吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 1|主題: 16126

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

60 616263 64...84

144

ernstep

複式洋房

積分: 107

1221^#

發表於 14-2-16 21:48 |只看該作者

回覆 22May 的帖子

whiskey (whitney Hui)

點評

22May Thx!! 發表於 14-2-17 09:34

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1222^#

發表於 14-2-17 09:34 |只看該作者

本帖最後由 22May 於 14-2-18 09:36 編輯

關仁隱事：「高哥」風流搵女陪

中港台呢輪吹起韓流，話說韓星「高哥」早排同經理人去咗內地一轉，某間大電影公司嘅老闆「石頭哥」，仲親自招呼佢，唔講唔知，聽呢間公司嘅人講，原來高哥都幾鍾意玩，有次石頭哥招呼佢去唱卡拉OK，佢竟然主動問有冇靚女可以陪玩。

起底拒合照
初時人哋都唔知道高哥係風流一族，當然冇準備到女畀佢啦，後來知道佢好此道，即刻幫佢安排咗幾位年輕貌美靚女過佢。不過，入得房一齊玩都有規矩，所有陪玩嘅女仔都唔可以帶手機，如果被高哥睇中有下文嘅女仔，就更加會先起埋個女仔嘅背景，免得有手尾跟。聽講高哥已經唔係第一次去內地玩，所以佢都玩得相當小心，喺夜場盡量唔會同啲女仔合照。

「高哥」= 你吻高「石頭哥」= 逄小剛

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1223^#

發表於 14-2-17 09:54 |只看該作者

關仁隱事：「醫生」俾男經理人摸

大婆台唱歌節目出嚟嘅「醫生」，唔算好靚仔，但唱得好吸引唔少少女粉絲，估唔到連同性都吸引到，前排醫生主動要求公司換走由佢出道開始跟佢嘅經理人，表面同公司講嘅原因係唔夾，但真正嘅原因係醫生不滿成日俾呢個同性經理人摸身摸勢抽水，後來換走咗，醫生即刻覺得舒服晒，聽聞另一個小生「新仔」都經常蝕底畀同一個經理人，敢怒不敢言，估唔到大婆台入面嘅男藝人都有呢啲屈辱呀陰功！

「醫生」= 許停鏗

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1224^#

發表於 14-2-18 09:33 |只看該作者

關仁隱事：「沙沙」遭導演白眼

導演「貝貝」性格火爆，同佢合作過嘅人都怕咗佢嘅神化性格，話說幾年前拍一部戲，電影公司老闆想加旗下力捧嘅「沙沙」入去，貝貝睇錢份上，喺唔願意情況下只有話好，沙沙雖然有機會拍戲，但貝貝喺片場內外從來冇望過沙沙一眼，就連造型時都唔同佢傾一句，沙沙其實拍得好委屈，有冤無路訴，新人或者要遭人白眼。
但關仁覺得貝貝身為老行尊，係咪要關顧吓後輩，沙沙仲係有份拍佢部戲，大家咁樣冇溝通，想拍得好都幾難。

「貝貝」= ?
「沙沙」= ?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1225^#

發表於 14-2-19 09:19 |只看該作者

關仁隱事：「屈蛇」大支嘢難服侍

娛樂圈新人輩出，有時喺街行過原來身邊嗰個係明星，你都可能唔知。又有人話𠵱家個圈縱壞啲新人，人未紅已經有成班跟班前呼後擁，搞到佢哋未紅先驕，話好懷念以前個年代喎。其實老藝人有時仲難服侍，好似藝術家出身、早年拍電視拍賭片好出位嗰位「屈蛇」，之後都拍過電影，聽試過幾次同佢出埠做宣傳嘅公關講，服侍佢仲難服侍過啲巨星，佢當正你係佢私人助理，三不五時就搵你，間房差啲又唔滿意，乜嘢都要同啲阿哥阿姐睇齊。屈蛇仲試過半夜肚餓，打電話過房叫人幫佢買消夜，好心佢就自己叫room service啦。

「屈蛇」= MingSir 流鈞金名

點評

琛媽係流兆金名啊發表於 14-2-20 09:56

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1226^#

發表於 14-2-20 09:27 |只看該作者

關仁隱事：「小雲」抑鬱冇啖好食

經常聽到有藝人話壓力大，搞到患上抑鬱症。好似「小雲」咁，白白滑滑，一出道已引死唔少宅男，可惜佢天生好肉地，點減睇落都好圓潤，搞到佢經理人「甜甜」成日鬧佢，平時做完活動都唔畀佢食嘢，結果搞到抑鬱，食藥副作用就係越減越肥。其實甜甜一向鬧人唔留情面，以前「小欖」都成日俾佢鬧喊，又係話佢減極都咁肥，着衫又老套，搞到小欖好唔開心，終日以淚洗面。好彩後來小欖信咗主，搵埋個跟得男友，之後過埋心理關口豁出去行性感，咁先捱過日日俾人鬧嘅日子。

