親子旅遊 今日: 7|主題: 161910

子俊寶寶 寫道:
我上星期剛剛去完, 報告一下幾點特別事情:

1. 我係中旅社訂票, 我已告知個職員我bb是23個月, 佢話唔須要買船票, 但於當日入閘時, 船職員要我補票, 佢話over 1year就要買船票. 結果要即刻補, $99小童票, 請各位留意.

2. check-in時長隆酒店職員問我是否upgrade豪華房, 只須加$100, 佢話size差唔多, 但房間特別d, 我即時upgrade, 入房後我唔覺得豪華or特別囉, 好一般. 以酒店而論, 我都幾失望, 之前見各位mami post 話好靚, 可能係自己要求高, 感覺好一般.

3. 我到埗後, 於酒店安頓好. 跟住搵野食. 當時around 3:00pm度,白老虎餐廳&中菜廳都休息(落場時間2:30pm), 只得一間西餐廳(唔記得個名), 但價錢好貴(三文治都要50幾蚊), 見其他食客檯上的食物個樣又唔掂, 所以轉去祈褔食街. 叫酒店職員call車, 記住唔係call的士. D車幾靚幾新, 同埋問佢攞tel no., 食完call佢接都得, $30車費. 由於係下午, 食街好多店舖都落場, 只得幾間仲開咋, 我去了x記小炒王, d食物唔掂.

4. 另外請留意動物園內之食物, 味道&賣相都係極度差. 而酒店內之中菜廳食物&環境都幾好, 價錢ok.

5. 我到埗後腸胃炎, 於當晚在酒店有醫生睇, 佢好細心, 佢比左d成藥,止痛散我, 收了$22.

希望以上資料幫到大家.

子俊寶寶 寫道:
hi MayKan,

1. 仲有一間有人唱歌的餐廳(個名唔記得左), 不過d價錢唔平, 好似我之前所謂, 一份三文治要50幾蚊, 同埋只係一般西餐.

2. 我去一程,不需在船上登記坐, 落船後出到門口你就會見到有Shuttle bus. 車程要30-40mins.

3. 回程是要登記坐Shuttle bus. 於check-out&寄行李時, 可於counter登記. 你要4:55pm返回酒店之上車位置等車(即是你當日坐Shuttle bus落車之位置), 5:00pm會有最後一班車到. 你可以問酒店職員, 他們會好清楚話比你知.

4.所有係中旅買的票都要到該景點換票. 因為你所持有的是換票証, 而不是入場卷. 你最好係7:00pm去擺位喇, 因為日日人數都唔定, 如果去到真係無咩人, 你可以行下附近一間手信店舖or零食部買點零食.
提一提你, 請坐面向台的右手邊, 因為表演者多數向個邊出現&拋公仔.

janetc 寫道:
Hi all fans,
我join了新年團,長隆歡樂世界大型機動遊戲+森林密碼套票,自費: $195/大人,$145/小童. 是否即場售價? 貴嗎? 請問有冇限制幾歲or幾高便要買入場票(小童)? 未過110cm唔駛買入場票?

thanks!