影視娛樂 今日: 6 | 主題: 16133

積分: 28097

1361^#

發表於 15-11-16 16:56 |只看該作者

rose-mag 發表於 15-11-16 16:38
王樂君以前演嘅都係政治有關或諜戰有關嘅劇，可能真係有D政治背景。江疏影果次為胡歌抱不平，俾人裝不特止 ...

王樂君聽講家人系有軍方背景噶。另外，你覺唔覺得王曉晨微博D作風，好似宮羽，哈哈
江小姐果次，胡歌俾人一面倒鬧渣男，事後一句聲都唔敢出，咩都自己受曬，連D營銷號都話佢吃死貓，真心疼佢。仲有好多胡椒因為呢件事脫粉，人氣跌左好多。好彩佢今年有套瑯琊榜，又吸返唔少新粉翻黎。

劉濤演郡主都俾人嫌棄老啦。

私人傳訊

積分: 2668

1362^#

發表於 15-11-16 16:57 |只看該作者

rose-mag 發表於 15-11-16 16:38
王樂君以前演嘅都係政治有關或諜戰有關嘅劇，可能真係有D政治背景。江疏影果次為胡歌抱不平，俾人裝不特止 ...

江俾人裝係咩意思？

私人傳訊

積分: 28097

1363^#

發表於 15-11-16 17:04 |只看該作者

doll100 發表於 15-11-16 16:57
江俾人裝係咩意思？

係江同胡歌既經理人一齊，裝胡歌入局。江搵記者偷拍，曝光戀情。

私人傳訊

積分: 2668

1364^#

發表於 15-11-16 17:07 |只看該作者

hugoma2015 發表於 15-11-16 16:56
王樂君聽講家人系有軍方背景噶。另外，你覺唔覺得王曉晨微博D作風，好似宮羽，哈哈
江小姐果次，胡歌俾人一 ...

俾人話佢食死貓即係女方利用佢抄作，但佢維護佢？

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1365^#

發表於 15-11-16 17:12 |只看該作者

hugoma2015 發表於 15-11-16 00:56
王樂君聽講家人系有軍方背景噶。另外，你覺唔覺得王曉晨微博D作風，好似宮羽，哈哈
江小姐果次，胡歌俾人一 ...

就係啦，冇理由王樂君咁嘅演技都可以叫做諜戰小公主囉，其他戲冇睇過，但又係出道10年演成咁，受傷籍口啫，對眼冇受傷啩。王曉晨我覺得一係搏宣傳一係真係花痴，睇下而家開拍套劇我的男神配池昌旭，睇下佢個微博又出D咩就知，女人點都要有少少矜持好D。

江疏影果單真係禍不單行，套劇已經麻麻地又老套，加埋俾人屈完仲要食死貓，其實到而家都有人話胡歌拋棄薛佳瑩，講真誰是誰非，好多嘢外人唔知，邊個唔想搵到個好伴侶，而家D粉絲好奇怪，偶像私事都管埋。之前胡歌同劉詩詩成日俾人話CP，有班詩歌粉喺詩詩公開同吳奇隆拍拖時就黑吳，又去詩吧隆吧搞事，日日都嘈，太多粉係入戲太深，有D腦筍都生埋，十二三歲根本不知情為何物，後來隆詩公佈結婚，個個要生要死，詩粉有D即時脫粉，又掉轉頭鬧埋詩詩，真係痴咗線咁，跟住又不斷搜集証據話佢地婚變點點點。。。世界只剩下呢D真係可悲。

劉濤三十幾一D都唔似，起碼而家出嚟效果我覺得好好，拍得佢好靚，而且佢真係做到又有英氣又有女兒羞態，叫D廿零做我都唔知邊個得。

花旗太太生活在花旗國，留意時差，你問我未必即時答到。

私人傳訊

積分: 2668

1366^#

發表於 15-11-16 17:14 |只看該作者

回覆樓主:

其實江有無真係中意過胡歌嫁，如果有，為左抄作輸掉感情

私人傳訊

積分: 28097

1367^#

發表於 15-11-16 17:24 |只看該作者

doll100 發表於 15-11-16 17:07
俾人話佢食死貓即係女方利用佢抄作，但佢維護佢？

佢事後無維護個女方啊，隻字不提女方喔。
睇呢個態度，就知道咩回事啦

私人傳訊

積分: 28097

1368^#

發表於 15-11-16 23:59 |只看該作者

rose-mag 發表於 15-11-16 17:12
就係啦，冇理由王樂君咁嘅演技都可以叫做諜戰小公主囉，其他戲冇睇過，但又係出道10年演成咁，受傷籍口啫， ...

