一路有 follow 睇吓個事實係點同埋其他人對呢件事點想法所以一路唔打算妄下評論。
即係咁，黎緊呢段樓主實聽唔入耳。睇睇數字，樓主而家25歲，大女6歲，即係19歲大肚。中五後無再讀書，即係大概 17， 18 歲，講真20歲前未有足夠知識&經濟基礎就選擇生，可以睇得出有幾成熟，看倌們自行意會。
當然，每個人年青既時候做決定都會有啲衝動唔出奇。當年我係美國讀書，屋企都算係小康，畢業後有一年俗稱 OPT program 可以搵相關工作累積經驗。同學們當時利用呢一年唔止係呢個目的，有錢既大陸學生會嘗試搵間空殼公司“請自己”以得到工作簽證（sponsorship 每3年 renew），6年後再抽移民簽證（無錯係抽，quota 取決於當屆國會係邊個黨控制）。自問屋企唔係有錢到可以搵空殼“請自己”，雖然最後都認識到有公司可以 sponsor 自己搞工簽，但人工低到根本唔夠 support 自己（即係如過留，黎緊6年係要倒貼），仲要6年後唔知點既光景，唔得就基本上要返歸。當時既想法下如過自己搞唔掂自己根本唔敢再問屋企人拿錢，幸好當時(2007)香港經濟仲算ok所以無可奈何吓返去做嘢。
返到香港係好唔甘心，當時 working holiday 未太流行如果唔係實走，但自己一開頭無經濟基礎可以怪邊個？婚後，有感香港始終買層樓供，一世人每個月俾大部份錢落去然後無曬我地自己生活唔可取。但唔代表無嘢可以做到，就算成家搵到差唔多5萬一個月，爲求省錢兩口子願意住劏房，唔打算生仔以求將開支減到最低。另外爲求製造語言環境免得英文退步，唔再睇TVB，寧願每個月俾少少錢裝Cable 晚晚睇 HLN, Fox, Nat Geo, FX 等英語外購新聞劇集，準備自己。
另外，當其他人放假去玩首選日韓台星馬泰食玩買，我地就專去美加（當然呢個係成本），除左去遊客去既地方，仲會去吓本地人日常去既地方（公園，超市，tim hortons之類），比我地機會感受吓係咪真係咁種意呢個地方。2014年，剛好睇到加拿大有 Federal Skill，而自己的工種剛好附合佢 NOC。即刻喪做 Paper，兩口子喪練 Speaking，係兩個星期內考好 IELTS (Avg GT 類 7.5)然後申請成功。
打咁大段字講自己移民故仔，其實用意係同好多媽媽一樣，我基本上都係覺得樓主而家既決定唔可取，覺得真係有啲夾硬用全家黎賭一舖。另外，如果時間上搞唔掂女女就叫樓主媽媽過黎湊我真係無言。做得人阿媽，成年人自己既問題自己解決，況且樓主媽媽唔識英文唔識開車（我相信），會搞到佢同外界斷絕可能憂鬱（有聽聞過），唔好咁自私為左自己主觀願望而要搞到屋企人。熱誠好重要但唔好被充薰頭腦，未睇到機會時其實都要準備自己，到機會黎到就可以全力去闖，因呢個時候你已經齊備基本盤 （金錢+語言+對加拿大基本認知），當然去到之後先預到既各種問題到時再執生啦。祝好運。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
