婆媳關係 今日: 0 | 主題: 27777

積分: 298

101^#

發表於 21-4-5 14:10 |只看該作者

回覆秋天與楓葉的帖子

相信你係一位好新抱/好奶奶自問我無法做到你如此無私偉大既地步。
99也有同我講叫我唔好比個仔我媽見，話我媽帶眼鏡會嚇親個小朋友，既然佢都講得出咁既說話，我也可以用翻佢個方法對待佢，99你會危害我仔既人身安全，所以我決定唔比你見佢.
聽完你咁講，我應該係要認清事實接受C6呢個愚孝行為先啱！

私人傳訊

積分: 15317

102^#

發表於 21-4-5 14:16 |只看該作者

本帖最後由 cathngai 於 21-4-5 15:02 編輯

回覆秋天與楓葉的帖子

自問真心聽樓主傾訴，希望樓主能夠抒發心中抑鬱。我都係過來人，婆媳關係損害到夫妻感情，並不容易解決之事。我亦都唔希望婆媳糾紛令C6同佢母親唔開心，亦唔係你一個人退讓就可以解決到，奶奶唔識做，做得寸進尺，結果我反擊反而關係有好轉。
結婚第一年，奶奶生日我C6叫我買對金耳環送畀奶奶，我行勻成個荃灣嘅金舖，才找到一對款式不太花巧，也不太普通又適合奶奶年齡的足金耳環，滿心歡喜地送畀奶奶，點知奶奶見到對耳環就黑面說：我唔要呀，家姐送對鑽石耳環我都有帶，我淨係帶呢對珠耳環，你攞返走。我爭啲忍唔住喊咗出嚟。我姑奶見到，攞對金耳環嚟看看，跟住說：對耳環好靚喎，你快啲收起佢啦。我奶奶先至死死地氣接咗。跟住我返上樓，我C6就畀我炳鑊金。

私人傳訊

積分: 298

103^#

發表於 21-4-5 14:35 |只看該作者

本帖最後由 Uptoyouyou 於 21-4-9 21:14 編輯

。

私人傳訊

積分: 15317

104^#

發表於 21-4-5 14:57 |只看該作者

本帖最後由 cathngai 於 21-4-5 14:59 編輯

回覆 cathngai 的帖子

繼續
年初一我一早就斟茶畀老爺奶奶，奶奶要我斟茶畀姑奶佢先肯飲我杯茶，我斟咗，但一返上樓我又炳鑊甘嘅我C6，我問佢點解二嫂唔使斟茶畀大伯我要斟茶畀姑奶，大家都係同背。第二年，我冇斟茶畀姑奶佢唔肯飲我杯茶，後來老爺同姑奶叫佢飲，佢先識黑面飲咗我杯茶。
有次同啲同事行街佢哋買魚翅青邊鮑，佢哋教我買份畀奶奶，我買咗一份畀佢，佢又黑面對我講我唔識煮，後來我親自煮畀佢哋食，最搞笑係隔咗冇幾耐，佢同班街坊去買鮑魚返嚟煲湯。有時我買嘢畀佢，佢會喺我面前即刻送咗畀二嫂，我當然有同C6 呻，佢咁樣好唔尊重我囉。
有一年我先生開夜班未返，我同個女攞盒禮一早同佢拜年，佢見到盒禮佢就話：自己人使乜買禮呀，你即是唔當我自己人啫。隔咗陣，二伯二嫂帶埋個仔嚟拜年，個孫攞盒禮畀佢，佢笑騎騎對住個孫講：咁多謝呀。跟住佢見到我，佢就同個孫溫柔地說：自己人唔使啦。當然我C6返嚟，我同C6講，我以後都唔會買嚟畀你媽，你唔當你媽自己人你就自己買。
還有種種.....

