吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由報料› 全港無良黑店&各類投訴&騙案大搜查(請大家來報料) ...

自由報料今日: 2|主題: 297696

收藏本版

發帖

返回列表

跳至頁

樓主: rab

全港無良黑店&各類投訴&騙案大搜查(請大家來報料) [複製鏈接]

61 626364 65...71

146

rab

大宅

積分: 1388

1241^#

發表於 09-3-28 18:46 |只看該作者

轉貼
永無下次 - 白石燒烤(21/2/09)
上兩星期日去馬鞍山 -白石燒烤埸,攪到一肚氣,餐紙上寫明開 [爐費：$80/爐 (包括炭2包 /蜜糖1支/燒烤餐具10份)張單(食物及飲品) 消費滿$600 免收開爐費。(不包括金牌乳豬)], 當日第一張單買左一個10人餐$788,但有13人所以想比多$80開多一個爐,但收錢個Staff話唔係咁計,開兩個爐要買$1200食物,我地問佢寫明消費滿$600 免收開爐費,爐費：$80/爐 ,即唔夠$600就要比$80開爐,但佢死都堅持開兩個爐一定要$1200又解釋唔到,谷住條氣一個爐燒.當打開食物包時,仲火上加油,食物無解凍雪到硬晒,跌落地下可以"彭彭"聲,即時向佢地炸形,d staff竟然話我地點解攞食物時唔講係即刻燒,如果講即刻燒時就會比d巳經解左凍,佢地當d人經常去知道佢地規矩,要求更換又唔得話我地巳經將包住食物之膠袋整開左,最多搵個staff幫我地d食物解凍 , 原來係再用膠袋包住d食物放入水中解凍,真係比佢吹脹,我地投晒降,佢d staff偷偷講好多人投訴食物無解凍雪到硬晒,但佢老細都唔改善,真係投訴接受規矩照舊,有一塊豬扒仲離譜大約半磅一塊成吋幾2吋厚點燒呀,食物又咸要不停飲水以後唔使錢都唔會再去

打擊黑店click

私人傳訊

rab

大宅

積分: 1388

1242^#

發表於 09-3-28 18:49 |只看該作者

轉貼
千萬不要幫襯Happy Moon Production呢間野(21/2/09)
本來想給未來老公一個驚喜，見現今朝流興做婚禮動畫但是QD CARTOON的收費又唔平，於是經幫我影結婚相的攝影師介紹下，搵了在九龍灣的Happy Moon Production，負責人Eric Lam說可以做到跟QD差不多的水準，價錢$4000，但是要先付100%製作費，眼見價錢相差好大，於是便決定搵他們幫忙做卡通故事，結果因貪平出事 ~
原本說好一個月有初步版本睇，結果等了兩個月才有得看，而且一看才知道大件事! 公仔樣貌跟我們完全不同，一點兒跟我們相似都沒有，而且故事和我原先想好的，只做到三成，於是便跟姓林的理論，他說因為是初稿所以會比較簡單，當最後完成之時就不會有問題，於是便不以為然相信他的說話。其實也心知不妙，因為在往後日子至電姓林時，他公司的同事都說他不在，而且留口訊也不回覆。
至電姓林，當然也是說他不在公司，但他的同事說我的卡通片已完成，可以去收取了，本來以為真的把我想要的東西完成了，於是昨天便滿心歡喜地去Happy Moon Production，收取期待已以久的完成品。
結果當然是出事了! 當時姓林的不在場，由另外一個人朝招呼我，他把DVD交給我後便想馬上離開，我說需要檢查內容，他便很不樂意地把DVD打開給我看，*! 和第一次看的根本沒有分別，而且結婚相那部份可以說比市面上任何一間公司都做得差，和家用powerpoint做沒有分別，我說要和姓林的理論，他公司的人說他不在香港，於是我便要求立刻報警，他們叫我不要生事，說馬上把姓林的叫回來，又等了兩小時，姓林的終於出現，他的籍口是因工作繁忙，沒有時間親自跟進我的製作，加上我只是給了他$4000，沒可能要求他做出人家卡通片的製作質素，離晒譜!! 當初是他自己說可以做出QD的水準，而且價錢是他自己開的，現在沒有本事把卡通片做出來，就說$4000的budget沒可能做到，更怪我的要求高和不合理，超級過份! 我一定要唱衰呢間廢物公司九龍灣的Happy Moon Production。
今天我致電我的攝影師，本想跟他交涉，誰不知他竟然跟我說和Happy Moon Production不是很熟，只是經其他客戶介紹給他的，豈有此理! 這樣的大話也說得出口，起初又不見他介紹QD介紹其他公司給我?! 現在的我非常不高興，因為這間廢物公司Happy Moon Production做出來的影片根本不能夠見人，小妹現在非常失望和氣憤，如果再有朋友想做婚禮動畫，千萬千萬不要相信Happy Moon Production，負責人Eric Lam不知所謂! 廢人一個! 呀! 真是不能夠貪平，如果當初不是貪平，現在的我根本不會成了氣憤準新娘! !
下星期結婚了，現在好大機會只可能播放傳統的結婚相，不能夠給未來老公一個驚喜，$4000換來的只有一肚氣!

