吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 泵奶好痛!(奶媽生涯已於20個月完滿結束) ...

母乳餵哺今日: 0|主題: 85707

收藏本版

回覆發帖

返回列表

跳至頁

樓主: 方麗娟

泵奶好痛!(奶媽生涯已於20個月完滿結束) [複製鏈接]

5 678 9...105

方麗娟

珍珠宮

積分: 40343

好媽媽勳章醒目開學勳章陪月勳章

121^#

發表於 07-12-9 17:50

rose-mag,

我也想就算泵咗都照比bb啜, 耐何自己有時真係太累想訓覺

不過我會慢慢比自己適應和習慣, 盡量多d埋身.

食緊藥果幾日咪日日泵奶, 聽你地講我試下越泵越密啦, 發覺自己1.5-2小時都可以泵到1oz, 都唔係冇, 明白奶量一定係慢慢build up的. 我相信假如bb真係要個幾鐘就要食, 我都有得比佢食, 只係唔夠多, 咪食密d, 最緊要係bb肯食.

痛係有o既, 但唔係之前果種痛到縮, 佢個咀仔一埋嚟我會試下忍, 忍一陣接受到又見到bb食到就ok了. so far埋身幾次都冇損, 我諗冇問題掛:loveliness: 咁明天唔駛去健康院, 慳返d時間休息下仲好!

oliviaj,

多謝, 你都要努力啊! 我老公都係咁講, 就算未夠奶, 或者bb未肯食or訓咗, 都比佢啜下刺激乳房, 同埋比bb習慣下. 所以只要我體能上應付得到我都會埋身, 唔理佢食到幾多, 唔夠飽就補奶粉先. 我地要keep住唔好放棄, 最終一定可以全人奶架!! 加油!!

另外我昨日和今日已獨自幫bb沖涼, 之前一路都係奶奶較水, 我做協助的. 原來靠自己一個也做得到, 老公只在旁睇唔駛佢幫手! 又沖到涼又餵到人奶, 真係好有滿足感, 好開心

私人傳訊回覆引用

TszChingMaMa

大宅

積分: 1033

122^#

發表於 07-12-9 22:20

My baby was born 5.5 weeks earlier than the EDD. He stayed at hospital for 3 weeks. I had exactly the same difficulty as yours. Now he is 2.5 months old. He has showned great improvement, although he is not very good at it.

Regarding pumping, I can pump 3 oz from both sides only but am still pumping hard.

Yours is only 3 weeks old. As long as you have tried hard, your baby will soon improve.

私人傳訊回覆引用

vic6

大宅

積分: 2211

123^#

發表於 07-12-9 23:59

記得要飲多d湯水,牛秋魚煲木瓜湯,可以上奶好d,同每次pump奶前,要用warm water "full full"先,可有大幫助. pump時個身要向前及下少少會無咁痛!

原文章由 TszChingMaMa 於 07-12-9 22:20 發表
My baby was born 5.5 weeks earlier than the EDD. He stayed at hospital for 3 weeks. I had exactly the same difficulty as yours. Now he is 2.5 months old. He has showned great improvement, although ...

私人傳訊回覆引用

mc_mug2005

男爵府

積分: 5271

124^#

發表於 07-12-10 10:18

唔好意思, 我都係餵人奶, 請問各位mama有冇在護協買medela mini electric plus 雙泵的收據呀?....唉...我而家需要拎去維修, 至發現唔見左呀, 請各mama幫幫忙, 唔該晒~~~

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

125^#

發表於 07-12-10 14:10

餵人奶我仲有d問題, 就係我阿b通常食10mins就訓一訓, 幾分鐘後好似突然間記得自己食緊奶咁紥醒, 我繼續餵同一邊, 佢會食到10-15mins就推開or含住訓, 有時訓到半個鐘或1個鐘或者再多d. 咁其實佢係咪未飽? 定係果一刻飽咗呢?