「小雲」= 9雲胃
「小欖」= 你啞男

點評

WytebordMarker 甜甜係邊個? 發表於 14-3-11 08:18

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1227^#

發表於 14-2-24 09:24 |只看該作者

關仁隱事：「信仔」總算有運行

唱作人「信仔」喺十年前寫嘅主題曲舊歌，去年大受網民超級吹捧，仲撼贏埋前輩嘅新作㖭，令半退居幕後嘅信仔都多番啲工作，連農曆年都有電台約佢做訪問，冇辦法啦，娛樂圈就係咁跟紅頂白，不過信仔都有自知之明，明白自己喺呢行雖然做咗十幾年，但依然都係冇乜人氣，所以佢見到記者都好有禮貌咁派利是，仲尷尷尬尬咁自我介紹叫乜名，其實信仔份人唔錯，可惜呢行講一命二運三風水，有料冇運都冇用！

「信仔」= 徐偉賢

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1228^#

發表於 14-2-24 09:26 |只看該作者

關仁隱事：「大口姐」黐公關攞着數

最近「大口姐」搭上「大牛龜」，但係佢哋呢段戀情，似乎冇乜人睇好，除咗大牛龜嘅屋企人唔鍾意之外，大口姐嘅臭史仲俾人越揭越多㖭。

狂擸贊助
大口姐表面上好識做人，不過識得佢耐嘅朋友，都知道佢嘅性格好有問題，平時佢最鍾意就係搵着數，好鬼貪心，佢仲恃住自己識得人多，形象又唔係太差，所以佢成日周圍問啲公關攞免費護膚品、衫、袋等，問人攞咁多贊助都面不改容。
話說關仁聽聞有一次大口姐搵着數仲搵到過埋界，佢問公關攞「多仔樂隊」嘅演唱會飛，由於啲飛好難求，大口姐又獅子開大口，話一定要坐靚位，搞到個公關左撲右撲，好鬼辛苦，真係多得大口姐唔少！

「大口姐」= 羊憎
「大牛龜」= BOSCO

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1229^#

發表於 14-2-24 09:28 |只看該作者

關仁隱事：「小蜜蜂」「多嘴妹」　當眾互摸難頂

小生「小蜜蜂」同佢嘅女朋友「多嘴妹」真係愛得好鬼癡纏，話晒佢哋都仲係熱戀期，兩個拍拖時梗係特別親密啦，鬼咁甜蜜，但有時喺公眾場所，都要檢點啲先得㗎嘛。

咀完要送手袋
話說關仁聽到有一次小蜜蜂同多嘴妹一齊返男家屋企，搭𨋢嘅時候，呢對小情人完全唔理𨋢內有其他住客，多嘴妹出手摸小蜜蜂嘅肚同pat pat，跟住小蜜蜂又摸番多嘴妹塊面，最後仲咀嘴㖭。等等……仲未完㗎，出咗𨋢之後，佢哋仲喺度調情同親熱，多嘴妹話：「……唔好，你好臭。」小蜜蜂就回答話：「以前都係咁。」多嘴妹再講：「好啦，聽你一次，你返嚟要陪我去買手袋。」小蜜蜂第一時間就應承咗，真係肉麻到暈，難為同佢哋一齊搭𨋢嘅人！

「小蜜蜂」= 淋蜂
「多嘴妹」= 唔千乳

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1230^#

發表於 14-2-24 09:30 |只看該作者

本帖最後由 22May 於 14-2-24 16:32 編輯

關仁隱事：「北姑娘」靠賣身上位

娛樂圈嘅男女關係真係好複雜，有啲人想上位，為求一個機會，就唔介意出賣自己。關仁最近由公仔箱一個朋友口中聽到，佢話「細路仔」因為喺公仔箱好話得事，好多新女為求上位走捷徑都投懷送抱，自動送上門，好似當年「北姑娘」寂寂無聞，佢就醒目黐咗細路仔，陪出陪入，陪日陪夜，結果佢咁進取當然得到前輩提攜，得以彈出。關仁覺得要咁樣出賣自己先可上位，點解唔靠自己實力呢。

