吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 53|主題: 16124

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

64 656667 68...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1301^#

發表於 14-4-30 10:06 |只看該作者

關仁隱事：「躁爆Babe」見人就鬧

娛圈工作時間唔定，壓力好大，唔少幕前幕後因為抵受唔住會非常躁底。早前被爆成日鬧人嘅導演「躁爆Babe」經常喺片場嫌工作人員笨手笨腳，有時俾人辣着連演員都唔放過。佢試過鬧爆啱啱出道嘅女星「紙板」，當時紙板演技幼嫩，乜都唔醒，躁爆Babe見佢一有錯就係咁開佢波。躁爆Babe連幕後妝頭茶水都唔放過，唔准佢哋開工時講嘢，其實喺片場等開工都幾悶，難免吹吓水，但躁爆Babe聽到佢哋偷雞講嘢，即刻着火鬧人。關仁覺得大家都係嚟求財，唔係求氣，點解要對人咁苛刻呢？

「躁爆Babe」= ?
「紙板」= ?

點評

lafield 躁爆BABE= 張永豪發表於 14-5-19 11:26

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1302^#

發表於 14-5-2 10:26 |只看該作者

關仁隱事：「豬豬」唔敢用內地水

公仔箱人工奀，留唔到人才，質素亦越嚟越低，好多明星都選擇返強國拍戲搵人仔，因為待遇同酬金都相差好遠。好早已經同公仔箱講拜拜嘅「豬豬」，樣靚身材正，當然有市場，去到強國仲要乜有乜，就連份合約都加咗好多附加條件，而且有啲要求都幾得意。好似列明每日要有雞蛋同麵包，每個禮拜要有幾箱水供應，同荷李活女星要求酒店房鋪滿香薰蠟燭之類相比，實際又平民化。不過豬豬要嘅水唔係用嚟飲，只係用嚟洗面同洗頭，而佢唔用自來水洗頭，原來係因為驚甩頭髮喎。

「豬豬」= 蛇C慢?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1303^#

發表於 14-5-2 10:31 |只看該作者

關仁隱事：「Happy」結婚有黑名單

「大亨」個大女「Happy」早排結婚，一家大細都好緊張頭婚事，加上男家有頭有面，所以對新人都開始出嚟見吓人習慣吓，Happy仲成日去時裝騷、珠寶展，一改佢以前低調作風。Happy夫家間公司上下更加窩心照顧Happy，內部仲流傳緊一張「unhappy名單」，所有Happy唔鍾意嘅朋友都會自動入雪櫃，當中包括好多佢以前啲同學仔、以前情敵等，而夫家啲高層為咗討Happy歡心，凡有佢出入嘅活動，都會重駐人手貼心照顧。

「大亨」= 淋建惡
「Happy」= 淋恬2

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1304^#

發表於 14-5-5 14:32 |只看該作者

關仁隱事：「大口妹」怕甩拖　秘戀F君

寶島女星「大口妹」一直好嚮往有段美好愛情，奈何始終遇唔到一個好歸宿，早幾年佢同「倒霉」拍拖就最受傷，要好多年先平復到呢段痛苦經歷。經過呢段戀情後，大口妹拍過幾次拖，但就冇一個認真打算同佢結婚，所以幾段情好快又散咗。
直至前年，大口妹同導演「F君」拍拖，經過一段時間觀察，大口妹發現男方係認真同對佢照顧入微，有時佢唔喺香港，隻寶貝貓就交畀F君照顧，𠵱家搞到F君都變咗愛貓一族。

未結婚打死唔認
大口妹知道F君係諗住同佢有未來，所以都認定呢個係結婚對象。但點解到𠵱家佢哋都唔肯公開戀情？最主要係大口妹上次傷害咁大，一日未到結婚一刻佢都唔想公開認住，怕唔知到時又會有乜閃失，總之一日冇認拍拖，到甩拖就唔使對外交代，唔使怕冇面啦！

