吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我好唔開心呀........

夫婦情感今日: 10|主題: 42807

收藏本版

發帖

返回列表

跳至頁

樓主: PION_HAPPY

我好唔開心呀........ [複製鏈接]

5 678 9...12

阿包子

別墅

積分: 646

121^#

發表於 04-10-31 21:13 |只看該作者

Re: 我好唔開心呀........

先說再見的
永遠佔上風!!!!!!!!!!!

你都想可以同你老公鬥返下
你走把啦

大家好!~~~我是阿包子~~~ 阿包子個阿~~~ 阿包子個包~~~ 阿包子個子~~~ 謝謝~~~ ;-) ;-) ;-) ;-) ;-) ;-) ;-) ;-) ;-)

私人傳訊

mother904

翡翠宮

積分: 82283

畀面勳章

122^#

發表於 04-10-31 22:24 |只看該作者

Re: 我好唔開心呀........

連續看完你的留意，覺得實在不應該再給他時間，你越給他時間，只會繼續給理由讓他拖下去。他對你說初步決定揀你，但在sms又對她說這樣的話，很明顯，他最想兩個都要，一直拖到現實迫他選擇，例如那個女人有了bb。不要以為你有bb他便會和她分手，因為他已經給了你名份，你有了孩子，他一樣可以和她在一起。

也許你和他一起太久了，他已經忘記失去你的滋味是怎樣。回外家住一陣子，讓他知道他真的會失去你，那時他可能才會作出真正的決定。萬一她比你更早提出離開他，輸的可能是你。如果你走了，他仍不努力挽回的話，你仍想和他共渡下半生嗎？

就算他真的離開你，你也要努力的生活，裝扮自己，說不定會遇上一個更加懂得珍惜你的人。

日日是好日

私人傳訊

Winnie_C

男爵府

積分: 7177

123^#

發表於 04-11-1 11:23 |只看該作者

Re: 我好唔開心呀........

Happy,
睇到你呢幾日發生的事, 真替你感到難過, 其實你已經做得好好, 但有時情緒這回事是控制不來的, "我本來都想問埋佢鍾意個女仔咩, 但都係忍住口唔問, 費事俾機會佢唸佢有幾鍾意佢......"咪係囉, 你已經在進步了, 不要放棄, 再加一把勁就會成功了.
從你的敘述中可以看出, 你老公亦在掙扎之中,(言行跟我老公當年的表現同出一轍) 而且我覺得他緊張的始絡是你, 只是對另一方面他亦確實付出了感情, 夾在兩個痛苦的女人當, 他亦不會好過, 所以他只能叫你給他時間, 因為在他的眼中你是比較理智的, 而且會為他著想, 這是你的優點, 亦是外面的女人不能給他的, 你不但不要放棄, 而且在這個關健的時刻要幫你老公一把, 繼續發揮你對他的愛, 讓他盡快作出果斷的決擇.
我不明白亦十分痛恨這麼多人叫你離開他, 在茫茫人海當中找人個可以付託終生的人殊不容易, 離開了這個之後, 你一定能找到另一個十全十美的嗎? 你是否經得起那樣的磋跎??
我記得你講過你同奶奶的感情好好, 我覺得你應該找個機會慢慢同她談談, 我那時都有同奶奶講過, 但我同她說:"你一定不要穿煲, 要不然我們散梗了."於是她便有意無意地經常贊我這樣好, 那樣好, 跟著就說, 不會容許第二個女人叫她"奶奶", (我老公是獨子)這件事老公到今天亦不知道, 你看看是否可行.
別人的意見作個參考是無妨的, 最重要是忠於自已的心, 愛是必須包容及寬恕, 如果這一刻你的心告訴你不拾得離開他, 便要繼續忍耐, 給他體諒, 不要做自已將來會後悔的事.
珍重!

私人傳訊

fionshum

大宅

積分: 1382

124^#

發表於 04-11-1 12:12 |只看該作者

Re: 我好唔開心呀........

大話連編, 享齊人之褔的男人把口都好掂.
我敢肯定, 沒有言個女子也有第二個.
可能她本身不想做第三者, 可能是太單純被人 "tum".
像妳一樣. 不過她一定不慘, 她一開始就是這個地位.
而你就無緣無故失去了很多很多......
我不想看妳繼續做怨婦, o甘後生, 就此一生嗎 ?

