c.vieri 發表於 21-7-27 09:45 
熱巴好似整得過左火對眼越嚟越大，就黎同個鼻樑痴埋一齊。
楊洋做返大神，不過聽佢講對白真係要睇 ...
熱巴對眼就不嬲都大架啦，有D大得唔合比例，反而留意到佢塊面好細，唔知係咪P過至出街，定係打燈就鏡頭。其實佢對眼已經大，唔駛畫得化得咁行，近鏡見住D眼睫毛好似蜘蛛爪咁都幾誇張，劇入面佢個角色見于途時有刻意淡妝，一個大明星日日靚靚樣示人，真係慣咗濃妝，就同熱巴本身一樣，佢就係濃抹樣。
我以前有打機架，雖然唔一樣，但我兩個細佬都有玩，一個玩美式日式RPG，一個玩國產同日產RPG加射擊（穿越火線果種），我好耐之前已經見佢地玩，我自己都有玩過龍穴迷宮，果陣冇組隊，不過係即時策略，音效好真，一邊玩一邊真係幾驚吓，後來就玩軒轅劍仙劍果D，不過玩最多都係養成類，好似而家藍顏清夢果種，女仔就當然鍾意儲下靚衫。
而家睇住榮耀，我都可以將代入，未必好似你仔果種投入，但對於講咩發育路組隊double kill KO呢D我都有少少認識，對比幾套都係講電競，見到一個定律，一定要可以令普通唔打機嘅觀眾都可以明白，最好係由觀眾主觀視角呈現出遊戲嘅畫面，好似穿越火線咁，幾個角色變成遊戲角色，「親身」示範遊戲過程，提升觀眾代入感。榮耀做法係畫面出現王者榮耀嘅遊戲盤，遊戲角色唔係由主角扮演，依然係卡通公仔，加上通過楊洋、熱巴、塗松岩、王彥霖等玩家嘅對話用較顯淺方法去解說遊戲規則狀況。唔太鍾意睇嘅可以跳咗唔睇，只要能帶出晶晶由菜鳥努力進步，而于途就係天生遊戲高手，咁樣就夠，而且打遊戲都只係劇情嘅背景，係要引出于喬兩個人嘅故事，兩個人喺自己嘅領域中各自成為對方嘅榮耀。
配角都好好，暫時潘粵明比較少戲份，相信後面會增多，金晨出咗，後面又會再出，季肖冰作為熱巴前男友已經出場，唔知後面會唔會有，胡可、塗松岩呢對好自然，于途嘅遊戲隊友兼大學同學各有各特色。其他角色如晶晶家人同好多客串嘅明星未出場。
豆瓣未見到評分，批評有高有低，主要都係話男主演技唔得，台詞唔清楚，又話女主顏值崩（老實講，熱巴顏值都話唔得的話，好多女主直情要退圈啦），同時話劇情尬男女主演技唔掂都有，個人覺得對於男女主要求不能太高，呢套劇已在人設劇情經過仔細計算，只要男女主顏值唔差的話，基本演技合格已經係會有正常好評價，有人話打好評係由男女主粉捧出嚟，咁同樣地差評都可以由黑粉主導嘅啫，正如劇入面有人爆喬晶晶黑料一樣，目的為何？爭角色爭資源，爭唔到都唔想俾爭到嘅好過，而家娛樂圈就係咁樣。** 應該話人性就係如此黑暗。
花旗太太生活在花旗國，留意時差，你問我未必即時答到。
發表於 
返回列表