「大口妹」= 輸旗
「倒霉」= 泥明
「F君」= 逢得輪

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1305^#

發表於 14-5-5 14:34 |只看該作者

關仁隱事：搵老友笨
「外哨」周圍黐餐

公仔箱選美出嚟日見走樣嘅「外哨」，最鍾意用緋聞上位博見報，外哨工作量唔多，發展非常普通，不過佢都有自知之明，所以入股開埋食肆，希望分散投資，外哨都好緊張檔生意，成日叫朋友去幫襯，真係好落力。

唔熟唔食
關仁有好多藝人朋友都因為唔好意思推外哨，佢哋都去過幫襯，不過食完都異口同聲呻搵笨，外哨雖然有落埋去招呼，睇嚟好周到咁，但其實佢又乘機坐埋枱食埋一份，佢仲成日唔覺意落單，仲點自己鍾意食嘅嘢，結果埋單又計埋入去，好多幫襯過嘅人都話佢擺明唔熟唔食，話過以後都唔再去。

「外哨」= 塵停欣

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1306^#

發表於 14-5-5 14:37 |只看該作者

關仁隱事：「贈興」做小三被鬧爆

近排好多人講美魔女，退出娛圈多年嘅「贈興」都係其中之一。𠵱家贈興專心相夫教子，同「牛牛」有個幸福家庭，但關仁最近同朋友吹開水，話贈興當年其實係小三。
朋友話贈興之前搭上已經有個姐級女友「妹妹」嘅「大話王」，後來妹妹發現大話王同贈興有路，試過當眾鬧爆贈興，當時同贈興做緊同事嘅牛牛見贈興唔開心，於是不時開解贈興，點知藉住咁黐實牛牛，就算知道牛牛有老婆仔女，都唔理咁多照搶可也，結果搞到牛牛離婚，而佢就由小三升做正印。

「贈興」= 景代陰
「牛牛」= 羊件因
「妹妹」= Orange 阿姐
「大話王」= 河手信

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1307^#

發表於 14-5-7 09:19 |只看該作者

關仁隱事：「燈柱」懶理陀B照煲煙

藝人成日開工要等，難免會愛食煙解悶，不過關仁最近聽到有咗BB嘅「燈柱」成日開工都冇避忌，又着高踭鞋又跳舞，佢仲冇戒煙㖭，煙癮一到就chur唔停。燈柱以前冇餡時，煙癮都好大，通宵拍戲都會一支駁一支，轉頭成包煙就報銷。關仁以為佢有咗會收斂啲，點知仲未肯戒，其實佢唔為大都為吓細啦，因為始終食煙對BB健康都有影響，關仁希望燈柱識諗，暫時搣甩煙癮，為下一代着想。

「燈柱」= 女胃2 長腳蟹

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1308^#

發表於 14-5-7 09:21 |只看該作者

關仁隱事：「大聲婆」酒店𢱑餐券

「大聲婆」因為屋企有啲錢，自細養成千金小姐脾氣，為人冇乜禮貌唔在講，鬧人嘅時候更加巴巴渣渣聲大夾惡，當正自己係上帝永遠啱晒。不過佢對朋友又真係好好，有情有義，難怪成班朋友都遷就晒佢，從來冇人敢逆佢意，搞到佢真係以為自己乜都啱囉！關仁聽聞年前佢同朋友去澳門某六星級酒店消遣，以為自己有啲名氣，就巴之閉同公關攞着數，為咗幾百蚊餐券喺度嘈，佢把聲又鬼咁大，想其他人聽唔到都難，搞到鬼咁肉酸，真係勁失禮囉！

「大聲婆」= 鬚c王

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1309^#

發表於 14-5-8 09:29 |只看該作者

關仁隱事：「大眼仔」藐爆「行雷」

娛樂圈搵食艱難，尤其半紅不黑嘅藝人，成日都會聽到佢哋嘅辛酸史，日日望天打卦等開工，有時真係窮到連飯盒都冇錢買。「大眼仔」雖然都係開工量不足，但勝在有個有錢老竇撐住，仲可以開工揸靚車，同娶個靚老婆兼生得意B，人生夫復何求！大眼仔生活無憂，但關仁聽講佢好睇唔起同自己同level嘅三、四、五、六線藝人，有次就曾經單打過「行雷」，覺得佢成日怨天怨地，又鬧大婆台呢樣唔好、嗰樣唔好，勸佢轉行。行雷聽到梗係唔開心，覺得有人含住金鎖匙出世唔知搵食艱難，自此兩個人碰面就面左左。