「細路仔」= 憎至矮
「北姑娘」= 假曉神

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1231^#

發表於 14-2-25 10:03 |只看該作者

關仁隱事：「小折」鹹夢媾「小雨

「小折」雖然唔靚仔，但把口得，佢同「波波」分手後仍然可以做到朋友，又成日帶住「姥姥」四圍去威，任攬任錫乜都得，名副其實老中青通殺。不過，勢估唔到，小折連人妻都唔放過，「小雨」話晒係「叠水」嘅未過門妻子，拍拖多年，人前人後都叫佢做阿嫂。但有次小折見到小雨竟然大膽講鹹濕笑話，話自己噚晚發夢見到小雨沖涼，場面好香艷。呢啲唔知係咪小折嘅冧女招數，但就嚇到小雨當堂打個突，唔識點應對，惟有笑吓敷衍了事。

「小折」= 你c折
「波波」= 黃寶寶
「姥姥」= 陳啞輪
「小雨」= ?
「叠水」= ?

點評

BestHKMother 「小雨」= 唔千雨
「叠水」= 淋風發表於 14-2-26 12:14

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1232^#

發表於 14-2-26 09:55 |只看該作者

關仁隱事：「大門牙」孤寒屈員工

有錢人「大門牙」揸弗嘅娛樂公司年年都搞春茗，雖然佢有大把錢，不過份人真係好鬼孤寒。
關仁聽過大門牙啲員工投訴，原來每年嘅春茗，都係要員工夾錢食飯，好似今年就大拿拿要每人夾280蚊，啲錢唔係用喺食貴價餸上，而係要嚟請歌手唱歌表演餘興，啲員工知道後梗係唔滿意啦，話晒大門牙咁有米，唔單止唔請員工食餐飯，仲要員工自己夾錢，真係聞所未聞，所以好多員工都寧願唔去，無謂嘥呢啲血汗錢。

「大門牙」= 淋建名?

點評

girlbear 黃百明? 發表於 14-2-26 12:46

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1233^#

發表於 14-2-27 09:18 |只看該作者

關仁隱事：「八哥」扮勁呃「蟲仔」

「爛命台」之前開台無望，搞到好多藝人前路茫茫，當時有好多人即刻撲出嚟話幫手，包括有電影人話開戲搵爛命台啲藝人拍，等佢哋有工開。其中「八哥」話會搵「蟲仔」開新戲，搞到蟲仔不知幾興奮。
不過八哥講完之後竟然冇晒下文，聽講蟲仔曾經主動打畀八哥，追問開新戲嘅情況，誰不知八哥一時話自己開緊會，一時話好忙，總之一味耍佢，令蟲仔好冇癮，覺得佢只係乘機吹水，為咗唔想令八哥覺得蟲仔求佢，之後蟲仔都冇再打畀八哥。

「八哥」= 燒定1?
「蟲仔」= 將蟲G

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1234^#

發表於 14-3-3 09:27 |只看該作者

關仁隱事：「勁硬」惹女上身鬥煩

早前「勁硬」開金口錄咗首MV，但又驚自己一個唔夠說服力加埋玩噱頭，一口氣邀請咗好多位靚女同話題女星做女主角，包括「人力車」、「頭輪」、「主婦」同「幼齒」等助陣，平時一個女人已經好煩，更何況𠵱家係咁多個女人。

各有各騎呢
不出所料，最煩係失婚婦人力車，當正自己係一級巨星，呢樣唔好，個樣又唔得，仲想霸埋化妝間自己用，又點啲工作人員買乜買物。頭輪年紀最細都費事同啲阿姐爭，坐埋一邊打手機。主婦就全程執化妝，冇乜特別都唔會離開張化妝枱。不過，講到最好笑嘅就點都唔及幼齒，佢行為粗豪，下至衫褲鞋襪，上至打燈、鏡位都係佢話事，佢話要點拍就點拍，導演都唔敢有異議，呢個圈真係惡就得！

「勁硬」= 將至淋
「人力車」= 塵法拉
「頭輪」= 黃尾奇
「主婦」= 謝on奇
「幼齒」= 老芬

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1235^#

發表於 14-3-3 09:28 |只看該作者

關仁隱事：「山楂女」目中無人遭炒魷

早排「山楂女」以為可以靠拍拖新聞嚟幫助提升人氣，所以係咁同記者放料，但因為放到過晒龍，結果搞到「波牛」身邊嘅長輩都好唔鍾意佢，仲要波牛唔好再俾人利用，快啲斬纜。

激嬲老細
最後佢哋兩個分咗手，不過山楂女之前高調成咁，梗係覺得好冇面啦！所以呢輪都唔想見人，連工都唔想返，所以佢向公司請假話要休假，咁人哋咪搵替工代佢囉，點知到人哋話搵到人代佢，佢又話可以返工，叫老細推咗嗰個替工，點知老細鬧爆佢，話佢當公司係冇掩雞籠，一時又話要休假，一時又話要返工，所以老細叫佢唔使返啦，叫佢放心休假。同佢拍檔嘅同事一向都不滿佢成日巴巴閉，目中無人，監製都嫌佢煩，其實佢哋都寧願佢一去不復返，然後休吓休吓，就索性搵人代咗佢算數。