私人傳訊

PION_HAPPY

洋房

積分: 43

125^#

發表於 04-11-1 17:28 |只看該作者

Re: 我好唔開心呀........

我過左個好唔開心既星期六, 日
星期六我下午打俾我老公, 問佢同唔同我食晚飯(其實我知佢通常星期六都同個女仔一齊), 佢開頭叫我係外家食or找朋友食, 我話唔得, 因為個個都唔得閒, 無人陪我, 後咪佢詰遲d覆我, 直至晚上7點我再打俾佢問佢點, 佢話同我一齊食, 但要遲小小番(因為要陪佢), 後咪佢8點幾終於打俾我, 約我出去食飯重同話已約埋我地個老友同我一齊去飲酒, 我有問佢個女仔係咪好唔開心, 佢叫我唔好提, 想今日同我係好開心咁過, 一直好好之際, 但唔開心既事始終發生, 係大約凌晨1點幾, 佢去左洗手間, 但點知我見佢由洗手間出黎後走左去後樓梯, 咁我咪跟住佢出去羅, 見到佢係度打俾個女仔, 我當時真係好嬲好嬲, 當場搶左佢個電話, 我個刻真係完全失控, 不斷係度哭, 我問佢重咩同我一齊都重要搵佢, 佢話成晚都係打左一次, 就係黎一次., 佢話擔心個女仔有事, 我當時即刻問佢, 我早兩個星期出去飲酒, 你一個電話都無打俾我, 但你依架打俾佢, 佢話個女仔都無開電話, 佢只係留言俾佢, 我同佢講既然你咁緊張個女仔, 你同佢一齊啦, 我同你離婚等你同佢一齊, 我叫佢俾我走, 佢點都唔肯, 我同佢係後樓梯到拉拉扯扯, 攪到手錶爛左, 手

私人傳訊

belindamok

洋房

積分: 161

126^#

發表於 04-11-1 18:06 |只看該作者

Re: 我好唔開心呀........

PION_HAPPY '

我最近都不是很開心,所以都無回應你,但見到你的留言,我真係唔知講乜好,點解你要覺得自己錯呢? 難道今時今日你連失控一下也不可以嗎? 這件事上你沒有錯,你只是錯在還愛你老公,只有等到你不再愛這個男人,你才可以自救
講心果句,你老公把口太叻,成日將d責任推係你身上,這種人係唔會覺得自己錯,所以即使今次就算你嬴左,至於將來你都唔好咁樂觀 ?-(

私人傳訊

DEVILY

男爵府

積分: 5301

127^#

發表於 04-11-1 18:14 |只看該作者

Re: 我好唔開心呀........

二女爭論一男的故事。
勝利的女孩最後才發現，
自己千辛萬苦去爭，可能只是為了啖氣。
她真的那麼愛那個男孩嗎？
其實不是，一切只是好勝心在作祟，
但好勝心令人累。
其實兩個女孩都輸了，男孩大獲全勝。
她們不明白，在感情關係裡，
沒有輸和贏，只有愛與不愛。

:-xhttp://hk.photos.yahoo.com/debby1292000 :oops: :oops: :oops: :oops:唔經唔覺我已經2歲啦........ :-) :-) :-)

私人傳訊

DEVILY

男爵府

積分: 5301

128^#

發表於 04-11-1 18:16 |只看該作者

Re: 我好唔開心呀........

仍然在發著惡夢有人搶去你
絕望到給你趕到感情的絕地
我不服氣　拿著兵器　沒有空放低兩手來抱緊你

從來沒發現我亦有權不愛你
大半生也提防著某君進攻爭奪你
到最尾我勝利　放低兵器
回頭望共對手都輸光了力氣　大概勝出的是你
是愛　讓女人一敗塗地

:-xhttp://hk.photos.yahoo.com/debby1292000 :oops: :oops: :oops: :oops:唔經唔覺我已經2歲啦........ :-) :-) :-)

私人傳訊

racar

子爵府

積分: 10379

129^#

發表於 04-11-1 21:27 |只看該作者

Re: 我好唔開心呀........

