吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 0|主題: 16126

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

59 606162 63...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1201^#

發表於 14-1-23 09:29 |只看該作者

關仁隱事：「肥妹仔」奇招加油

呢個圈中唔少女藝人都係教徒，好似「肥妹仔」同「舞后」因為有相同信仰而friend起嚟，成日同其他人圍埋一齊傾宗教。
關仁聽聞好似肥妹仔同舞后呢班信徒，開騷或表演前有個好特別嘅加油方法，就係一班信徒圍埋對住個主角，跟住各人口中念念有詞咁用雙手按住個主角，十足好似武俠片傳內功心法一樣，但有啲唔知情嘅人第一眼睇到時都嚇一跳，因為唔知佢哋搞乜嘢。

「肥妹仔」= 9暈胃?
「舞后」= 王君輕

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1202^#

發表於 14-1-24 09:18 |只看該作者

關仁隱事：「才子」被拖數發爛渣

「才子」平日出嚟講嘢聲大大，批評時事最了得，寫作亦有一手，所以有唔少忠實粉絲。
如果要出動到才子上台講嘢，最重要就梗係要畀錢啦，唔畀錢都唔使旨意佢肯開金口，就連出版商嘅派對，佢都唔會畀面，真係好有性格。關仁聽聞有一次佢上台致辭時，竟然夠膽喺台上寸爆出版商，寸佢哋出糧唔準時，出糧唔準時係出版商唔啱，但喺人哋嘅地頭都開晒名數臭人，咁就真係有啲過火喇！

「才子」= 掏杰?

點評

simple430 條友好等錢洗 , 睇佢接埋 d 19 廣告就知啊發表於 14-1-27 21:49

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1203^#

發表於 14-1-27 09:13 |只看該作者

關仁隱事：「妙藥」霸道　辣㷫老細

雖然「妙藥」𠵱家好紅，但有好多電影公司同導演都怕咗同佢合作，因為佢實在霸道得過份，一啲電影公司同關仁講，話同佢合作唔成，主要係因為佢嘅合約條件好唔合理，其中合約附帶條件係如果佢一家大小嚟探班，電影公司要提供埋頭等機票同住宿畀佢哋，而且唔係探一次。

被寸冇道德
電影公司睇到咁嘅附帶條件，梗係火都嚟埋，鬧佢經理人話：「大佬呀！我請佢一個人拍戲箒！有乜理由佢一家大細嚟探班，要我畀埋頭等機票同住宿！咁樣真係冇辦法合作，係咁啦！」結果妙藥又得罪一個老細啦！
內地有個電影公司老細就話妙藥有太多唔合理嘅要求，又經常唔畀啲女主角同佢一齊宣傳，連《妃傳》個女主角佢都睇唔起，個老細話妙藥一啲演員道德都冇，以後都唔會再搵呢啲演員拍戲，免得又要賠錢，又要受氣。

「妙藥」= 因子單

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1204^#

發表於 14-1-27 09:14 |只看該作者

關仁隱事：「旗仔」拍喊戲鬼祟滴眼藥水

藝人演技係本錢，隨時要喺鏡頭前表現出喜怒哀樂，有啲藝人感情豐富，演繹喊戲時一埋位就馬上嚟料。但關仁聽聞公仔箱好多花旦都要靠滴眼藥水，但就估唔到身為前輩嘅「旗仔」撈咗咁多年，每當做喊戲都未能咇出真眼淚，仲要隨身帶備一支眼藥水。
關仁聽聞旗仔次次拍喊戲都唔掂，但就係咁，畀佢練就咗一種秘密神功──眼藥水神功，佢會好鬼祟咁收好支眼藥水，埋位要喊就馬上神不知鬼不覺咁滴幾滴，話咁快就可以「流馬尿」，啲後輩仲以為佢次次都好似㩒掣咁，話喊就喊，佩服到極，原來到頭來係掩眼法。