打擊黑店click

私人傳訊

rab

大宅

積分: 1388

1243^#

發表於 09-3-28 18:50 |只看該作者

轉貼
超級五金黑店 (21/2/09)
今日係馬鞍山福安花園新開間(生力五金)唸注佢地新開會呯D,叫佢地換個水喉龍頭,人工加龍頭$790,點知裝完到夜晚漏水 ,第2日去同佢地講,點知佢地話冇可能會漏水,態度極差,最後自己再搵人攪.最激氣原來個龍頭加裝工只需$570, 聽朋友講呢間其實係新港城街市富林開,佢地出名係黑店,請大家小心

打擊黑店click

私人傳訊

rab

大宅

積分: 1388

1244^#

發表於 09-3-28 18:52 |只看該作者

轉貼
元朗果間"駿園雲南米線".\/.服務態度勁差(21/2/09)
如果淨係講D米線,我覺得佢地D米線真係幾好食
但老闆娘ge服務態度就真係好有問題!!
佢地果到係有種"學生餐",$20,熱同凍飲都唔洗加$,好似車仔麵咁有得揀送,我同同學去食,都話可以免費加底(係老闆娘話學生餐可以咁叫)
好啦~我琴日同去食,我問佢(老闆娘)係咪可以免費加底(問清楚好d),佢話唔得,仲係咁鬧我,話加底不嬲都要比$,又話咩加底要講人情,又驚我加左底之後會同我d fd兩份食,
ok~我都算,咁我唔加底之後我叫左個學生餐(餐肉米線+凍檸水)
唔知係咪佢有心玩我喇,佢果杯凍檸水,冰多過水,d冰起底,檸檬起上面,叫人點督呀 ?
最離譜係,我食哂野埋單,佢同我講話要收我$22,我問佢學生餐唔係不嬲都$20嫁咩
佢話我叫左凍飲.(我平時去食,都係$20,擺到明今次想呃我$)之後我比左$就好快走左(我地問過其他學校ge同學仔,原來個學生餐不嬲都有得揀2個送,不過佢唔比我地間學校揀2個,如果我地要2個送,就要加$, 大佬~間間學校都唔同,叫咩學生餐姐,叫學校餐啦 )
另外一次(今次係我個fd),有次我個fd去食,就快食哂ge時候,先發覺原來碗麵入面有隻小強,咁我個fd就叫老闆娘過泥,話比佢聽碗野有隻小強之後佢同我個fd講:你都就食完la~隻野上面飛落泥,唔關我事(大佬~係咪上面飛落泥,食緊野果個人唔知嫁咩?講到隻野係我個fd放入去咁 )
佢自己碗野有問題,講到唔關自己事咁,仲要我個fd比$
咁ge服務態度,咁ge曱甴麵,係咪真係值得比$?
仲有一次,我有2個fd去食,其中一個fd病左,一碗佢食唔哂,而另一個fd就飽飽地,一碗一樣食唔哂,所以佢地諗住叫一碗加底2份食,咁樣省$又唔洗sai左d米線,點知老闆娘唔比佢地2份食,一定要佢地買2碗 ,又同佢地講:加底你地都食唔哂嫁啦~
我仲知道佢對佢d伙記都唔係好好,小小事都會鬧人,
做生意做到好似佢咁,比我就寧願汁左佢

