本帖最後由 moonlight9198 於 11-7-27 20:55 編輯
食完飯喇, 又黎講喇 !!
呢個 CASE 係大約 10年前,
我個細女當時要讀 K1,
咁我就比佢讀番姐姐之前讀過既幼稚園喇,
咁姐姐讀左3年都冇乜野發生,
好喇, 咁佢9月開學啦,
讀左都唔知有冇1個月,
就開始病喇, 仲係次次半夜先發燒,
1個星期番得2-3日學,
個女就成日都好似唔想番學咁,
咁D人成日話,
小朋友初初番學係咁架喇,
多病痛D, 讀到半個學期就好D架喇,
咁算啦, 但到左第2年既5月度啦,
佢都係成日咁病法,
個個星期都番得2-3日學,
又係半夜先發燒,
到5-6月, 咁D幼稚園會開始招新生,
咁我又唔知點解, 有一次佢放學,
就帶左佢去另一間幼稚園參觀,
去到幼稚園, 問下個老師, 可唔可以入黎睇下,
個女仲著住校服既, 個老師話可以,
咁就同個女入去行左一個圈,
行完之後出番黎,
亞女話, 佢要讀呢間學校, 唔番之前間學校,
佢冇講點解, 我只係話, 要番都要9月先得架,
而家5月唔得架, 叫佢讀埋呢兩個月先啦,
佢好唔開心咁既樣, 都係成日唔肯番學,
好喇, 到左5月尾, 佢病到入埋醫院 TIM,
1個月瘦左2磅, 咁佢卒之響醫院同我講,
響讀開既幼稚園, 在某一個地方,
比小朋友遊戲既地方,
次次都見到一個 ( 1隻眼, 1隻腳, 1隻手 ), 既人,
成日望住佢, 咁佢日日都要去果個地方,
去 TOILET 又要經過果個地方, 佢日日都好驚番學,
我信個女, 佢得3歲人仔, 應該冇咁叻識講呢D大話,
而且每次都係送到幼稚園,門口, 跟本家長好少會入幼稚園,,
我聽完之後, 知唔妥, 就即刻打電話比讀開既幼稚園,
話要同個女退學, 唔讀喇, 佢地幾吋呀,
話唔讀要一個月前通知, 而軼月尾,
6月份學費要交, 我話得, 但7月份就唔交架喇,
會叫銀行 CUT 數, 咁就算啦,
個女出左院就同佢去之前參觀過既幼稚園報名,
好彩佢地又收佢, 到9月就讀K2,
身體亦好番好多, 冇再番之前既學校,
我有問過識既其他家長,
佢地D小朋友有冇見過, 問過2個小朋友都話冇,
咁可能唔係個個見到啦,
咁有個識既小朋友又係讀呢間, 又成日病, 仲係男仔,
我叫佢轉校, 校服可以幫佢問人拎,
佢亞媽問小朋友亞爸,
小朋友亞爸話唔關事既, 唔轉喎,
咁呢個小朋友就病足3年, 而家個小朋友大左,
都身體好差, 成日病架,
所以嘛, 如果你個小朋友讀果間幼稚園成日病,
你真係要諗下點解, 同使唔使轉校,
可能間學校有D野, 又可能影響你個小朋友.
我明白小朋友係會多病痛,
但唔尋常既病痛, 就要小心,
因小朋友6歲前會感應強,
好易比 (果D )影響,
上左小學就會開始好D架喇,
可能你會問 :
你有感應架, 你唔知架咩 ?
因當時我未有感應架,
我D感應係後天有架, 唔係先天有架.
一切有為法 如夢幻泡影 如露亦如電 應作如是觀
欲知前世因 今生受的是 欲知來世果 今生作的是
大千世界 無罣無礙 自去自來 自由自在 要生便生 莫找替代
發表於 
返回列表