王樂君一D都唔符合偽裝者原著女主既設定，小說女主冰雪聰明，喺人見人愛既女神款。唔好講明臺，簡直喺人見人愛啊。但係王樂君演到……個個問明臺系唔系傻噶，中意咁既女人？

而家個個女演員一同胡歌合作，只要戲份有少少交集，都抱胡歌大腿博宣傳啦（劉濤除外，佢唔需要）。之前偽裝者宣傳，王鷗（瑯琊榜既般若）同胡歌合照左一張相，然後就喺微博買曬水軍，炒作話題“胡歌王鷗”，又同記者講希望同胡歌演情侶。

所以我話我寧願胡歌同D已婚女星合作好過了。

我覺得明星都有自己私生活噶，粉絲唔好關注甘多。我會選擇性無視我D男神既私事，反而對非男神，我會八卦。哈哈

劉濤既英氣，呢個真是最難得，我想唔到邊個女演員有呢種氣質了。唉，我睇翻45集佢救駕之後既戲，幾乎每一場都喊，我唔會覺得厭倦，話佢喊包，反而每次我都感同身受，都為佢心疼。佢D演技感染力都好強

私人傳訊

積分: 28097

1369^#

發表於 15-11-17 00:10 |只看該作者

rose-mag 發表於 15-11-16 16:28
第5集看點
（4）迎戰百里奇

呢一段對戰好精彩，導演居然將小說裡面咁虛無既陣法拍出黎，我建議佢以後拍翻套武俠片，應該都會好精彩！

郡主直頭鄙視宗主啦，成日顧住吃，好似喺謝玉家無啖好吃咁。

難怪事後郡主第一個幫宗主搵屋，等佢搬出黎住，唔好寄人籬下。

私人傳訊

積分: 174325

1370^#

發表於 15-11-17 00:30 |只看該作者

引用：Quote:rose-mag 發表於 15-11-16 17:12 就

原帖由 hugoma2015 於 15-11-16 發表
王樂君一D都唔符合偽裝者原著女主既設定，小說女主冰雪聰明，喺人見人愛既女神款。唔好講明臺，簡直喺人見 ...

都唔明點解而家d陸劇演員下下都要cp至過得人世咁，以前螢幕情女檔果d好似鄭少秋趙雅芝汪明荃周潤發鄭裕玲，個個都係劇中演活情侶，現實各有各，觀眾鍾意睇佢地做戲，但唔會傻到要人真係cp捆綁，下下靠炒作，炒完劇播完又點？好欣賞另一個演員霍建華，佢一直唔開微博，只有劇上出席宣傳，佢話唔駛用微博去令人認識佢，觀察要了解佢睇佢做戲就得，有時咁樣反而惹少好多麻煩。

花旗太太生活在花旗國，留意時差，你問我未必即時答到。

私人傳訊

積分: 174325

1371^#

發表於 15-11-17 00:45 |只看該作者

引用：Quote:rose-mag 發表於 15-11-16 16:28 第5

本帖最後由 rose-mag 於 15-11-16 19:11 編輯

原帖由 hugoma2015 於 15-11-17 發表
呢一段對戰好精彩，導演居然將小說裡面咁虛無既陣法拍出黎，我建議佢以後拍翻套武俠片，應該都會好精彩！

...