打擊黑店click

私人傳訊

rab

大宅

積分: 1388

1245^#

發表於 09-3-28 18:52 |只看該作者

轉貼
服務態度極差嘅味千拉麵 (軒尼詩道分店)(22/2/09)
噚晚，我同老公同埋細佬，去咗灣仔食味千拉麵 (軒尼詩道分店)。
去到見到唔駛等位仲心暗喜，但係入去無耐就知道賴嘢喇！佢哋啲服務態度同趕客無乜分別。
首先入去時，啲 staff 一啲笑容都無，個個好似死老豆咁，落 order 時想叫個人，我都經已唔細聲架啦，個經理就企喺我哋枱旁邊咋嘛，都無反應，要細佬同埋老公大大聲先識得回頭。全程又無人加茶，就算有叫，都加錯枱，仲要真係只係加叫佢加茶嗰張枱，完全唔會睇埋旁邊啲枱有無需要加茶。
嘢食唻得其慢。Waitress 個個講嘢都無尾音，好似得罪佢全家咁！個個都想殺人咁款！講嘢語氣又掘，惡到不得了！『唔該』、『唔好意思』、『請』... 等等哩類 magical words 都無...
好喇，叫埋單喇，佢問我有無會員咭，我話無，不過我記得之前做緊無線收費生活台優惠咭有 9 折，我拎出唻叫佢幫我問吓仲有無哩個優惠啦！係咪我講嘢真係好細聲呢，我拎咗張咭出唻，佢睇到... 竟然好悔氣咁話『唔係哩張呀！』，我有咩得罪你呢??? 我哋等咗一陣，無人拎嘢埋唻收錢，我哋就再追一次該位女侍應，同佢講我哋叫咗埋單好耐，佢竟然好惡咁同我哋講『你叫邊個呀？』嘩... 我哋三個人即刻扯火呀！細佬好大聲咁話『叫你呀！』，之後我哋自己行出去門口，唔需要再 "勞煩" 佢啲伙記喇！
老公俾錢時，只係唔覺意數錯錢，我哋都未行出門口，啊經理先生啲語氣好似，我哋有心咁... 我真係想連一毫子貼士都唔俾架，不過... 老公俾咗七毫子呀！

打擊黑店click

私人傳訊

rab

大宅

積分: 1388

1246^#

發表於 09-3-28 18:53 |只看該作者

轉貼
千萬不要於 Chris Rian Shop 買內衣(23/2/09)
我早前於Chris Rina Shop 佐敦分店購買了一個胸圍，回家後發現胸圍的乳膠有嚴重臭味，懷疑製造胸圍的原來料未有徹底消毒。過了數星期，我到該店要求退換胸圍，但該店職員以多種借口阻攔，包括貨品已售賣多於七天，單據已送到總公司，所以始終堅持不肯退換，叫我打電話到總公司查問單據。
今天打電話到總公司，但職員態度極差，並無理會貨品需要退換原因，只是按本旨的說公司規矩需於七天內更換。我示意公司不顧客人健康，售賣不合衛生的胸圍，如果堅持不退換，我會告消費者委員會投訴。該職員竟然以極不禮貌的態度回應：「你鍾意咪去囉！」，之後更把電話掛斷。
為健康着想，大家千萬不要於Chris Rian Shop 買內衣！

打擊黑店click

私人傳訊

rab

大宅

積分: 1388

1247^#

發表於 09-3-28 18:55 |只看該作者

轉貼
不知所謂的B&Q設計(24/2/09)
果日諗住問下佢地D裝修詳情,見到佢地裝修設計中心既宣傳單張,見到有七個設計師，我咪選一個lor.
點知選完一個又一個~全部都已經離職,只有兩個仲係到
都算啦~諗住叫佢地比D作品比我地睇D作品係好簡單~好普通,問佢地有冇做過D特別小小.
佢地話一般都係做果D好普通既,完全比唔到信心我
最後問埋價錢，嚇死人！
油漆都成$180/sq.m！！！
比我用開既師傅多成倍！仲未包物料！
之後上網睇關於佢既資料,原來佢勁多投訴，之前已經上過幾次報紙,仲係不停拖拖拖,我都算幸運，冇比一千蚊比佢地上門度尺.
所以大家要小心考慮，會唔會搵呢間價錢高，時間耐，冇設計既公司