「旗仔」= 你c旗

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1205^#

發表於 14-1-27 09:17 |只看該作者

關仁隱事：「得力素」被輪抱嚇親

男人大隻就特別着數，大隻仲要靚仔當然更加煞食，好似嚟咗香港發展嘅「得力素」，正所謂書生樣貌咕哩身形，去到邊啲女士都尖叫望多兩眼。
有次佢同經理人出席活動，在場嘅闊太眼甘甘望咗佢好耐，最後忍唔住走過嚟問可唔可以抱吓，一抱就引嚟成班闊太輪抱，前後都唔知幾多人抱過。咪以為告一段落，轉個頭男公關「雞絲」都走埋嚟要同得力素抱抱，大家都知佢嘅性取向，仲要佢成班同性好友不停用眼輪住望得力素，搞到佢成晚都好唔自在，連廁所都唔敢去，驚俾人𥄫。

「得力素」= 丸馬素

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1206^#

發表於 14-1-28 09:07 |只看該作者

關仁隱事：「青山」失靚位面黑

公仔箱嘅花旦成日爭個你死我活，佢哋唔只暗鬥，有時仲明爭到離晒譜，關仁八到佢哋日前出席個大型拍攝活動，本來大會安排咗「蛇女」企中間，論資排輩佢都理所當然，工作人員諗住蛇女跟同劇嘅外援演員齊集埋。但同劇上緊位嘅「青山」見到連中間隔籬個靚位都俾知名度唔高嘅演員攝咗，佢條氣即刻頂住，塊面仲黑晒，全程唧都唔笑。關仁覺得青山份人好小器，其實排位都唔係咁重要箒，話晒外援演員過門都係客，佢咁嘅態度顯得好小家。

「青山」= 徐紙山
「蛇女」= 蛇c慢

很想知道，追夢的人是如何踏出第一步?

私人傳訊

zhunter119

複式洋房

積分: 417

1207^#

發表於 14-1-28 17:11 |只看該作者

回覆 22May 的帖子

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1208^#

發表於 14-1-29 09:34 |只看該作者

關仁隱事：「公仔麵」專益自己人

公仔箱𠵱家自己搞音樂，唔只搞到外邊唱片喺公仔箱冇啖好食，就連公仔箱製作部門都好頭痕。以前公仔箱好多劇集都會用其他唱片公司啲歌嚟配合劇情，但𠵱家所有音樂上嘅嘢都交晒畀高層「水魚」老公「公仔麵」負責，劇集要用歌買版權，就要經公仔麵去傾。老友同關仁講，唔少幕後搵公仔麵向其他公司買版權嗰陣，佢勁耍太極話首歌唔好，話要叫自己手下去寫新歌，擺明益晒自己人，最弊佢手下作嗰啲歌唔掂，班幕後都要焗住照用，認真陰功。

「水魚」= 魚泳山
「公仔麵」= 河折逃

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1209^#

發表於 14-1-30 09:25 |只看該作者

關仁隱事：「公子」靠關係攞獎被噓

樂壇每年派成績表都鬧出唔少是非，但講到尾都係分豬肉，邊個乖仔乖女就有獎攞，唔乖就自然食白果，當然有啲都係要講關係嘅。好似啱啱大婆台舉辦嘅派豬肉頒獎禮，賽果例牌都係自己友，唔埋堆嗰幾間嘅歌手全部冇份，但做得自己友都未必一定有大獎，好似「青靚白淨」咁，今年人人都睇好佢攞最受歡迎男歌手，連其他歌手都睇好佢，因為佢真係有實力，唔係靠關係，連啲記者都喺頒獎嗰刻大叫佢個名，點知最後得獎竟然又係「公子」，公子今年掛住拍戲，都冇乜好歌，但因為係契仔，獎項自然袋袋平安，所以宣佈公子攞獎一刻，記者席都噓聲四起，但公子時運高，自然扮聽唔到啦。

「青靚白淨」= 許停哼
「公子」= 淋瘋

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1210^#

發表於 14-2-4 09:13 |只看該作者

關仁隱事：「大燈」跳槽Hea拍戲

內地導演「大燈」拍嘅片一直都好收得，甚得老闆歡心。有內地電影公司「孖人」睇中佢，出天價簽咗大燈，仲畀咗好多公司股份佢，令佢成為億萬富豪。向錢看嘅大燈見有好路數，即跳槽第二間公司，但佢同舊公司仲有部戲嘅合約，要拍完先可以走。點知佢臨別秋波拍到好冇心機，雖然手上都係賣座演員，但唔似以前咁花精力去度橋，仲翻炒自己舊作，喺拍攝現場又hea，搞到部戲出嚟時俾影評人猛彈。