書同劇對於劍招個理念有d唔同架，書係用掩眼法，宗主引開郡主注意，蒙統領就分散大渝金雕柴明注意力，其他人武功冇咁高未必睇得清加上未必敢出聲，於是就混過了，根本冇人知道點贏，反正就係百里奇跌低，三稚子贏咗。劇就掉轉，宗主氣定神閒，蒙摯唔出聲，之後就用皇帝解話，郡主多少因為宗主分心，但事實係贏咗佢就少個後顧之憂，所以唔會拆穿，事後再問宗主就得。

書入面係混過去，劇入面多少有d招數，而且百里奇非常好戲，高手要扮到俾人打敗而對手係幾個細路，自己放水都不能太著迹，又唔可以傷到佢地，宗主呢個任務都幾蝦人。

花旗太太生活在花旗國，留意時差，你問我未必即時答到。

私人傳訊

積分: 28097

1372^#

發表於 15-11-17 10:29 |只看該作者

rose-mag 發表於 15-11-17 00:30
都唔明點解而家d陸劇演員下下都要cp至過得人世咁，以前螢幕情女檔果d好似鄭少秋趙雅芝汪明荃周潤發鄭裕玲， ...

更加唔明D粉絲，迷戲入面D CP搭配就算啦，戲外都要捆綁人地一齊，睇戲睇到上腦咩！理智D最多就喺希望佢地下一套戲再合作，唔會話希望人地真人都拍拖噶嘛！

而家唔止男女演員捆綁CP，連男男都要捆綁，真喺……以前都喺D腐女自己YY，而家連製作方，片商，經理人公司都甘樣引導。我而家好憎瑯琊榜個製作方噶，除左瑯琊榜，佢地製作既其他電視劇例如《北平無戰事》《偽裝者》既官方微博都搏命賣腐噶。正正經經拍劇，拍D好似瑯琊榜甘樣既良心劇唔得咩？《瑯琊榜》《北平》《偽裝者》都是宣揚家國情懷、兄弟情義既戲，個立意咁高，點解宣傳要走賣腐既路線啊？嗱，如果佢地拍既真喺同性戀題材，我唔介意噶！但是明明唔系，為左博眼球，迎合腐女市場就甘樣歪曲自己套戲既主題，我覺得不可理喻，毫無底線，毫無尊嚴！果間公司而家仲喺WK既經理人公司，所以偽裝者就打造作為“樓誠CP”（WK同靳東），瑯琊榜又硬湊“蘇靖CP”（胡歌同WK）。所以胡歌同靳東咁避忌WK，應該都是呢D原因。佢一癡過黎，點知佢間公司又出咩通稿炒作CP噶？

唔該D男演員，如果自己真係出櫃，就公開認左佢，我為你鼓掌！如果唔喺，請你唔好捆綁其他男演員！甘樣做真是CHEAP到死！我會鄙視佢一世！

私人傳訊

積分: 28097

1373^#

發表於 15-11-17 11:08 |只看該作者

rose-mag 發表於 15-11-17 00:45
書同劇對於劍招個理念有d唔同架，書係用掩眼法，宗主引開郡主注意，蒙統領就分散大渝金雕柴明注意力，其他 ...

又想到一個問題，宗主話安排百里奇攪局，喺為左幫郡主踢走D唔中意既人。如果郡主有中意既人，或者有人才出眾，襯得起郡主既人呢？宗主放唔放行啊？捨得嗎？

定喺佢凈喺想搞破壞？不過又唔似，佢一直都話想郡主搵過第二個。

宗主呢次用3稚子打百里奇，考驗左宗主既急才。佢既計劃本來只喺安排百里奇輸俾郡主，結果要改成輸俾3小童。打麻雀要松章，都要高手先松得自然啊。

私人傳訊

積分: 28097

1374^#

發表於 15-11-17 11:18 |只看該作者

http://www.bilibili.com/video/av3231808/

呢個MV真喺神作啊！仲用左我最中意既歌

私人傳訊

積分: 174325

1375^#

發表於 15-11-17 14:09 |只看該作者

本帖最後由 rose-mag 於 15-11-16 23:41 編輯

hugoma2015 發表於 15-11-16 19:08
又想到一個問題，宗主話安排百里奇攪局，喺為左幫郡主踢走D唔中意既人。如果郡主有中意既人，或者有人才出 ...