打擊黑店click

私人傳訊

rab

大宅

積分: 1388

1248^#

發表於 09-3-28 18:57 |只看該作者

轉貼
千萬唔好去呢間買姊妹衫(26/2/09)
我同一班姊妹去百利買姊妹衫, 甘我之前自己都睇左幾次, 已經搵定2間, 諗住d姊妹去到再睇先決定la...
我地去到1樓個間衰野"forxxxa", (d裙全部用organza 套套起, 間舖係最右邊條行, 好易認) 2個sales已經唔多理我地, 又話要買先可以試....甘我d 姊妹話d衫都ok, 而佢d長裙款都多, 甘我就話會買, 所以d姊妹有得試. 一路試一路有人拎d衫去換, 係quality問題, 甘其中一個女仔拎條裙去換, 因為前面走左一行紗, 個sales 竟然話小事la, 係甘ga la..我無睇到有幾嚴重, 甘個sales 見我地like 個款, 就叫我d姊妹拎條裙去試,另一方面就叫個女仔係間舖度揀其他款代替. 因為當晚我地實在見到太多quality 問題, 甘我地就有d擔心, 所以諗住去第2度買la. 點知呢個時候, 個sales話我地"au" 爛佢條裙, 又話佢個客可以做證, 我就好慶loh, 個客都係因為quality問題拎條裙去換, 甘佢有咩證明係我地"au"爛先...個女仔仲係度, 不過一路唔出聲, 緊係la, 可能根本係佢"au"爛, 比我都唔出聲la.
甘我地話d裙甘易"au"到, d quality都有問題la, 點知個sales竟然話 "條裙都係著一次, 唔通著一世咩, 小小野都話係問題, 甘點做ar!! ". 嘩, 咩態度ar??? 條裙雖然唔係好貴, 都係400零蚊, 但佢唔可以甘講loh, 我買件幾十蚊都可以著幾次la...而且結婚woh, 一生人得一次, 緊係要最好la....最後我地走時, 佢仲要詛咒我地, 佢真係好黑心..我唔覺得佢有資格做呢行loh...
我發現呢間舖有以下問題
1)有人拎條裙去換,佢唔覺得有問題,之後會再賣比其他人
2)如果d客要換新0既裙, 其實都係店內比人試過晒, 根本唔係佢所講係新裙
3)佢話要買先可以試, 怕整污漕d裙, 但我眼見個個入去問, 佢都比人試
4)最大問題係詛咒人...大佬ar, 你d野唔得, 我緊係唔幫襯ga la, 仲要d 態度甘差...
好彩我最後都搵到一間超好0既舖, 0係2樓, 行到最督, 個老闆娘阿jade超好人, 當晚佢本來要收工, 但都做埋我張order. 仲有ar, 佢包埋一次改衫唔使$$, 所以價錢好抵, 佢間舖成日企滿人ga..

打擊黑店click

私人傳訊

rab

大宅

積分: 1388

1249^#

發表於 09-3-28 18:57 |只看該作者

轉貼
元朗 x 格傢俱有個超級無禮貌的惡霸sales(28/2/09)
本人以為x 格傢俱是有信譽的商店，表面看來服務不錯，但一落訂後就知道自己選錯了。本人於元朗 x 格傢俱訂做書桌及床，落了訂，兩日後還未有人通知何時上門度尺寸。於是致電 x格傢俱問sale 張x 偉，他表示已通知師傅，不知道師傅沒有找我，"不是已經告訴你，他會找你嗎？"。態度好像表示你不需問太多，到時自然找你。早前，他們表示度尺寸會一日前通知，但最後師傅是十五分鐘前告知本人: 我來啦!
度尺寸後兩天，本人再致電X 格傢俱，詢問何時可以FIRM 圖，sale 張x 偉表示未收到師傅的尺寸，"有就自然會打給你，師傅不是只有你一張單。" 本人表示本人只有星期六日放假才有空，希望可以在WEEKEND 辦妥，不想拖多一星期。期後他未有覆本人，於是本人致電 X 格傢俱OFFICE 投訴，超級無禮貌的SALE 張X 偉態度惡劣，沒有依時跟單，問一樣追一樣。
之後無禮貌的SALE 張X 偉回覆本人，表示知道本人曾致電OFFICE，不斷說自己沒有問題，跟足指示做，態度強硬，表示自己對所有人客也是如此說話，不覺得有問題。本人最後表示本人就他不知錯的態度感到生氣，x 格傢俱有個超級無禮貌的惡霸sales竟然說: 我都很生氣!
要付錢，還要受氣! 這是什麼道理？

