影視娛樂 今日: 2 | 主題: 16128

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1221^#

發表於 15-11-9 06:45 |只看該作者

hugoma2015 發表於 15-11-8 06:54
呢套戲有個特點，每睇一次，都有唔同既感受，例如蘇凰戀，每次睇，都覺得宗主對郡主既愛意更濃一D。第一次 ...

仲有一次，就係靖王誤會佢唔肯救衛錚，由密室走咗去，宗主即刻想攔佢，但身體已經大不如前，剛病好又要辛苦過，一行就扑低，叫甄平去攔已趕唔切，之後匆匆去靖王府，果次都好急，不過同今次所不同係郡主對佢太重要啦，呢次之後佢應該意識到郡主會係佢一個大軟肋，所以至會要送走郡主遠離京城，當然引南楚入京揭發景睿身世宗主一早會料到後果係梁帝會要郡主返雲南坐鎮。

怒又真係只有因為郡主，就算靖王個白痴要執拗去救衛錚果次都只係激氣，未去到真正動怒，所以對於越貴妃咁快就可以復位，嬲嘅唔只譽王同郡主，最心寒嘅應該係宗主，皇帝可以咁快就當無事，作為郡主會點諗？太子都識得話要去謝罪，皇帝居然話太子咁尊重點可以對一個臣下撫首，係，以前果個年代，皇室身份貴重，所有人命都賤如草芥，就算係一方郡主嘅清白都要躲躲閃閃，點會令人唔意難平。宗主對郡主最著緊，越貴妃太子皇帝已經係觸及佢嘅底線，但宗主絕對唔會逆反，作為臣子，佢只能做到保護郡主，心中怒火無處宣洩。

小王爺同豫津就好似呢套劇兩道清流，有佢地氣氛輕鬆晒，佢地兩個心性正直，但又唔係無智慧，豫津同穆青較後期都好透徹睇到時局，佢地行事有時或者會一時意氣，但後來都唔係魯莽行事，只要假以時日，多D歷練之後應成大器，我好鍾意劇入面獵宮一戰，豫津一下子長大咗，佢已經唔係再係以前果個紈絝子弟，保護老小保護宮羽，及後上戰場，佢絕對值得宮羽對佢另眼相看。

花旗太太生活在花旗國，留意時差，你問我未必即時答到。

私人傳訊

積分: 174325

1222^#

發表於 15-11-9 07:05 |只看該作者

hugoma2015 發表於 15-11-8 07:19
宗主確實好介意人地話佢個樣改變，因為容貌改變既原因，過程都非常痛苦，不堪回首。甚至某一D經歷喺佢心靈 ...

宗主將自己放得太低啦，佢將所有人嘅安危幸福都凌駕於自己之上，佢根本係用自己條命去換所有人平安，我明白宗主嘅想法，佢覺得十三年前梅嶺一戰佢應該已經死咗，當七萬赤焰軍被害死後，只有佢同少數人如衛錚、黎綱、甄平等可以執番條命，其他人可以隱姓埋名偷安過活，但佢唔得，因為佢係林家少帥，佢一個人槓起晒所有責任，因為佢知道呢條雪冤路太危險，既然佢已經係死過翻生，又選擇咗挫皮削骨年壽不永呢個方法，只希望其他人可以唔駛為自己冒險，所有唔好嘅佢都寧願自己一個去承受，其他人可以唔駛出手就唔出手，我唔會覺得佢蠢或固執，佢只係太仁慈太有情義，對於無辜嘅人，雖則佢同靖王講，可以利用都要利用，佢多次借紀王出手，你估紀王唔知咩，只係紀王都只係將所見嘅講番出嚟，佢無偏袒任何一方。就如宮羽、童路、心柳、心楊，宗主為佢地報仇雪冤，雖然佢地成為宗主嘅棋子，但其實都係各取所需，宗主亦冇強人所難。至於景睿謝弼，宗主同佢地冇朋友之義，亦有親戚之情，唔忍心係自然，就算係卓家天泉山莊，之前聽命謝玉幾次要殺佢，侯府一夜後佢都冇加害，反之佢敬重卓鼎風重情重義，只是信錯謝玉，搭上一家前途，為謝玉毀去一生修維，宗主是練武之人，自是明白中間情義兩難存。

花旗太太生活在花旗國，留意時差，你問我未必即時答到。

私人傳訊

積分: 28097

1223^#

發表於 15-11-9 13:13 |只看該作者

本帖最後由 hugoma2015 於 15-11-9 13:17 編輯

rose-mag 發表於 15-11-9 07:05
宗主將自己放得太低啦，佢將所有人嘅安危幸福都凌駕於自己之上，佢根本係用自己條命去換所有人平安，我明白 ...

