論盡家傭 今日: 0 | 主題: 134084

積分: 31492

1301^#

發表於 10-4-27 11:30 |只看該作者

原帖由 SandraLo 於 10-4-26 22:32 發表

sorry 要問d 嘢先：
佢地兩歲幾？大b語言能力如何？冇表達任何嘢？你完全睇唔到點解佢會咁？除咗呢樣, 佢重有乜嘢係固執嘅呢？點固執法？
我有時跟唔到d post 架, 尤其係轉page嗰陣, 因我响公司可能係兩個鐘先睇一版, 好易miss, ...

佢地就嚟2歲10個月.

大b語言能力? 我唔係好識講, 佢都識講好多野, 學得都好快, 好鐘意學講野/學大人做野, 模仿能力唔錯. 有時佢好多野講, 只係佢發音未正, 我地估唔到究竟佢講乜?

以換片為例, 亦係最大問題. 大b無講點解唔肯換片, 就我所知, 我在場的話, 除咗我, 佢唔俾任何人幫佢換片, 就算去攞條片出嚟, 都要我拖住佢一齊去, 我唔得閒, 佢點都要等埋我, 賴到條褲濕晒都係咁. 到攞咗條片出嚟, 佢又唔即刻瞓上梳化度換喎, 有時睇吓電視, 玩吓野, 周圍走..... 我熄電視, 佢會喊, 話要睇電視, 係都要扭到我開番電視為止. 有時我同佢講, 換片喇, 佢當聽唔到, 咁我又會試吓話姐姐/爹爹換, 佢就即刻講媽媽換.

瞓咗上梳化, 佢又唔俾我幫佢除鞋, 除褲, 除片, 全部要佢自己做, 好, 佢識咪俾佢做囉. 但佢除咗一隻鞋, 佢又坐起身, 睇吓電視, 做吓其他野, 又要攪一輪, 至除第2樣. 明明佢話要媽媽除片, 我一掂, 佢又喊/扭, 要自己做, 除唔到, 又喊/扭, 或者我幫佢除咗, 佢都喊/扭, 要著番條濕片, 再由自己除過. 條片終於除咗, 佢又睇吓電視, 玩吓其他野, 跟住, 又唔俾我幫佢抺pat pat, 又要自己抺, 以前佢抺咗, 都俾我幫佢再抺, 而家唔得, 佢話唔要, 佢會再抺過, 要抺走"我幫佢抺過"呢樣野.

到著片, 情況差唔多. 佢唔肯著普通片, 一定要著學行褲, 又要揀款式, 又唔俾人幫佢, 佢又要玩/扭. 佢一定要我喺度陪住佢, 我有時會由得佢自己玩吓先, 我行開做其他野, 如開奶, 佢會即時喊, 大叫媽媽, 邊個幫佢都唔得. 到我再理佢, 佢會收聲, 但未必肯乖乖咁著片, 又係玩一輪, 個個都唔敢幫佢換片, 如是者, 晚晚幫佢換片, 都要攪起碼半粒鐘.

佢嘅固執, 係所有程序都要一模一樣, 例如除鞋, 一定要左腳先, 除咗右腳先, 佢又喊/扭, 要著番隻鞋, 從頭做過. 佢又好記性, 會記得d次序喎. 總之, 好多野, 佢見過一次係咁, 以後都要係咁, 唔可以變, 否則, 佢又喊/扭.

佢又唔知係邊度學咗捲起衫袖, 捲唔到就除咗件衫, 幾凍都唔肯著番. 有次, 衫領個牌子吉到條頸啩, c6幫佢剪咗個牌子. 自此, 佢見到所有衫, 褲, 頸巾有個牌子喺度, 唔會吉到佢嘅, 佢都話"吉吉", 唔幫佢剪咗去, 佢點都唔肯著.

上次佢地學校講發展評估, 校長同老師一齊見我 (嚇死我, 我以為佢地有好大問題), 校長都話大b好固執, 唔肯俾人幫, 校長想幫佢做少少野, 佢都推開校長, 要自己做. 老師講故事, 個個小朋友都好專心聽, 包括細b, 係得大b自己玩玩具, 唔同人一齊聽.

但大b喺屋企唔係咁樣, 我有時講故事(好少做), 或者攞本書出嚟, 佢好定咁坐喺度睇, 但細b行埋嚟, 佢就會推開細b, 好似想一個人霸住我咁. 喺屋企, 佢模仿能力好高, 姐姐抺枱, 抺野, 佢又會攞條布抺埋一份. 有時, 佢會主動抺野, 抺地... 但校長話佢喺學校唔會模仿.

