影視娛樂 今日: 8 | 主題: 16149

積分: 174325

1302^#

發表於 21-8-1 05:13 |只看該作者

《沉香如屑》首發預告片及定妝照，唔好問幾時播，而家情況瞬息萬變，一日未官宣都唔好當真，唔係！應該話一日官宣咗未開播都可能有變，由於青簪行應該都黃咗，連AI換臉機會都好微，打亂咗幾多劇嘅開播時間表。

沉香改編自蘇寞同名小說，講述女主“顏淡”與“應渊君”和“余墨”之間的愛情糾葛。睇完首發預告片，感覺係香蜜 + 琉璃，造型同色調都似曾相識，仙俠片拍咗咁多，來來去去都係幾生幾世，虐來虐去，唔知仲有咩突破。呢套開拍前男女主已經開撕暗地裡黑對方，開播後仲點樣可以炒CP？拭目以待。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1303^#

發表於 21-8-1 05:36 |只看該作者

另一套劇《風起隴西》改編自馬伯庸長篇同名小說，電視劇於2021年4月在寧波象山開機，現已殺清，應該唔會咁快可以開播，而家發定妝照，大雙男主劇，背景在三國天下三分時代，烽火四起、英雄輩出，故事聚焦在兩個“小人物”第上：陳恭與荀詡，在驚心動魄的諜戰中爆發出關鍵作用，於歷史之外譜寫出一段英雄傳奇故事。
陳坤加白宇，演技有保証，加上名單上其他演員，期望故事可以唔好改動到好似天盛長歌咁爛尾，導演係拍開電影，見到發出嚟嘅劇照係好有電影感，不過基調就係比較沉同暗。

花旗太太生活在花旗國，留意時差，你問我未必即時答到。

私人傳訊回覆引用

翡翠宮

積分: 76555

2025勳章蛇年勳章

1304^#

發表於 21-8-1 16:15 |只看該作者

rose-mag 發表於 21-8-1 05:36
另一套劇《風起隴西》改編自馬伯庸長篇同名小說，電視劇於2021年4月在寧波象山開機，現已殺清，應該唔會咁 ...

古裝+陳坤+白宇，好期待

私人傳訊回覆引用

積分: 58604

牛年勳章 2018復活節勳章

1305^#

發表於 21-8-2 01:50 |只看該作者

rose-mag 發表於 21-8-1 05:13
《沉香如屑》首發預告片及定妝照，唔好問幾時播，而家情況瞬息萬變，一日未官宣都唔好當真，唔係！應該話一 ...

成毅個白髮look 好趕客

呢套應該唔會睇，對楊紫真係麻麻地，來來去去又係呢d角式，同香蜜應該差唔多，香蜜起碼仲有鄧倫同大殿睇得下。

私人傳訊回覆引用

積分: 174325

1306^#

發表於 21-8-2 03:10 |只看該作者

c.vieri 發表於 21-8-1 09:50
成毅個白髮look 好趕客

呢套應該唔會睇，對楊紫真係麻麻地，來來去去又係呢d角式，同香蜜應該差 ...

白髮好難駕馭，咁多角色係白髮嘅，我只有三個覺得係適合：馬天宇嘅櫻空釋（幻城）、高偉光嘅東華帝君（三生三世十里桃花）同于朦朧嘅暮雲（軒轅劍之漢之雲），其他嘅好難可以用美去形容，遇龍嘅王鶴棣直情係直接秒殺好感，成毅呢個又係唔得，唔知點解近年個個咁吹捧男主白髮造型，本身難討好之餘，由演員五官到造型整體都唔容易配合得到。

沉香我都應該唔會睇，我連香蜜都冇點睇（只係睇下微博彈出嚟嘅視頻，其實都大概知套劇講咩），仙俠近年拍到太多重覆，造型亦都冇咩新意，最主要係好多都拍唔出仙氣，劇情又反駁，神仙都會死，咁修仙做咩？上仙/師尊修仙萬年又會有七情六慾墮入情劫，咁之前修仙修緊D咩？即係修完咁多年都係六根不淨？修到上仙神尊嘅居然睇唔到/算唔到自己嘅劫數，可以俾仙力低好多嘅入咗魔道嘅算計、埳害，咁即係是否真係已經去到上仙神尊境界？神仙只係專注談情說愛，講咩保護蒼生天下都係白費，是否神仙都係冇嘢做？龍王都去佈下雨，觀世音都去普渡眾生，呢班神尊呀上仙呀古神呀做過D咩？成日話渡劫，見到嘅都係自己個人，冇咩蒼生天下。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1307^#

