影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1161#
發表於 13-12-17 11:53 |只看該作者
本帖最後由 22May 於 13-12-18 11:04 編輯

關仁隱事:「嬌俏」為化妝遲大到

「嬌俏」參加歌唱比賽出身,之後唔賣聲賣樣去咗電影圈發展,一直都係sell性感同身材。其實嬌俏應該可以有更好發展,不過就係衰遲到,仲要唔係一般嘅遲。佢通常都係坐一粒鐘望三粒鐘,仲有越老越遲,事關佢太注重自己外貌,每次化妝都要執到自己好工整,隨住年紀增長要執嘅地方越來越多,咪越遲囉。試過佢到咗拍攝場地,明明可以開工影相,但佢都係呢樣唔滿意嗰樣要搞搞,最後都係遲足三個鐘至收工,所以好多行家同佢做完一次嘢都話冇下次。

「嬌俏」= 陳啞倫



很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1162#
發表於 13-12-18 09:26 |只看該作者
關仁隱事:「贏錢」大牌辣㷫記者

「贏錢」原本係二打六,啲人識佢都係因為佢係女神嘅男友,後尾佢參加公仔箱唱歌比賽彈出,不過最終攞唔到獎,但知名度就大增。𠵱家啲新人有少少知名度就扮大牌,話說佢有次出席活動,一到場就話趕住拍劇,唔做訪問,未紅已要求多多,即時辣㷫班記者,點知公關又拉贏錢過來話可以做5分鐘訪問,搞到班記者好唔高興,一時話做一時又話唔做,贏錢企埋一邊鬼死咁尷尬,唔係紅星就咪扮紅星啦!

「贏錢」= 羅均moon
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1163#
發表於 13-12-19 09:14 |只看該作者
關仁隱事:「薑妹」厚顏攝位搶鏡

小花爭上位,當然要爭埋曝光同搶鏡,有公關同關仁講開,佢話星二代出身嘅「薑妹」進取到好鬼得人驚,因為次次邀請佢出席活動都好使好用,佢雖然夠平,但就要求多多。
關仁八到薑妹有次同紅過佢嘅女星同場,大會安排大合照嘅時侯,薑妹二話不說就搶住攝咗喺中間位,當人哋提佢企錯位時,薑妹就喺度扮儍,佢呢招好多花旦都未必有佢咁醒,面皮要夠厚。

「薑妹」= 薑厲文
很想知道,追夢的人是如何踏出第一步?


大宅

積分: 1759


1164#
發表於 13-12-19 19:56 |只看該作者

引用:關仁隱事:「嬌俏」為化妝遲大到「嬌俏」參

原帖由 22May 於 13-12-17 發表
本帖最後由 22May 於 13-12-18 11:04 編輯

關仁隱事:「嬌俏」為化妝遲大到
佢咁多年又無乜拍戲,唔通俾人包左?

點評

22May  有副業  發表於 13-12-20 09:18


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1165#
發表於 13-12-20 09:20 |只看該作者
關仁隱事:「白骨精」擦鞋叻過做戲

「白骨精」喺大婆台係二線花旦,之前因為演過一個好角色,人氣急升仲攞埋獎,佢以為自己真係好掂,其實佢啲戲屎係人都知,但原來佢都有好戲嘅時候,就係擦啲高層時嘅演技囉!從來電視台裏面都分黨分派,就算唔情願都好,都要自動歸邊,個個有黨有派,但白骨精本身係擦鞋精,兩大阿姐擦,高層同監製又擦,好多監製都睇清楚佢嘅真面目唔多用佢,演戲係講實力,淨識擦鞋冇用嘅。

「白骨精」= 黃至聞?