打擊黑店click

私人傳訊

rab

大宅

積分: 1388

1250^#

發表於 09-3-28 18:59 |只看該作者

轉貼
訂造婚紗/晚裝黑店(28/2/09)
店名: 安琪造衫 Made to Measure
地址: 銅鑼灣堅拿道東28C G/F (近耀華街, 地鋪面向鵝頸橋)
老闆: 陳小姐(Teneel Chan)
特徵: 40-50歲, 肥身材, 門牙冇晒(應該係講得大話多), 頭髮稀疏蓬鬆, 佢老公係店鋪負責執頭執尾
價錢: HK$5,000起
致:各位準新郎新娘或將有宴會的朋友:
本人請大家千祺千祺唔好光顧這間訂造晚裝黑店, 錢掉落大海之餘, 仲會激到你地嘔白泡!! 她的罪行講成日都講唔晒…簡單講比大家知…希望唔好嫌長氣.
1.落訂後即變臉,有佢講冇人講:未落訂金之前, 佢看似正常又好專業甘, 但落訂金(一大半)之後, 就有佢講, 冇人講, 你唔可以講自已意見, 更加不可批評佢任何野.
2.有精神病:我幾肯定佢有唔輕的精神病, 只要你講左小小佢唔係好岩聽的野, 佢會發顛鬧你,仲係控制唔到自己情緒個隻.
3.冇信用:約左時間試身, 佢多次冇通知下甩底, 令我摸門釘兼浪費時間.
4.要客遷就佢時間表:每次約試身, 只可以就佢時間表. 有次仲離譜, 我話o個個星期公司很忙, 可不可以下星期去試身, 佢話 “會造唔切” 來威脅我一定要去, 最後我去左, 但佢都冇預期交出貨, 現在已經比佢當初落訂時應承交貨日期遲左1個半月.
我想係度話比大家知呢件事, 唔可以比其他人再中招, 每對新人為左搞個婚禮已經好多野忙, 再比你地遇到佢呢個痴線婆就真係唔抵,錢冇左係一件事, 但最慘係累你浪費左時間, 搞到趕唔設去搵人再造個件, 而且又好激氣..
大家千祺唔好光顧這間造衫黑店!!!

打擊黑店click

私人傳訊

rab

大宅

積分: 1388

1251^#

發表於 09-3-28 19:01 |只看該作者

轉貼
不要去太子格調salon呢間黑店做負離子(2/3/09)
格調間野好唔得！今日我去到，錢又收，但一d基本salon做既野都做唔到。仲要搵個唔識夾既同我夾頭髮，個女仔仲要一路夾一路問人係咪咁問身邊d人，明係唔識夾，跟住我問佢識唔識，佢又話無問題，當正我而家俾佢做實驗，佢仲要成大把頭髮夾，一d都唔細心。
佢地當正我做實驗咁款,跟住cut hair 又係喎，我真係無諗到佢地連cut頭髮都cut到唔平均，十分求其，佢地有無學過做髮型師。之後個頭仲要勁曲，唔似做過負離咁。
我坐左三個鐘都唔知為咩...
見到個頭就蚊.......
希望大家唔好去啦！捐左d錢佢仲好。

打擊黑店click

私人傳訊

rab

大宅

積分: 1388

1252^#

發表於 09-3-28 19:02 |只看該作者

轉貼
長沙灣優質「新豐車行」七宗罪(6/3/09)
我朋友在2月左右到長沙灣優質車場「新豐車行」以舊車換新車形式買車，結果換黎係一肚氣+訂金+一架唔知會不會有問題及何時可取回的新車。
佢地所呃所做既係:
1) 叫你先俾訂金，車又未試，因個銷售員叫朋友驗車後試車都未遲。
2) 簽約時銷售員叫我朋友不用供舊車會，但因已過供車時間，他們又愛理不理，最後強迫要供多一期，避免信譽受損及罰息。
3)上唔足車會(餘數2萬)就要俾附加費作為佢地同銀行之間既佣金差額.
4) 負責個位新豐職員-潘生，事後不聽電話，不回覆電話交代.
5) 電話口頭說可一星期交車，最後3星期都沒有消息
6) 職員說話版本有差異，令朋友不知如何處理，大話連篇。
7) 要客人先將舊車屬會，等他們攪新車上會，才退回舊車差價。
我朋友想向消費者委員會投訴，請問有沒有人試過，可否協助將不誠實的公司繩之以法.

打擊黑店click

私人傳訊

rab

大宅

積分: 1388

1253^#

發表於 09-3-28 19:03 |只看該作者

轉貼
維苑餐廳(8/3/09)
已經唔止一次, 去維苑食d 有雞扒既套餐, 如雞扒公仔麵、雞扒意粉... 佢d 雞扒, 唉!
與其說是一塊扒, 不如說是雞肉兩片! 根本都唔係一塊完整既扒黎! 成日係呢度偷雞!
有幾次我都想同個侍應講, 叫佢換; 但又驚佢地唔服氣, 會幫我"加料"!
所以嘛, 大家都唔好幫襯呢間黑店~!

