影視娛樂 今日: 0 | 主題: 16148

積分: 58604

牛年勳章 2018復活節勳章

1281^#

發表於 21-7-28 15:22 |只看該作者

rose-mag 發表於 21-7-28 03:02
熱巴對眼就不嬲都大架啦，有D大得唔合比例，反而留意到佢塊面好細，唔知係咪P過至出街，定係打燈就鏡頭。 ...

好鐘意睇你寫電視劇評語
個人見解獨到，又會睇吓其他網評、評論下藝人，
再祥細解說返

私人傳訊回覆引用

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1282^#

發表於 21-7-29 01:26 |只看該作者

本帖最後由 rose-mag 於 21-7-28 10:49 編輯

c.vieri 發表於 21-7-27 23:22
好鐘意睇你寫電視劇評語
個人見解獨到，又會睇吓其他網評、評論下藝人，
再祥細解說返

我都係咁啱睇到其他網民/觀眾評論，所以可以歸納一下，呢兩個月其實工作好忙，有一陣好激氣，同兩個老細傾完好咗好多，起碼我表達咗我見到有問題嘅地方，亦多少俾佢地知道問題喺邊度，冇理由我做咗咁多年，同一樣嘅工作已經重覆做過咁多次，而家突然有問題，究竟係我問題定係其他問題？再加上我唔係唯一一個投訴嘅，其他同職位同事都紛紛要舉手求助，甚至有人紛紛申請掉去其他部門，不過同一間公司，如果核心系統一樣，做咩部門都係死，即使職份唔同都要面對相同問題。

BTW，榮耀同賀先生睇到跟播，已經有好多觀眾要求加更。。。我睇咗騰訊預告到18集，後面金晨會想同楊洋復合，季肖冰都會再出現，想重新追求熱巴，遊戲內容應該會隨住比賽完結減少，之後就係兩個人嘅感情同事業平衡，都有D唏噓，于途由初中到高中一直優秀，去到大學亦成功完全雙學位，係天之驕子，但投入科學範疇後，生活反而跟非學霸嘅喬晶晶差天共地，現實中我都有咁嘅同學，會考8A，A level 4A，大學 1st Hons. 畢業，最初考入好多人羨慕嘅公用資源機構，但性格不合群，工作同理想差好遠，之後就辭職去教書，雖然教師可以作育英才，但似乎埋沒咗佢嘅才能。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1283^#

發表於 21-7-29 07:57 |只看該作者

孫儷、趙又廷主演嘅《理想之城》已經攞到開播証，如無意外，有望8月會於東方衛視上星開播，接檔我是真的愛你。全劇41集，大女主職場劇，改編自若花燃燃小說《蘇筱的戰爭》，講造價師蘇筱的成長之路，反映中國建築行業現狀。同劇演員仲有于和偉、陳明昊、高葉、楊超越、劉奕暢、李傳纓、張澍、錢漪、丁文博等。

花旗太太生活在花旗國，留意時差，你問我未必即時答到。

私人傳訊回覆引用

積分: 58604

牛年勳章 2018復活節勳章

1284^#

發表於 21-7-29 10:49 |只看該作者

rose-mag 發表於 21-7-29 01:26
我都係咁啱睇到其他網民/觀眾評論，所以可以歸納一下，呢兩個月其實工作好忙，有一陣好激氣，同兩個老細傾 ...

我覺得你都好叻
家庭、事業、網絡同之前見你仲有寫下小說，都兼顧得好好。

于途只係因為生於中國

如果係美國可能人工會高好多，以佢咁高智商加學歷，係NASA做就可以人工加理想完全無衝突。

記得有幕預告，于途話同晶晶係二個世界嘅人
喬晶晶生活係水銀燈下，于途工作連「家屬」都唔可以透露

但就係因為咁先令套劇有追看性，起碼叫有d新意，唔係成日都霸總咁悶。

私人傳訊回覆引用

積分: 58604

牛年勳章 2018復活節勳章

1285^#

發表於 21-7-29 10:50 |只看該作者

rose-mag 發表於 21-7-29 07:57
孫儷、趙又廷主演嘅《理想之城》已經攞到開播証，如無意外，有望8月會於東方衛視上星開播，接檔我是真的愛 ...

呢套都係必追嘅一套

私人傳訊回覆引用

積分: 174325

1286^#

發表於 21-7-29 11:59 |只看該作者

c.vieri 發表於 21-7-28 18:49
我覺得你都好叻
家庭、事業、網絡同之前見你仲有寫下小說，都兼顧得好好。

于途就算係生於美國都未必好如意，冇錯，佢入NASA應該會搵到好多錢，但始終都係東方人，第10集關在講佢原本喺谷歌也是高薪，在NASA也不錯，但身為外國人，永遠都接觸唔到核心技術，那就是搞科研最過不到自己嘅，會想知道更多，接觸更多，甚至參與更多，但偏偏因為身份而唔係才能而被限制，的確如是，非白人喺美國社會有一個傳說中嘅glass ceiling，你可以看到上面，但永遠達不到，好悲哀地，呢個係事實，即使係移民第二代第三代都逃不過呢個命運，但點計都好，美國搞科研機會多D，即使金融業，歐美都比亞洲成熟。

呢套榮耀的確同其他劇有所不同，于途係一個好多心事嘅人，佢有抱負，亦有使命感，夏晴講佢只有頭上一片天，不應該耽誤人，于途同關在好相似，大家為咗科研，犧牲咗家庭同感情，感情上，于途唔係不擅於表達，而係不敢表達，唔想拖累人，佢同喬晶晶，一個在水銀燈下閃閃發光，一個在夜空中望住閃閃發光嘅星辰大海，彷如一個在明，一個在暗，于途自帶沉重，同時又覺得自己俾唔到咩俾晶晶，所以即使知道自己鍾意人，人家又鍾意自己，佢都唔敢接受。其實人無完美，幾叻都好，總有弱點，好似晶晶講，上天俾咗好多美貌佢，分唔到咁多俾其他方面，所以佢冇打遊戲天份。

花旗太太生活在花旗國，留意時差，你問我未必即時答到。

私人傳訊回覆引用

積分: 58604

牛年勳章 2018復活節勳章

1287^#

發表於 21-7-29 12:09 |只看該作者

rose-mag 發表於 21-7-29 11:59
于途就算係生於美國都未必好如意，冇錯，佢入NASA應該會搵到好多錢，但始終都係東方人，第10集關在講佢原 ...

所以好想快d睇埋之後，于途點樣令到理想同愛情可以同步。

于途要同晶晶一齊真係唔易，金錢、時間對于途都係一種負擔黎，就算晶晶唔介意，于途都唔會厚面皮到無視呢2點。

其實都預視到會有幾集會有d虐。

私人傳訊回覆引用

積分: 174325

1288^#

發表於 21-7-29 12:52 |只看該作者

c.vieri 發表於 21-7-28 20:09
所以好想快d睇埋之後，于途點樣令到理想同愛情可以同步。

于途要同晶晶一齊真係唔易，金錢、時 ...

一星期至更三日，每日兩集，仲要每集都係三十分鐘上下，好心急呀，話呢套劇好貼近原著小說，所以我同步開咗小說睇，都幾好睇，前幾集同小說9成相似，不過我又睇緊另外兩本小說，所以就呢本睇得慢咗少少～有時我都幾痴線，同時睇劇又開好多本小說，劇未更新就睇書，噢，仲有去打機，玩緊藍顏清夢同旅行青蛙，原本仲有Hay Day，點知上個月遊戲強制更新後就開唔番，去開發公司投訴都有人理，於是算啦，唔打啦，反正每日咁多嘢做，我有時都唔記得玩，我仔女打緊一個遊戲，叫佢地教我玩加我，佢兩個好嫌棄咁叫我唔好搞佢地，不過見佢兩兄妹每日一齊玩好開心，算啦，都係我自己玩自己嘅。

兩個相差咁遠嘅人要一齊，點都要有人讓步，或者兩個都配合至得，現實中要做的話，相信會有人做到嘅，最緊要大家甘願而又唔覺得係犧牲。劇中有多對夫婦對比，關在/沈淨、張院長同太太、胡所長同太太、玲姐/阿國，見住佢地更加令觀眾覺得于途同晶晶要一齊不容易。

花旗太太生活在花旗國，留意時差，你問我未必即時答到。

私人傳訊回覆引用

積分: 58604

牛年勳章 2018復活節勳章

1289^#

發表於 21-7-29 13:31 |只看該作者

rose-mag 發表於 21-7-29 12:52
一星期至更三日，每日兩集，仲要每集都係三十分鐘上下，好心急呀，話呢套劇好貼近原著小說，所以我同步開 ...

我以前有打online game，不過係打麻將

一樣要打比賽、組隊、個人，果時都打到天昏地暗，試過請假打團戰
亦都有試過類似于途教晶晶咁打桌球，係game入面個高高手一對一教我點玩、讓我贏同攞分。

我覺得沈靜都好堅強，個老公一年只得一半時間係屋企，而家仲要係佢面前扮無事一齊對抗病情。
玲姐同啊國呢pair 幾好，女負責搵錢，男嘅負責照顧屋企（暫時理解係咁），各司其職無怨言。

但于途同晶晶應該做唔到，于途高學歷又係自己理想，晶晶係頂流明星，如果于途係有錢人或者可以。
但以佢地現況要是但一個讓步都好難。

要等下星期一先有得睇

私人傳訊回覆引用

whywhite22

翡翠宮

積分: 76553

2025勳章蛇年勳章

1290^#

發表於 21-7-29 13:39 |只看該作者

本帖最後由 whywhite22 於 21-7-29 13:43 編輯

rose-mag 發表於 21-7-29 07:57
孫儷、趙又廷主演嘅《理想之城》已經攞到開播証，如無意外，有望8月會於東方衛視上星開播，接檔我是真的愛 ...

呢齣啱我老公睇, 因為有於和偉,我老公好鍾意睇佢, 成日讚佢演技好, 叫我睇佢D劇.

私人傳訊回覆引用

積分: 58604

牛年勳章 2018復活節勳章

1291^#

發表於 21-7-29 13:43 |只看該作者

如果加更就好啦

一集已經得30分鐘，仲要一星期得6集
真係等到頸都長

私人傳訊回覆引用

積分: 174325

1292^#

發表於 21-7-29 14:06 |只看該作者

c.vieri 發表於 21-7-28 21:31
我以前有打online game，不過係打麻將
一樣要打比賽、組隊、個人，果時都打到天昏地暗，試過請假打 ...

online game要組隊，我身邊冇咩朋友玩，以前睇兩個細佬玩，但佢地玩果D唔係幾啱我，男仔多數係射擊攻略果種，冇咩男仔朋友覺得我個款似會玩遊戲，其實我不知玩幾多，只係多數一個人玩果隻。

榮耀超前更要等到8月9日至有，到時一次過可以睇8集，超前更16日就可以睇到大結局32集，下星期會講到電競賽，結束後晶晶再表白，但于途唔敢接受，點知好快佢就後悔，想追番晶晶，然後就有金晨同肖季冰再出場，應該就係要虐下。

現實中兩個咁懸殊嘅人應該真係會幾難一齊，但睇劇睇小說就係要填補現實中嘅不完美，而且我地永遠只會睇到王子同公主結婚，但之後係唔係從此以後就快快樂樂咁生活落去？永遠唔會知，都好架，俾個希望觀眾，我班書友而家好多拒絕睇BE嘅書，果D咩虐妻一時爽追妻火喪場已經不合時宜，大家異口同聲話現實已經太多不盡如人意，如果睇書都要咁，人生就實在太冇意義啦。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1293^#

發表於 21-7-29 14:09 |只看該作者

whywhite22 發表於 21-7-28 21:39
呢齣啱我老公睇, 因為有於和偉,我老公好鍾意睇佢, 成日讚佢演技好, 叫我睇佢D劇.
...

于和偉而家我反而麻麻，覺得佢開始套套都搶鏡，演得有少少over，佢嘅曹操好睇，但之後上陽賦我覺得over～不過呢套理想之城我會睇，感覺故事有D意思，而且孫儷同趙又廷兩個都係演技好嘅演員，會有火花。

花旗太太生活在花旗國，留意時差，你問我未必即時答到。

私人傳訊回覆引用

積分: 58604

牛年勳章 2018復活節勳章

1294^#

發表於 21-7-29 14:26 |只看該作者

rose-mag 發表於 21-7-29 14:06
online game要組隊，我身邊冇咩朋友玩，以前睇兩個細佬玩，但佢地玩果D唔係幾啱我，男仔多數係射擊攻略果 ...

仲要等多二個星期先有加更

唯有等下星期六集頂住先

其實喬晶晶個人設算寫得幾

明明係頂流明星，但就無出現過咩態度囂張、不禮貌嘅情節，仲寫到佢算幾明白事理、又可愛

都希望熱巴靠呢套翻身。

私人傳訊回覆引用

whywhite22

翡翠宮

積分: 76553

2025勳章蛇年勳章

1295^#

發表於 21-7-29 14:41 |只看該作者

rose-mag 發表於 21-7-29 14:09
于和偉而家我反而麻麻，覺得佢開始套套都搶鏡，演得有少少over，佢嘅曹操好睇，但之後上陽賦我覺得over～ ...

于和偉我只係睇過司馬懿入面曹操同上陽賦, 前者做得好好, 上陽賦入面佢角色唔討好又唔覺演技有咩特別,對佢一般般. 我鍾意趙又廷, 呢齣有可能會開.

私人傳訊回覆引用

積分: 174325

1296^#

發表於 21-7-29 14:42 |只看該作者

c.vieri 發表於 21-7-29 14:26
仲要等多二個星期先有加更
唯有等下星期六集頂住先

好過冇，有希望，就有動力等，仲有賀先生睇，星期六日更新。

花旗太太生活在花旗國，留意時差，你問我未必即時答到。

私人傳訊回覆引用

積分: 58604

牛年勳章 2018復活節勳章

1297^#

發表於 21-7-29 14:47 |只看該作者

rose-mag 發表於 21-7-29 14:42
好過冇，有希望，就有動力等，仲有賀先生睇，星期六日更新。

賀先生好睇呀

等我今晚開黎頂下時間先

E+ 有時一開d劇，見男、女主樣麻麻又唔想追，
睇左大半集都仲未吸收到我追落去又棄劇

近呢大半年陸劇真係好一般，好難得先搵到一套有心機追。

私人傳訊回覆引用

積分: 174325

1298^#

發表於 21-7-29 22:53 |只看該作者

c.vieri 發表於 21-7-29 14:47
賀先生好睇呀
等我今晚開黎頂下時間先

本帖最後由 rose-mag 於 21-7-29 22:55 編輯

賀先生近期算幾好睇，小賀總好得意，幾歲人仔，演得可愛又有童真，男女主顏值算幾好，女嘅樣甜，男嘅聲好聽，成套劇應該係用原聲，難得女二又幾靚女，綠茶女就差d, 但其實佢又唔係真衰人，睇到22集幾虐吓，全劇24集，前面大部份都係甜，雖然都係霸總人設，但睇得幾舒服自然，又係30分鐘一集，下星期有超前更，可以睇到大結局。

私人傳訊回覆引用

積分: 58604

牛年勳章 2018復活節勳章

1299^#

發表於 21-7-29 22:54 |只看該作者

rose-mag 發表於 21-7-29 22:53
賀先生近期算幾好睇，小賀總好得意，幾歲人仔，演得可愛又有童真，男女主顏值算幾好，女嘅樣甜，男嘅聲好 ...

岩岩睇到第二集

個小朋友好得意，暫時劇情都幾好笑

私人傳訊回覆引用