點評

Harper小哈  敏豬得對腳,唔識做戲,唸對白又多懶音  發表於 14-1-8 11:00
simple430  成個港女格 , 樣又勢利 :pppp:  發表於 13-12-20 16:05
girlbear  陳敏豬  發表於 13-12-20 13:11
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1166#
發表於 13-12-23 09:32 |只看該作者
關仁隱事:「蜜蜂」媾女食檸檬

如果講到圈中邊對情侶最sweet,咁其中一定要數到「蜜蜂」同「多嘴」呢對情侶,自從佢哋公開咗戀情之後,成日都俾人影到佢哋拍拖出埠旅行,鬼咁sweet,蜜蜂錫女朋友真係錫到燶,完全抹走晒之前佢啲媾女本色。

助手代表白
關仁聽聞蜜蜂以前媾女好直接,話說有一次佢喺餐廳見到一個索女,二話不說就派助手去同個女仔表白,話想個索女做佢嘅女朋友,但其中一個條件就係要女方唔可以同人講,只可以係地下戀情,唔可以公開畀大家知道,不過人哋位索女都有番咁上下條件,點解要匿埋做蜜蜂背後嘅女人啫,索女即場請蜜蜂食檸檬,蜜蜂真係瘀到爆。

「蜜蜂」= 淋瘋
「多嘴」= 唔千乳
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1167#
發表於 13-12-23 09:37 |只看該作者
關仁隱事:「女車手」巴辣冇有怕

選美出身嘅「女車手」外表硬淨,望落唔多溫柔,最令人印象深刻係佢同「奸人」嘅玩車情緣,之後佢同「茶座太子」拍拖叫做修成正果,點知太子死都唔肯畀個名份佢,搞到佢好頭痕。好在喺套劇集入面,女車手做女強人做得入型入格,叫做有啲成績,唔知係唔係太投入角色,有次佢搭的士因為車資問題同司機鬧上差館,聽講佢喺現場真係冇有怕,亦唔擔心影響形象,聲大大據理力爭,最終司機都怕咗佢。

「女車手」= 豬胃敏
「奸人」= 涼榮中
「茶座太子」= Eddie @ E02


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1168#
發表於 13-12-24 09:22 |只看該作者
本帖最後由 22May 於 13-12-24 11:07 編輯

關仁隱事:「打比」變強國人佈景

人搞佢又搞嘅「總有一個頒獎禮」,早排過咗去梳打埠同間酒店合作搞。其實間酒店都算係咁,要房有房、要船飛有船飛,工作人員每日仲有幾嚿水零用錢,真係好少有。不過一如過往,情況都係以亂收場,關仁有朋友見到一班星喺大堂嘅情形,真係可以用七國咁亂嚟形容,電視星仔「打比」一心諗住捧老友「大佬」場,順便撐吓場,點知喺大堂企足一個鐘,你知梳打埠冇嘢多,強國人一籮籮,班強國人見有明星,當然唔客氣就埋嚟影相同圍觀,搞到打比好似動物咁俾人睇足一個鐘,又唔可以發脾氣,真係慘!

「總有一個頒獎禮」= 「亞太影展頒獎典禮」
「打比」= 馬明?
「大佬」= 謝天華?
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1169#
發表於 13-12-27 09:39 |只看該作者
關仁隱事:「月球人」M到谷爆衫

「月球人」最近喺𡃁模界都算出位,雖然講嘢口窒窒,但勝在五官標致,身材勁爆。早前佢出席商演活動遲到,搞到在場記者同粉絲唔耐煩,鬧佢學人扮大牌。其實有苦自己知,關仁聽講當日佢因為「姨媽到」,搞到個胸脹咗,正常人就梗係覺得出奇,但月球人平時上圍已經勁突出,再谷多幾谷,搞到原本安排條裙唔啱着,要助手幫佢即場剪爛條裙,背部縫多塊布令胸位拉闊,先着到條裙,認真陰功豬。

「月球人」= ??
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1170#
發表於 13-12-27 09:43 |只看該作者
關仁隱事:「海海」黐有婦之夫

選美入行,中途跳船變𡃁模嘅「海海」,早前被爆佢同另一師妹搶有錢男友,結果鷸蚌相爭,兩敗俱傷,有錢男狠撇兩女,海海惟有另泊新碼頭。關仁收風佢好快就搭上咗個有婦之夫,但由於男方唔係成日有時間照顧海海,於是佢又借工作做理由四出夜蒲媾仔,海海例必出動進取三招,海海先嗲再灌男方飲酒,趁男方有醉意,海海就拎手機出嚟集郵同抄牌,方便日後再聯絡有下文。關仁覺得海海咁樣做,真係影衰呢行有努力嘅新人。

「海海」= 許亦妮?
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1171#
發表於 13-12-27 09:45 |只看該作者
關仁隱事:「DD」想跳船捨棄「兒童」