打擊黑店click

私人傳訊

rab

大宅

積分: 1388

1254^#

發表於 09-3-28 19:04 |只看該作者

轉貼
屯門三聖邨南記態度勁差!!!(10/3/09)
我3月8日同家人一行8人去南記食海鮮問佢有冇位就話「冇嫁...有排等」但係轉個灣就已經有兩張空枱
咁我地去海鮮檔自己買左800幾蚊有魚大扇貝懶尿蝦 ... 之後仲送左一袋2斤海鮮做海鮮湯,之後叫汽水叫幾個人全部等陣先等極都冇.... 忙就係咁咩?
之後大部分食物都係一般覺得唔好味tim ! 咁新鮮既海鮮可以煮到一d鮮味都冇,呢樣都唔緊要最離譜係海鮮湯!!!! 得咸水味! 2斤海鮮煲到得咸味?
一個師拉用一條魚煲都啖啖鮮甜啦
我地叫侍應過黎我地話「大哥俾兩斤游水海鮮你地煮得咸水味有冇搞錯呀? 你唔信拎碗黎俾你試下!」
佢話「我唔會試呢d係師父既事唔關我事咁呢度多人嘛咁難食你同師父講囉我都係打份工 $200一日..」

打擊黑店click

私人傳訊

rab

大宅

積分: 1388

1255^#

發表於 09-3-28 19:06 |只看該作者

轉載2009

1.卓記悅x莊..太過份！騙我20次facial
2.好嬲!!點解依家Ｄ醫護人員態度咁差?
3.請大家評論這家天水圍的診所
4.新元朗中心ColourMix一女sale屎態度極差
5.唔好去旺角兆萬地下間內衣店
6.百靈牌sonic電動牙擦做乜鬼咁易壞
7.Osim以後都唔會再幫襯
8.小心"無x"收費台衰sales
9.一個很差的教育網
10.莎x兒童攝影評論
11.奇x餅家新年禮盒餅竟然年廿七到期
12.花園街無良鞋店(請各消費者小心!)
13.激死人~~ 千期唔好幫襯
14.智退電話騙子
15.大圍劣質海味檔做戲欺客
16.無良必X站，欺人太甚
17.和X寬頻/家居固網..諗清楚先好幫襯呀
18.自編自導搬屋公司介紹
19.黑店~(采暈村廣興文具店)譯音
20.奧地利水晶....之激死你
21.一個極道道德敗壞及無恥的印傭
22.凱C餅店
23.DR. MAX買書的不愉快經歷
24.葵涌廣場3樓 - sorrento optical
25.CSx 員工不正當使用客戶個人資料
26.灣仔時裝店
27.新年到,電話騙案都多D
28.荃灣眾安街的眼鏡8X
29.打邊爐...打到一肚氣
30.美麗華ng成團重收我行我$
31.嘟八達通新機要小心
32.不要用和記固網家居電話
33.手機轉台要小心d
34.屈記賣的"我的美麗印記面膜"
35.可惡的灣仔街市販婆
36.比個風水師'art'左.大家小心
37.以後唔幫襯屯門兆康兩x特色餐廳
38.三星SAMSUNG產品過咗保養期冇得整
39.柴灣奸商
40.大家千祈咪用佢台呀PXXW
41.百x滙嘅sales麻麻地
42.無良大x , 竄改食用到期日
43.沙田"康健綜合醫務中心"護士勁差
44.小心搵裝鋁窗公司同裝冷氣機公司
45.電話騙案
46.小心騙徒 - 電視機頂盒
47.午膳供應商 "原x" 的飯盒好難食
48.提醒各位....唔好貪免費睇野
49.花園街時裝店
50.唔好申請和記
51.不知所為的文具店
52.西灣河黑店
53.數碼通的"家+電話"好唔掂
54.不要參加"北大"的朗誦比賽
55.橋唔怕舊, 最緊要受 "騙案"
56.比座談會間接呃錢
57.唔好係花園街買地拖
58.唔好去紅磡燒魂屋食日本放題
59.網X行service極差
60.PCCW D hotline服務態度越嚟越唔掂
61.思X牌掃把超級唔好用
62.千祈唔好貪平
63.花園街嘉華窗簾布!!
64.現代美容
65."now"服務
66.天X野
67.去第一城-叨哥食野-小心
68.不要去九龍城的仁x堂正宗鳳陽中醫
69.香港島的朋友，坐的士時要小心

[ 本帖最後由 rab 於 09-3-28 19:07 編輯 ]