書入面好明顯係保護郡主，因為試探完郡主知佢鍾意聶鐸，所以百里奇原本任務就係打退其他人，最後輸俾郡主，係後來要改變計劃救庭生至有變。

劇裡面我覺得宗主咁多年都有打聽郡主消息，所有參加者佢都應該料如指掌，有冇郡主鍾意嘅人佢應係心中有數，為防有D冇人知嘅高手出現，而又係來自非大梁境地，一來對大梁不利，二來對邵主不利。除非真係郡主鍾意嘅，咁宗主都會想辦法幫佢。

最初我認為宗主想郡主搵過第二個係因為自己壽元不長，唔想再誤郡主終身，如果真係有個有能之士而郡主又傾心嘅就當然好，而佢亦可以了卻心願，有人照顧郡主，可以無後顧之憂去做自己想做嘅嘢，可惜郡主將百里奇以外果9個人全數打敗，就表明當中冇郡主屬意嘅。而宗主自己亦都喺不經不覺間對自己嘅感情失控，暖閣捉住郡主隻手唔放，設局放百里奇入去10名後選人之中，之後情絲繞事件，唔好話佢自己意識到，外人都睇得出佢對郡主嘅嘢上心，郡主又何嘗冇一絲動心，只係靖王會想到宗主係想利用郡主幫自己設局攞人情，其實人地係放隻棋子去救自己未婚妻。

以宗主咁愛郡主，如果真係有自己喜歡嘅人，宗主一定放佢走，就如書中一樣，佢放郡主走，幫佢同聶鐸一齊（我係極度唔想提呢個小人嘅名，想從書入面擦佢個名落嚟，如果原作者可以再出小說新版，以電視劇改寫版再出我即訂，我覺得兩者去蕪存菁，互補不足就正晒）。最大嘅愛就係放手，點解宗主一直想放手，就係知道自己唔可以同郡主廝守，當郡主同佢相認時，郡主話："好，我可以等，等你變回我的林殊哥哥。" 宗主係冇回應，一來佢時間有限，二來佢唔覺得自己可以有機會變番林殊，郡主呢段說話入心入肺，佢心痛自己，亦都心痛自己，但唔可以同任何人講，只能夠收喺心入面。

花旗太太生活在花旗國，留意時差，你問我未必即時答到。

私人傳訊

積分: 174325

1376^#

發表於 15-11-17 15:35 |只看該作者

第5集看點
（5）解救三稚子

比賽完勝之後，宗主著三個孩子謝過陞下隆恩，只是如何可以啟齒說出要皇帝赦免他們的罪奴身份？

梁皇也不是容易對付的人，他也看出宗主要三個孩子先謝恩的舉動有點奇怪，還沒有他未賞就謝的，自己要賞甚麼還沒有想好。宗主也知梁王不易騙，盤算如何可以令皇帝落入自己的計算中，讓他作出自己想要的結果。

宗主跟郡主果真心有靈犀，宗主一個眼神，郡主就立刻意會，即時請旨皇上赦免他們的罪奴身份，讓她把三個孩子帶回穆王府。

宗主配合著要爭著把孩子帶回去，郡主卻不妥協，說怕是蘇先生的劍陣玄妙，不想外流，郡主對梁王說是她先開口，誓要爭到底，宗主為難的請救皇帝定奪。其他人看在眼裡都覺得很有趣，郡主是習武之人，對於這劍陣有興趣一點不足為奇，梁王也被他們一鬧消去懷疑。

（當時天氣應不算太冷，但宗主的手和耳朵都是紅紅的）

宗主無奈求皇帝指示

梁王說不上當，宗主郡主二人面上都有驚色，莫非自己的計算被他洞悉了，這幾秒真的把人的小心臟也急壞了。

看看旁邊的老太監高公公，這個宮中人精只陪笑不敢表態，梁王心情好，也就不理他，特赦即時批准了，只是三個孩子何去何從他就不理會了，讓宗主和郡主兩人自己爭奪，他就不襯熱鬧了。

