吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 9|主題: 16126

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

61 626364 65...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1241^#

發表於 14-3-10 09:20 |只看該作者

關仁隱事：「飛仔」拍咀戲
女友跟場嗌Cut

男歌手「飛仔」一直以嚟都有個貼身服侍佢嘅跟得女友「雨雨」，佢哋兩個乜嘢事都會拍住上，而飛仔無論大小事務都有女友照顧。雖然佢哋從來都冇公開承認過呢段戀情，但呢件事就全世界一早都知道，仲覺得佢哋好sweet，恩愛到羨慕死人。
不過，情侶之間一齊做嘢就有好有唔好喇！話說關仁聽聞飛仔之前要拍嘢，因為劇情需要，佢要同一個鬼妹咀嘴，但唔知因為乜嘢事，咀極都唔啱導演嘅要求，導演仲喺度狂NG，咁佢哋就要狂咀，最終雨雨醋意大發，忍唔住大叫咗一聲「夠啦！」全場聽到呢句即刻靜晒，咁導演惟有勉強收貨啦。

「飛仔」= 股巨機
「雨雨」= Lorraine

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1242^#

發表於 14-3-10 09:21 |只看該作者

關仁隱事：
「青檸」點公關半夜搵黑超

韓國大隻仔「青檸」自從當完兵出嚟，真係今時唔同往日，受歡迎程度真係直線下降，不過佢依然好有巨星派頭，非常大支嘢。

使人唔使本
話說關仁聽某大品牌公關講，之前安排青檸到花都做活動，夜晚做完活動後，大家已經返到酒店休息，不過佢凌晨3點幾打畀個公關人員，話唔見咗副太陽眼鏡，佢話估計留咗喺活動會場，所以要求人哋即刻去會場幫佢搵返嚟，人哋話聽日幫佢去會場睇吓，但佢就堅持要即刻，因為怕唔見咗，結果搞到班宣傳人員冇覺好瞓，即刻返去會場幫佢搵眼鏡。聽個公關人員講，好怕招呼韓國星，因為個星麻煩之外，連身邊一串隨行人員一樣使到你盡，𠵱家潮流吹風，班韓娛人就更加大支嘢。

「青檸」= RAIN

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1243^#

發表於 14-3-10 09:28 |只看該作者

關仁隱事：「賓尼」冧同性製片

女星「賓尼」年前以為媾掂富二代「肥雄」，可以嫁個有錢人上岸嘆世界，點知好快就俾肥雄玩完撇，賓尼搞到形象受損，導演同客戶都唔敢搵佢做嘢，惟有返內地尋出路，關仁聽聞佢最近搭上咗同性有米製片「海皮」，前排海皮俾人騙心又騙金，賓尼即刻噓寒問暖，就算返咗香港都速遞送上生日禮物，海皮以為識到個知心姊妹，就算知道賓尼唔係基民一族，都答應以後有工作會關照佢，賓尼呢招關懷體貼果然掂，男女通殺。

「賓尼」= 尿Big兒
「肥雄」= 淋中蠔
「海皮」= 汪紙奇

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1244^#

發表於 14-3-11 09:19 |只看該作者

關仁隱事：「魚生」報仇玩「仙丹」

公仔箱女高層「魚生」𠵱家喺公司呼風喚雨，以前得罪過佢嘅人都冇運行。好似「仙丹」，雖然佢一路都有幫公仔箱做節目，但早排有幕後想搵仙丹做個大騷，點知魚生一聽到即刻話唔好，仲叫下面啲人如無必要唔好搵仙丹做嘢。雖然魚生冇解釋原因，但魚生當年初入行喺公仔箱做𡃁嗰陣，仙丹係當紅主持，魚生跟過仙丹做嘢，仲好多時俾仙丹當眾鬧到一面屁，由於魚生份人好記仇，所以有幕後話佢𠵱家咁對待仙丹，都係同當年私人恩怨有關。

「魚生」= 魚泳生
「仙丹」= 擲單睡

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1245^#

發表於 14-3-12 09:25 |只看該作者

關仁隱事：「卡卡」公司請打手

現今世代，唔少人手機不離手，網絡世界就成為藝人一個好好嘅宣傳渠道。不過網上留言有好有壞，關仁聽講「卡卡」間公司就聘請咗啲職業打手員，幫佢同一班師弟師妹喺網上發功，每月收費三、四萬蚊。聽落啲錢好似幾易賺，但其實幾辛苦，除咗要扮粉絲喺微博、facebook撐「偶像」外，有時見討論區或內地網有攻擊、侮辱性留言，「打手」就要幫拖講好話，仲要一人開多個戶口扮唔同人，用唔同語氣去留言，真係少啲精神、時間同心思都唔得。