睇左咁耐,卒之忍唔住回應!
就算你幾愛你老公都好,你唔覺得愛得好辛苦咩!
你覺得同佢一齊開心咩?
同另一個女人一齊分你老公,你咁都忍得?
你明知你老公有第2個,又知佢地去街,點解你仲要等佢呀?
佢係尊重你,愛你既,就唔會做埋D咁不知所謂既事啦!

佢根本嚮到享緊齊人之福!
又嚮到扮可憐,扮辛苦,話唔知點揀,我覺得呢D人好不知所謂呀!
你仲嚮到等佢,真係傻!

私人傳訊

cowmosq

民房

積分: 5

130^#

發表於 04-11-1 22:38 |只看該作者

Re: 我好唔開心呀........

Whatever the final outcome, you need to expand yourself. Try something new, try to find a hobby, try to find something you like to do. Try to enjoy life

私人傳訊

小恐龍

別墅

積分: 687

131^#

發表於 04-11-1 22:47 |只看該作者

Re: 我好唔開心呀........

個男人真係咁值得你去等?? 你明知佢星期六要陪第二
個女人你都啞忍?? 老婆質問老公外遇時老公竟然講得
出話個老婆咁樣會令佢討厭?? 唔通男人去搵外遇就唔
討厭?? 點解你老公要同你講原本已經想同個女人講分
手、愛你六成愛佢四成等無為說話，口講無憑，講到天
花龍鳯都得架，佢跟本唔需要講咁多，行動最實際，得
把口講，只係想拖得就拖!!
其實你最好離開一下，返娘家住一排，唔一定要同老爺
奶奶講原因，你話你掛住媽媽想返去陪下媽媽，諸如此
類，朝見口晚見面，佢已成習慣，如果你真係想試試佢
係咪真係冇左你唔得，分開下真係會好d，分開左到時佢
會真係有時間思考下，唔使日日諗住點扼你，如果你一
走佢就好似放監咁由朝陪個女人陪到黑，咁你知點做.....
唔好意思，我咁多口，我明白針唔拮到肉唔知痛，但係都
唔想鼓勵你忍佢............... :-(

私人傳訊

Lavenda

等待驗證會員

積分: 187

132^#

發表於 04-11-1 23:33 |只看該作者

Re: 我好唔開心呀........

你老公簡直佔盡上風. 自己做錯野,
毫不知恥不特止, 仲要下下食住你,
要你表現岩佢心意, 反客為主威脅你.

你話俾個女人入宮, 大既一三五, 細既二四六,
星期日就猜情尋, 咁佢就唔討厭你, 錫晒你啦.

如果佢真係要同個女人攤牌, 就唔會表現得咁鬼鼠啦.
佢話如果唔係你約佢食飯佢已經講左?
咁既大話你都信? 佢將個責任推左落你度,
你又甘心背起呢個令佢"攤牌不遂"既罪名?

如果你真係有心走, 唔使同佢講俾你走既,
你趁佢返左工, 執晒野走係飛機度訓醒幾覺佢都未放工啦.
明眼人都知你唔係想走啦. 佢唔食住你? 定過抬油啦.

男人有好多種, 人地個男人識得返轉頭, 有好多原因,
你果個係咪呢種, 我諗呢度好多人都睇得出.
你而家鍾意聽好說話, 個個都明,
不過呢d好說話會唔會令你既false hope更大,
最後承受既打擊更大, 你自己衡量.

妻不如妾, 妾不如偷, 偷不如偷不到.
呢d就係男人既心態, 明未?
有腰骨既咪一單還一單囉.
條腰骨個良心

私人傳訊

ROSANNA

洋房

積分: 53

133^#

發表於 04-11-1 23:42 |只看該作者

Re: 我好唔開心呀........

小恐龍寫道:
個男人真係咁值得你去等?? 你明知佢星期六要陪第二
個女人你都啞忍?? 老婆質問老公外遇時老公竟然講得
出話個老婆咁樣會令佢討厭?? 唔通男人去搵外遇就唔
討厭?? 點解你老公要同你講原本已經想同個女人講分
手、愛你六成愛佢四成等無為說話，口講無憑，講到天
花龍鳯都得架，佢跟本唔需要講咁多，行動最實際，得
把口講，只係想拖得就拖!!
其實你最好離開一下，返娘家住一排，唔一定要同老爺
奶奶講原因，你話你掛住媽媽想返去陪下媽媽，諸如此
類，朝見口晚見面，佢已成習慣，如果你真係想試試佢
係咪真係冇左你唔得，分開下真係會好d，分開左到時佢
會真係有時間思考下，唔使日日諗住點扼你，如果你一
走佢就好似放監咁由朝陪個女人陪到黑，咁你知點做.....
唔好意思，我咁多口，我明白針唔拮到肉唔知痛，但係都
唔想鼓勵你忍佢............... :-(

你真的要考慮小恐龍的說話, 你老公已經好lo吾比面你, 你再咁落去你連小小尊嚴都無, 暫時分開的確唯一辦法, 我都係咁叫o左我個死佬暫時離開我, 起初我都o吾好受, 但係總好過比佢享齊人之福, 你會屈死o架, 比d時間大家,睇下再落去佢會點做啦........尊嚴好緊要, 佢而家跟本就睇死你, 點解要比晒個話事權佢喎? :evil: :evil:

私人傳訊

yokieric

別墅

積分: 778

134^#

發表於 04-11-2 00:01 |只看該作者

Re: 我好唔開心呀........

我真係好頂唔順要講, Winnie_C個老公唔係你老公, 唔係個個去滾o既男人都識得改邪歸正, 你老公好明顯係一個超級拖泥帶水o既人, 如果你忍落去, 你知唔知係邊個控制你命運? 唔係你自己, 唔係你老公, 係個狐狸精呀, 你甘心嗎? 以你老公咁拖泥帶水, 個女人一日唔放手, 佢都唔會唔同個女人一齊, 我唔係講風涼說話, 我曾經經歷過同你一模一樣o既事, 個男人一樣係拖泥帶水, 我一樣忍, 我比你忍得更利害, 我千方百計為呢個男人, 認為自己好愛佢, 佢同你老公講o既野差唔多, 又係話知我好又係擺個苦情樣出黎, 我好明白你心情, 我知你好難受, 你放唔低亦唔甘心, 亦唔會勸得聽, 同我當年一樣, 我只係想話俾你知, 我當年好痛苦咁忍左4年, 到最後係個女仔放棄佢先唔再拖, 因為冇得拖, 但一段時間之後, 佢又有第二個出現, 不過今次我已經冇力再忍, 我好慶幸佢咁快遇到第二個, 唔係等到我人老珠黃時先遇到, 因為離開佢之後我好快遇到一個好愛我o既男人, 但有一樣野好好笑, 就係佢知我有另一個男人之後, 佢成日以朋友身份打俾我, 仲俾我發現佢係瞞住佢現任女友打黎, 佢仲好想同我拖拖拉拉咁, 我好似變左佢同佢女友o既第三者, 呢種男人係冇得救, 如果你地有緣, 佢點解會有第二個? 考驗嗎? 係冇考驗的, 只有忠誠, 有忠誠先係有緣有愛, 愛係開心的, 我宜家有愛所以好開心, 我有愛因為我同老公都忠於對方, 有忠誠才有包容, 希望你明白

私人傳訊

小美人

禁止訪問

積分: 2437

135^#

發表於 04-11-2 00:13 |只看該作者

Re: 我好唔開心呀........

提示: 作者被禁止或刪除內容自動屏蔽

私人傳訊

Maksin

大宅

積分: 4887

136^#

發表於 04-11-2 11:41 |只看該作者

Re: 我好唔開心呀........

Pion_Happy :

本來想對你o既事作出意見, 但我睇你都會選擇繼續"忍"及"等"下去, 不過希望你用心再去諗諗自己可以用"幾多年"時間去"忍 & 等"...

另外, 亦希望你再去睇睇 yokieric & Lavenda o既意見, 其實佢地唔係一咪想鼓勵你地離婚, 只係你o既情況真的唔樂觀.

祝你好運 !!!

私人傳訊

哈哈

複式洋房

積分: 134

137^#

發表於 04-11-2 11:50 |只看該作者

Re: 我好唔開心呀........