校長就話佢係想引人注意(???), 我就覺得唔只一樣, 或者佢認為自己夠大個, 要自己做番d野, 令人讚佢叻.

噚晚, 大b又唔肯著片同著衫, 此同時, 肥妹俾我鬧(細b倒咗杯水喺肥妹張床, 我叫佢用抺手布之類嘅乾淨乾布抺, 佢竟然用洗廁所, 洗垃圾桶, 平時清潔嘅濕布嚟"印"張"床玉", 我一摸, 仲有水出. 見佢好似唔憤氣咁唔望我, 問佢幾次野都唔答我, 已經俾大b激死, 仲咁嘅死樣, 所以都好大聲吓), 鬧完出嚟, 大b竟然, 肯俾爹爹幫佢著好晒片同衫, 乖乖咁坐喺度食奶.

我都唔知可以再點做? 救吓我啦. 我無可能只顧大b1個, 仲有細b都好想我抱, 有時細b俾大b推開, 細b會好無奈咁自己走開, 好慘. 我有同大b傾偈, 話佢知媽媽係兩個都鍚, 唔好咁樣對細b, 佢都要鍚細b.... 佢當時話知架, 明白, 轉頭又係咁.

[ 本帖最後由 KiuShaBB 於 10-4-27 13:55 編輯 ]

私人傳訊

積分: 31492

1302^#

發表於 10-4-27 11:37 |只看該作者

原帖由 Sharon886 於 10-4-26 22:35 發表

難道我也要target此類馬？

真係撞彩架, 隻游魂咪又係鄉巴馬, 未出過省城, 由"馬黎拉"搭車返屋企都要8個鐘, 但佢隻死發瘟? 仲衰過d老seafood. :tongue:

私人傳訊

積分: 31492

1303^#

發表於 10-4-27 11:42 |只看該作者

原帖由 bb鼠 於 10-4-26 23:34 發表
好開心~大小姐可以介夜片啦....又save返幾十蚊

你就好啦.

2個b喺學校仲未可以成功咁痾到, 反而屋企就試過. 介片革命, 有排都未成功.

私人傳訊

積分: 18707

醒目開學勳章

1304^#

發表於 10-4-27 12:15 |只看該作者

原帖由 KiuShaBB 於 10-4-27 11:30 發表

佢地就嚟2歲10個月.

大b語言能力? 我唔係好識講, 佢都識講好多野, 學得都好快, 好鐘意學講野/學大人做野, 模仿能力唔錯. 有時佢好多野講, 只係佢發音未正, 我地估唔到究竟佢講乜?

以換片為例, 亦係最大問題. 大b ...

我以layman咁睇，大b其實好有主見，但細路仔眼界有限，有d野大人應該要態度強硬d去糾正佢，唔應該每樣野比佢作主。。。

私人傳訊

pollyw

侯爵府

積分: 24035

好媽媽勳章大廚勳章

1305^#

發表於 10-4-27 12:30 |只看該作者

原帖由 Sharon886 於 10-4-26 22:28 發表

係呀！我99真係都幾「經典」嫁！當年未知係仔定女，都仲同我吹吓水，知道係女之後...

而家佢知我有咗，上次清明拜山，咁大個肚一睇就知，我仲大大聲講咗俾佢知係囡，兼且生埋呢個點都唔再生，不過條友由清明到而家從無關心 ...

你唔好旨意生完佢会黎幫手。以我理解,呢類99就算話黎幫,但黎到可能幫兩日,就一有d乜e郁都会失驚無神又唔幫,一鑊橋起你!咪制呀! No sense of commitment ga!!

私人傳訊

pollyw

侯爵府

積分: 24035

好媽媽勳章大廚勳章

1306^#

發表於 10-4-27 12:43 |只看該作者

原帖由 bobbob 於 10-4-27 12:15 發表

我以layman咁睇，大b其實好有，但細路仔眼界有限，有d野大人應該要態度強硬d去糾正佢，唔應該每樣野比佢作主。。。

Agree with Bobbob. I don't have much idea. The fact that Big B is decisive is a good point which you should appreciate. With those unimportant stuff that she insists to go her own way, just respect her own view. But if she is decisive to the extent of stubborness and has major impact on your way of living, then you might have to come in to correct her. As to the ways to mend , I beleive Sandra will have fruitful idea.