「大燈」= 馮小崗

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1211^#

發表於 14-2-4 09:14 |只看該作者

關仁隱事：「大姐大」唔識樂壇新人

樂壇雖然不景氣咗好多年，但都依然有好多新晉歌手加入，好似幾個大型頒獎禮舉行完，當中有好多歌手相信大家都叫唔出名。關仁有單漏網之「娛」，話說其中一個頒獎禮舉行，身為領導人嘅「大姐大」理所當然喺台下欣賞，但其實佢近年都冇乜點留意樂壇，好多人上台唱歌，大姐大都唔知邊個打邊個，就算唔係新入行嗰啲，大姐大都唔認識，結果台上邊一路頒獎，佢就一路問身邊高層呢個係邊位，嗰個係邊位，喺佢身邊嗰啲人真係好忙囉。

「大姐大」= 魚憎

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1212^#

發表於 14-2-5 09:22 |只看該作者

關仁隱事：「皇后」挑剔怕𤓓

脾氣難頂嘅「皇后」自從冇乜劇出後，人氣已經好難keep到，但係佢就唔知驚，覺得靠自己嘅出色演技可以唔憂米，弊在佢待人處事就認真麻麻，搞到唔少劇組都唔敢搵佢拍劇，加上佢份人又太過自我自大，當正自己係國際巨星，得閒都唔使旨意佢肯做訪問，佢仲諸多要求，呢間做嗰間唔做，仲要指定邊個相熟記者負責，驚死俾人問衰嘢，其實如果佢份人行得正、企得正，都唔怕俾人問啲唔好嘅嘢。

「皇后」= 鄧碎文

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1213^#

發表於 14-2-6 09:50 |只看該作者

關仁隱事：「陳伯」欠錢撲水救火

「陳伯」一向善於交際，好容易就搵到老細打本畀佢做生意，自己一分錢都唔使出，淨係掛個名就搵到錢。
呢個算盤原本都好如意，可惜陳伯份人太鍾意吹牛，好多嘢都係講多過做，最後搞到自己間公司唔掂，除咗爭自己人錢外，原來出面仲有好多街數未清。關仁聽講其他行家見勢色唔對，就不停打電話去佢公司追數，搞到公司秘書小姐接電話接唔停手，陳伯都知呢鑊冇得瞞，避到連公司都唔敢返，日日出去撲水搵新老細。

「陳伯」= 陳伯長

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1214^#

發表於 14-2-7 09:23 |只看該作者

關仁隱事：「七彩仙子」陪老細出埠

唔少女仔發夢都想入娛樂圈，成功走紅梗係最好，不過就算半紅不黑依然吸引唔少女仔想入行，點解？因為如果成功爭取到少少知名度，返內地或者陪啲老細食飯遊埠都好，依然可以令叫價三級跳，因為話晒都係明星仔嘛。好似嫩模「七彩仙子」，除咗出過寫真之外，就幾乎可以話係紙上明星，完全冇乜作為，但關仁聽聞因為始終有知名度，加上七彩仙子個樣又唔差，所以唔少老細都爭住請佢食飯出埠送厚禮，喺行內都好吃香，難怪成日見佢大騷周身名牌手袋啦。

「七彩仙子」= Rainbow 湖深落

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1215^#

發表於 14-2-10 10:11 |只看該作者

關仁隱事：「豬油糕」懶叻教戲
遭打入冷宮

女藝人「豬油糕」喺大婆台個食飯劇裏面佔嘅戲份唔少，而佢就真係當正自己係女主角，其實呢啲劇有好多條線，好多人都係主角，不過豬油糕覺得自己年輕貌美，加上嗰排戲份比較多，忽然自我升呢做咗阿姐，自我感覺良好嘅佢，竟然走去教人做戲。
話時話，豬油糕出道嘅資歷唔係好深，演技又唔係話好出色，拍劇竟然走咗去教人做戲，令到啲資深演員睇到都覺得好好笑。

激嬲高層
最後呢個怪現象俾高層「奀姐」知道咗，奀姐最憎人扮嘢，又唔聽話，嬲起上嚟即刻叫編劇寫少啲佢嘅戲份。咁豬油糕都知衰，得到教訓之後，佢至乖乖做番本份，𠵱家咪多番啲戲囉。