宗主成日覺得自己條命係7萬兄弟換返黎，甚至會覺得自己連累左7萬赤焰軍，畢竟皇帝要誅殺既主要目標系佢地林家同祁王，而佢地又絕對會誓死反抗，所以全軍覆沒。佢對赤焰舊人或者郡主呢D受到赤焰案牽連既人，都有一種特別既感情，唔知可否理解為負疚感？佢會不惜一切保護呢D人。再加上佢自嫌自棄，佢大部分時間都無在乎過自己。梅長蘇都是一個棋子，而且系最可以犧牲既棋子。

點解宮羽，童路作為宗主既所謂棋子，都咁死心塌地？因為憑佢地自己既能力根本無機會報仇，所以佢地唔單只系各取所需，更加要感激宗主。君子不強人所難呢一點，我覺得系宗主同靖王既一大區別。宗主好尊重其他人，呢種尊重，唔係表面上既禮貌，而是發自內心對對方需要、心理既體諒同理解。就算係最後長公主唔肯首告，宗主好失望，佢都無勉強對方。而佢既失望可能只系因為長公主對自己姐妹、親人喊冤的冷漠（其實唔系冷漠，只不過一邊系死者已矣，一邊系自己既骨肉，怕連累到家人）。

私人傳訊

積分: 28097

1224^#

發表於 15-11-9 13:48 |只看該作者

本帖最後由 hugoma2015 於 15-11-9 14:18 編輯

rose-mag 發表於 15-11-9 06:45
仲有一次，就係靖王誤會佢唔肯救衛錚，由密室走咗去，宗主即刻想攔佢，但身體已經大不如前，剛病好又要辛苦 ...

系啊，所以話情絲繞事件係”蘇凰線“既一個轉折點，感情上，宗主有一種”失而復得“既感覺，更加珍惜郡主，更加想護郡主周全，更加想接近郡主，所以後面多次應該迴避郡主以免被揭穿身份，佢都依然情不自禁。理智上，宗主發現自己居然會為左一個人方寸大亂，居然會為左一個人連靖王安危都不顧，那個失誤佢自己都唔可以原諒自己。呢個人無論係邊個，都係宗主既死穴，佢都要遠離。但係呢個人正正就係郡主，宗主又唔捨得，又唔忍心，好矛盾。不過呢個階段，情感戰勝左理智。

我反而覺得宮羽未必可以同豫津一齊，畢竟2人出身相差太遠了。

私人傳訊

積分: 28097

1225^#

發表於 15-11-9 14:09 |只看該作者

最近D網友扒起，先知道胡歌同3個老戲骨果3場重要對手戲拍攝順序係：

1、宗主VS皇帝（53集後宮單獨對話）
2、宗主VS謝玉（23集監獄審謝玉）
3、宗主VS夏江（38集懸鏡司）

演員讀過原著真係好重要，否則根本入唔到戲，把握唔到第一場既情緒啊！

私人傳訊

積分: 174325

1226^#

發表於 15-11-9 14:15 |只看該作者

剛喺微博見到，即刻抱走，兩張都好靚。

點評

發表於 15-11-9 14:23

花旗太太生活在花旗國，留意時差，你問我未必即時答到。

私人傳訊

積分: 28097

1227^#

發表於 15-11-9 14:22 |只看該作者

rose-mag 發表於 15-11-9 14:15
剛喺微博見到，即刻抱走，兩張都好靚。

我好中意第一幅圖果套衫噶，好有國士風範
圖2應該是遊戲既造型。花俏左D，我會比較中意遊戲裡面，宗主武將既造型，好英！

私人傳訊

積分: 174325

1228^#

發表於 15-11-9 14:32 |只看該作者

hugoma2015 發表於 15-11-8 22:22
我好中意第一幅圖果套衫噶，好有國士風範
圖2應該是遊戲既造型。花俏左D，我會比較中意遊戲裡面，宗主武將 ...