打擊黑店click

私人傳訊

rab

大宅

積分: 1388

1256^#

發表於 09-3-28 19:09 |只看該作者

轉貼
唔好幫襯尖東堡地庫'Plovee'造姊妹裙(10/3/09)
真係一次好激氣嘅經歷!!
我响呢間咁嘅垃圾地方造姊妹裙比我d姊妹, 有幾個姊妹落咗訂之後再同另一個姊妹落去揀裙, 當時有個應該係新娘嘅女仔好嬲咁同個店員嘈, 我聽到嘅內容係話人哋訂晒全部裙同一隻色, 但佢無啦啦有條係唔同咗色....嗰個所謂店員...竟然夠膽死同人哋講話你唔滿意我退返錢比你...
嘩, 嗰個女仔聽到佢咁講, 當堂嬲到呢....你退返錢比我, 我邊仲夠時間去第二度造呀? 最終佢哋點我唔知, 但到咗尋日, 我約晒d姊妹去再fitting, 因為d裙返咗.
其實佢呢間嘢就唔係度身造, 係佢有d sample掛晒出嚟, 全部中碼咁叫你去試, 睇吓你應該著咩碼then再改,
咁好啦, 頭嗰2條都ok嘅, 其中一個姊妹係fit咗訂中碼, 當時試嗰陣個胸位要收窄, 點知尋日一著上身, 窄到嘔...仲要當時條裙係未改架, 只係一條standard中碼裙...嗰條sales夠膽死話因為我個friend肥咗.....點會肥响個胸度呀, 隆咗胸呀? 跟住又搵d好不知所謂嘅藉口話佢d sample比人試到鬆咗,到咗我個妹嗰條, 明明叫佢做中碼改長裙再加5吋, 但佢造咗條短裙+5吋....喂, 你自己睇吓短裙+5吋咩長度先啦, 會唔會有人造條咁嘅長度嘅裙呀....
咁佢就多多藉口話可能條裙放錯咗入袋, 搵咗一輪之後搵咗其他人條裙比我個妹試,試完出嚟, 嘩, 做咩個hip位腰位全部闊咗咁多? 咁我個妹就同佢講, 我本身試你sample嗰條係啱啱fit唔駛改腰位架喎, 點解呢條闊咁多...佢又ee哦哦... 頭先又話d sample比人試闊咗, 咁我個妹嗰條呢? 比人試窄咗呀?
究竟佢用邊條裙standard去confirm我哋應該訂咩碼? 一陣又話人哋肥咗, 一陣又話d sample比人試鬆咗, 嘩, 你都幾多藉口喎.仲有, 邊度地方改衫要加錢之餘, 仲話唔啱冇得再改架? 咩道理呀? 我問佢咁再改都唔啱有冇得退返改衫錢, 冇囉..........訂嗰時乜都得, 要改嗰時又呢度收錢嗰度收錢...不知所謂.
最好笑係, 我哋臨走嗰時買咗2件毛毛披, 但唔記得咗拎, 諗住返去拎返, 點知嗰條8婆話我哋一定係拎咗, 係好強硬咁話我哋一定拎咗唔會比我哋, 咁當然我哋真係冇拎到先會返去問佢攞返, 唔會咁cheap呃佢嗰2件披拉, 何況我仲有4條裙响佢度要佢改呀, 要你咁多件披把鬼呀!! 最尾我個friend叫佢check cctv + check stock佢先死死氣比返2條披我哋咋 .大家唔想受氣的話....千萬唔好幫襯佢!!

打擊黑店click

私人傳訊

rab

大宅

積分: 1388

1257^#

發表於 09-3-28 19:10 |只看該作者

轉貼
以後不去大埔學X魚蛋(12/3/09)
今朝同朋友食左兩碗牛腩面......
食既時候已覺得怪怪, 食多兩舊仲酸酸地
收成廿幾蚊一碗仲賣變壞既野
以後都不會再幫襯佢

打擊黑店click

私人傳訊

rab

大宅

積分: 1388

1258^#

發表於 09-3-28 19:11 |只看該作者

轉貼
荃灣搵笨任飲任食打邊爐(12/3/09)
今晚3個人去荃灣城市廣埸6樓富臨酒家打邊爐,門口寫住任飲任食$78,問門口個枝客加埋茶錢,醬油大約$110到,
我地都覺得ok,點知入到去無汽水,淨係得獅威啤酒,竹庶水同酸梅湯,打邊爐無汽水都算啦,咁叫湯底而經叫唔使錢的鴛鴦湯底,要錢個d湯底都唔會叫,點知埋單俾錢要$356蚊,睇返張單湯底要收$12位,唔係呀..講明任飲任食架嗎,,湯底按人頭收貴,好在我3個人姐,如果10個人咪要比多百幾蚊,嘩...搶錢..以後都唔會幫襯.離Q哂譜.

