少年成長 今日: 1 | 主題: 16100

積分: 33215

1262^#

發表於 13-9-10 12:12 |只看該作者

sussage 發表於 13-9-9 11:03
Sandralo,
你好！
我個囡由 1歲開始同佢返親子 playgroup，一直都 ok，好開心，但8月開始返 N 班，早上都肯 ...

sussage :
你有冇去學校「裝」吓佢到底有冇乜嘢特別？老師點講？

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

JH_Mama

積分: 2918

1263^#

發表於 13-9-10 15:13 |只看該作者

SandraLo 發表於 13-9-9 23:32
JH_Mama :
你有冇針對性咁讚？同一日讚幾次？佢發嗰陣又有冇得逞？

SandroLo,

有呀，我哋已經講到明話佢冇發脾氣，冇掟嘢，冇大喊真係做得好好，好乖．因為我哋兩個要返工，佢返下午班，我只可以响返工前同佢講兩三次，放工返去之後又同佢講幾次．中間啲時間係姐姐湊．但姐姐湊佢時，好明顯佢呢啲行為係少好多好多．

佢發脾氣嗰陣我哋都好堅持唔俾佢得逞．好似佢話要邊件玩具呢類情況我哋最終都唔會遷就佢，所以佢真係可以因為咁大喊足足半個鐘．後尾佢可能攰啦，又或者見我哋唔理佢嘞，佢就開始收聲啦．但佢响嗰段期間一路大喊大叫同埋見嘢就掟都令我哋好苦惱．

煩請指教呀．

私人傳訊

積分: 33215

1264^#

發表於 13-9-10 19:05 |只看該作者

Care_Bears2009 發表於 13-9-9 15:25
SANDRA LO,

你好呀, 之前用過你的讚賞+IGNORE 都很WORK...但BB 一直由99 +工人湊...而家3歲幾, 性格變得 ...

Care_bear2009 :
如果响學校都有呢個問題, 似乎幾嚴重...............
每次佢不禮貌或不恰當咁講嘢, 除咗指出佢唔啱之外, 要 demo一次應該点講, 再答佢得定得(加簡單解釋), 跟住佢要扭先 ignore; 而為免佢係扭埋你 attention, 連罸都唔好罸住............
放工先, 待續

私人傳訊

積分: 33215

1265^#

發表於 13-9-10 22:02 |只看該作者

Care_Bears2009 發表於 13-9-9 15:25
SANDRA LO,

你好呀, 之前用過你的讚賞+IGNORE 都很WORK...但BB 一直由99 +工人湊...而家3歲幾, 性格變得 ...

Care_Bears2009 :
續前
如想用獎加强讚, 可以用時間表嚟規範, 例如兩小時甚至一小時「一格」, 在那一小時內冇壞行為(哭、鬧、扭)的話, 就貼一個貼紙, 夠某數量佢貼紙便可獎他最愛的玩具或和他去喜愛的餐廳/地方. 這個獎勵方法要小心執行, 太嚴太難才得到沒有吸引力, 太容易他又會睇住計住自己夠數攞到獎品就可以照發脾氣！所以你要响個腦度 run 一次, 認為自己處理到同執行到先好進行！
記住要配合讚同 ignore, ignore 時唔好話同鬧！

私人傳訊

積分: 33215

1266^#

發表於 13-9-10 22:59 |只看該作者

50cents 發表於 13-9-9 17:17
Hi Sandra, 想請教你以下情況應如何處理，謝謝！

仔仔而家4歲8個月，一直由嫲嫲及姐姐湊，夜晚我同老公放 ...

50cents :
小朋友好識食住上....................
查實佢地某d 壞行為, 係俾父母「無意中」强化咗！例如：佢响屋企經常自己玩, 佢好想你地陪, 但往往係各有各忙, 佢有次學咗同學或電視講咗d 難聽/冇禮貌嘅說話, 發現一講你地就會好大反應, 俾幾倍 attention 去話佢, 咁其實係令佢想講多d 去吸引你地................
好似普通話老師事件, 佢已經擺明唔鍾意上, 即係唔會收到你地俾佢上堂嘅預期效果 ~~ 學到嘢, 咁就應該 quit 咗佢, 唔好同佢拉拉扯扯, 依家佢對老師做呢一系列嘅唔禮貌嘅行為, 不單止沒有被罸, 反而可以以後都唔駛上, 咁再有下次會點？當然照板煮碗, 再嚟一鋪勁架啦！
你再睇多次點用讚啦, 你未明點 work 喎, 讚一個好行為, 等佢持續做, 何以會强化咗個唔衰得心態？除非佢唔衰得嗰陣你讚佢啦！請認真再睇多次, 諗吓點做, 再問！

