吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 俾你jm會点做或有咩反應？

自由講場今日: 13|主題: 1362822

收藏本版

回覆發帖

返回列表

跳至頁

樓主: 山吹

2 3 4 56

積分: 11721

101^#

發表於 4 天前 |只看該作者

回覆樓主：

本帖最後由 siugocandy 於 26-3-28 13:00 編輯

可能個女同事鍾意你老公或者有好感都唔出奇，可能你老公有魅力，始終係公司時間咁長，日對夜對，日久生情。
第二就係有d女人鍾意挑戰有另一半既男人，呢個真係要小心。

最重要你老公有冇邊界感，防人之心不可無，宜家好多女人唔介意做人小三，你睇5索就知啦。
你老公肯親自買手信俾佢，點解唔買俾其他女同事？偏偏買俾佢？
有位樓下JM講得對，宜家年輕女仔唔係好介意同男人上床，當打場波又唔係生B，個貞操冇樓主諗得咁重要。
我最近識個女人個老公就係同女同事搭上左，話唔會放手，個小三又唔介意做人情婦，個男人唔離婚，話想繼續Happy。
我聽過囑告就係，一個幾唔靚女人，係公司日對夜對，都會有感情，如果個女人年輕又唔醜，更加容易沉船。

私人傳訊回覆引用

無話可說

象牙宮

積分: 231396

102^#

發表於 4 天前 |只看該作者

peru 發表於 26-3-28 11:24
你講笑咋!

大家示威下啫

有D女人真係主動發姣架嘛

私人傳訊回覆引用

rex13

珍珠宮

積分: 33358

103^#

發表於 4 天前 |只看該作者

山吹發表於 26-3-28 08:48
我覺得宜家坐得正冇用，好似上面jm講太多人無道德，其實我咁多年都有打扮，對衣著亦十分注重，亦冇中年發福 ...

我都絕對認同男人都鍾意人讚。
從樓主呢個case，俾著我都會返去諗諗，呢句說話真係有啲un耳。
咁就要睇吓個同事會唔會係用錯表達詞啦！

私人傳訊回覆引用

忌廉寶寶

侯爵府

積分: 23327

104^#

發表於 4 天前 |只看該作者

TPMummy 發表於 26-3-28 04:55
但你話你老公見到D同事，已經介紹咗你係佢老婆，所以之前有冇見過真人或者相片，都冇關係架
...

同意
簡單d講即係第一次見面囉，唔明關咩私隱事
就算之前巳經睇過相、喺街撞過冇交流，都唔會知樓主個人係點架啦，介紹完知左就係知左，同之前唔知樓主係邊個我覺得冇關係，除非老公喺公司連自己既婚姻狀況都冇提及，就唔知帶出黎係女朋友定老婆囉
同埋樓主不停問呢度jm會有咩反應，我覺得都唔重要（因為資料好少，而每個人代入既程度都唔同，又唔知當時真實情況）我覺得最反映到真實情況係自己老公同埋其他同事既反應，有jm講返工其實有1/3時間對住同事，扣埋交通來回瞓覺時間，真係對同事多過屋企人，而且每間公司都有佢自己既文化，可能佢地平時就係咁溝通，所以其他人聽到都唔覺有咩問題，而自己老公又真係去旅行好上心咁專登買盒鳳梨酥比嗰位同事，我又覺得佢真係好錫佢喎

私人傳訊回覆引用

bmuimami

水晶宮

積分: 74867

105^#

發表於 4 天前 |只看該作者

佢衰在用個「錫」字！喺上司太太前好心執吓啲字眼啦仲細咩？！

xoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxoxo

私人傳訊回覆引用

lalalumlum

侯爵府

積分: 20989

106^#

發表於 4 天前 |只看該作者

我絕對尊重樓主私隱，但你咁做，可能有以下情況發生：

1. 被人認為，你老公同你關係唔好，所以唔會share 家庭照
2. 你老公被你悉心打扮後，顯得更有魅力，更被異性吸引（呢樣自己害自己）
3. 你老公返工，長時間對住啲比你年輕嘅女性，如果佢地以為第1點係正確，有機會主動投懷送抱，挑戰你，取代你地位。作為一個男人品性，就算唔講偷食，佢地亦有種飄飄然嘅感覺
4. 你話你老公鍾意高瘦的女人，但如果佢已經轉口味呢？
5. 樓主沒有工作，脫離職場，雖有打扮，但不知是否脫節
6. 依家啲女性（年輕的更甚）對性方面已經唔同以前睇得咁重要啦！佢地會覺得好似同人食餐飯或睇場戲或打場波咁（親耳聽過兩位年輕人講）。

字裡行間，睇得出樓主對自己好有信心，但阿媽教落，害人之心不可有，防人之心不可無！

祝福你！

私人傳訊回覆引用

whyyou

水晶宮

積分: 62419

107^#

發表於 4 天前 |只看該作者

bmuimami 發表於 26-3-28 12:23
佢衰在用個「錫」字！喺上司太太前好心執吓啲字眼啦仲細咩？！

但係佢老公去台灣都淨係買鳳梨酥俾呢個女同事，即係證明佢老公真係「錫」呢個女同事，只係樓主接受唔到個女同事喺咁多人面前直接講出嚟，其實個女同事冇講錯，樓主所以一直強調個女同事肥，目的只係想文字上貶低佢嚟攞返些少安慰