打擊黑店click

私人傳訊

rab

大宅

積分: 1388

1259^#

發表於 09-3-28 19:12 |只看該作者

轉貼
大家千祈唔好去"觀塘藝心"租衫(13/3/09)
本人第一次上去呢間公司試衫時, 服務殷勤, 想試的款都可以試到, 可能因為未開單未付款的關係, 所以服務特別好.... 亦因為咁樣, 就join左呢間公司, 租8件衫的那個套餐, 單上亦注明: 8/3 可拎E17的婚紗拍攝外景。(原先想LOOK卡支付, 但說不可以, 那唯有即時用EPS 支付了整數$4360) 因3月頭的天氣經常有雨絲, 原定8/3拍攝婚紗相都只能改期。
打去BOOKING再試衫, 都左推右推, 問妳咩時候結婚, 知道係11月份就叫妳4月先黎試, 但又唔CHECK下張單係MARK左3月拎衫去影相, 同佢講左係拎衫3月影婚紗相, 要BOOK 12/3 19:00試衫, 佢話唔得吖, 改朝早11:00黎呀, 大佬呀~~返工時間邊可能11:00出現試衫, 之後又話16:00, 但16:00都仲返緊工, 點試呀!!!到最尾就哂佢, 約左21:00先上去試....
12/3 當天 21:00準時到, 開始揀衫、試衫, 揀左9件衫, 只試了5件, 但5件裡面只有1件比較好...唯有繼續睇相簿再揀其他, 想試既同佢講, 佢就開始話呢件"唔好睇、唔襯妳"、呢件"出左街"、呢件拎左"去洗"、最好笑係其中1件叫妳試, 試完話係新衫唔外借(明知係外借影相而試衫, 唔外借就好俾人試啦, 嘥大家時間), 揀嗰件無嗰件
揀嗰件無嗰件, 到最尾只好揀比較好嗰1件, 佢就話"好呀, 度埋身, 師傳喺度即場改埋" 點知轉頭就係咁叫我租埋粉紅色嗰件晚裝, 但因為著落去唔襯所以堅拒唔租, 佢就即刻反口話"嗰件衫無期, 到時要出街, 妳揀过另一件"
都已經揀無可揀, 就開始勞嘈, 問佢邊件有架....頭先嗰件又話可以改埋、可以外借, 係咪唔租粉紅嗰件就無呀~~~ 佢見我勞嘈, 就叫我去度身...話可以外借, 我朋友就叫佢搵埋件婚紗出黎, 搵左件婚紗先度身, 搵左件婚紗出黎, 另一個店務員又話呢件衫唔外借, 嘩~~我單上都寫明係外借呢件婚紗E17, 佢竟然話呢件衫婚紗唔外借, 火都黎埋....咪要求佢退錢, 店務員佢就話要等老細開票, 叫我寫低全名, 我寫左全名, 我朋友叫佢寫返張証明話退支票, 店務員竟然隨便搵張紙, 寫: 單2184 明天退回支票 12/3/09, 朋友就反問佢: 呢張紙話係妳寫定我寫好呀? 又無公司印, 又唔係公司信紙, 又無簽名...點証明呀?? 店務員就係咁解釋話: 老細唔喺度, 開唔到票...男友就要求她退現金, 佢原先話"公司無咁多現金" 要開票....又話我無帶正單, 結果我就搵人拎返張正單黎, 店務員就一直喺fiting room裡面無出过黎, 約半個鐘左右, 正單送到, 店務員竟然可以喺褲袋拎4仟幾蚊出黎, 原來店務員就係老闆娘....做老闆做到佢咁都幾cheap, 點會做壞自己個名架......
大家認住呢間舖, 千祈唔好去呀!

打擊黑店click

私人傳訊

rab

大宅

積分: 1388

1260^#

發表於 09-3-28 19:13 |只看該作者

轉貼
馬鞍山金都海鮮酒家(15/3/09)
日前去E間所謂既海鮮酒家...簡直不知所謂..黑店之中既黑店
1.態度極差"不只一兩個"....eg1.食飯個陣.杯中既汽水飲完..又吾幫人加返...要D客走去問佢LEG先有.
2.食品味道差..我地叫左10個送有成3-4個送炒燶左..真係好令人質疑個到D廚師既質素
3.環境.成廿幾人去食飯..明明叫佢開大房點知開左間最細..整到D人一開始個陣冇位坐..而且到食飯開台個陣因為
間房太細..所以要成日房D人企曬出房等佢開台..D人手腳又慢...開左成10MINS都開吾到...效率極差
4.個廁所等同公廁..dirty到好得人驚
仲嚴重既係.到食完走個陣...佢地竟然可以當住D客面前講客既壞話,,D客都未走曬好心佢就吾好咁大聲喇...有病.
...食完E間D garbage..之後..不少人都有肚痾
所以最後為左大家既健康,吾好再墮入此陷阱
奉勸大家千奇吾好去...

打擊黑店click

私人傳訊