「卡卡」= DaDa?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1246^#

發表於 14-3-13 09:25 |只看該作者

關仁隱事：「好靚」鬧人勁凶狠

以性感出名嘅電視箱女星「好靚」一向畀人感覺都幾有禮貌，但原來發起火嚟唔係人咁品！關仁聽個朋友講，有次喺髮型屋恤髮見到佢，點頭打招呼後，轉個頭就聽到佢拎住電話係咁講，仲越講越大聲，越講越惡越凶狠，聽到佢對住電話嗰個人鬧：「塞車大晒呀？我唔會同情你㗎喎！你係咪唔想撈呀？」估計鬧緊遲到嘅助手，見佢鬧到冇晒儀態，同平時判若兩人，搞到髮型師冇人敢出聲，更加冇人夠膽走埋去惹佢。

「好靚」= 姣蛇?

很想知道，追夢的人是如何踏出第一步?

私人傳訊

lafield

子爵府

積分: 12495

2018復活節勳章

1247^#

發表於 14-3-14 03:42 |只看該作者

引用：關仁隱事：「好靚」鬧人勁凶狠以性感出名嘅

原帖由 22May 於 14-03-13 發表
關仁隱事：「好靚」鬧人勁凶狠

以性感出名嘅電視箱女星「好靚」一向畀人感覺都幾有禮貌，但原來發起火嚟唔 ...

我估係「高ling」

點評

vivi_C X2 發表於 14-3-15 15:30

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1248^#

發表於 14-3-14 09:16 |只看該作者

關仁隱事：「龍躉」講大話又擺款

唔少人都形容藝人等同偽人，因為幕前同幕後根本完全兩個樣，好似賣得意嘅「龍躉」，自從成功進軍公仔箱後一直都係扮演搞笑角色，做戲相當搶鏡。不過，關仁聽聞龍躉絕對唔係一個咁單純嘅女仔，雖然入行只係短短日子，但因為成日向傳媒講大話已經得罪唔少人，約記者訪問時仲擺款當正自己係姐仔，龍躉飛上枝頭唔識人，真係冇本心。

「龍躉」= 細細粒

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1249^#

發表於 14-3-17 09:24 |只看該作者

關仁隱事：「啤酒」密冚戀情懶理「打飛」被抽水

娛圈有好多隱蔽情侶，好似「打飛」同「啤酒」明明已經到談婚論嫁嘅地步，但死都唔肯喺人前公開關係，好心佢哋都唔係後生，唔通仲想走偶像路線咩。

土豪手多多
其實打飛同啤酒都忍得好辛苦，好似上次關仁見到佢哋以情侶檔出席電影公司嘅春茗，同場仲請咗好多內地土豪嚟飲。班土豪盲字都唔識多個，淨係識見到明星就影合照，特別見到靚女，好似打飛咁自然多人垂青。班土豪影相就影相啦，當正自己去咗夜總會搵小姐咁，搭膊頭都叫斯文，唔少土豪仲將隻手跌咗落打飛個臀部抽晒水，同枱嘅男朋友啤酒明明睇得一清二楚，不過就扮時運高睇唔到。你話嘞，咁都忍得，仲有乜嘢唔可以忍吖。

「啤酒」= 万刀甲
「打飛」= 鄧厲因

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1250^#

發表於 14-3-17 09:26 |只看該作者

關仁隱事：「風信子」情傷爆瘡睇精神科

內地女星「風信子」𠵱家大部份時間都住喺香港，因為佢嘅健康好差，而北京嘅空氣又實在太差，長期落去，對佢嘅身體肯定更加唔好，所以除咗工作必須返內地之外，佢都寧願住喺香港。

心理壓力
白白大導前妻「Susan」同風信子都幾老友，一直都有介紹醫生畀佢睇，不過睇極都冇乜進展，後來有醫生同佢講，叫佢轉睇精神科醫生，佢嘅問題主要係因為受心理壓力，影響到荷爾蒙分泌，先至會令到佢周身唔舒服，所以勸佢先醫好心理障礙。
聽講風信子因為感情一直唔如意，每一段感情都令佢受到傷害，所以意氣難平，相信要等到新對象出現，佢先至會好得番喇！