Big B's relationship with Little B has gotto be enhanced, cos anybody can see that Big B is seeking your attention when she pushes away Little B, and shes is jealous of Little B as well for getting more love, though you love both Bs much equally . About the ways...sorry....I am not sure.

Truly hope you can find a solution...

[ 本帖最後由 pollyw 於 10-4-27 13:07 編輯 ]

私人傳訊

CrabPincers

積分: 30327

好媽媽勳章醒目開學勳章畀面勳章大廚勳章

1307^#

發表於 10-4-27 13:27 |只看該作者

kiusha

好老實講, 吾好介意, 大b 係正常既, 2歲10個月, 真係要戒片啦, 吾係第時點讀kg?

我印象中, 應該2歲幾就戒片? 起碼係屋企吾好著, 尤其就黎夏天, 有鬼得佢

& 普洱+bobbob 都講得岩, 比佢地學下自理, 吾好鬼理佢

我個係a仔, 有一排成日係屋企瀨尿, 我要佢自己拿地布黎抹地+自己去洗底褲+自己換褲, whaaaaaaa

但到今時今日, 都還未戒到夜片, 我打算呢個summer 再黎過革命

私人傳訊

積分: 31492

1308^#

發表於 10-4-27 14:14 |只看該作者

原帖由 bobbob 於 10-4-27 12:15 發表

我以layman咁睇，大b其實好有主見，但細路仔眼界有限，有d野大人應該要態度強硬d去糾正佢，唔應該每樣野比佢作主。。。

我同意, 大b肯學肯做, 其實幾叻架. 但同樣地, 都好硬頸, 佢要咁就咁, 唔聽我講, 有時鬧都得嘅, 佢會扁咀, 扁完又繼續, 我又唔想次次都要鬧. 或者, 我可以試到一d方法令佢聽我話, 但唔係次次都work, 佢轉得都好快, 我要經常試用唔同方法去應付佢, 其他人更加唔識點做.

好似著衫咁, 佢會揀衫, 天氣凍佢揀咗件簿衫, 我話唔好, 佢就寧願唔著, 又喊/扭. 著佢揀嗰件都得, 加多件外套啦, 又唔肯著. 日日/經常係咁, 攪到我個腦都實晒, 唔知點做好?

更衰嘅係, c6會幫拖. 2個b喊, 佢會即時乜都應承, 佢有鬧過我架, 話我好整喊佢地, 我話2個b雖然細, 都要教架, 佢話:"咁唔駛鍚架?", 鍚係要, 但唔係2個b要乜俾乜等如鍚呀! 要教佢乜野應該做, 乜野唔應該做, 唔通2個b話想由隻窗度行出去, 佢都幫手咩? c6話我麻煩, 有時我未講完, 佢已經俾咗. 咁點糾正? 你上次講得啱呀, 應該修理好呢件大嘅先處理d細嘅, 應該會好d.

:(

[ 本帖最後由 KiuShaBB 於 10-4-27 14:21 編輯 ]

私人傳訊

積分: 31492

1309^#

發表於 10-4-27 14:36 |只看該作者

原帖由 pollyw 於 10-4-27 12:43 發表
Agree with Bobbob. I don't have much idea. The fact that Big B is decisive is a good point which you should appreciate. With those unimportant stuff that she insists to go her own way, just respect ...

喺許可情況下, 我有由得佢自己做架, 但由得佢, 佢又唔做喇喎, 睇吓電視, 打關斗, 玩棉花.... 好似拖延時間咁, 唔知係咪想我對住佢耐d呢? 到我要幫佢, 佢又唔准, 總之好麻煩.

通常, 我係朝早起身同臨瞓前, 呢2次至係我幫佢換片. 佢咁多攪作, 會令所有野推遲晒, 明明9點半可以食完奶入房瞓覺, 就俾佢攪到10點幾至入得房, 明明朝早8點2~3出得門口返工返學, 俾佢攪到8點半至得, 都係為咗換片, 換校服, 著鞋.... 呢d野. 真係會幫佢著咗都要除晒, 再著過, 佢又著唔到, 或者著錯晒, 有時係特登著錯鞋添, 左腳著右腳隻鞋, 或者著細b對鞋, 等等.