我都鍾意第一個造型多D，呢個至係宗主，套衫係入大殿同梁帝賀壽果一套。第二張應該係手游版入面造型，不過我覺得如果當年冇梅嶺一戰，林殊一直到十幾年後，會係呢個造型都適合。

花旗太太生活在花旗國，留意時差，你問我未必即時答到。

私人傳訊

積分: 28097

1229^#

發表於 15-11-9 14:37 |只看該作者

本帖最後由 hugoma2015 於 15-11-9 14:38 編輯

rose-mag 發表於 15-11-9 14:32
我都鍾意第一個造型多D，呢個至係宗主，套衫係入大殿同梁帝賀壽果一套。第二張應該係手游版入面造型，不過 ...

第一套宗主著過2次，一次係第一年金陵過年，第二次就是53集賀壽了。
第二張係手游宣傳既造型。如果無13年前梅嶺，我估計林殊而家就系武將既造型為主了。至起碼都是獵場既騎馬裝，唔會再寬袍大袖了

私人傳訊

積分: 174325

1230^#

發表於 15-11-9 15:09 |只看該作者

第4集看點
（9）芝蘭玉樹

謝玉的侍衛報告蒞陽長公主出宮後去過穆王府，只是因為郡主跟小王爺都不在府中，所以長公主沒有入內，謝玉心內有了盤算，於是打發下人後，想到長公主臥室探問一下。

謝玉跟長公主去找宗主不同，他是堂堂正正的前往，所以由下人打燈引路。

長公主的侍女聽見侯爺過來，驚得不知所措，最後由齊嬤嬤擔戴了攔下侯爺的責任。

齊嬤嬤就是當年睿山上陪在長公主身旁的侍從，對於長公主年輕時的事情都一清二楚。當謝玉來到門前時，齊嬤嬤擋在門外，以長公主心情不佳不想見人為由請謝玉留步。

謝玉自是不放過，但他跟長公主心中一直有兩根刺，齊嬤嬤輕輕道出長公主日中無意走到當年太后的寢宮，想起以前舊事，暗示當年太后對長公主用情絲繞一事

謝玉心虛自是不再強行進入，這一道砍可算是長公主一生污點，她縱不願意也答應下嫁謝玉，多年來長公主是心甘情願還是事已至此百般無奈，謝玉當然心中有數，齊嬤嬤翻出陳年舊賬來，介意的人也不只長公主一個。謝玉只好離去。

＊＊這裡有幾點提出來說說：
1）謝玉聽到長公主去找霓凰，她倆素無來往，蒞陽突然去找郡主，原因可疑，謝玉身為太子謀臣，越貴妃跟太子的計劃，謝玉不可能不知，懷疑長公主忽然去找郡主的動機也是情理之中。其實小說中，長公主正是從謝玉那裡打聽到太子和越妃要向郡主動手，但礙於不想累及夫家，也不能透露謝玉是太子那邊的人，長公主謊說從謝弼口中得知，於是宗主一早鎖定對郡主有企圖的是譽王，所以當言皇后派人請郡主一聚，宗主和郡主都毫不懷疑相信主謀人是皇后，那麼郡主已著了先機，自是不會出事。就是經過這一次，宗主知道原來在太子和越貴妃身後的人是謝玉。

劇中似乎對這一點著墨不深，而且早在最初已揭露了謝玉一直在扶助太子，小說中送慶國公家奴入京的另有一個江湖客，入到江左地界後由江左盟保護，後來又由豫津出面著地方官員護送進京，電視劇就一早就安排卓青遙保護兩個慶國公家奴逃至江左地界內，再經江左入京，所以觀察一早就知道謝玉是太子的幕僚，而天泉山莊一直在謝玉手下辦事。這又有一點有趣的：卓青遙在江左見過梅長蘇，只要他見到蘇哲，自然會認得出蘇哲其實就是梅長蘇，可是因為謝玉要安排卓青遙辦事，所以一直卓青遙都沒有露面，景睿也以為卓青遙不在京中，於是卓青遙就沒有機會一早見到蘇哲，不能早早就告訴謝玉蘇哲是宗主的身份，反而去到蒙統領跟飛流交手後才猜得出，同時譽王也經由謝弼打聽到宗主一早已用蘇哲的身份入京，並且住在寧國侯府中。