「大眼仔」= 你淋因
「行雷」= 下雨

點評

simple430 大眼仔亞媽都係咁既人發表於 14-5-8 11:21

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1310^#

發表於 14-5-9 09:21 |只看該作者

關仁隱事：「假鬼婆」推宣傳乞人憎

「矮肥」揸弗嗰套高齡戲，搵咗好多過氣女星出嚟做，雖然佢哋個個都要求多多，不過話晒係矮肥叫到，點都畀番小小薄面，係咁意都做吓宣傳，但偏偏「假鬼婆」唔賣賬，次次度時間宣傳，佢嘅身邊人梗係麻煩多多，又話要返學，又話要家庭日，總之企硬冇情講，結果梗係搞到神憎鬼厭。查實拍得套劇，梗係想好，宣傳有時真係在所難免，講到自己咁多嘢做，不如索性咪鬼再拍，一來唔使捱更抵夜拍劇兼做宣傳，二來有最好嘅時間休息。人哋只會記住最好嘅嘢，好過𠵱家俾人話又老又殘，仲要出嚟撲水。

「假鬼婆」= 塵胃山
「矮肥」= 憎至矮

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1311^#

發表於 14-5-12 09:22 |只看該作者

關仁隱事：
「辣媽」怪癖喪聽開汽水聲

娛樂圈真係好多奇人怪事，咪睇藝人靚仔靚女，表面正正常常，其實好多騎呢古怪行為，好似「辣媽」咁，以前萬千寵愛在一身，電影公司又爭住搵佢拍戲，真係要風得風，要雨得雨，但𠵱家風光不再，冇乜嘢撈咪專心湊仔囉。

飲兩啖唔要
原來以前辣媽一開工有個特別癖好，就係要人買大量嘅可樂放喺休息室入面，仲要指定係某牌子可樂，當初大家諗係咪請工作人員飲呢，但可樂送到，又唔見佢同大家分享喎，後尾至知原來辣媽有鋪癮，就係鍾意聽開汽水嘅聲，所以叫人買可樂返嚟開汽水畀佢聽，開完飲兩啖就唔要，真係浪費到呢！𠵱家冇電影拍，冇人見到佢，唔知呢鋪癮戒咗未呢？

「辣媽」= 張PG

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1312^#

發表於 14-5-12 09:24 |只看該作者

關仁隱事：「小妖女」條件辣　雜誌狠飛

「小妖女」喺內地打出名堂之後，果然係越嚟越多人搵佢做嘢，不過關仁早兩日喺北京聽一位女性雜誌高層「果姐」講起，原本約咗小妖女影封面照，但佢開出嚟嘅條件仲勁過泡菜國野蠻女賢姐，嗰本雜誌話頂唔順佢嘅條件，所以飛咗佢唔影！

飲水都指定牌子
關仁好奇，小妖女開咗乜條件咁嚇人，果姐話收到一張要求清單，除酒店食宿全包外，佢要求不可超時、拍攝中途嘅午餐佢要求去某餐廳食，到3點係high tea時間，而high tea飲嘅咖啡同現場飲嘅水都有指定某歐洲牌子，拍攝期間未得佢阿姐批准，唔可以要求影合照或簽名，出入坐乜車、住乜酒店都要指定，果姐話未見過呢啲剛紅嘅妹仔咁大支嘢，所以就索性同佢講達唔到佢嘅要求唔影喇！佢經理人仲要打去嘈！真係唔識死！

