以下嚴重劇透，未睇你是我的榮耀嘅就迴避一下。。。。
13/14兩集進入王者榮耀娛樂賽，于途去現場觀戰，點知第一回合晶晶果隊勝出之後，MVP被換出，臨時要再選過一個選手，與其再選一個冇配合過嘅職業選手，晶晶選于途上場。開賽前兩人同主持妙語連珠，兩人清楚表明為高中同學，于途當場報稱職業為航天設計師。第二回合，因為有于途配合，晶晶果隊又大獲全勝，晶晶同于途都令人眼前一亮。賽後不得不面對分離嘅問題。
15集：晶晶再一次向于途表白，希望于途答應同自己一齊，可惜于途考慮到兩人世界嘅差異，10年後又再一次拒絕晶晶，令佢傷心加死心，其實于途喺西安時已經確認到自己對晶晶動心，但始終覺得兩個人不適合，佢唔會俾到一般女孩子要嘅幸福俾對方，拒絕晶晶之後，于途心情都好差，只係未意識到晶晶對佢有幾重要，只有埋首工作。
16集：夏晴去上海搵于途，睇完前文後理，完全可以明白點解于途一直避開夏晴，夏晴唔係因為鍾意于途，只係一種好勝心，因為自己初中時一直都係校中美女學霸，點知高中嚟咗個比自己靚嘅喬晶晶，知道晶晶鍾意于途，亦知道于途拒絕晶晶嘅告白，所以佢考上清華後，倒追上于途，蠃咗漂亮一仗，可惜于途為人並不現實，所以最後佢"止損離場"，但心中始終意難平，因為當佢同于途提出分手時，于途不假思索，完全不猶豫，即時答應。後來夏晴在事業上掙到成績，思前想後都放唔低，而且于途嘅航天設計師身份在社會上亦有一定光環，金錢上佢可以撐起一個家庭，再來就係缺一個可以令佢身份提升嘅丈夫角色，于途依然係佢心中嘅一個傷口，佢多年一直想再同于途一齊，但又放唔低身段，直至知道于途同喬晶晶一齊打王者榮耀娛樂賽，佢個心唔定啦，於是去上海搵于途，試圖挽回以前嘅感情。
夏晴當初不能理解支持于途，因為在佢心中著實睇唔起所謂夢想，佢一直覺得于途自私，有高薪厚職唔要，去追求夢想，要身邊人為佢犧牲，佢覺得于途之所以同喬晶晶有聯繫係想以後再唔會有生計之憂，不竟晶晶掙到嘅錢比佢地以前一班高中同學任何一個都多，于途攀上呢個高枝後就可以不顧一切去追求自己想要嘅生活，甚至口中惡言抵毀晶晶，點知呢個係于途嘅底線，於是于途亦不客氣地講出自己當年選擇答應夏晴一齊係自己嘅錯，幸好夏晴夠聰明，知道自己非良配，啪啪打了夏晴一臉，的確夠狠。于途為晶晶出了一口氣，卻被誤會為拜金男。。。于途終於可以感受一下因為自己當年判斷力差，拒絕晶晶告白，令晶晶難過嘅心情。
花旗太太生活在花旗國，留意時差，你問我未必即時答到。
發表於 
返回列表