2）細節細節細節又來了：長公主和侯爺晚上出外都帶上燈籠，因為以前不像現代滿街燈火，晚上走夜路不帶個燈籠看不到路，可是身份尊貴如侯爺和長公主的都有僕人來提燈籠引路，長公主今集因為要靜靜的去夜訪宗主，為免招人口實，自是不帶侍女，於是就自己提著燈籠去雪廬了。其他場面都有類似的細節。另外，富貴人家更衣都有專人服侍，長公主晚上出外，帶上有斗蓬的披風，掩人耳目，穿戴時繫上蝴蝶結都是假手於侍女，就像宗主出外著披風都由其他人幫忙。就像第一集中，譽王回到府中，有幾個僕人站在門口外，譽王隨手解下披風順手一遞已有侍女接過。宗主去訪言侯，言侯自外歸家時都有兩個僕從提著食盒行李跟隨，這點細節很多幕都有安排，後宮的戲份中見到更多。

3）劉奕君的謝玉造型跟芝蘭玉樹都頗匹配，年輕時的謝玉雖不算是很耀眼，也算是一表人才，他在帳簾後偷望長公主的一個鏡頭有可算是一道風景，沒有金陵最閃亮少年的驚艷，但也可算是一代武將（當然他是未遠被壓在林燮之下，所以他要出頭就要剷除赤焰統領林燮，這個跟他有姻親關係又有朋友之義的人）。劉奕君幾個眼神交代了心中多番盤算，在這裡因為借靜妃惠妃出手通知長公主，謝玉的心虛就沒有那樣明顯了，只是我還是覺得謝玉是一早知道越貴妃有計劃用情絲繞來對付郡主。後來面對齊嬤嬤的暗示，謝玉的反應也十分到位，把這個小人心性表露了出來，這劇成功之處就是幾乎每個演員的演出都無駭可擊，令人讚賞。就是長公主的兩個侍女和齊嬤嬤，雖然戲份不多，也是做得恰到好處。

花旗太太生活在花旗國，留意時差，你問我未必即時答到。

私人傳訊

oran04

侯爵府

積分: 20485

親子王國15週年勳章

1231^#

發表於 15-11-9 17:26 |只看該作者

引用：第4集看點（9）芝蘭玉樹謝玉的侍衛報告蒞陽

原帖由 rose-mag 於 15-11-09 發表
第4集看點
（9）芝蘭玉樹

講起燈籠，我哥對呢套劇第一句評論在宗主去完蘭園後遇襲一幕，滿街燈籠，佢講左句：“古代有街燈啦？！”

私人傳訊

積分: 174325

1232^#

發表於 15-11-9 23:35 |只看該作者

引用：Quote:原帖由 rose-mag 於 15-11-09 發表第

原帖由 oran04 於 15-11-09 發表
講起燈籠，我哥對呢套劇第一句評論在宗主去完蘭園後遇襲一幕，滿街燈籠，佢講左句：“古代有街燈啦？！”

...