私人傳訊回覆引用

忌廉寶寶

侯爵府

積分: 23327

108^#

發表於 4 天前 |只看該作者

本帖最後由忌廉寶寶於 26-3-28 15:35 編輯

whyyou 發表於 26-3-27 18:54
你老公都係打工咋喎，你扮老闆娘仲被人喺背後笑到面黃啦

雖然3樓位jm答得好覇氣，超型，但可能樓主冇交代原來老公只係上司，如果唔係老闆娘陪老公返去巡視業務，只係一個幾十年冇返工既女人想參觀甲級寫字樓開下眼界，咁就相差好遠啦

每間公司都有自己文化，而且同事關係可以好複雜，我以前返工有個男同事（佢係IT部門，個個電腦有問題都要搵佢，所以個個都同佢有兩句）佢老婆差唔多日日黎接放工，所以我地好多人都識佢老婆，但事實個男人喺公司同個reception‘玩’得好埋，表面上係friend,但成日見佢地d動作好親暱，個男人又可能覺得我擺明有老婆架啦，唔會同個同事有野，friend黎者，所以更加明目張膽，但喺我地心目中，雖然唔會踢爆佢，但日日見到佢老婆接放工都揞住半邊咀笑，個老公喺公司玩完返屋企又變番好老公

所以如果未搞清楚咩事，就唔好咁覇氣先（仲要唔係老閭娘但用老闆娘口吻）班同事真係轉頭笑爆咀，咁樣唔型之餘，老公都冇晒面搞到下次唔敢帶個老婆出黎失禮人

私人傳訊回覆引用

whyyou

水晶宮

積分: 62419

109^#

發表於 4 天前 |只看該作者

忌廉寶寶發表於 26-3-28 14:22
雖然3樓位jm答得好覇氣，超型，但可能樓主冇交代原來老公只係上司，如果唔係老闆娘陪老公返去巡視業務，只 ...

佢話佢老公雖然係上司佢都可以用老闆娘口吻，呢樣真係笑咗，我都有諗唔通幾十年冇做嘢嘅女人啲行為就係咁失禮？

私人傳訊回覆引用

chanpo18

大宅

積分: 3866

HiPP勳章(2)

110^#

發表於 4 天前 |只看該作者

山吹發表於 26-3-27 19:04
我就係唔識俾反應打圓埸，只係笑下咁咋

其實笑下都ok, 講錯說話，或講其他無謂野，隨時令其他人誤會，扭曲你想法，一笑置之就算。

私人傳訊回覆引用

chanpo18

大宅

積分: 3866

HiPP勳章(2)

111^#

發表於 4 天前 |只看該作者

本帖最後由 chanpo18 於 26-3-28 15:16 編輯

whyyou 發表於 26-3-28 12:43
但係佢老公去台灣都淨係買鳳梨酥俾呢個女同事，即係證明佢老公真係「錫」呢個女同事，只係樓主接受唔到個 ...

咁即係佢老公同個女同事關係幾好，好似我公司同事話去邊度，邊度旅行，我哋幾個同事都會傾計口痕咁話：唉，記得買啲手信返嚟，要食乜乜，物物。
如果樓主樣樣事情太上心，做人好辛苦。
提下老公知道分寸就可以了。

私人傳訊回覆引用

麵包姐姐

侯爵府

積分: 24927

馬年勳章 2025勳章蛇年勳章 2024年龍年勳章牛年勳章認識瑞士牛牛第四回認識瑞士牛牛第三回畀面勳章 BK Milk勳章 hashtag影視迷勳章

112^#

發表於 4 天前 |只看該作者

山吹發表於 26-3-27 17:16
因咁耐以來，自己本身好往重私隱，所以未得我同意，屋企人係唔可以發有我的相到佢地同事或朋友羣組嘅，所以 ...

我會同佢講：上司錫下屬，唔係一件好事咩？咁妳唔好令佢失望

私人傳訊回覆引用

Jolin_C.Lau

複式洋房

積分: 158

113^#

發表於 4 天前 |只看該作者

山吹發表於 26-3-28 05:14
係，所以有D未介紹就唔知囉，重點係介紹咗之後，個肥女同事居然同我講我老公好錫佢喎，問jm有咩反應先係真
...

我會冇咩反應老實。

下屬黎講，可能人地表達過左，但可能真係只想表達上司好照顧自己，我會覺得驕傲添。自己老公係上司，都要做個上司老婆大度嘅女人。

對女人黎講，如果我條件比佢好，絕對唔會有咩bad feeling, 即係話：驚都未驚過。

對你老公黎講，去旅行指定買某樣手信比佢，又真係錫喎，如果你真係好擔心，不如管下麻鷹先，而唔係不停介意雞仔。