我唔知好唔好再泵埋另一邊(未餵的), 照道理應該泵出來, 但又唔知佢幾時會再醒, 怕泵咗轉頭佢又醒我就冇得埋身餵(試過係咁). 我應該點做好呢?

另外餵完人奶係咪要再泵清d奶?

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

126^#

發表於 07-12-10 20:46

仲有我發覺埋身餵, 左邊唔覺好痛, 右邊就超級痛(但冇損), 係我2邊nipple的敏感度不同嗎? 老公話會唔會係姿勢 / 抱bb的手勢有不同(左右掉轉), 所以一邊食時會痛?

我而家係坐在床上餵bb, 但肚腩仲未收頂住涉唔到枕頭~~抱阿b都抱到手和頸痛了, 係咪我姿態仍然不正確? 但健康院姑娘又冇提過攬球式 / 側臥式之類......如果用攬球式, 是單手夾住阿b就可以嗎?

私人傳訊回覆引用

rose-mag

王國長老

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

127^#

發表於 07-12-11 06:44

細個BB通常都會食食吓瞓，你最好整醒佢，例如掃耳仔、頸仔、彈腳指、換片等，餵埋另一邊先俾佢瞓。如果唔得，我通常等佢瞓，如果佢瞓咗差不多一個鐘都未醒，我就會泵未食果邊，即使佢突然醒都仲有之前果邊可以食過。如果瞓到半個鐘或1個鐘就醒，咁BB應該之前未食夠。但係亦唔可以一概而論，有時BB太攰都會食得好少就瞓，你可以寫低BB作息時間，食咗幾多次，每次幾耐，幾時瞓幾時醒，有幾多次小便大便，慢慢你可以掌握到BB嘅習慣，仲可以睇到BB成長變化。

初初你想上奶快D多D就應該餵完泵清，遲D奶量多咗穩定咗就唔一定要，除非BB未食完就瞓，你又谷得辛苦，依家如果囡囡食完晒兩邊我都唔泵，一來冰奶儲備都有咁上下，二來我囡囡依家好似都唔係太大食，我由得d奶回返少少唔駛泵咁多次同谷奶谷得咁痛。

左邊唔覺好痛, 右邊就超級痛，應該係姿勢問題，而且左右手手勢同方向唔同，你要試左右手唔同姿勢或位置。攬球式係單手環抱bb手托頭，側臥式就同bb打側瞓喺床餵，兩種我都試過，但我都係習慣撗抱式，只要用個手枕涉喺手臂下面，同背脊埃住一兩個枕頭，我通常朝早坐廳梳化餵，夜晚bb食夜奶就坐床餵。攬球式手腕會好受力，侧臥式好易瞓着。你抱到手和頸痛，可能你太用力抱實bb，你應該只係用手托住bb，唔好抱到實，否則，每次餵成個鐘，久而久之你手根會好痛，腱蔕會發炎，連碟都攞唔起，我上一胎就嚴重到針夠都唔掂，食飯都攞唔起隻碗。你頸痛就應該係你成日垂低頭睇住bb，記住坐姿要直，shoulders 同手腕要放鬆。

花旗太太生活在花旗國，留意時差，你問我未必即時答到。

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

128^#

發表於 07-12-11 07:53

rose-mag,

嘩你好勁呀, 直頭好似神醫咁將我d症狀o既起因講晒出嚟

, 全中!! 昨日同奶奶傾過, 佢都話試下轉姿勢. 佢之前都叫過我不如出廳餵, 坐梳化會舒服d, 但費事對面樓望到過嚟啦(廳只有一層薄紗窗簾, 好透). 不過我都試過有一次趁冇人响廳度餵奶, 係坐得舒服咗, 但果時淨係識同bb鬥力又易忟最後唔成功.

而家右邊nipple仍然隱隱作痛, 同埋夜晚好懶又眼訓, 幾個鐘頭都未必埋身 / 泵, 抵打

...希望今天趁日間精神d就試下不同姿勢, 快d搵到個啱自己的!

我同bb都要多謝你一直以來的鼓勵和sharing, 我地才能堅持至今!

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

129^#

發表於 07-12-11 15:51

試咗3,4日埋身...我開始懷疑係咪自己問題...

1. 之前已提過的"姿勢"問題. 我終於試咗欖球式, 但極度唔就手同唔舒服, 已經涉晒枕頭仍然係高度問題...右邊nipple都有少少痛, 但冇環抱式咁痛. 唔通我屋企真係唔適合breast-feed:-(

2. 發現bb下唇不是向外反的, 同埋食時咀仔張開得好細, 所以啜到好痛. 有咩辦法可以有效地令bb下唇向外反? 已試過佢一食唔啱就"tun"出嚟, 如是者試咗多次仍然係痛, 最後係食奶粉...

3. 頭先埋身食咗成個鐘(實際上大約40-45mins, bb小休咗一陣), 最後仍然要補奶粉2oz, 唔駛5mins食晒. 好懷疑究竟我成個鐘响度做緊乜? 又要忍痛(真係好痛, 而家仲痛緊), 痛咁耐原來冇幾多野餵到比bb...唉...

4. 每次餵奶粉bb食完後都會笑, 很滿足的樣子, 然後又訓得好"林"; 但埋身食人奶就從未見過bb很滿足...係咪我真係差得咁緊要?

只係埋身咗幾日就氣餒, 我知我好冇用, 不過好想知道我係咪"先天不足"呢? 一般3星期bb的媽咪有幾多奶? 我泵出嚟都唔係多, 已差不多日日狂飲水, 上奶湯了, 仍然冇起色...真的很動搖.

有時諗下, 泵出來咪一樣係人奶, 雖然好無聊(已經可以响屋企湊仔都仲要泵??), 但原來泵仲快過埋身...每次埋身餵人奶就覺得時空在一剎那間停頓, 究竟bb幾時食完呢??

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

130^#

發表於 07-12-11 19:41

最新消息: 我又比阿b食損了! 頭先試下用nipple shield, 好痛, 我以為係本身有少少痛咪忍下先, 點知阿b一放口, 個cover有好多血! 嚇死我, 仲連累阿b再次飲我d血, 仲搞到佢件衫有d血漬添...好對唔住阿b:-(

當時bb已經好肚餓, 雖然流緊血但冇時間諗, 求其拿件衫著住先, 即刻開奶粉(快過坐熱人奶)...到餵奶時才不禁流淚, 到底我一直咁"堅持"(定係鑽牛角尖?), 係咪有d攞苦嚟辛? 有點身心疲累...

或者咁諗好阿Q: 埋身餵我雖然未成功, 但已盡咗最大努力. 呢幾個星期, 那份堅持, 精神, 心血, 體能...都已超乎我所限了.

一想到唔再埋身餵...好失落...因為根本未算做得到...但想到真的很痛, 仲係咁損, 就覺得係咪唔應該再繼續...好難抉擇, 畢竟BB仲差幾日才滿月, 唉...

私人傳訊回覆引用

靖嵐

子爵府

積分: 11973

好媽媽勳章

131^#

發表於 07-12-12 11:22

唔駛驚, 我呀b都飲我唔少血... 初初我係最擔心d焦會唔會卡住佢喉嚨...
呀b一出世我都唔識餵, 比呀b啜損, 我都照餵, 跟住有一晚, 呀b 連續食o左兩次兩個鐘(共4個鐘), 就更加損, d血標出黎... 不過我都忍住, 生仔咁痛都生到, 比人切一刀喎, 堅決唔補奶粉, 因為知自己有奶... 唯有次次餵完就查d奶, 再查nipple cream, 到呀b差唔多滿月先叫好返, 中途冇休息過... 大女係全泵, 好煩, 呀b全埋身餵, 太方便, 疲累又可以訓o係度餵, 就更加比到動力我繼續...
到依家呀b3個月, 開始八掛開始玩, 又有少少損, 都冇理, 滿月前再難捱都過o左, 加上大女想食, 損o左再泵我覺得更痛, 埋身食只係痛頭幾o下... 我希望兩個女健健康康, 盡我能力就夠.

原文章由 方麗娟 於 07-12-11 19:41 發表
最新消息: 我又比阿b食損了! 頭先試下用nipple shield, 好痛, 我以為係本身有少少痛咪忍下先, 點知阿b一放口, 個cover有好多血! 嚇死我, 仲連累阿b再次飲我d血, 仲搞到佢件衫有d血漬添...好對唔住阿b:-(

當時bb已 ...

我想要9999呀...

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

132^#

發表於 07-12-12 11:52

靖嵐, 你好勇敢! 睇到你的sharing我也有同感, 埋身餵實在太方便, 雖然bb仲細食得好慢, 但最多都係我一個人陪住阿b食奶, 唔駛驚動到老公, 奶奶, 佢地有得休息下.

見到你咁講我就更覺自己好懦弱, 仲搵多多excuse去"說服"自己做全泵媽媽而放棄埋身......真係好佩服你咁痛都可以忍, nipple損真係女人最痛呀~ 比bb啜完仲要全日隱隱作痛, 陰d陰d咁好唔舒服.

就當呢幾日抖下先, 反正都損咗(2邊都結緊焦, 已經係第三次2邊都損了!)......話唔定好返d我又會再試埋身...其實個心仲係十五十六, 有得揀我都唔想泵出嚟啦, 不如直接餵!

講開bb食咗d焦...嘻嘻, 我第一次結完焦再埋身, 我阿b真係食咗塊焦

私人傳訊回覆引用

李小B太太

大宅

積分: 4412

133^#

發表於 07-12-12 15:54

方麗娟, 亞 b 下唇唔係外反, 你可以用手「整」出黎0架~ 因為外反至0岩, 如果佢啜唔0岩, 你就一定會痛。同埋, 亞b係本身咀細, 定係埋身時咀細? 你睇佢盡力喊時果個 size至係真正的size, 你可以趁亞b 喊時塞個乳頭 (連乳暈) 入亞b 個口仔度, 等大家都試下個感覺。

埋身唔駛搏命到流曬血的, 損左時就泵下, 等好返又再試埋身啦, 同埋, 非食奶時間都可以埋下身, 當係大家練習下 or 安慰下亞b or 當玩下遊戲「親親媽媽」咁。反正你亞b 細細個已用了樽, 唔駛再驚話要避免 nipple confusion 等, 所以不如泵下奶俾個乳頭休息下先~ 呢個係長期鬥爭啊~

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

134^#

發表於 07-12-12 16:42

李小B太太,

多謝你o既鼓勵! 其實我次次都只係趁bb擘大口喊時才夠膽"禁"佢個頭埋我nipple度, 但一埋嚟佢個口就自然收返細

冇佢符......試過用手指整返佢個口出嚟, 嘩, "tun"出嚟果下簡直痛不欲生, 比佢啜到勁痛唔肯放口!

但見佢食奶樽個口可以好大, 上下唇向外反晒咁, 佢呢個咀埋身食就正喇~ 唔通係因為奶咀有一定的硬度和濶度, 而我個breast就......又細又軟pepe:-(, 所以佢個口仔好自然縮細???

[ 本文章最後由方麗娟於 07-12-12 16:43 編輯 ]

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

135^#

發表於 07-12-13 07:27

要出外全日, 由朝到晚, 如果仍未能埋身餵, 咁點泵奶&keep? 只能泵出來掉嗎?