你咁0既CASE其實都睇唔少(有親戚, 有朋友), d男人自己出去攪三攪四, 仲要講得自己有幾身不由己, 老婆仲要迫佢, 自己幾咁可憐, 將d責任推得一乾二淨. 我覺得佢地咁做係因為咁會好有滿足感, 覺得自己有好大吸引力, 有兩個女人為佢要生要死, 十足情聖咁, 一句講哂, 英雄感作崇!

好老實講, 係全部呢D case裏面, 所有的老婆都曾喊哂顛哂, 但d男人都係依舊周旋係兩個女人之間, 因為其實佢地係好enjoy呢個過程, 全部都係到最後尾d女人心死, 堅決離開, d男人先會返回現實, 當然現實裏有選擇舊愛, 有選擇新歡.但點都好都算係一個解決, 總比拖泥帶水好. 所以容許我大膽講, 你等佢去選擇, 佢只會為自己不斷再搵籍口, 継續維持呢家咁0既情況, 無了期咁拖落去!

PION_HAPPY, 必須緊記唔可以讓自己長時間活在痛苦中, 不要讓人牽住自己走, 你自己的路要你自己決定, 不要依賴他人,就算你決定要他選擇, 你都要自己定下限期, 可接受程度, 唔好任由擺佈, 痛苦的最終只有你自己, 唔識得作決定時, 可諗下邊個決定會令自己日後可以開開心心的過子, 那個就是答案!

[size=large]緊記必須堅強, 自己的一生係由自己掌握的!

私人傳訊

已刪除用戶

已刪除用户

積分: 46481

138^#

發表於 04-11-2 12:35 |只看該作者

Re: 我好唔開心呀........

提示: 作者被禁止或刪除內容自動屏蔽

私人傳訊

Winnie_C

男爵府

積分: 7177

139^#

發表於 04-11-2 13:29 |只看該作者

Re: 我好唔開心呀........

HAPPY：
你真是一個令人心疼的女孩，你用不著責備自已，那些事亦在我的身上發生過，就算是多麼冷靜的人，總會有一個機關會被觸怒，任誰也控制不來。回想那個階段，我亦瘋過、鬧過，有一次他幾乎要搬出去，也是因為我太過捕風捉影而令他生厭，人誰無過呢？我相信他亦會明白你原本不是這樣的人，你今天所做的一切都是他迫出來的。
你可以試下讓他慢慢疏遠外面的女人，例如，每天放工要在一個指定的時間回家；星期六七點前他做什麼你可以不過問；回到家便要將那個女人抛諸腦後，除了上述的時間，他必須交一個向你求婚時的那個他給你……
我知道這個時候叫你約朋友，找些自已的興趣都是多餘的，因為跟本沒那個心情，你可以試下獨自一人時將自已的心情寫下來交給他，讓他知道他在外面風流快活時，你需要承受多大的痛苦。
同時你亦可以質問他：為什麼為了一個只愛40%的人而傷害一個愛60%的。提醒他誰才更值得他的重視。
我亦試過明知他在外面約會而苦腦，但我比較亞Q，我會想很多很多我們曾經開心過的片段，我會為自已慶幸，我是他唯一專心熱愛的女人，因為我是他的第一個女朋友。

Yokieric：
我相信你是比較幸運的一個，可以找到一個真正愛鍚你的人，這是可遇不可求的，你同意嗎？
我認識一位朋友，他跟跟第三者結了婚，我們都覺得他的前妻比較愛他，但他仍然十分維護太太，百般遷就她，有一次他太太又發脾氣，我實在忍不住問他：“有沒有掛念前妻。”他答我：“沒有。”我罵他沒有良心，活該受氣，他說：“對，這是我自已攞黎的，經歷過一次(婚變)已經元氣大傷，如果再想我會癲的，倒不如做些更有趣的事。”當我發生事的時候，我常常想起他的這番話，我想，與其再找一個，倒不如給他一個機會，所以我常對自已說：“過得了這一關，以後他會更加疼惜我。”
好不容易愛上一個人，我是無論如何亦不會輕言放棄的，因為我知道我沒有辦法記他，我不能帶著他的影子去愛另一個人。

要感激伴侶的缺點！不然他/她不會跟你在一起。