私人傳訊

積分: 31492

1310^#

發表於 10-4-27 14:47 |只看該作者

原帖由 pollyw 於 10-4-27 12:43 發表
Big B's relationship with Little B has gotto be enhanced, cos anybody can see that Big B is seeking your attention when she pushes away Little B, and shes is jealous of Little B as well for getting more love, though you love both Bs much equally .

我都知大b係想霸晒我全部, 我已經用大部份時間嚟應付大b, 細b就交俾肥妹或者c6, 細b想我抱都唔得, 都好慘呀. 對細b嚟講, 我已經係偏心咗.

有時出街, 我會叫大b拖住細b, 佢ok架, 拖住一齊行好開心架. 朝早返學, 我會一隻手拖住一個, 都無問題, 係試過有一次, 大b唔俾我拖細b, 只可以拖佢一個. 嗰次, 我好惡咁話唔得, 我一定要拖住大b+細b, 佢有扭架, 可能喺街, 我又講吓巴士呀, 樹呀, 佢好快唔記得咗又繼續行, 如果喺屋企, 一定扭得耐d.

私人傳訊

積分: 15132

好媽媽勳章醒目開學勳章

1311^#

發表於 10-4-27 14:50 |只看該作者

原帖由 KiuShaBB 於 10-4-27 14:36 發表

喺許可情況下, 我有由得佢自己做架, 但由得佢, 佢又唔做喇喎, 睇吓電視, 打關斗, 玩棉花.... 好似拖延時間咁, 唔知係咪想我對住佢耐d呢? 到我要幫佢, 佢又唔准, 總之好麻煩.

通常, 我係朝早起身同臨瞓前, 呢2次至 ...

我個仔同你大b相反, 佢係乜都要人幫...
要人幫佢著衫, 要人幫佢除鞋, 要人幫佢著衫, 著片除片....
有時又係明知要著衫, 你攞到埋去, 就專登瞓係sofa等你著唔到, 到我唔理佢行開幫妹妹著就企定定比你著...
不過就冇大b咁誇, 唔會硬頸到大吵大鬧...
我個仔都戒左日片, 戒唔到夜片, 開大唔肯坐廁所/potty, 要痾落片

私人傳訊

積分: 15132

好媽媽勳章醒目開學勳章

1312^#

發表於 10-4-27 14:56 |只看該作者

原帖由 KiuShaBB 於 10-4-27 14:14 發表
你上次講得啱呀, 應該修理好呢件大嘅先處理d細嘅, 應該會好d

超討厭隻佬同我唱反調...
我教個仔等轉燈過馬路時唔可以企咁出,
要企係個d 圓粒粒後面 (盲人輔助線後)
隻佬次次都拖住個仔企馬路邊
阿仔叫爸爸唔可以企咁出,
隻佬竟然話"唔怕啦, 就黎轉燈喇"
我即刻話佢, 叫佢唔好同我唱反調,
一個講東一個講西, 阿仔聽邊個好

私人傳訊

積分: 18707

醒目開學勳章

1313^#

發表於 10-4-27 15:13 |只看該作者

原帖由 KiuShaBB 於 10-4-27 14:14 發表

我同意, 大b肯學肯做, 其實幾叻架. 但同樣地, 都好硬頸, 佢要咁就咁, 唔聽我講, 有時鬧都得嘅, 佢會扁咀, 扁完又繼續, 我又唔想次次都要鬧. 或者, 我可以試到一d方法令佢聽我話, 但唔係次次都work, 佢轉得都好快, ...

我老公咪一樣，次次都話阿仔扭計喊好慘乜都應承，我即時話佢佢就話我唔好係個仔面前鬧人

真係火都黎
搵次解決左佢先得

私人傳訊

積分: 18707

醒目開學勳章

1314^#

發表於 10-4-27 15:17 |只看該作者

原帖由 KiuShaBB 於 10-4-27 14:47 發表

我都知大b係想霸晒我全部, 我已經用大部份時間嚟應付大b, 細b就交俾肥妹或者c6, 細b想我抱都唔得, 都好慘呀. 對細b嚟講, 我已經係偏心咗.

有時出街, 我會叫大b拖住細b, 佢ok架, 拖住一齊行好開心架. 朝早返學, ...