架空劇嘛，唔好駁古啦，不過以前都有打更佬，會唔會都有街燈就唔知啦。

花旗太太生活在花旗國，留意時差，你問我未必即時答到。

私人傳訊

rainbowworld

子爵府

積分: 11275

1233^#

發表於 15-11-10 02:01 |只看該作者

引用：Quote:rainbowworld 發表於 15-10-31 09:17

原帖由 rose-mag 於 15-11-01 發表
本帖最後由 rose-mag 於 15-10-31 10:44 編輯

唔記得幾耐前响志趣偶然見到你d post，同而家一樣都係好認真又詳盡，當時你好似都係講緊唔知邊本書，對你留下深刻印象之餘又覺得你應該係專家

問你咁多問題唔好意思

你覺得李添勝，張紀中，于正或其他導演d金庸劇邊個好d？有咩睇法？最憎邊d？

你可唔可以睇下蘭陵王妃個片花，我想知你對陳奕演蘭陵王個樣有咩意見？佢樣貌是否符合歷史所描述蘭陵王靚到精緻到好似仙女既樣貌？麻煩你幫下手，好想知你點諗，thx

你知唔知有個日本作家叫東野圭吾？佢d推理小說你一定鍾意

幻術構成的曲譜裏
　盡是人世的辛酸與苦澀
　　心之逆旅　華胥為引

私人傳訊

rainbowworld

子爵府

積分: 11275

1234^#

發表於 15-11-10 02:06 |只看該作者

引用：Quote:oran04 發表於 15-10-31 19:54 金庸

原帖由 rose-mag 於 15-11-01 發表
我中學係睇三毛、琦君、林海音，之後就鍾曉陽，去到大學至睇金庸，主要以前冇錢買書，全部學校圖書館借，父 ...

你覺得三毛d文筆同瓊瑤比較點呀？

幻術構成的曲譜裏
　盡是人世的辛酸與苦澀
　　心之逆旅　華胥為引

私人傳訊

積分: 28097

1235^#

發表於 15-11-10 15:55 |只看該作者

今日同幾個劇粉傾計，其中有人問“如果宗主同郡主結婚了（或者講私下結合），會不會宗主求生慾望會強烈D？”

其實呢個問題真是無解。作為一個病人，如果有親人時刻關懷，自然會舒心D，求生慾強D。再現實一D講，如果結婚后郡主可以睇實宗主，肯定唔會俾佢咁操勞、任性糟質自己身體。

但反過黎，宗主對自己死亡預期太強烈了，呢種情況之下，佢唔會去“連累”人，尤其喺心愛既人。再加上宗主太愛郡主，一定要護佢，令佢遠離危局。客觀上佢地都無辦法在一齊。

私人傳訊

積分: 174325

1236^#

發表於 15-11-10 17:48 |只看該作者

rainbowworld 發表於 15-11-9 10:01
唔記得幾耐前响志趣偶然見到你d post，同而家一樣都係好認真又詳盡，當時你好似都係講緊唔知邊本書，對你留 ...

我邊係專家，係無聊電視精就真。

你講果個帖應該係步步驚心，睇完電視劇後睇埋書，同一眾鍾意果套劇同書嘅JM傾咗好多，近來大家已經興趣稍降，熱情減退，個帖沉咗好耐。

金庸劇其實好睇究竟是否忠於原著，我見好多個版本一改就出事，改到唔合情理，人物性格完全唔係果回事，好少見改咗係好嘅。例如射鵰英雄傳，1983年王天林版主係黃日華加翁美玲，呢個係我睇咁多個最好睇嘅。1994年李添勝版輸在演員，朱茵同張智霖都唔選唔啱角，加上當時演技真係唔多得。2003年張紀中版本我睇得好少，李亞鵬加周迅，前者我覺得OK，後者唔夠精靈。2008年李國立版用胡歌加林依晨，其實算係幾稱職，可惜係個故事同人設都改咗好多，胡歌同林依晨都好少少，最慘係袁弘嘅楊康同劉詩詩嘅穆念慈同原著出入好大，搞到我越睇越忟，真係一邊睇一邊鬧，如果唔係當時睇靚仔同埋胡歌袁弘演技唔錯，我棄劇好耐。

個人覺得金庸劇跟得到原著唔會衰得去邊，因為故事已經好紮實，問題係選角同場面拍唔拍得出味道。我自己睇過嘅最鍾意版本有：
1978 招振強版倚天：鄭少秋、汪明荃、趙雅芝，呢個組合冇得輸。
1983 王天林版射鵰：黃日華、翁美玲、苗喬偉
1983 蕭笙版神鵰：劉德華、陳玉蓮
1976 王天林書劍：鄭少秋、汪明荃
1985 王天林雪山飛狐：呂良偉、戚美珍、周秀蘭
1999 李添勝版雪山飛狐都OK：陳錦鴻、佘詩曼、尹揚明
1982 蕭笙版天龍八部：梁家仁、湯鎮業、黃日華、黃杏秀、陳玉蓮
2003 大陸版本天龍八部胡軍、劉濤、林志穎、劉亦菲都唔錯
以咁多個版本，我覺得王天林同蕭笙比較能夠駛御到呢D長劇，李添勝係穩陣，但要睇配到咩演員，佢用彭文堅羅惠娟做書劍就唔多得，天龍八部用黃日華做喬峰比唔上梁家仁，陳浩民做段譽直情唔得，不過佢拍鹿鼎記用劉德華加梁朝偉又成為經典，後來另一版本馬浚偉加陳小春又唔太差。