「風信子」= 周信

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1251^#

發表於 14-3-17 09:28 |只看該作者

關仁隱事：「尼龍」當眾鬧經理人

「尼龍」失婚後留喺內地掘金，好少返香港，近日盛傳佢有年輕新歡，身邊人都戥佢開心，不過佢心情依然麻麻。話說尼龍早排去巴黎公幹，女朋友當然冇隨行，坐商務嘅佢帶晒太陽眼鏡，一落機就箭步去行李帶等行李，就算優先處理都係要等，等咗一陣行李都未到，佢即向身邊嘅經理人大發脾氣，唔停嘴狂鬧，搞到唔少途人兼同機嘅港人都不禁望多兩眼，為之側目。其實經理人都控制唔到機場搬運行李嘅效率，尼龍鬧人都冇用啦。

「尼龍」= 泥明

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1252^#

發表於 14-3-18 09:35 |只看該作者

關仁隱事：「DD」恃寵生驕

娛圈好多人都一朝得志語無倫次，見自己有啲知名度就開始擺款，好似好得「神燈」網民歡心嘅妹妹仔「DD」，佢恃住有網民撐，覺得自己好紅，竟然膽敢喺大班老前輩面前擺款。事緣有日DD同「猛太陽」以及「好嘈」等成班前輩級拍新劇煞科戲，當時雖然係拍外景好熱，但猛太陽以及好嘈依然冇半句怨言，坐喺露天位置等影大合照，獨係DD一個人呻辛苦，要走入去室內地方嘆冷氣。結果影大合照嗰陣，工作人員搵唔到佢，冇預佢影，事後DD狂鬧工作人員唔啱，猛太陽同好嘈見到都擰晒頭，覺得DD好離譜。

「DD」= DADA

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1253^#

發表於 14-3-19 09:28 |只看該作者

關仁隱事：「瓜子」續一年約呻笨

「機仔」俾人逼到走投無路，表面睇台前幕後都好撐佢，但其實唔少過檔藝人都呻笨，覺得自己落錯注。關仁聽講「瓜子」上年續約時扭扭擰擰，話擔心公司唔穩陣，所以只係加簽多一年約，𠵱家公司有問題，呢個月約滿後就冇得再續約，瓜子當然好後悔，周圍同人呻話當初應該簽夠三年約，即使冇嘢做都照有糧出，起碼多六位數收入，又有多啲時間可以搵其他工。最慘𠵱家兩頭唔到岸，食唔到回頭草，但內地市場又唔係成日有得撈。

「瓜子」= 將虫G?
「機仔」= 王wiki

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1254^#

發表於 14-3-20 09:15 |只看該作者

關仁隱事：「阿琴」人紅猛托手踭

「阿琴」自從參加咗鬥大聲節目之後，憑住嗌聲拆天嘅本領，就咁俾佢殺出一條財路，人氣仲瘋狂飆升㖭。不過佢俾人捧得咁勁，梗係有啲飄飄然，最近佢咪多咗好多扮大牌是非囉。話說關仁聽電台啲朋友講，以前搵阿琴做嘢好易話為，不過𠵱家人哋紅咗，想約佢做嘢就要排隊等兩個月，激到電台朋友紮紮跳，仲「祝福」佢人氣唔好下滑，所謂花無百日紅，60日後佢仲係咁紅至講喎。

「阿琴」= GEM

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1255^#

發表於 14-3-21 09:29 |只看該作者

本帖最後由 22May 於 14-3-21 09:45 編輯

關仁隱事：「傀儡」寸人𤓓到爆

眾所周知，公仔箱對員工好刻薄，近排仲被爆有藝人想走，佢哋都唔放過打電話去寸爆人，關仁聽聞所有聖旨都係高層「難堪」指示，藝人冇擦佢鞋，基本上都冇好日子過，難堪真係完全操生殺大權。關仁仲八到難堪手下「傀儡」嘅態度學足老細咁囂張，有次傀儡又被指使打去寸扭計唔續約嘅藝人，點知打到電話去，馮京叫咗人哋馬涼，認真唔專業，想要食住人都搞錯，認真𤓓到爆。

「難堪」= 你保安??
「傀儡」= 620??