「兒童」差啲搞唔成盤生意,之前水深火熱嗰時,好多跟佢搵食嘅人覺得兒童係個好老細,所以點都諗住同佢共同進退,但一直表現得好愛公司嘅「DD」竟然第一個話要跳船解約。聽聞DD早排想同公司解約,佢覺得自己都算紅,但就唔係靠公司提高知名度,佢覺得唔使公司幫都可以有好高曝光率,加上DD唔想俾公司抽佣,所以主動提出解約。不過,後來有高層同佢分析,話咁做會引嚟負面效果,破壞形象,DD深思熟慮後,最後咪決定留低囉。

「兒童」= 魔童
「DD」= 尾奇BB
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1172#
發表於 13-12-30 10:05 |只看該作者
關仁隱事:「皇后」巴渣犯眾憎

之前拍劇因為成日狂轟劇組嘅「皇后」,搞到人人都怕鬼咗佢,皇后離開咗公仔箱之後都好似冇乜工作,關仁都覺得好正常,因為佢份人真係好難頂。
皇后成日當正自己係國際巨星,對人呼呼喝喝又冇禮貌,有同佢合作過嘅演員都睇唔過眼佢嘅惡行,仲爆佢對啲助手好唔尊重,人哋都係打份工啫,唔使吓吓受你氣嘅。皇后最鍾意就係半夜三更點人去買嘢,買完就嫌貴唔肯畀番錢人,明明叫人收工在先,點知轉個頭又鬧人哋做乜咁早收工,好似思覺失調咁,都唔知佢到底想點,真係好難服侍。
由於皇后嘅性格實在太難頂,所以唔少助手都頂佢唔順,最終劈炮唔撈,而且佢個臭名亦都傳遍千里㖭,真係想搵助手都難。

「皇后」= 鄧碎雯


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1173#
發表於 13-12-30 10:06 |只看該作者
關仁隱事:「艷人」歐遊被偷袋

「艷人」年初返港拍戲,點知負面新聞多多,話佢經濟唔掂,搞到佢好激氣,有時面對記者就有意無意晒吓自己幾有米。一向以醒目出名嘅艷人話之前去歐洲旅行,佢一身貴氣,拎住名牌手袋,自然成為賊仔嘅獵物,不過今次個賊竟然係個阿婆,阿婆專登走嚟問路,其實係想睇吓艷人手袋嘅真偽,之後佢去咗轉廁所,個手袋就被人偷走咗,艷人大呻損失慘重,估唔到佢咁醒目都俾人「裝」到,認真失策。

「艷人」= 葉肉輕
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1174#
發表於 13-12-31 09:17 |只看該作者
關仁隱事:「咪咪」錯愛軟飯王

𡃁模「咪咪」早前同情敵嗌大交,你一言,我一語,拗到火紅火綠,水火不容,不過咪咪最後有長輩撐,令事件終告平息。關仁聽聞咪咪真係幾委屈,女人跟錯男人真係幾慘,咪咪身邊朋友爆料話佢舊愛「撻撻」係軟飯王,從來冇為過頭家負過責任。識咗新歡,仲諗住問前度女友攤大手板借錢,其實借出去嘅錢咪等同潑出去啲水,邊有真係有借有還㗎,撻撻厚臉皮到咁,先辣㷫咪咪嚟個大反擊。

「咪咪」= 媽媽Mia
「撻撻」= 莊+傑
很想知道,追夢的人是如何踏出第一步?


水晶宮

積分: 58580

馬年勳章 2025中秋節勳章 母親節2025勳章 2025勳章蛇年勳章 2024年龍年勳章 2023年兔年勳章 牛年勳章 2018復活節勳章 hashtag影視迷勳章 畀面勳章 環保接龍勳章 BK Milk勳章


1175#
發表於 14-1-3 13:48 |只看該作者


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1176#
發表於 14-1-3 14:06 |只看該作者
關仁隱事:「畀飛」被失蹤知衰

雖然今時今日𡃁模熱潮已經減退咗,但依然有𡃁模憑住唔同計仔博出位,大家仲記唔記得「畀飛」?點解失咗蹤?關仁知佢唔係走去整容或生仔,而係因為唔聽話俾公司雪藏。乜嘢唔聽話?咪就係出去應酬老細時,得罪晒班米飯班主囉,搞到公司啲人好難做,決定放佢入雪櫃。畀飛近日知衰,主動話請公司同事及老闆食飯扮friend,有人請食飯梗係去啦,有乜所謂,但解凍?no way,再等吓啦。