私人傳訊回覆引用

oliviaj

別墅

積分: 850

136^#

發表於 07-12-14 10:39

最近家中上不到網, 好久沒上來了, 講下我的進展, 由這個星期一起, 我幫BB轉用了CHU CHU的"母乳育兒奶嘴", 只用了一天就有進步了, BB肯啜乳頭(雖然只是幾下), 我終於發現原來之前用 AVENT好嘴時, BB只是啜最前幼嘴的部分, 並沒有像盒上說明一樣, 上下嘴唇向外翻, 我覺得應該是口型啜慣了, 所以不會埋身食, 我怎麼現在才發現呢……

我現在會繼續用 CHU CHU的奶嘴, 及每次食奶時都迫BB上下嘴唇向外翻, 請問大家這樣做對嗎? 是不是食奶嘴時都要上下嘴唇向外翻的呢???

私人傳訊回覆引用

方麗娟

珍珠宮

積分: 40343

好媽媽勳章醒目開學勳章陪月勳章

137^#

發表於 07-12-14 11:47

原文章由 oliviaj 於 07-12-14 10:39 發表
最近家中上不到網, 好久沒上來了, 講下我的進展, 由這個星期一起, 我幫BB轉用了CHU CHU的"母乳育兒奶嘴", 只用了一天就有進步了, BB肯啜乳頭(雖然只是幾下), 我終於發現原來之前用 AVENT好嘴時, BB只是啜最前幼嘴的 ...

我也發覺bb食avent個咀有同樣的問題, 就係個咀仔反而好細, 都唔同奶泵盒上bb個咀咁大......我一路都係比bb用nuk咀, 初初個咀仔都係細d, 近一兩星期大咗好多, 好似想"吸"晒成個咀咁! 同埋上下唇向外反的. 不過bb人仔細細食奶好大力, 仲有一埋身個咀(尤其下唇)自然收細, 所以啜損晒nipple.

你的分享令我好想比bb試下CHU CHU奶咀~

[ 本文章最後由方麗娟於 07-12-14 11:48 編輯 ]

私人傳訊回覆引用

rose-mag

王國長老

積分: 174325

138^#

發表於 07-12-14 14:42

方麗娟，
如果要出街成日，得的話就泵，用個手提冰箱keep奶，我睇到有D媽咪提過fridge to go，可以good for 12 hours, 你睇下值唔值得買番個，如果你成日要出街，你應該考慮下。我用Medela Pump in style Backpack, 有個冰袋可以放4個2．5安樽。

BB咀仔唔張大，你個nipples會受罪，你要教佢張大咀，如果啜得唔啱就要pull out nipples試過，等BB知道錯誤啜法就冇得食，不過唔好大力pull, 要用一隻手指伸入BB咀仔，張大個咀，咁你個乳頭就可以輕易pull out without pain. 如果BB食食吓瞓咗，但又啜住唔放，分明係吊咀，你都可以咁樣做。

做人奶媽媽係好唔容易，千祁唔好以為全埋身就偉大D，全泵就冇用。正如有D人認為順產就叻過開刀，其實只要BB健康又有咩所謂，我就一D都唔認為全泵媽媽冇咁叻。全泵要嘅堅持同恆心都好多，夜晚所有人瞓晒，自己一個喺度泵奶又冷又悶又眼瞓，點似全埋身咁舒服？我就又泵又埋身，辛苦到死，我老公上一胎仲試過話係我自己揀，點解唔用奶粉舒服D。雖然我知佢錫我先咁講，但始终男人係冇辦法體會我地的心情，結果我片咗我老公一餐。

放鬆一D，唔好以為唔可以做到埋身餵就世界末日，全泵都係人奶媽啦，如果已經try your best, 就順應天命安排，係BB成長過程中，餵奶只係其中一部份，嚟緊你仲要教BB玩、坐、企、行，仲有大把精彩嘢等住你，埋身餵就keep 住試吓啦，損咗就休息吓遲D嚟過囉，唔好唔開心，仲記唔記得你成功埋身果次？努力，加油。

花旗太太生活在花旗國，留意時差，你問我未必即時答到。

私人傳訊回覆引用