發表於 21-8-2 03:40 |只看該作者

whywhite22 發表於 21-8-1 00:15
古裝+陳坤+白宇，好期待

兩個男主唔駛講，仲有李光潔、郭京飛、俞灝明、聶遠等都係有演技保証，女角喺呢套劇入面似乎擔戲不重，孫怡OK嘅，AB個角色如果只要靚樣，佢擔得起嘅。我只希望唔係天盛長歌翻版就夠，天盛嘅演員班底夠好，但故事唔得，浪費好演員。

花旗太太生活在花旗國，留意時差，你問我未必即時答到。

私人傳訊回覆引用

翡翠宮

積分: 76555

2025勳章蛇年勳章

1308^#

發表於 21-8-2 11:44 |只看該作者

本帖最後由 whywhite22 於 21-8-2 11:54 編輯

rose-mag 發表於 21-8-2 03:40
兩個男主唔駛講，仲有李光潔、郭京飛、俞灝明、聶遠等都係有演技保証，女角喺呢套劇入面似乎擔戲不重，孫 ...

你講既幾個女角我冇一個識, 因為我識人唔多, 來來去去得大熱個幾個.

天盛長歌後面OK, 前面編劇麻麻, 令到唔少人跳船, 浪費服化導同一班好演員, 陳坤後面發揮得好好,好催淚,可惜唔多人睇到.

私人傳訊回覆引用

翡翠宮

積分: 76555

2025勳章蛇年勳章

1309^#

發表於 21-8-2 11:50 |只看該作者

c.vieri 發表於 21-8-2 01:50
成毅個白髮look 好趕客

呢套應該唔會睇，對楊紫真係麻麻地，來來去去又係呢d角式，同香蜜應該差 ...

香蜜我鍾意鄧倫, 佢造型再加埋把聲,冇得頂

成毅原先我對佢一般般, 但佢上次咁樣對袁冰妍, 連個一般般都冇埋,除非劇荒,否則未必開.

私人傳訊回覆引用

積分: 58604

牛年勳章 2018復活節勳章

1310^#

發表於 21-8-2 11:56 |只看該作者

whywhite22 發表於 21-8-2 11:50
香蜜我鍾意鄧倫, 佢造型再加埋把聲,冇得頂
成毅原先我對佢一般般, 但佢上次咁樣對袁冰妍, ...

成毅個樣好似我親戚個渣男
所以唔會再睇佢

點評

發表於 21-8-2 12:15

私人傳訊回覆引用

積分: 58604

牛年勳章 2018復活節勳章

1311^#

發表於 21-8-2 12:03 |只看該作者

rose-mag 發表於 21-8-2 03:10
白髮好難駕馭，咁多角色係白髮嘅，我只有三個覺得係適合：馬天宇嘅櫻空釋（幻城）、高偉光嘅東華帝君（三 ...

高偉光個身型好，做東華地君真係好型

反而黑髮仲睇唔慣

仙劍劇呢2年都係講幾生幾世，三生三世唔夠就整夠十生十世

私人傳訊回覆引用

積分: 174325

1312^#

發表於 21-8-2 12:26 |只看該作者

c.vieri 發表於 21-8-1 20:03
高偉光個身型好，做東華地君真係好型反而黑髮仲睇唔慣

仙劍劇呢2年都係講幾生幾世，三生三 ...

係囉，十生十世，你殺咗我九世，我會希望第十世見你唔到。

我要睇邏輯，仙劍劇如果有邏輯性的話，我係冇問題，但仙劍唔係我首選，花千骨講到咁經典又係爛尾，前面好睇，後面基本上跳住睇，小說本身幾有創意，但文筆好麻麻。咁多仙劍劇，我只係睇過花千骨同三生三世十里桃花，我寧願揀歷史劇或劇情完整嘅，甜寵只要唔白痴的話，我都會睇。

花旗太太生活在花旗國，留意時差，你問我未必即時答到。

私人傳訊回覆引用

Sweetbabymom

侯爵府

積分: 20100

1313^#

發表於 21-8-2 12:54 |只看該作者

rose-mag 發表於 21-8-2 12:26
係囉，十生十世，你殺咗我九世，我會希望第十世見你唔到。

我要睇邏輯，仙劍劇如果有邏輯性的話， ...

仙劍劇其實我麻麻，我都只睇過花千骨丶三生三世同埋千古玦塵

私人傳訊回覆引用

積分: 58604

牛年勳章 2018復活節勳章

1314^#

發表於 21-8-2 14:34 |只看該作者

rose-mag 發表於 21-8-2 12:26
係囉，十生十世，你殺咗我九世，我會希望第十世見你唔到。

我要睇邏輯，仙劍劇如果有邏輯性的話， ...

本帖最後由 c.vieri 於 21-8-2 14:35 編輯

你

講得好好笑，果時睇琉璃，見好多人都讚到上天，我叫勉強睇晒，男、女主都唔係我杯茶。

花千骨係我第一套仙劍劇

當年我仔覺得好睇，我陪佢睇，果時真係純粹睇電視，無乜要求。

三生三世算叫做叫好叫座嘅一部，係鳯九個角式比較敗筆d。

私人傳訊回覆引用

積分: 174325

1315^#

發表於 21-8-2 15:23 |只看該作者

c.vieri 發表於 21-8-2 14:34
本帖最後由 c.vieri 於 21-8-2 14:35 編輯

你講得好好笑，果時睇琉璃，見好多人都讚到上天，我 ...

最近爆咗琉璃嘅片場視頻出嚟，映到袁冰妍幾場重要場口喊唔出，要靠滴眼藥水至有眼淚，之前吹捧眼淚製造機，而家尷尬死。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1316^#

發表於 21-8-3 07:41 |只看該作者

《原來我很愛你》8月3日拉播，共24集，主演：林彦俊、萬鹏、李嘉豪、牛玉坤。

即將畢業的大四學生桑無焉夢想成為廣播人，在電台做主播助理，喜歡一個筆名叫做“一今”的神秘作詞作曲人。桑無焉對偶然遇見的蘇念衾一見鍾情，後來才發現他竟然是個高冷的視障者。桑無焉如同剝洋葱般剝開蘇念衾孤傲冷漠的外殼，直到發現蘇念衾正是詞曲人“一今”，已然墜入愛河。極力守護愛情的兩人，在得來不易的幸福與害怕失去的恐懼中拔河，終因現實壓力和誤會而分手。三年後，桑無焉成為廣播電台主持人，蘇念衾也治好眼睛，承擔起家庭責任，學習管理企業，兩人在不同的人生道路上再次相遇，終克服阻碍走到一起。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1317^#

發表於 21-8-3 07:52 |只看該作者

《偶然闖入的世界》8月5日開播，共12集，主演：利晴天、温茉言、宋一雄、衛然、劉帥。

鬼馬少女慕曉如“偶然”闖入來自平行世界的高冷教授晏隨的神秘空間，由此引發出一場顛覆了亂世、古代、平行都市的浪漫逆襲之旅。

https://tv.gboku.com/vodplay/2263-1-1.html

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1318^#

發表於 21-8-3 11:55 |只看該作者

回覆樓主:

賀先生已更完，24集大部份時間都係甜，但甜得嚟唔太賣弄，最後兩集，小賀總終於開口講好多嘢，所有真相大白，雖然少少兒戲，但呢套係甜寵劇，唔係偵探劇推理劇，最後皆大歡喜就夠，最後師兄都搵到女朋友，三對cp有情人修成正果。鍾意甜寵劇唔介意比較平淡，唔需要虐到死完又一世又一世嘅會啱睇。

花旗太太生活在花旗國，留意時差，你問我未必即時答到。

私人傳訊回覆引用

積分: 174325

1319^#

發表於 21-8-3 13:31 |只看該作者

《你是我的榮耀》睇到跟播，每集都係30分鐘，實在係太短啦。下面嚴重劇透，未睇嘅JM請自動跳過。。。

第13集開場還原直播畫面，比賽現場環境氣氛都有好高像真度，第14集講到晶晶請于途參賽，兩人默契非常好，于途亦於比賽中光芒四射，得到好多人注意，台上絕對係天作之合嘅典型，但整個基調隨住比賽結束而轉變，于途覺得自己同晶晶屬於兩個世界，一個在光，一個在暗，一個光鮮張揚，一個低調沉穩，到第15集就係兩人暫別。

劇組在官博貼出16點細節，發覺真係好用心。PC抄唔到圖出嚟，要手機截圖再貼，請睇下面幾樓。

花旗太太生活在花旗國，留意時差，你問我未必即時答到。

私人傳訊回覆引用