「畀飛」= DADA

點評

Cheung1234  唔係Phoebe咩?  發表於 14-1-6 10:42
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1177#
發表於 14-1-3 14:07 |只看該作者
關仁隱事:「紅紅」「綠綠」黐埋一堆

真係歲月催人,「紅紅」當年靚爆鏡好多仔追,𠵱家唔只人到中年仲精神錯亂,令人心翳,關仁見到紅紅就諗起「綠綠」,事關佢哋真係黐埋一堆。
綠綠嗰時仲要喺醫院住咗一排㖭,有日晨咁早,綠綠打電話畀關仁朋友,叫朋友買一條香蕉、三個蘋果去醫院探佢,朋友聽到都知佢有問題,有乜可能叫人買一條香蕉吖?朋友去到醫院之後,見綠綠氣色唔錯,但講嘢亂七八糟,好在佢住咗一排醫院後康復,雖然到𠵱家都要keep住食藥,但都冇復發囉,如果紅紅肯食藥,相信佢嘅情況唔會咁差。

「紅紅」= 男結鷹
「綠綠」= 紅潮瘋

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1178#
發表於 14-1-3 14:26 |只看該作者
關仁隱事:「真心」呻「先生」爛賭

「先生」最近同老婆「真心」婚變,有傳真心唔滿意先生爛賭,以及同舊愛「海洋」一家來往太密,有消息話先生有小三,所以要同真心離婚,傳聞多多。
好多人以為真心同海洋係過氣情敵,加上先生近排成日黐番海洋度,真心應該同海洋勁唔妥。但關仁聽聞真心同海洋一直好老友,唔單止經常電話聯絡,間唔中仲約埋敍舊,交換吓先生啲情報。早排真心就向海洋訴苦,話先生成日掛住賭錢,對佢完全失望。

「先生」= 留+窗
「真心」= 因真
「海洋」= 肛青
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1179#
發表於 14-1-6 09:23 |只看該作者
關仁隱事:「喜姐」失勢遭夾擊

曾經叱吒一時嘅「喜姐」,得勢時公司個個同事都巴結佢,失勢後個個都即刻疏遠佢,啲人贏比賽都轉軚多謝水姐同霞姐,真係夠現實!

𠵱家「水姐」同「霞姐」經常開會一齊夾擊喜姐,關仁聽有份開會啲人講,有次開會為咗同事出去搵外快問題,兩位阿姐你一言我一語,老臣子霞姐簡直係咆哮兼拍枱鬧喜姐係咁放晒啲人出去搵食,搞到公司嘢冇人做,話佢完全罔顧公司嘅利益,指佢管個部門搵少少錢,又點夠賣嘢出去搵錢多。
「頂爺」完全企晒喺霞姐同水姐嗰邊,仲鬧埋一份,當時喜姐眼都紅晒,場面幾難堪,之後頂爺唔單止唔睇重喜姐管嘅部門,仲將佢擺歪,但喜姐都好勁,明知成班人想逼佢走,佢唔單止唔肯走,仲要繼續奮戰落去,因為佢深信水姐同頂爺肯定得勢一時後就會消失,一心同佢哋鬥長命。

「喜姐」= 620
「水姐」= 魚泳山
「霞姐」= 憎厲珍
「頂爺」= 你保安
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1180#
發表於 14-1-6 09:24 |只看該作者
關仁隱事:「魚肉」上位扮巨星

「魚肉」出道至今因為緋聞多多而為人認識,佢叫做出過吓碟,但喺歌壇發展麻麻,之後佢主攻影壇,因為拍咗部叫好又叫座嘅寫實愛情片而成為影壇新貴,由於當今電影圈欠缺新血,所以造就佢片約一部接一部。不過,魚肉一朝得志就語無倫次,成日當正自己係超級巨星,每逢出席公開場合都好似國際明星咁一樣前呼後擁,就連為電影宣傳佢都諸多要求同規矩多多,除咗唔會隨便做報紙專訪外,就連做雜誌訪問都指定要係封面,如果冇封面就一定唔使旨意佢肯做,當正自己係影帝咁。

「魚肉」= 魚文落
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo