佳麗懞查查BINGO經過
由於我本身是超寒底的人, 就算連大家常飲的牛奶, 我中醫話對我來講是很寒, 很多風的東西, 如果我要飲, 都必須要用薑去煲牛奶才可以飲的人. 我是一個十分怕凍的人, 所以我上了新工後, 由於工作環境冷氣太勁的關係, 我上班不夠一個星期我每天要穿一件長袖冷外套還有在大脾上蓋了一張小被毯, 而且要不斷飲熱水, 而且兩隻手十分冰冷, 好似冬天一樣, 凍到沒有感覺, 放工回家後兩小時, 成身的肉才回暖. 排8後, 都是如常上班, 之後一兩日(DAY 15-16)就成日覺得很頭暈, 好似自己站著不動時, FEEL到自己好似跳BALLET咁不斷自轉, KEEP住兩日, 之後睇了中醫, 話我可能耳水有VIRUS入侵, 作感冒, 所以耳水不平衡, 於是開了三劑有蠍子的藥給我
食了中藥後, 雖然頭暈情況有好轉, 都是有少少頭暈, 但在DAY20時坐下來靜靜地做野的時侯就發現, 我左邊近盤骨位置的腹部有時有點扯痛, 但不是十分常出現, 晚上回家後, 情況比較嚴重, 但又不是太密, 晚上去游水時, 落水的時候可能水比較凍, 同一個位又痛多了
DAY20全日感覺每日返工都在同一位置很痛, 就連行快步都覺得很痛, 晚上都一樣
DAY21 不只左邊近盤骨位置的地方痛, 連成個子宮範圍(因為之前有M痛的毛病, 知道成個子宮的位置)都有麻痺的感覺, 十分陰陰痛, 連行路也不可以快, 而且走路的時候, 成個子宮位置好似很重, 重到行路都要慢動作, 如果企得耐, 如等巴士約10分鐘, 個子宮位就會好痛好聚, 成個人會好唔妥
DAY22 同昨天的感覺一樣, 而且還嚴重了很多, 子宮很聚, 很痛, 而且好似有人在子宮內用拳頭打子宮, 情況好似我以前腸抽筋一樣, 不斷有人打我的內臟咁, 但依次發生在子宮內. 當晚如常又去游水, 其實個子宮已經好辛苦, KEEP住痛, 而且越來越痛. 就連坐巴士已經唔敢坐上層, 坐下層既時侯坐車尾, 一路坐個子宮好似一路震, 震到好似跌出黎咁, 震到要按住個子宮位先得, 坐到半路要坐車中間先無咁痛. 去游水落水既時候, 個子宮又係好痛, 用隻手按住個子宮位先暖D無咁痛, 游水游熱個身又無事, 之後去焗桑拿又好似好D咁, 成晚都係KEEP住痛
DAY23 返工個子宮都係痛, 痛到不時好似有人KEEP住咁打個子宮, 加上以為自己飲左兩劑蠍子藥以為係D藥飲完之後對個子宮有影響, 我叫我個FRIEND幫我打去問中醫係咪我肚痛關D藥事(因為係公司不方便講依D電話), 於是中醫叫我返去俾佢把把脈, 不過佢話D藥唔會令我肚痛, 之後我個FRIEND仲陪我一齊出去睇. 睇中醫時, 中醫開頭以為我吹水, 問我知唔知子宮其實係邊個位.. 因為我不斷話個子宮好痛. 中醫於是叫我企係度, 按下個肚, 腎既位置問係咪依度, 我話唔係, 又按我個膀胱, 我話唔係, 我話係再下面, 佢無再按我喇. 佢塊面即刻神色凝重, 即刻開藥方, 我個FRIEND仲問佢我因咩事同咩病, 佢竟然叫我個FRIEND唔好嘈住佢(但我依個FRIEND識左佢好耐同好熟, 未見過佢咁惡)我仲問佢係咪中左… 佢仲話我唔好發夢, 你依家個子宮有事, 血氣唔夠, 搞到你提唔到氣, 個子宮下垂, 但又話我唔知點解會咁寒, 寒到個子宮唔夠血氣, 子宮下垂埋, 覺得聚就因為係子宮下垂, 開左兩劑藥, 叫我唔好夜晚食驚我訓唔著, 之後一定要黎覆診. 因為我平時調理身體時, 都無限我幾時返來覆診, 依次叫我一定要返來, 佢要我之後唔好攞重野同一定要返去訓床休息….但我之後仲唔知死, 睇完中醫之後仲去左食刺身同壽司, 返緊屋企途中仲越來越痛, 痛到我要即刻煲藥飲
