身份，即使係祈王血脈都冇資格，就算係譽王嘅遺腹子，因為譽王謀反成為逆犯，佢根本就係通輯犯，莫講話爭做皇帝，就算幾有才都係假，又有話蒙摯出賣皇帝好心寒。。。又有書迷話祈王臨死話子不知父好幼稚，又有不斷將琅琊榜細節同歷史掛鉤去比較，不斷黑劇組唔仔細。。。都唔明點解有D人會睇到D咁嘅嘢。。。

其實愛情線唔係少，係藏得太深，初睇真係難睇得到，而且近年好多觀眾都睇慣婆媽劇，愛呀恨呀全部都要去到盡至係好，睇返以前好多古裝片武俠劇感情線都唔係最重，就算金庸劇有時都好隱藏，要腐眼去睇再黑都無計。

今晚又要幫學校翻譯，要遲D至開始寫到。。。

花旗太太生活在花旗國，留意時差，你問我未必即時答到。

私人傳訊

積分: 174325

1164^#

發表於 15-11-5 14:38 |只看該作者

本帖最後由 rose-mag 於 15-11-4 22:45 編輯

聽下宗主得獎感言，佢D英文發音算係好流利，又講得好好。

http://video.sina.com.cn/p/ent/s/m/2015-11-05/105365121085.html

花旗太太生活在花旗國，留意時差，你問我未必即時答到。

私人傳訊

積分: 174325

1165^#

發表於 15-11-5 14:42 |只看該作者

是不是從來都没有人追問過林殊又是誰？

花旗太太生活在花旗國，留意時差，你問我未必即時答到。

私人傳訊

積分: 2668

1166^#

發表於 15-11-5 15:19 |只看該作者

rose-mag 發表於 15-11-5 14:38
聽下宗主得獎感言，佢D英文發音算係好流利，又講得好好。

http://video.sina.com.cn/p/ent/s/m/2015 ...

佢無咩大陸人既鄉音已經係好勁，我無歧視嫁，但我聽過好多內地演員講既都有鄉音，就算高學歷既內地人都會有

私人傳訊

積分: 2668

1167^#

發表於 15-11-5 15:28 |只看該作者

rose-mag 發表於 15-11-5 14:42
是不是從來都没有人追問過林殊又是誰？

好型

私人傳訊

積分: 2668

1168^#

發表於 15-11-5 15:30 |只看該作者

回覆樓主:

救命啊，獵場幾時拍完吖，我想睇啊

私人傳訊

積分: 2668

1169^#

發表於 15-11-5 15:36 |只看該作者

回覆樓主:

派克，貼吧d人話似，其實真係幾似

私人傳訊

積分: 28097

1170^#

發表於 15-11-5 15:47 |只看該作者

rose-mag 發表於 15-11-5 14:42
是不是從來都没有人追問過林殊又是誰？

好多人話《少年楊家將》既楊六郎，就是林殊啊

果個真是顏值巔峰

私人傳訊

積分: 174325

1171^#

發表於 15-11-5 15:52 |只看該作者

doll100 發表於 15-11-4 23:36
派克，貼吧d人話似，其實真係幾似

格力哥利柏

，我媽咪好鍾意佢，佢同珂德莉夏萍嘅羅馬假期好睇到不得了，話佢一直都係好愛珂德莉，不過大家都錯過咗最好時光。

花旗太太生活在花旗國，留意時差，你問我未必即時答到。

私人傳訊

積分: 174325

1172^#

發表於 15-11-5 15:59 |只看該作者

hugoma2015 發表於 15-11-4 23:47
好多人話《少年楊家將》既楊六郎，就是林殊啊
果個真是顏值巔峰

呢個係2006年射鵰嘅郭靖，正正係車禍前後，少年楊家將係2006年，的確係少年楊家將個造型似林殊多D，果陣得24歲咋，同而家少年林殊嘅張哲瀚一樣大。

花旗太太生活在花旗國，留意時差，你問我未必即時答到。

私人傳訊

積分: 28097

1173^#

發表於 15-11-5 16:28 |只看該作者

本帖最後由 hugoma2015 於 15-11-5 16:31 編輯

rose-mag 發表於 15-11-5 14:18
係呀，宗主所有嘅感情都俾晒郡主，雖然只有呢個人嘅10％，但郡主滿足架啦，因為郡主明白宗主嘅抱負，佢唔 ...

我都費事到處去睇出面D人發UP瘋，我驚我忍唔住“手撕蘇靖黨，腳踢蘇藺黨”。加左感情線都甘多人心邪，哎，好彩加左！否則套戲就真系變曬味！作為原著書迷，睇見呢種情況，我好心痛噶

其實我覺得套戲既官博開頭引導得都幾好，用粉絲同偶像既關係，去比喻譽王靖王同宗主既關係，比較通俗易懂又親切。不過越到後面，就寫得越曖昧，仲成日轉發果D有明顯BL傾向既相關微博出黎，自己將套劇引導去BL向。難得而家國內好多官方媒體都捧高呢套劇既立意，好心佢自己就唔好影衰自己啦！尤其系遲D各大頒獎禮，只有正劇先有機會拿獎噶！成日賣腐，點爭獎啊！

你慢慢寫啦，好想睇你點寫“我選你”果段。我發覺我第一次睇，我去到第6集先開始覺得王凱D演技有問題。但是第二次睇，我第3集已經頂佢唔順了。

私人傳訊

積分: 28097

1174^#

發表於 15-11-5 16:41 |只看該作者

rose-mag 發表於 15-11-5 15:59
呢個係2006年射鵰嘅郭靖，正正係車禍前後，少年楊家將係2006年，的確係少年楊家將個造型似林殊多D，果陣得2 ...