私人傳訊

積分: 33215

1267^#

發表於 13-9-10 23:28 |只看該作者

Loktung2012 發表於 13-9-9 23:08
主要是我媽媽照顧（星期一至五），所以婆婆是他首選，我是次選。如果婆婆入廚房或洗手間，他會喊到婆婆出來 ...

Loktung2012 :
若你能堅持他不哭才抱, 他慢慢便會減少哭, 因為知道哭沒有用, 他現在會認為是哭令你地抱佢, 而事實正是如此！
但若婆婆會心軟, 很難要她這樣做, 半途而廢 (即讓他哭耐了才抱)更大鑊, 他會哭得更持久, 所以你地要想清楚才好開始, 會比較好是你先進行, 成功才叫婆婆跟！
出街不願意坐bb椅的問題 ~~ 如你怕他在外大哭大叫, 你就索性不好「試」把他放低, 免得他以為哭可以改變你, 到你能在家成功地讓他自己些而不哭, 才進行這一步！別忘記用讚！

私人傳訊

Loktung2012

複式洋房

積分: 283

1268^#

發表於 13-9-11 00:00 |只看該作者

引用：Quote:Loktung2012+發表於+13-9-9+23:08+主

原帖由 SandraLo 於 13-09-10 發表
Loktung2012 :
若你能堅持他不哭才抱, 他慢慢便會減少哭, 因為知道哭沒有用, 他現在會認為是哭令你地抱佢, ...

Thank you !!

私人傳訊

50cents

別墅

積分: 863

1269^#

發表於 13-9-11 12:45 |只看該作者

回覆：SandraLo 的帖子

Dear Sandra, 真係唔該哂你嘅回覆, 呢兩日我都再細讀讚嘅用法, 亦都有跟住做, 更加印埋比奶奶老公睇, 希望大家都可堅持讚同罰嘅方法！

點評

SandraLo

發表於 13-9-11 23:44

私人傳訊

積分: 33215

1270^#

發表於 13-9-11 21:05 |只看該作者

wupigpig 發表於 13-9-9 23:21
Hi Sandra，本來bb怕人既情況有所改善，就算公園有人都唔怕，雖然唔係同其他小朋友有交流一齊玩，但都睇到 ...

wupigpig :
ok 喎, 你處理方法冇問題！
咁佢打咗你, 你又罸咗佢, 佢有冇好d ？
凡係佢心急想表達–d 嘢俾你知, 但言語又未配合到, 都會令佢地出咗手先, 你可以捉住佢手, 然役教佢表達, 幫佢講「我想抱」, 再解佢知点解嗰次唔抱, 咁會好好多, 如有改善就唔駛用罸！

私人傳訊

積分: 33215

1271^#

發表於 13-9-11 23:24 |只看該作者

vikkim 發表於 13-9-10 00:08
Hi Sandra，我個女宜家一歲半，佢一有啲咩唔鍾意就會咬人同用手搣人，佢每次咁樣做，我都會捉住佢對手或指 ...

vikkim :
有冇用讚？睇咗兩個主打topic 教點用讚未？

私人傳訊

積分: 33215

1272^#

發表於 13-9-11 23:43 |只看該作者

JH_Mama 發表於 13-9-10 15:13
SandroLo,

有呀，我哋已經講到明話佢冇發脾氣，冇掟嘢，冇大喊真係做得好好，好乖．因為我哋兩個要返工， ...

JH Mama :

我估你先定位針對掟嘢嚟讚先.................... 一次過讚太多唔同嘢會亂d !
佢可以喊半個鐘以上都唔收聲 ~~ 之後自己收？最耐試過喊幾耐？有冇試過頂唔住安撫佢？佢自己停嗰陣有冇讚？
你話佢扭要某件玩具, 何解要扭？係要扭買定係點？點解唔俾玩？
其實快3歲重捉嘢可以考慮用罸的.................

