本帖最後由 babybabywanted 於 13-6-13 10:17 編輯
去完李茂盛返黎，等我分享下啦……
李茂盛個邊要係之前一個cycle食荷爾蒙藥，不過我係要求診所個邊寄黎俾我，由你過數到收到藥係大概5-7天時間，裡面有兩隻藥的，要依照醫生指示服藥和打針，針筒診所係唔會寄的，因為針筒不能寄，所以要自己係香港藥房買針筒，我係旺角搵左幾間，唔係間間有，最後係先達對面的藥房買到，針的資料係1mL, 長度係8mm，粗幼係30G，係要黎打胰島素的針筒。
當21天的荷爾蒙食完後，第4天就會來m，若1號食完最後一粒，5號就會來m，來m後第三天，我就回診看醫生，當天好似打仗咁，好多人，係網上知道李茂盛睇證時無私人，我去到，雖然覺得真係好多人，但又唔覺得私人方面有問題，所以呢樣我覺得係唔駛擔心，係等梗途中，都有兩個同路人同我傾計，一個係台灣人，係李茂盛做第二次，另一個就係大陸人嫁到台灣，係佢老爺介紹佢去李茂盛睇，佢地兩個都話搵李茂盛因為佢係台灣最好的，所以我估計，李茂盛應該係台灣係相當出名，所以超多人，有d係已有bb，有d係睇普通婦科，但看試管的都唔少……
首先先到諮詢室問病史，同埋簽同意書，再到問診室排看李茂盛，再排照超聲波，因為係day3，還有經血，所以都幾狼狽……照超陰，李醫生手勢就比較粗魯，李醫生都整得我有少少痛……但還可接受……照完超陰，就可以拿藥，然後再到諮詢室就會有人教你怎樣打針，我要早上打Gonal-f，晚上就要用粉+水的針藥再加柳普林……即每日打三針……之後，因為有隻藥要即場打，是225的Gonal F，所以我就要到打針室打針及抽血驗，因為佢地係預你day8再回診，所以藥物只會俾要day8的藥……老公就先上6樓取第一次精，回來後，將樣本交上，再到打針室抽血……
就這樣，打針後沒有不適就可以離開，我當天約左9點，我早到8點半就到診所，做晒所有野就大概11點半離開診所。
順帶一提，酒店我住台中火車站附近，只要係火車站對出搭55號巴士係北屯站落車就會見到診所個牌，好方便！車程大概15-20分鐘，車資20台幣一位，不設找續的！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
大家加油。。
返回列表