靖王聽到自己父皇准了赦免庭生的罪奴身份，心中為庭生慶幸，同時也不得不驚訝梅長蘇的奇謀妙算，這樣的一個不可能任務居然被他辦到了，那就表示自己跟他的約定成交了。

譽王和太子為了招攬宗主，兩人爭相為宗主要求皇帝賞賜，梁王把這兩個兒子的心思看在眼裡，不作即時反應。

當下關心一下百里奇的傷勢，著他回去好好休養，北燕的使者還想盡力扳回，讓百里奇再上場跟郡主對打，但敵不過殿上眾人的口舌嘲諷，最後被逼作罷。

梁王乘勢說會於文試後一拼賞賜蘇誓，這場看來驚心動魄的對戰就落幕了。

這場是宗主踢後衛，郡主作前鋒，兩人配合得天衣無縫，梁王因為兩人爭奪孩子被分散了注意力，輕易赦免了孩子的罪奴身份。宗主事前沒有跟郡主交代過，難得郡主是個聰明人，也因為早知宗主是借百里奇一戰救出庭生，所以宗主一個眼神就領悟到下一步應如何配合。

站在宗主和郡主身後作為背景人物的景睿和豫津都交足戲，在場應如何應對就如何應對，是留心事態發展、是靜心細聽結果、是會心微笑、是為當事人高興，一一都恰如其份，尤其是言豫津，角色的表情較豐富，又有喜感。

同是佈景板的穆青和外國使者都有神來之筆，反應青情都很好，小王爺率真飛揚的性格表露無遺，張曉謙這年青演員令人看見很舒服很開心，他的笑容很燦爛，活脫是個翻板的A貨林殊，有他的場面就顯得很不一樣的輕鬆。

花旗太太生活在花旗國，留意時差，你問我未必即時答到。

私人傳訊

積分: 2668

1377^#

發表於 15-11-17 15:51 |只看該作者

hugoma2015 發表於 15-11-17 11:18
http://www.bilibili.com/video/av3231808/

私人傳訊

積分: 174325

1378^#

發表於 15-11-17 16:57 |只看該作者

本帖最後由 rose-mag 於 15-11-27 23:22 編輯

第5集看點
（6）疑惑與任性的郡主

郡主著穆青帶著三個孩子回去，豫津和景睿也看出郡主和宗主有話要說，很識相的說在外面等候蘇兄，好讓郡主和宗主可以單獨說說話。

郡主也不繞圈子，直接說她看出三個孩子蠃不了百里奇，他輸得著實蹊蹺，郡主留下來跟宗主討的就是一個解釋。

宗主也不打算隱瞞，而且以郡主的智慧也瞞不過的，他娓娓道來成功只有一句話：百里奇是江左盟的人。

郡主先是錯愕，再來是一臉疑雲，這個麒麟才子居然安插了江左盟的人在北燕使團中，他明明是衝著來解救自己的。

宗主說自己來京城謀事，當然是作點預先安排，安插百里奇在比武招親後選名單中，就是為了幫助郡主解決一些可能出現的高手，如果郡主不喜歡的話就由百里奇去打敗他們，算是給她賣個人情。

只是女人不是好欺騙的，更何況是郡主這種絕頂聰明的女人，有人勞心動力只為自己一個人情，背後一定另有原因，宗主推說雲南穆府的一情可不容易討的，這也是事實，霓凰不是庸碌之輩，也不愛黨爭，從來只以忠義來作事，這樣的說法也算通。

郡主想到自己看得出這個劍陣的破綻，蒙統領也必能看出，宗主解釋料到蒙純領不會多言，因為那是事關重大，還關乎郡主，他一定不會拆穿底蘊的。

是時皇后的侍女其紅來請郡主進宮一聚，由於蒞陽長公主之前的叮囑，郡主下意識的跟宗主交換眼神，大家都意會到要對郡主下手的應是皇后。

宗主輕微搖頭，著郡主把邀請推掉。

郡主看了看宗主，原本還有點遲疑，不知何故突然好像發了點狠勁似的就答應了邀請，連頭也不回的跟著侍女們去正陽宮。

宗主雖然早已提醒郡主，現在郡主也有備而去，但心中還是不踏實，有點心緒不寧，還有點不解何以郡主不把邀請推掉，眼光一直看著郡主的身影遠去。

這短短兩分鐘的劇情，宗主和郡主的表情變化和內心戲很微妙，郡主的機靈通透把時局看得很清楚，劍陣之妙不及百里奇輸得蹊蹺，自是有內情隱秘。及後宗主表示大費周章只為討個人情，表面算是說得過去，但一個男人為一個女人勞心動力，不惜運用這般心思和時間，當中不牽涉一點情意實在有誰信？只是當時郡主的十萬鐵騎的誘惑遠比她作為女兒身更令朝堂中人傾倒吧了。