私人傳訊

wupigpig

積分: 4522

1273^#

發表於 13-9-11 23:52 |只看該作者

引用：Quote:wupigpig+發表於+13-9-9+23:21+Hi+Sa

原帖由 SandraLo 於 13-09-11 發表
wupigpig :
ok 喎, 你處理方法冇問題！
咁佢打咗你, 你又罸咗佢, 佢有冇好d ？

Thx Sandra 爸爸唔抱而打我係其中一個例子，另外同bb玩玩具，佢玩完一輪我示範俾佢睇應該點玩，佢又會發脾氣打我，係有限時既地方玩，已係差唔多夠鐘時提佢，佢又會好忟追住我打左先，有時發脾氣掃野落地，我要佢自己執反好，佢又打我

之前試過佢打我，捉佢手問佢係咪要咁咁咁，你可以慢慢講俾媽媽知，or指俾媽媽睇要點，但依家就變左唔想做我叫佢做既野係咁no ，例如要扭抱（出街前答應左我自己行，唔行就反屋企）咁我再解釋原因你頭先應左媽媽話ok喎，佢就又打我！如果我發現佢依家個打人對象係我，我可唔可以用埋ingore佢？定都係不停重覆解釋？

另外佢俾人打完後，再去公園已經主動要拖實我，就算公園冇其他人，都要我貼實拖住佢，連sir落滑梯都要求拖住，好似好冇信心咁，係咪都係由佢慢慢恢復反信心先？照佢意思做？

私人傳訊

Care_Bears2009

子爵府

積分: 10226

1274^#

發表於 13-9-12 09:41 |只看該作者

SandraLo 發表於 13-9-10 22:02
Care_Bears2009 :
續前
如想用獎加强讚, 可以用時間表嚟規範, 例如兩小時甚至一小時「一格」, 在那一小時內 ...

SANDRA LO,

好感謝你咁詳細答我, 我會試試!!!!!

私人傳訊

JH_Mama

積分: 2918

1275^#

發表於 13-9-12 15:42 |只看該作者

SandraLo 發表於 13-9-11 23:43
JH Mama :

我估你先定位針對掟嘢嚟讚先.................... 一次過讚太多唔同嘢會亂d !

SandraLo,

多謝你回覆. 我哋會試吓先定咗一樣嘢重點讚佢先.

佢最耐係喊咗半個鐘咗右, 喊到出晒汗, 因為係咁跳同埋跟住我哋話要佢想要o既嘢, 我哋唔理佢㗎. 好多時係佢喊到"扯晒蝦", 又或者開始抽泣同我哋講對唔住, 我哋會抱返佢, 咁佢就會再好委屈咁喊多陣, 之後就收聲. 有呀, 佢自己停嗰陣我哋有即刻讚佢㗎, 仲會攬返住佢同佢講而家你唔喊嘞, 媽媽就攬返你.

佢扭嗰件玩具因為俾佢玩爛咗, 有啲好鋒利o既角, 我哋同佢講咗好多次, 仲响佢面前指俾佢睇好鋒利嗰度, 話唔玩得嘞, 會整傷㗎, 但佢都聽唔入耳, 之後就大喊. 反正佢好少扭買坃具, 去睇過, 摸過, 玩咗一陣我哋話要走佢都會跟住走.

我哋有時都會罸佢企, 好似 isolation corner嗰啲. 有時佢喊時我哋坐埋一邊唔理佢, 佢會企响一個大階磚度唔行出嚟, 但雙手就係咁向我哋伸, 係咁喊"媽媽抱呀, 媽媽抱". 其實我哋只係自己坐埋一邊唔理佢, 佢自己聯想到自己俾人罸企isolation corner.

請問你會建議用咩其他罸o既方法嚟應付呢啲情況/ 呢種性格o既小朋友? 我小朋友係好硬頸嗰啲, 有時軟硬功都唔得, 令我哋好頭痛.

謝謝意見!