如果下次大B叫你唔拖細B，你不防問下佢："如果媽媽淨係拖細B唔拖你，你會唔會開心？"，試下睇佢明唔明
我而家幫個仔換片都有同佢講："如果你識去廁所屙咪唔洗揖片囉"。。佢好似明明地無反抗得咁厲害。。。

私人傳訊

積分: 31492

1315^#

發表於 10-4-27 15:21 |只看該作者

原帖由 CrabPincers 於 10-4-27 13:27 發表
kiusha

好老實講, 吾好介意, 大b 係正常既, 2歲10個月, 真係要戒片啦, 吾係第時點讀kg?

我印象中, 應該2歲幾就戒片? 起碼係屋企吾好著, 尤其就黎夏天, 有鬼得佢

& 普洱+bobbob 都講得岩, 比佢地學下自理, 吾好鬼 ...

有幫佢地戒片架, 學校一定有啦, 屋企就做少d. 聽老師講, 佢地仲未可以真正咁喺廁所痾到尿, 反而喺屋企做到過, 係細b痾到先添, 叫佢坐馬桶仔, 佢有2次痾到尿, 大b遲過佢, 仲只係痾到1次.

有教佢地自理架, 大b都鐘意做, 2個都鐘意搽面, 只係佢又鐘意玩吓其他野, 好麻煩. 叫佢地坐馬桶仔, 佢地又會爭, 又要攪一輪. 不過, 你都講得啱, 就嚟夏天, 試吓俾佢地唔著片, 睇吓又會點? 初頭佢地一定好開心, 而家2個b都好鐘意用手巾仔抺地, 呢樣佢地唔驚架, 會覺得好開心.

佢地好鐘意玩水, 叫大b洗手, 洗面, 洗毛巾仔, 佢好開心架, 玩到唔停得手添, 唔肯關水喉, 幫佢關咗都識自己開番, 有時會哭鬧吓咁囉, 玩到衫褲濕晒, 又要換. 要換衫, 又係另一場戰爭嘅開始.

可能係我懶, 佢地好鐘意入我間房, 上我張床, 我好驚佢地喺我張床到賴咗, 有排攪, 我無理由鎖住間房架?

[ 本帖最後由 KiuShaBB 於 10-4-27 15:28 編輯 ]

私人傳訊

積分: 18707

醒目開學勳章

1316^#

發表於 10-4-27 15:21 |只看該作者

原帖由 siusum 於 10-4-27 14:50 發表

我個仔同你大b相反, 佢係乜都要人幫...
要人幫佢著衫, 要人幫佢除鞋, 要人幫佢著衫, 著片除片....
有時又係明知要著衫, 你攞到埋去, 就專登瞓係sofa等你著唔到, 到我唔理佢行開幫妹妹著就企定定比你著...
不過就冇 ...

我個仔衰到要人幫佢托奶樽添

私人傳訊

積分: 15132

好媽媽勳章醒目開學勳章

1317^#

發表於 10-4-27 15:37 |只看該作者

原帖由 bobbob 於 10-4-27 15:21 發表

我個仔衰到要人幫佢托奶樽添

唔好講笑...我個仔都係兩歲幾先肯自己攞奶樽食奶,
係到兩歲幾, 我地成日借d二話要去廁所/做d野, 叫佢自己瞓係度食住先, 又肯喎, 就係咁唔洗人抱住食奶...

私人傳訊

CrabPincers

積分: 30327

好媽媽勳章醒目開學勳章畀面勳章大廚勳章

1318^#

發表於 10-4-27 15:43 |只看該作者

妒忌, 好老實講, 真係無得攪
我個女12歲啦, 我講解都講左好多次比佢聽, 但佢到今時今日, 都還係好呷醋, 總之, 細佬有得打機15分鐘, 佢一定要多過細佬, 細佬吾打都好, 佢都要打, 但到細佬有得打時, 佢又一定要..................

私人傳訊

積分: 15132

好媽媽勳章醒目開學勳章

1319^#

發表於 10-4-27 16:01 |只看該作者

原帖由 CrabPincers 於 10-4-27 15:43 發表
妒忌, 好老實講, 真係無得攪
我個女12歲啦, 我講解都講左好多次比佢聽, 但佢到今時今日, 都還係好呷醋, 總之, 細佬有得打機15分鐘, 佢一定要多過細佬, 細佬吾打都好, 佢都要打, 但到細佬有得打時, 佢又一定要....... ...

我個仔宜家3yr, 要同妹妹一齊食粥仔添...

sat & sun, 我要煮多d 比佢食...佢又真係肯食喎

私人傳訊