青青河邊草 發表於 20-6-30 09:16 
無錯，大陸都唔係個個演員合格。
開呢套之前開過《民國奇探》，男主係啲小鮮肉，唔掂，睇左幾集覺得幾個演 ...
唔出奇，胡一天同張雲龍兩個樣係幾得，但演技就。。。
大陸演員就算科班出身，古裝劇係需要更多內在氣質同做功課/練習，點講台辭、點行路、手放邊、點坐都係要考究過，如果故事有朝代背景就更要做功課，所以有時睇古裝劇見到某D演員顯得好突兀就係因為佢地嘅表現太現代。就算時裝劇都係，每個小動作眼神都會令到個角色感覺唔同。
講開撐遠少少，早兩日見到有個youtuber分析經典台劇命中注定我愛你同新陸劇你是我的命中注定，由選角同劇情比較兩套劇，講咗點解會覺得始終台劇果套係經典：第一。男女主都演得唔太好，邢昭林同梁潔好有CP感，但劇入面最初唔應該太有CP感，因為女主最初係非常非常唔起眼、平常過平常嘅小透明，陳喬恩最初個扮相係好老套，衫到髮型到動作都係一個自卑、冇自信嘅老好人，最初嘅陳欣怡係成日卑躬屈膝，背腰永遠挺唔直，到大變身成為美女果陣好明顯係靚咗好多，後來佢出走外國續漸變得有自信，成個人嘅氣質都唔同晒，唔只外觀打扮，而係小動作，令到佢成個人有前後變化。梁潔就唔同，住入王家已經見到變化，而且一直都覺得佢果種自卑本性唔係好夠，而且變靚前後變化唔太明顯。
角色塑造都敗筆，陳欣怡係一直唔想破壞紀存希同安娜，但陳嘉欣好快就想一直留喺王家，口口聲聲對唔住，但根本就係想取代安娜。
兩套劇比較，雖然台版已經係好多年前，衣著而家睇係老套咗，但劇情舖排合理好多，角色嘅變化自然，新劇我睇到後來係跳住睇，中間嘅邏輯好有問題，睇完全劇，王析翊根本就係渣男，佢明明話好愛石安娜，但居然前後兩三個月就移情別戀，咁過去幾年感情算咩？佢同陳嘉欣意外上床唔似台版男女主咁真係意外（被陷害嘅意外，男女主係真係可以講冇責任），佢地自己要負責，去到女二石安娜，台版白歆惠係受害者，雖然佢後來使詐，但成件事佢都好受傷，我睇時都幾同情佢，但陸版安娜完全被安排成心腸壞耍心機，將男女主嘅背叛合理化。
故事改編固然有好大問題，幾個演員嘅表現都有好多缺點，淨係車禍落大雨後去到醫院，邢昭林套西裝完完整整，頭髮面容完全唔似剛剛被大雨淋濕，梁潔被車撞完流產準備做手術，瞓喺病床度唔覺好虛弱，聲依然有，力依然大，呢D細節睇落好令人出戲。
花旗太太生活在花旗國，留意時差，你問我未必即時答到。
發表於 
返回列表