胡歌從車禍康復到而家，真係唔容易啊！
聽講佢面部神經受損，眼睛受損好嚴重，所以用左好多功夫去練面部表情，練眼神。我地而家如果仔細睇，都發現佢有D斜視噶，雙眼對唔到焦。之前睇有D微博話去做《獵場》既群眾演員，睇到胡歌埋位之前，都不停做面部活動操，好認真。

私人傳訊

積分: 28097

1175^#

發表於 15-11-5 16:49 |只看該作者

doll100 發表於 15-11-5 15:19
佢無咩大陸人既鄉音已經係好勁，我無歧視嫁，但我聽過好多內地演員講既都有鄉音，就算高學歷既內地人都會 ...

我既焦點反而係佢著西裝，係國內男星裡面算身材好好的了。

私人傳訊

積分: 174325

1176^#

發表於 15-11-5 17:42 |只看該作者

第4集看點
（5）我想選你，靖王殿下
練習了兩日，三個稚子在飛流的訓練下都有進步，最低限度是可以掩人耳目，耍完一套劍法。

老實說，演庭生的那個小演員真的不夠眉清目秀，而且一副苦相，跟書中描述的祈王獨生子形象有出入，也跟飾演祈王的演員不相像，反而三稚子中另外兩個都比庭生討喜很多。

宗主誇三個孩子，也是孩子的飛流想得到宗主稱讚，在宗主面前擺出一副「你忘了誇我」的表情，宗主當然明白，最後都給飛流誇獎了一句，宗主有時就像個大孩子，專逗飛流。

靖王到訪侯府，借機會探看一下庭生，也乘機試試宗主虛實。庭生見到靖王，望了望靖王笑了一下，態度上有點輕挑的，理解應該是在宗主和飛流教導下過得很開心，不過可能是演員長相問題，他給我的感覺是有點輕浮又帶點奸邪之氣。

靖王第二次見宗主，態度上還是傲慢

還有點輕視的，就看他拿過宗主遞過來的茶杯，宗主是恭恭敬敬的遞上，靖王卻是舉止輕浮單手接過，當然宗主和靖王的地位差很遠，一介白衣和一個郡王自是不能同日而語，只會往下看去，靖王帶著一種鄙視的態度去看宗主。

宗主對於靖王帶有嘲諷意味的言辭，表現得不亢不卑，談吐合度，對靖王的話輕輕一笑置之。

靖王在來見宗主之前下了一番功夫，打聽到前兩天宗主在宮中的舉動行止，也打聽了宗主的來歷。他的確是後知後覺，不過還算是查到一點資料，當他說想不到宗主跟太子和譽王都有交往，在靖王的認知中，太子和譽王都不是好人，那句失敬明顯是鄙視宗主跟他們兩個為伍。

宗主說明太子和譽王都不是他的朋友，只是兩人都想招攬他作為自己的幕僚吧了。

靖王態度聽完更是不屑，因為郡主說過宗主就是江湖第一大幫江左盟的幫主，身負其才，不可能會甘心作一個謀士；在靖王心目中，謀士的角色都不是好人，也出不得前台，堂堂大幫主甘心委屈自己實在不能令人信服。

宗主故意說當謀士也能光宗耀祖，不覺有何不妥當之處。

靖王撇了望他一下，滿頭滿腦給宗主打了個負分，還是有興趣想知道這個麒麟才子要擇那株「良木」而棲，看他一邊說一邊表現得很鄙視的表情，那一個答案於他都不是一個好答案，那兩個人根本就沒有成為人君的素質。

宗主看著靖王，很認真的答道：「我想選你，靖王殿下。」

聽見這幾個字自宗主口中吐出，靖王一下子都呆倒了，還不知如何反應好。

宗主看著靖王，靖王回過神來就覺得這個念頭太不可思議了，想只是這個面面俱圓的江湖大幫宗主就是一個怪胎，不期然笑得更大聲了，想他一定是個傻瓜，或者只是開自己一個玩笑，沒有當真。

王凱演這一段還不錯，輕浮跟傲氣混在一起，他跟人相處滿是菱角，當他聽到宗主說選他的時候，因為沒想到，所有沒即時轉過來，停下來再想就覺得這個宗主是怪胎。大笑跟哭一樣難，要笑得自然笑得標準，知道每種笑後面的動機支點才能收放自如，王凱在這方面算是合格，還是稍為太過收放太快了。情緒轉折，由鄙視到嘲諷到不解到被打動，這樣的靖王才真實，王凱演得稍為平淡了，不過配音上還可以說幫助不少，因為自己配音可以掌握到當時的情緒。

花旗太太生活在花旗國，留意時差，你問我未必即時答到。

私人傳訊