郡主風度凌雲，宗主風雅睿智，兩人也算是一對壁人的模樣，看著宗主為郡主的事賣力，而郡主對宗主態度禮遇有加，外人看來郡主和宗主是內定的一對也不失為過，何況這一仗讓蘇哲聲名大噪，加上飛流的傳聞，這個江左盟宗主跟郡主可是並無不匹配之理。

郡主答應皇后邀請到正陽宮一聚，宗主事前提醒過，她就仗著自己有備而去，沒有推卻之心，而且皇后的邀請也不是容易推的，推了今次，請有下次，總不可能避得開，反正自己已知道她有加害之心，只要入口的東西都小心就可以。對於宗主的勸阻，霓凰究竟有沒有一點好勝之心？叫她不要去，她仗著自己鐵血沙場十年，再凶險再血腥都見過，對於後宮手無縛雞之力的女人，自己那會有輸的道理。這一點想以前郡主對林殊也有這樣好勝的時候，當時是小女孩，現在是久經沙場的將軍，自然可以應付有餘，只是霓凰忘記了自己身為女人的身份，女人也有軟弱的時候，也有不能耍強的處境。

宗主這次之後察覺到自己只要是事關郡主都會有情緒，而現在他籌謀的事卻是不能帶絲毫個人感情，所以事後他有後怕是很自然的，為了保護霓凰，他要讓她走，他要更周詳步署每一個細節，務求滴水不漏。

** 這場有一個BUG跟上一場殿內接不上的：郡主在殿內的眼粧以藍色為主，在殿外卻是以粉紅色加藍色作眼影，幸好服飾都對得上。

花旗太太生活在花旗國，留意時差，你問我未必即時答到。

私人傳訊

積分: 28097

1379^#

發表於 15-11-17 17:52 |只看該作者

本帖最後由 hugoma2015 於 15-11-17 21:08 編輯

rose-mag 發表於 15-11-17 14:09
書入面好明顯係保護郡主，因為試探完郡主知佢鍾意聶鐸，所以百里奇原本任務就係打退其他人，最後輸俾郡主 ...

無錯，最大既愛就是放手。宗主放手與否，完全取決于郡主既態度。郡主愛佢，佢就將自己既愛俾曬郡主，只要佢可以做到，佢都會為郡主做；郡主愛左其他人，佢依然幫佢地。而且無論佢放唔放手，郡主有無移情，佢都一直將保護郡主當成自己既重要責任。所以呢種愛喺最偉大，同時又喺將自己放得最卑微的。

書裡面佢2年前就知道聶鐸中意郡主，佢一直都無放手。我覺得呢個又喺宗主愛郡主既一個表現，因為郡主唔系玩具，唔系所謂兄弟中意，就可以拱手讓愛噶。如果宗主一聽到聶鐸話中意郡主，就放手，我鄙視佢添啊！宗主直到2年后見到郡主，知道郡主心意，佢尊重郡主既選擇，先放手。我覺得如果郡主話佢唔中意聶鐸，只喺聶鐸單戀佢，咁劇情發展應該會同而家電視劇一樣，宗主郡主又走埋一齊。不過呢套唔喺言情劇，海晏直接CUT左聶鐸，免除三角戀狗血愛情既同時，還左觀眾一段咁美好而傷感既經典愛情（我覺得今年電視裡面最令人感動既CP就是宗主郡主呢一對了）。

不過電視劇裡面，宗主入金陵實施計劃前果12年，佢喺唔喺一直都唔想認翻，唔想見返郡主呢？因為佢自己知道壽元不長，唔想郡主再受一次喪夫之痛，又唔想郡主參與佢既計劃，所以選擇暗中守護？（如果甘樣，同小說又唔同了，小說宗主講過（水戰）之前9年都無放棄過回到郡主身邊既努力。）

如果一個人或者一樣事物，守護左12年，證明佢個心根本就放唔低，所以去到金陵一見返郡主，佢就情難自制，愛火就死灰復燃了。無論書定電視劇，所謂既放手，都只不過喺自欺欺人，有苦自知！

私人傳訊