「山楂女」= 羊憎
「波牛」= 波士高

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1236^#

發表於 14-3-3 09:31 |只看該作者

關仁隱事：「白癡」遭男友呼喝

公仔箱嘅花旦好多都係靠黐實話事人先有機會，真正有演技嘅真係唔算多。好似花旦仔「白癡」根本做戲咁多年都冇進步，做親乜嘢都係一個表情，講嘢又口齒唔伶俐，佢成日黐住高層「字母」，睇吓有冇機會撈番個視后，不過以佢嘅資質真係輪唔到佢。白癡見上位無望，成日放聲氣話就嫁，不過佢嘅鄰居同關仁爆料話白癡成日讚男友對佢幾好幾好，實質佢男友大男人到爆，對住白癡喺餐廳當眾都會呼呼喝喝，當佢係阿四。

「白癡」= 塵蚊G
「字母」= 620

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1237^#

發表於 14-3-4 09:25 |只看該作者

關仁隱事：「Mr K.」媾女冇風度

「莉芙」因為做嘢關係遇到自以為情場殺手嘅「Mr K.」，殺手見到靚女即刻展開追求攻勢，不過女方都知男方玩玩吓，所以唔受，點知最後事件爆咗出嚟，Mr K.一口指摘莉芙炒新聞，激到莉芙死死吓！故事仲未完㗎，大家喺呢個圈做嘢，出到去撞口撞面在所難免，正所謂怨家路窄，有一次佢哋真係撞到，莉芙諗住件事已經過咗去，諗住同男方打個招呼say hi，點知Mr K.表現好輕佻，完全唔睬莉芙，真係小器兼冇風度。

「莉芙」= 芙+莉
「Mr K.」= 唔唱k

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1238^#

發表於 14-3-5 09:18 |只看該作者

關仁隱事：「哈比人」囂爆犯眾憎

「哈比人」自從參加咗個比賽後變到好鬼紅，不過有好多樂迷都唔鍾意佢，除咗唔認同佢嘅唱歌技巧之外，最重要係佢啲態度，哈比人唔單止唔受樂迷歡迎，連圈中人都唔鍾意佢。
有一次哈比人有份參加綜藝節目，個個歌星都要前一日嚟綵排，係咁意都試吓音，但哈比人嚟到都唔入廠，仲要嘴藐藐唔明點解要排，佢覺得應該唔綵排嚟養聲，仲搵助手試位，令好多前輩都睇唔過眼。

「哈比人」= G E M

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1239^#

發表於 14-3-6 09:34 |只看該作者

關仁隱事：「遊魂」高調媾已婚男

成日睇報紙都話啲男人包二奶搞婚外情，另一半嘅老婆就好慘，唔好話關仁幫啲男人，正所謂女追男隔層紗，有唔少三角關係都係啲女士搞起。好似細細個以童星身份入行嘅「遊魂」，之前都出過碟想做歌星，可惜做極唔起，近年轉戰幕後，工作表現就唔知點，但聽聞佢喺公司媾位已婚男同事就係公司嘅人都知。雖然身為第三者，但遊魂似乎一啲都唔介意，同位男同事經常出雙入對表現好高調，喺公司呢段戀情已經係公開嘅秘密。

「遊魂」= 帶夢夢

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1240^#

發表於 14-3-10 09:18 |只看該作者

關仁隱事：「水魚」大細超乞人憎

「水魚」返番去公仔箱做後，安排屬於自己親信嘅幕後入去做，屬於舊一批唔係自己人嘅幕後人，佔大部份都俾水魚踢埋一邊投閒置散，就算之前做過好多收視高節目嘅幕後人都無一倖免。聽講水魚做事方法太過大細超，搞到公仔箱原本班幕後人怨聲載道。最明顯係水魚親信去外面地方拍嘢，一個節目可以拍足9個月兼且出動5部機錄影，直情好似做大騷咁，但唔係佢親信嗰班，就只係得兩三個月時間同埋得3部機拍，好多時拍完返嚟仲要俾水魚鬧拍咁耐，浪費資源，咁橫蠻無理，難怪個個都喺佢背後鬧爆水魚。

「水魚」= 魚泳山

很想知道，追夢的人是如何踏出第一步?

私人傳訊