大陸監製張紀中比較穩陣，李國立一時時，于正直情唔駛睇，佢套笑傲江湖都離晒譜嘅，改到東方不敗同楊蓮亭係主角咁，袁珊珊直情毀劇，全套睇霍建華，我估佢以後都唔敢接佢D戲。而家拍緊最新果套宮，趙麗穎有床上戲，同三級片冇分別，只係冇露點，我都好懷疑拍完出唔出到街，如果明知出唔到都要拍又為咩？呢個人嘅戲我係唔會睇，浪費時間。

睇咗蘭陵王妃片花，不過好老實講，我最初都分唔到陳奕同彭冠英，兩個有D造型都好似。陳奕比馮紹峰個樣精緻，但威武不足，黑色衫披髮個定粧妖味重，冇咩仙氣，不過佢銀色盔甲造型唔錯，但珠玉在前，馮紹峰嘅蘭陵王夠大隻夠MAN，陳奕好似差少少，即使係靚仔，但唔夠霸氣，我冇睇過蘭函王妃本書，唔知究竟合唔合適。如果真係要講似我心目中蘭陵王嘅靚只有年輕時林志穎或者湯鎮業，前者係靚到無瑕果種，不過威武又差少少，後者年輕時真係幾得吓。

東野圭吾故事好多虎頭蛇尾，始局成日草草收場，我比較鍾意松本清張同森村誠一社會寫實派多D，佢地比較依民為本，反映社會現實，特別對於人性描寫，戰後日本現象有較多探討。

花旗太太生活在花旗國，留意時差，你問我未必即時答到。

私人傳訊

doll100

大宅

積分: 2668

1237^#

發表於 15-11-10 22:33 |只看該作者

回覆樓主:

為何李國立拍既都係青春古装偶像片，唐人而家大多數都系呢類型電視劇，胡歌近年都少左拍唐人既片。不過正因為呢類片，幫左胡歌當年靠仙劍走紅。

私人傳訊

積分: 174325

1238^#

發表於 15-11-11 02:32 |只看該作者

rainbowworld 發表於 15-11-10 02:06
你覺得三毛d文筆同瓊瑤比較點呀？

個人喜好，三毛比較隨心比較真，佢寫嘅好睇在風土人情，佢係好有才，但内心好敏感，所以睇佢寫有時好似比較散比較冇重心，不過親身感受好感染到人。

瓊瑤文筆流麗，寫情寫景寫人都好仔細，筆人盡是俊男美女，郎才女貌，故事亦都哀怨纏綿，只係非我杯茶，個人喜歡瓊瑤多過亦舒。

我鍾意李碧華，文筆辛辣，描寫狠絕，應該係我骨子裡都係烈女啩，好鍾意佢以景托情，每每令人觸景生情。

花旗太太生活在花旗國，留意時差，你問我未必即時答到。

私人傳訊

積分: 174325

1239^#

發表於 15-11-11 02:39 |只看該作者

doll100 發表於 15-11-10 22:33
為何李國立拍既都係青春古装偶像片，唐人而家大多數都系呢類型電視劇，胡歌近年都少左拍唐人既片。不過正因 ...

其實可能係要考慮市場同觀眾，而且舊劇種拍過好多，大劇又要睇有冇投資，有幾多賣埠價值，用紅演員要考慮錢，做大場面又係錢，細節又係錢，古裝劇淨係服裝費都去咗一大截，時裝相對容易d, 不過近年李國立都係拍古裝喎，胡歌好多部都出於佢手，仙劍，聊齋，天外飛仙，少年楊家將，射鵰，仙劍3,風中奇緣。而家拍完未出有明妃傳，秦時明月同雲之凡。

花旗太太生活在花旗國，留意時差，你問我未必即時答到。

私人傳訊