「小妖女」= GEM

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1313^#

發表於 14-5-12 09:24 |只看該作者

關仁隱事：「太陽」新歡孤寒冇品

姐仔「太陽」近年返去內地搵人仔之餘，感情生活都相當精采，佢近排識咗個公司高層，對方同佢拍拖幾個月，已經送咗隻幾十萬名錶畀太陽，出手好闊綽，重𠱁得太陽好冧㖭。之但係，有人同關仁講，話太陽位新男友其實冇錢又孤寒，之前佢男友搵朋友做一啲投資，話明投資呢家嘢梗係有賺有蝕㗎啦，結果最後蝕晒大本，雖然數目唔係好多，但太陽男友就發晒爛渣同朋友追數，兼且四圍唱呢位朋友，真係好冇品，所以今次太陽又係識錯咗人囉。

「太陽」= 你啋華

點評

simple430 「太陽」自己 d 質素都唔係好發表於 14-5-12 10:57

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1314^#

發表於 14-5-13 09:47 |只看該作者

關仁隱事：「女騎師」提「腐竹」火滾

三日唔埋兩日就有負面新聞嘅「腐竹」，成日都俾人話佢同「方太」唔妥，但關仁就收到風，原來同腐竹最唔啱嗰個係「女騎師」，每次有人喺佢面前提起腐竹，女騎師都會無明火起，之但係佢同腐竹有乜過節，就真係佢哋兩個先知喇！
知情人仲同關仁講，方太、「小三」同其他幾個老友都好怕女騎師，所以都唔敢同腐竹行咁埋，亦冇人敢問女騎師點解咁憎腐竹。不過關仁就覺得出生普通家庭嘅女騎師，02年入行就有本事租屋自住，05年22歲仲買埋過千呎樓㖭，真係唔簡單囉！

「腐竹」= 腐泳
「方太」= 鄧厲欣
「女騎師」= 勾c文

點評

小師妹小三 = Miki 發表於 14-5-13 10:58

hm1103 「女騎師」= 勾文c 發表於 14-5-13 10:04

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1315^#

發表於 14-5-14 09:25 |只看該作者

關仁隱事：「厚唇」曬燶夾硬執白

「厚唇」自從同「黑蒙蒙」分開後，可能以前同男方一齊樣樣被管住，𠵱家回復單身，厚唇即大玩特玩，仲沉迷玩水上活動，結果變成一嚿炭咁。不過厚唇冇咗黑蒙蒙呢個老公大靠山，梗係要重操故業復出做番模特兒，拍廣告行吓騷，不過關仁同位廣告界嘅朋友傾開，佢話最近厚唇為代言好耐嘅護膚品，拍咗個美白產品廣告，不過因為佢啲膚色太黑，聽聞啲幕後人員要花好多時間幫佢執番白啲膚色嚟配合產品，令人怨聲四起，睇嚟厚唇自己開心之餘，都要顧及下工作需要。

「厚唇」= 落機2
「黑蒙蒙」= 泥明

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1316^#

發表於 14-5-15 09:17 |只看該作者

關仁隱事：「白絲」反轉豬肚唔認人

喺呢個娛樂圈生存，做戲叻點都唔及做人叻，識做人，話之你幾咁戲屎，啲劇一部接一部；唔識做人嘅，話之你連唞氣都識做戲，都係得個等字！好似霉咗十幾年嘅「白絲」，過咗去大台，拍咗套做人後母嘅戲，即刻以為自己紅咗，成日逼人幫佢做訪問要報道佢啲消息，嗰陣唔知以為佢真係好紅，後嚟點知遇到某啲針對佢嘅報道，白絲即刻對記者嘅態度大變，本來佢為咗碗飯，同大台坐埋同一條船都冇人怪你，之不過都唔使即刻掉轉槍頭，聲大大鬧爆話：「𠵱家唔係要信啲報道呀？」既然唔信，當初就咪死𦧲要訪問啦！