私人傳訊

積分: 298

105^#

發表於 21-4-5 15:05 |只看該作者

回覆 cathngai 的帖子

好大細超，偏心得好明顯喔，你99會唔會重男輕女嫁？你女孫，二嫂係男孫

私人傳訊

積分: 15317

106^#

發表於 21-4-5 15:21 |只看該作者

本帖最後由 cathngai 於 21-4-5 15:25 編輯

Uptoyouyou 發表於 21-4-5 14:35
回覆 cathngai 的帖子

好多嘢唔係真係退一步海闊天空咁簡單！正所謂勉強冇幸福，唔夾就係唔夾，反而保持 ...

我都畀我奶奶搞到我產後抑鬱。
我book咗私家醫院產女，我奶奶就同我講做乜要去私家生呀，留返啲錢嚟補身仲好啦，我當然冇理佢啦。產後我先生畀錢佢幫我買雞進補（我住嗰度冇街市，菲姐唔識買），花膠燕窩藥材我我自已一早買定，我燉咗幾次，佢又問我仲要進補到幾時？其實使乜補呀，食飯就補啦，我當年都係咁。結果燉咗四次花膠，四次參茸，同四次燕窩就冇補喇。我用薑水沖涼，佢又鬧我，究竟你要沖到幾時，我唯有沖到12朝，就唔敢再沖薑水涼。我同事同媽咪都話進補同沖薑水要一個月，尤其是我身體一向唔好。冇法啦，我都知，我個b細，我要返工，我要旨意佢上嚟睇住個工人湊B

我幫阿B沖涼，佢就一路鬧到我同個B 沖完涼著衫為止，又鬧我好餵人奶，佢話餵人奶嗰B好黐身，我又要返工，就唔好學人餵人奶，搞到我日間有奶，晚間冇奶，唯有夜晚餵奶粉，因為情緒影響，結果畏得十幾日人奶

還有.....

私人傳訊

積分: 298

107^#

發表於 21-4-5 15:34 |只看該作者

回覆 cathngai 的帖子

唉，我同你一樣，坐月又係冇補過，因為老公叫99幫我坐月，就冇請陪月，點知原來99真係乜都唔識，一次湯水都冇主動煲過比我，我係自己叫佢幫我買d乜乜乜材料黎煲，係咁同我講佢唔識唔識，我心諗你唔識就唔好答應同我坐月啦，臨生前我已經準備好曬沖涼要用既薑皮，炒米茶等，結果佢冇幫我整炒米茶，都係我自己焗，煲完薑水又話煲水好重，結果我要等老公收工翻黎幫我倒落沖涼盤我先有得沖涼，滿月後我先自己出去買藥材翻黎自己補！

私人傳訊

積分: 15317

108^#

發表於 21-4-5 15:35 |只看該作者

Uptoyouyou 發表於 21-4-5 15:05
回覆 cathngai 的帖子

好大細超，偏心得好明顯喔，你99會唔會重男輕女嫁？你女孫，二嫂係男孫

係呀，所以佢好怕我二嫂，驚佢唔畀佢睇個男孫

我生完個女出院，C6問可否畀佢媽抱下嗰女，我話當然可以啦。點知奶奶上到黎，我C6畀個女佢抱，佢勉為其難地抱咗一下，就放返我個女落床。佢表情係唔願抱。佢走咗之後，我同C6講：唔係我唔畀你媽抱呀，係你媽唔想抱咋。我C6都冇語。

私人傳訊

積分: 15317

109^#

發表於 21-4-5 16:23 |只看該作者

回覆 Uptoyouyou 的帖子

所以我都同啲同事及朋友講，可以的話，要請陪月，坐月坐得好係一世。其實我都好多謝我奶奶，我出院，佢都有煲木耳花生畀我飲，朝早煮薑飯畀我食，也有教我姐姐蒸雞飯.....