私人傳訊

積分: 33215

1276^#

發表於 13-9-13 22:53 |只看該作者

wupigpig 發表於 13-9-11 23:52
Thx Sandra 家就變左唔想做我叫佢做既野係咁no ，例如要扭抱（出街前答應左我自己行，唔行就反屋企）咁我再解釋原因你頭先應左媽媽話ok喎，佢就又打我！如果我發現佢依家個打人對象係我，我可唔可以用埋ingore佢？ ...

wupigpig :
扭抱 ~~ 有冇响出門時就讚呢？就冇試過唔行真係「即」返屋企？！
响呢個位我覺得要睇到當時情況先可以教你係咪用 ignore ............
可以有唔同處理方式, 一係好似你代佢表達咁, 你一樣可以先代佢講：媽咪我唔想行, 好攰 (舉例), 然後答佢：媽咪都好攰, 一齊休息吓再行, 但唔可以打人, 或者, 攰就返屋企.............. 即係俾個簡單原因, 但唔將佢打人放咁大, 以免佢用打人嚟引你注意 (切勿大番道理); 另一個方式係你已睇到佢真係 attention seeking, 咁就用 ignore, 但我担心你未能肯定, 處理不好時, 佢慣咗手勢係會打埋其他人, 咁到時就重煩, 亦用唔到 ignore; 重有一個方式係加埋罸, 一出手就罸 naughty chair, 因佢打人就唔啱, 乜嘢情況下都係唔啱！
你自己諗諗佢係邊種？
如公園冇其他人, 未必係信心問題, 可能只係嗲下你, 試吓扮你又玩埋一份, 响佢前面或者後面, 側側膊試吓唔拖得唔得.

私人傳訊

wupigpig

積分: 4522

1277^#

發表於 13-9-14 00:15 |只看該作者

引用：Quote:wupigpig+發表於+13-9-11+23:52+Thx+

原帖由 SandraLo 於 13-09-13 發表
wupigpig :
扭抱 ~~ 有冇响出門時就讚呢？就冇試過唔行真係「即」返屋企？！
响呢個位我覺得要睇到當時情況 ...

Thx Sandra
扭抱問題，多謝提醒，我之前試過唔抱即反屋企，如果只有我同bb，佢扭抱我只需要提醒佢頭先出門口答應左媽媽大個仔自己行，佢就會照拖住行，（中間都會讚佢好乖自行）但如果老公係道，佢好似要試下老公低線，唔成功就發我脾氣打我，佢係一落到樓下就已經扭老公抱，我要試下三人行既時候再扭就叫老公同佢反屋企，可能我要試下叫老公用同樣方法唔行就帶佢反屋企至得！

如果罸企，我暫時會用我數十聲作標準，（因bb唔識時間）當中如果有訓地，攬住我既應唔應該計佢罸企時間再內，定重新數過先至夠佢驚？

你簽名位個post寫罸就唔好再講道理or話，可以用反story time教反小朋友，因我見書局既德育書寫三歲起，其實我同一個20個月既bb講佢明唔明？

私人傳訊

積分: 33215

1278^#

發表於 13-9-14 23:24 |只看該作者

JH_Mama 發表於 13-9-12 15:42
SandraLo,

多謝你回覆. 我哋會試吓先定咗一樣嘢重點讚佢先.

JH_Mama :
按道理如佢每次都扭唔到, 佢應該唔會咁易就扭.............
可能有某d 位係做錯咗, 但我不在場只能試圖去估............
而有某d 位係可以改善............
我電腦在房, 老公要瞓, 明續！

私人傳訊

積分: 33215

1279^#

發表於 13-9-15 17:26 |只看該作者

本帖最後由 SandraLo 於 13-9-15 17:29 編輯

JH_Mama 發表於 13-9-12 15:42
SandraLo,

多謝你回覆. 我哋會試吓先定咗一樣嘢重點讚佢先.

JH_Mama :
(續昨)
如果已有類似 naughty chair (isolation corner), 就清晰d , 一早講定掉嘢就罸企 (或坐)5分鐘................ 扭同喊嗰d 唔駛罸, 由得佢, 慢慢佢知扭唔到就唔扭, 唔通喊吓自己發洩吓都要罸？依家佢可能有混淆, 喊幾喊就唔記得係自己扭, 又以為要罸, 亂咗.
呢個年紀咁嘅情況暫時都係罸 naughty chair 先; 行為矯正唔係針對某d性格, 大人細路都啱, , 除非精神病. 記得讚！

私人傳訊