「豬油糕」= 豬胃吻
「奀姐」= 憎厲真

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1216^#

發表於 14-2-10 10:12 |只看該作者

關仁隱事：「靚女」母女有骨氣

「靚女」洗盡鉛華喺快餐店做打工仔，關仁都相當佩服，覺得佢好有骨氣。聽講靚女媽咪原來都係好有骨氣，唔肯為錢低頭。
話說靚女細細個嗰陣，屋企環境其實相當唔錯，佢爸爸有啲家底，靚女都算係有錢女，可惜後來靚女爸爸同媽咪感情發生問題反晒面，搞到離婚收場，本來靚女媽咪可以向佢老公攞一大筆贍養費，但靚女媽咪為咗啖氣，就咁帶靚女離開咗佢老公，一個仙都唔要，靠自己雙手養個女，唔知靚女咁有骨氣嘅性格係咪受媽咪影響呢？

「靚女」= 擲艷厲

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1217^#

發表於 14-2-11 09:22 |只看該作者

關仁隱事：「雙劍」爭主席唔容易

演藝圈選舉事件早排搞到滿城風雨，喺件事度俾人鬧到喊嘅「雙劍」博到好多人同情。其實件事唔係各位睇咁表面，事實上識雙劍嘅人都知佢一直想坐正做主席話事，難得今次「打橫行」唔做，雙劍認為係上位好機會，點知中途殺出個「嚴冬」。為咗主席呢個位，關仁聽聞雙劍幕後做咗好多嘢，首先係搵佢老公幫手，繞過個會嘅律師開會同傾嘢，務求做到選舉對自己有利。不過，佢要做主席都唔係咁易，因為會裏面仲有好多老人家唔鍾意佢，搵咗攔路虎「大嚿」同佢爭，所以話今次真係好睇過戲。

「雙劍」= 塵紙青
「打橫行」= 真至矮
「嚴冬」= 黃揪生
「大嚿」= 丁乳

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1218^#

發表於 14-2-12 09:21 |只看該作者

關仁隱事：「大眼BB」色誘宅男

童星出身嘅「大眼BB」，雖然拍嘅劇遲遲未出街，但絕冇影響人氣。佢之所以咁吃香係因為形象健康，不過關仁同幕後人傾偈，唔少人覺得其實大眼BB唔係大家想像中咁清純，覺得佢只係扮嘢，好似大眼BB心知自己身材好，又唔想拋胸出現搞到cheap晒，所以間中會喺網上貼啲內衣相出嚟引吓宅男，拍廣告又會有意無意間sell身材，所以話呢，波大真係未必冇腦㗎。

「大眼BB」= 黃尾奇

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1219^#

發表於 14-2-13 09:30 |只看該作者

關仁隱事：「白蘭地」詐儍

「白蘭地」出道時未紅先驕，因為記者搵佢做訪問扮上菜，自此被杯葛，搞到平時白蘭地出活動冇文字記者問料，可能因為冇記者問料比較得閒，唔使等，所以電視台實訪問佢。唔知係咪人老咗記性唔好，某次首映白蘭地死死地氣搵公關問文字記者同唔同佢做訪問，人哋話唔做，佢竟然仲要問點解，又話自己係主角之一，結果主角都冇面畀，最後都係得電視台做訪問，話明主角之一，人哋可以問其他主角嘅啫！

「白蘭地」= ?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1220^#

發表於 14-2-14 09:24 |只看該作者

關仁隱事：「牛牛」飯局解圍失敗

「麻雀」唱片公司同公仔箱關係近年好差，尤其公仔廂高層「慳慳」事事益自己友，令雙方關係變得更惡劣。早排麻雀高層「好天」向老闆「牛牛」投訴公仔廂啲衰嘢，牛牛話自己同公仔廂「老細」相熟，打電話同老細商量吓，結果老細就叫晒慳慳同所有做綜藝騷嘅高層，之後牛牛、好天以及麻雀全公司高層一齊食飯，希望大家搞番好啲關係。雖然當晚雙方表現都好熱情又飲又斟，但聽聞食完餐飯之後，兩邊關係依然冇改善，就好似食完啲嘢消化晒咁。

「麻雀」= 鷹王
「慳慳」= 魚泳山
「好天」= 唔雨
「牛牛」= 羊獸X

很想知道，追夢的人是如何踏出第一步?

私人傳訊