塞咗都通得返。你要大力按摩多幾次，直至有奶出同硬嘅地方鬆番。熱敷完按摩會比較易D，所以你亦都可以試我教oliviaj 的方法，泵完餵完冲熱水涼，然後一邊大力打圈按直到有奶噴出同硬嘅地方鬆番。如果都係唔得，你下星期見姑娘時，睇下佢地可唔可以有方法幫到你。喺三藩市，我地可以請lactation specialist，香港好似都有，不過好似都唔平。我上一胎醫院個lactation specialist居然係個男人，佢仲有心機過D女護士
。
唔好計較每次泵得多定少奶住，最重要係你已經泵密咗同有谷奶，如果你冇谷奶就難搞。而且，你依家心情唔好又病，進度會慢咗，到好番之後同BB努力。個breast成日好似吉吉地, 可以點做? 泵完都係吉, 要熱敷嗎? 會唔會係你泵得太耐秘秘地呀？你試下泵之前熱敷，睇下會唔會好D。
仲有奶量問題, 我已飲多咗水, 湯e.g.木瓜魚湯, 花膠, 豬腳等, 都好似冇乜起色, 定係其實已算是多了(泵密咗)?? 但我阿b越來越大食, 2個鐘就要食3oz, 我點追??? 其實正如你咁講，你泵多咗而每次需然都同以前差不多，但總計全日咪已經多咗囉，唔好太緊張。除咗湯水，你一日食幾多嘢？幾多餐？每餐食幾多？你要食得夠先可以造到奶俾BB，記住要營養均衡，多D菜，唔好食太多難消化同熱氣嘅嘢，咁D奶嘅質會好D，BB同你都唔駛擔心便秘。
BB3星期大係難教D,但唔係教唔倒。有好多媽咪都話只要狠心就一定得，即係唔好俾樽，一定要BB埋身，唔飽就keep住餵。我最初未上奶都有補奶粉，後來一於硬住心腸只係埋身，好彩我阿媽同老公都算支持，總之，BB肚餓冇選擇自然會食。你99都係錫個孫，唔想佢喊，你不防同你老公及99商量下，約法三章，叫佢地俾時間你同BB試下，又或者一日唔補多過幾多奶粉，佢想餵叫佢餵泵出嚟果D先，BB又有奶食，99又可以發揮下愛心。我99上一胎都係成日想抱同餵我個仔，我都俾佢做，點知阿仔後來幾重，抱到佢死死吓，佢又唔係好識凑，加上BB大咗，除咗食同瞓，仲要扭抱，搞到佢以後都唔敢凑。放鬆D啦，多個人錫BB係好事，D99通常都難搞，不過始终佢都係你老公阿媽，無謂令你老公難做啦。
初初生完係會有情緒問題, 好易喊,因為hormones分泌影响，慢慢會好D。我都試過發惡夢, 夢見99同62偷走咗阿仔，醒咗仲真係走去床仔睇，make sure 阿仔冇事，諗番都好笑 。唔駛咁快放棄，你老公同99又冇話唔俾你餵人奶，只不過佢地想補奶粉，唔想BB喊，你又辛苦。餵人奶係唔易亦唔係唯一出路，應天命而行，做得幾多得幾多，始终有人奶食好過冇。你依家要放鬆自已，同家人坐低傾，找出一個大家都接受嘅方法，之前我同老公都唔認同彼此嘅方法，坐低傾咗好多次，而家都有共識，仲可以合作，凑兩個BB真係好辛苦，但我地開心咗好多。
花旗太太生活在花旗國，留意時差，你問我未必即時答到。
發表於 
rose-mag提醒, 現在舒服多了, 但我好怕下次泵又再塞過呢, 我諗塞係因為飲了太多魚湯但泵唔夠, 唔知關唔關事呢? 昨天只訓了幾個鐘, 今天又係咁餵奶, 泵奶未停過, 等陣仲要去健康院學餵奶, 好累......
返回列表