DAY24 星期六返半日工, 當日要去學STOCK TAKE,企左係個倉兩粒鐘, 之後個子宮又黎料, 成個子宮好聚, 好痛, 要坐低先得, 放工之後買完野, 簡直痛到神智不清, 懞下懞下咁, 下午返到屋企BED REST全日, 而且有HOT PAD敷子宮位, 食了中藥後, 狂放屁
DAY25 除左返CHURCH果兩個幾鐘外, 都係成日BED REST, HOT PAD跟身
DAY 26 自己之前放了假去睇疤痕覆診 同爸爸媽媽睇DENTIST, 去埋中醫覆診, 情況唔多好,去到有冷氣的地方好似發冷咁, 要著外套加SCARF, 見到可以坐的地方要即刻坐, 子宮都係覺得好聚, 中醫加重了藥, 出動埋吉林參, 我仲問中醫仲可吾可以去游水, 仲中醫仲話我依家個子宮病左呀, 仲游, 叫我好食完佢D藥先返黎睇下點醫我
DAY 27 之前自己又請假去INTERVIEW, 其間爭取時間在家BED REST, 因為企得耐子宮還是會好聚好痛, 其實之前都有日日CHECK 紅D, 但是自從子宮痛後, 紅D都是一個控或十分淡色, 但當晚七點幾午睡完後, CHECK下紅D子宮的情況, 竟然發現紅D突然加深, 再用萬寧驗孕紙, 原來BINGO了
之後, 其實我的子宮都是很痛(不斷地FEEL到有人在我的子宮拳打腳踢, 其實子客沒有血到而不斷抽筋), 只有訓床時同飲了中藥才有改善, 飲了四劑中藥後, 有時企得耐都不太妥,走路仲慢過阿婆, 所以除了返工的時間, 其他都在家中的床或梳化BEDREST, BED REST同訓覺都要用HOT PAD敷肚, 雖然沒有睡覺, 但人只是躺係床上在BK同大家傾計過日晨, 其他的家務或晚餐都是我的姑娘朋友及C6代勞, 休息足夠, 子宮就不會太痛
跟住, 返去中醫覆診, 依次C6有陪我去, 入到房後EC問我仲有無痛, 我話好左好多喇, 有訓好多床同無攞重野喇, 跟住我EC話你依家先開始咋, 之後你仲有排辛苦呀, 到時你無得話事, 有人治到你….仲要陰陰咀笑.. 但果時佢仲未同我把脈, 咁都知我BINGO左, 我就覺得佢好堅, 之前唔同我講驚我唔食佢D藥, 但我C6話佢講埋D無菱兩可既野, 諗住你自爆佢聽
食過乜
²
中藥調理身體, 每星期三劑, 另每劑返渣, 每日一次, 飲足一星期六日
²
清完M後(DAY7-10), 煲了花膠竹絲雞湯, 每日飲了2-3碗, 連花膠及湯渣食, 連續飲了大約四日
²
排8期間及之後, 每日食了2-4塊明治72%的DARK CHOCOLATE, 全數大約20粒
²
排8後, 早上每日一包高鈣低B牛奶, 大約飲了10日
²
排8後, 飲了一次黑糖薑茶(因為公司太凍, 要驅寒)
²
排8後有食過半隻綠豆稯(但不知自己BINGO…. 反面教材)
做過乜
²
BINGO前兩個月, 開始每星期於放工時間(1900-2100)去恆溫泳池游水, 每六至十個塘
²
游完水後會焗桑拿
²
DODO時, 同之前D TIPS一樣, DODO完後CUSHION 摯PATPAT… 但我之後一覺訓天光, 沒有去VV或沖涼
發表於 
返回列表
