| 戲假情真】四爺吳奇隆戀劉詩詩： 珍惜這份得之不易的感情 | 13,550 |
| 建立時間: 1113 13:56 | |
| 吳奇隆喺微博直認同劉詩詩拍拖，兩人外型匹配。(微博圖片)(互聯網) |
四爺及若曦拍攝《步步驚心》時，已傳出日久生情。(台灣蘋果日報圖片)
吳奇隆坦言會珍惜呢份得之不易的感情。(微博圖片)近期娛樂圈喜事重重，除咗章子怡同汪峰相戀外，今日又係黃曉明﹑余文樂及羅蘭姐生日，而劉愷威同楊冪今晨喺微博，亦宣佈明年一月結婚。
而「四爺」吳奇隆被指拍內地劇《步步驚心》時，同飾演「若曦」嘅劉詩詩戲假情真，早前兩人被內地傳媒拍得喺上海密會，而地點竟然係劉詩詩寓所，兩人喺屋內逗留近八小時，可見關係密切。
今日凌晨吳奇隆喺微博終於承認戀情，佢貼咗張同女友劉詩詩合照，仲話：「謝謝大家的關心及祝福，我們很珍惜這份得之不易的感情，真心的希望大家在我們僅有的私人生活裡，給予一些自由的時間與空間，謝謝體諒。」
當四爺貼咗親密合照後，有成50幾萬人轉發呢篇微博，亦有逾22萬網民及粉絲留言，而喺劉詩詩都喺微博到話：「謝謝大家關心，我相信上天會給最好的安排。」 
發表於 
:
返回列表