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1256^#

發表於 14-3-24 09:21 |只看該作者

本帖最後由 22May 於 14-3-24 09:25 編輯

關仁隱事：淨收名牌袋
「夠雷」將粉絲禮物當垃圾

泡菜國近年嚟真係國運昌隆，一班泡菜仔喺中港台紅到七彩，當中「獸仔」間經理人公司真係見錢開眼，只要邊度畀得起錢就會去邊度，唔理係乜鬼活動都去。講開泡菜藝人，關仁諗起「夠雷」都好識搵錢。

「攞番去阻碇」
之前夠雷喺香港做活動，有唔少粉絲到場支持佢，當日佢收咗唔少禮物，臨上飛機時佢喺酒店房拆禮物，有唔少粉絲摺咗好多幸運星，裝喺玻璃樽度送畀佢，有啲闊太粉絲就送名牌包包畀佢，佢見到係名牌包包就即刻收埋入篋，然後助手問佢啲幸運星、毛毛公仔要唔要入篋，佢就話：「送埋呢啲冇乜用？禮物畀我做乜，攞番去阻碇咩！唔要喇！」結果啲助手就要咗啲公仔，幾樽充滿愛心嘅幸運星就留低喺酒店房，如果粉絲見到，肯定傷心死。

「夠雷」= 大BANG?
「獸仔」= 金獸賢

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1257^#

發表於 14-3-24 09:26 |只看該作者

關仁隱事：「一嚿雲」孤寒鎖零食

選美出身嘅闊太「一嚿雲」，近排俾舊員工追數。出身屋邨窮家女嘅一嚿雲，佢對錢真係好緊張，可能突然黐咗有錢佬成為暴發戶，所以佢有時對錢銀都好斤斤計較。

關仁聽過一嚿雲啲工人唱佢，話佢會將買嚟自己食嘅零食同貴嘢鎖好入櫃，得閒就點數，佢最怕菲傭偷食，其實咁有錢日常食品包埋菲傭都唔過份，佢又成日話啲菲傭大食，屋企有番咁大，工作量坦白講都唔少，有體力勞動當然就要食番飽肚，關仁覺得雞碎咁嘅錢都算住，幫佢打工真係冇運行，唔怪得佢成日要換工人。

「一嚿雲」= 嘈央暈

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1258^#

發表於 14-3-24 09:28 |只看該作者

關仁隱事：
「多嘴」阿媽貪「蜜蜂」錢

今次又係講到「多嘴」同「蜜蜂」，雖然呢對小情人好恩愛，仲成日傳婚訊，但係另一方面成日傳女方只係冧男方有錢。關仁聽聞唔止係多嘴鍾意蜜蜂仔啲錢，女方啲家人都係一樣，話說女方媽咪有次去拜神，佢啲朋友聽到佢祈求多嘴可以早日嫁畀蜜蜂令一家無憂，跟住多嘴媽咪同朋友吹水，仲好坦白話如果唔係蜜蜂有錢，一定唔會畀個女同佢拍拖，因為蜜蜂足足大多嘴十幾年，佢媽咪仲用老嘢嚟形容蜜蜂仔，聽到都覺陰功。

「多嘴」= 唔千乳
「蜜蜂」= 淋蜂

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1259^#

發表於 14-3-25 09:23 |只看該作者

關仁隱事：「彩虹女」剪頭髮被炒

「勇士」嘅大計好事多磨，其實佢大半年前已經開源節流。好似藝人「彩虹女」早幾年由大台轉去跟勇士搵食，諗住搭到條好路，可惜公司立立亂，成日畀唔夠騷佢做。之後拍一套劇，差唔多到尾聲時，彩虹女剪咗少少頭髮，公司即刻發難，話佢唔連戲要炒魷，仲要佢賠番唔夠嘅騷錢，好在彩虹女本身家底唔錯，老竇係內地暴發戶，唔係都幾陰功。

「勇士」= 王wiki
「彩虹女」= ??

點評

simple430 「彩虹女」= 劉玉翠 ?? 發表於 14-3-25 10:28

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1260^#

發表於 14-3-26 09:32 |只看該作者

關仁隱事：「大魚」收私家機唔益「下人」

大家庭早前分身家，結果都叫做兼顧到所有人嘅利益，不過有心水清嘅人會發覺，擁有私人飛機嘅大家庭，點解分完身家後，以前成日坐私人機出入嘅「下人」、「好假」同佢哋嘅仔女，都少咗用呢種交通工具。
原因好簡單，因為分完身家之後，架私人飛機歸「大魚」管，佢見到班人事無大小都用飛機，閒閒哋去一轉台灣都要幾十萬，買張頭等機位都唔使咁貴，所以下令班人飛都得，唔該照價畀錢，要自己畀錢班人當然唔睬你，買機票好過。

"角"氏家族

很想知道，追夢的人是如何踏出第一步?

私人傳訊