私人傳訊

積分: 298

110^#

發表於 21-4-5 17:32 |只看該作者

回覆 cathngai 的帖子

所以你都係幸福既，起碼有主動做。我知道坐月好重要，我都係身體差開，想坐月補翻既，所以好後悔冇請到陪月。
咁我都多謝99雖然唔識陪月，但都有煮飯比我食

私人傳訊

積分: 15317

111^#

發表於 21-4-5 17:39 |只看該作者

回覆 Uptoyouyou 的帖子

係呀，有時都會盡量諗佢好嘅方面，令自己唔好太負面，也令自己可以釋懷，情緒也會好啲

私人傳訊

積分: 298

112^#

發表於 21-4-5 18:09 |只看該作者

回覆 cathngai 的帖子

要平衡下

希望等啊b 大d有自己思想果陣，會好d

私人傳訊

積分: 15317

113^#

發表於 21-4-5 21:49 |只看該作者

本帖最後由 cathngai 於 21-4-5 21:55 編輯

Uptoyouyou 發表於 21-4-5 17:32
回覆 cathngai 的帖子

所以你都係幸福既，起碼有主動做。我知道坐月好重要，我都係身體差開，想坐月補翻既 ...

其實佢係畀面我C6，我C6出到聲，佢唔敢托手踭，anyone都多謝佢。

亦都多謝佢幫我照顧個女2年，令我可以放心返工，始終自己人睇住會放心啲，我女細個都算乖，揍揍下都咁感情，佢都錫我個女嘅，不過男孫返嚟，我個女就.....
湊小朋友係困身，佢都要犧牲同朋友行山吃下午茶，所以有時佢會無厘頭都發洩在我身上，我都盡量忍受，有機會都帶兩老出外食飯，但佢嘅說話就越嚟越難頂，久而久之就爆煲。

私人傳訊

積分: 298

114^#

發表於 21-4-5 23:04 |只看該作者

回覆 cathngai 的帖子

我就係犧牲工作，自由，寧願自己湊，都唔想假手於人，雖然99好渴望湊我個b，但好可惜佢係一個咩都唔識，亂咁黎既人，幸好C6講到明唔會比個b佢媽湊，擔心有咩事。否則我怕我連個仔都冇埋，或者99唔捨得比翻我

私人傳訊

積分: 15317

115^#

發表於 21-4-5 23:19 |只看該作者

回覆 Uptoyouyou 的帖子

你奶奶喜歡小動物嗎？佢都係怕寂寞，如果佢喜歡小動物，不如考慮養番隻貓或狗陪去，個人應該會開朗啲，唔使所有專注力去曬你老公到，走入死胡，同對精神健康都好啲。一係建議你老公帶佢去見下社工，開解下佢。

私人傳訊

積分: 298

116^#

發表於 21-4-6 12:23 |只看該作者

回覆 cathngai 的帖子

C6話佢媽成日周圍去，唔係屋企過夜，照顧唔到小動物，費事累左隻寵物， 99近年都有參加下義工，朝朝去晨運飲茶

私人傳訊

秋天與楓葉

珍珠宮

積分: 32599

117^#

發表於 21-4-6 13:39 |只看該作者

Uptoyouyou 發表於 21-4-5 14:10
回覆秋天與楓葉的帖子

相信你係一位好新抱/好奶奶自問我無法做到你如此無私偉大既地步。

平日同小朋友一齊見親人係基本，咁做稱唔上好新抱
我亦唔係奶奶，將來都唔會係奶奶

你純粹自己憎奶奶就拎小朋友做籌碼、終日小事化大，你講到自己好緊張同好錫小朋友，但做法正正剝奪緊小朋友見親人嘅權利、破壞同男家關係等同破壞夫妻關係，夫妻感情好、家庭和睦對小朋友成長先最重要

有問題永遠係其他人，自己唔肯面對自己嘅過失，所以你老公唔出聲講不滿，用「行動」去表達不滿，寧願返去陪吓媽咪

路係自己揀嘅，自己人生自己負責，可憐小朋友無從選擇

點評

cathngai

發表於 21-4-6 18:27

私人傳訊