「白絲」= 肛尾2

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1317^#

發表於 14-5-16 10:44 |只看該作者

關仁隱事：「粗人」開班引女落叠

好多人都鍾意發明星夢，要入娛圈就好多途徑，但原本諗住正正經經靠自己努力，結果可能唔係自己想像咁樣。關仁聽個幕後朋友講，「粗人」喺內地開班授徒教人打功夫，之前有份搞部動作戲，就搵咗佢班徒弟做老臨，就算淨係識得幾下花拳繡腿嘅女仔都有得出鏡，雖然喺啲主演後面行行企企，但對想發明星夢嘅女仔嚟講，已經踏出咗第一步。之後好多女仔走去報名學功夫，諗住萬一同到動作巨星拍戲就發達，之不過學費好揦脷，竟然收人幾萬蚊人仔，試過有幾個女仔，好想報名但又冇錢，間公司嘅人主動話可以做中間人介紹佢哋識老細，學費連中間人錢通殺，一舉兩得。

「粗人」= 紅甘補?

點評

hm1103 http://www.hebjxw.com/showinfo_zxzk.asp?id=4704 發表於 14-5-18 10:18

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1318^#

發表於 14-5-19 09:32 |只看該作者

關仁隱事：遭前度「阿琴」唱衰
「阿木」爆喊

愛嘅反面果然係恨！好似早排「阿木」同「阿琴」分手後，阿琴人前人後不停唱衰阿木，搞到阿木形象大損，俾人話佢係花心男。其實男歡女愛合則來不合則去，阿木為人平日唔係好出聲，喺感情上表現得好低調，估唔到今次俾愛過嘅女人唱衰。

表面平靜
關仁聽佢啲身邊工作人員講，阿木為咗呢件事好傷心，有次佢喺電台接受記者追問講分手時，雖然表面上維持平靜，但轉頭上到錄音室，阿木即刻情緒失控爆喊，工作人員都俾佢嚇親，話晒阿木只係20出頭嘅後生仔，始終唔係咁叻控制情緒。

「阿琴」= GEM
「阿木」= 淋右+

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1319^#

發表於 14-5-19 09:35 |只看該作者

關仁隱事：得罪公司老闆
「小書」姦情被偷拍

內地男星「小書」有老婆仔女仲要咁風流，同另一位女星搞埋一齊，佢老婆雖然嬲爆，但為顧全大局都要忍辱負重撐小書。關仁喺北京聽咗知情者講，話小書因為得罪咗某影視公司老闆，呢位老闆知佢同內地一位姐仔搞埋一齊，所以俾咗100萬某狗仔頭，叫佢哋去偷影小書姦情，然後賣畀傳媒，等佢身敗名裂。狗仔賣相俾傳媒又得到100萬，結果一輯偷情相，賺咗200萬，真係太好搵啦！

肥球暗交坦蕩
呢班狗仔最近又盯中「肥球」同「坦蕩」呢一對，肥球又係有老婆仔女，仲有一個好固定嘅小三，但佢同坦蕩拍完一部戲後，兩個人打得火熱，早排女方曾經放煙幕同一位廣告佬拍拖，但實際佢係同肥球暗交咗成年啦！

「小書」= 聞張
「肥球」= 唔瘦波
「坦蕩」= 湯圍

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1320^#

發表於 14-5-19 09:36 |只看該作者

關仁隱事：「真陰功」發爛渣扮正義

留喺香港發展嘅泡菜國女星「真陰功」，早排去外地做嘢搞到一鑊泡，聽講佢份人本身都勁麻煩，脾氣又勁差。好似之前佢同成班model做一個商品活動，大會本來預備咗飯盒畀佢哋醫肚，點知真陰功鬧爆工作人員話啲飯凍晒，根本唔係人食，連隨將個飯盒一手掃咗落地，扮晒正義咁幫其他model出番啖氣，跟住要工作人員買三文治畀佢哋食至肯收聲，完全係潑婦行為。個商品客戶為咗唔想影響成個活動，現場惟有吞聲忍氣，但完騷之後，就鬧爆真陰功，話呢個人永不錄用囉！

「真陰功」= 菜因憎

很想知道，追夢的人是如何踏出第一步?

私人傳訊