吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 不是遊記~~ 兩老阪京奈神遊14天 (完)

親子旅遊今日: 0|主題: 161896

收藏本版

發帖

返回列表

跳至頁

樓主: buklaylay

[日本] 不是遊記~~ 兩老阪京奈神遊14天 (完) [複製鏈接]

4 5 678

buklaylay

珍珠宮

積分: 32578

2024年龍年勳章牛年勳章

121^#

發表於 24-1-16 21:44 |只看該作者

回覆樓主：

本帖最後由 buklaylay 於 24-1-19 22:20 編輯

15/12 (Fri) Day 7 京都

伏見稻荷大社

鳥居... 傳說係連接神界，同俗界間嘅結界。踏入鳥居，就代表入咗神域！一座神社，唔單止得一座鳥居，有一の鳥居、二の鳥居、三の鳥居... 咁伏見稻荷神社...？

大鑊~ 數千本鳥居，數到暈... 佢嘅紅色隧道，亦靚到暈！

兩條老野去到，嚇一嚇！唔驚~ 唔係嗰味野... 最嚇人之境，係人山人海遊客！

舊年黎過，今次再encore，由本殿沿稻荷山直上，嘩~ 強迫症嘅福音，鳥居排得咁整齊，好治癒！一望無際嘅鳥居，就係為咗呢個震撼 view！

善信為神社奉納鳥居越多，以後打卡越幸福！

要幾耐先捕捉到，冇咩人嘅寫真... Err~ 唔話你知，自己去試吓！

(待續)
attach0/tmp/php5HcrLp

私人傳訊

buklaylay

珍珠宮

積分: 32578

2024年龍年勳章牛年勳章

122^#

發表於 24-1-17 21:15 |只看該作者

回覆樓主：

本帖最後由 buklaylay 於 24-1-19 22:23 編輯

15/12 (Fri) Day 7 京都

光明院~ 虹の苔寺

諗住去東福寺，但就黎閂門，無謂阻人收工，轉軚到光明院！

老實，冇諗過到此一遊，對虹の苔寺，零了解！

入去每人500円，自動波揞荷包，攝$入竹筒。嗱~ 冇人理架，唔俾嘅，天知、地知、嗰d人扮唔知... (我地有自律)！

門口參道~ 雲嶺庭
由枯山水庭園名人，重森三玲打造！Err~ 原來大有來頭，犀利！

方丈庭園~ 波心庭
又係重森三玲大師！似乎庭園一砂一石一草，任何角落，有深不可測嘅學問... 我地d粗人，膚淺咁覺得靚，真心欣賞！

繩圓窗~ 吉野窗
象徵升起嘅月亮... 嘩~ 咁禪嘅！

都係坐定定係度，乜都唔駛諗... 好好沉澱，放鬆自己！

(待續)
attach0/tmp/phpwDiUwE

私人傳訊

buklaylay

珍珠宮

積分: 32578

2024年龍年勳章牛年勳章

123^#

發表於 24-1-18 21:24 |只看該作者

回覆樓主：

本帖最後由 buklaylay 於 24-1-19 22:24 編輯

15/12 (Fri) Day 7 晚餐

KURA くら寿司

くら寿司~ 7大零接觸賣點，安心零交流，回転寿司無人化。

而家個個掙住認社恐，連影相都有「社恐寫真法」... KURA絕對有優勢，有market！

社恐朋友食寿司，零焦慮，唔再惡夢，享受自閉空間... 我真係恭喜佢地呀！

門口撳飛仔
等入座番号
醒水行埋位
玄米茶山葵自己搞
平板輕觸式落柯打
輸送帶將寿司速遞
寿司吉碟入「返却口」
埋單找數唔經人手

偶爾見職員做清潔，放心~ 大家抱住「你睇我唔到」宗旨，冇人知你去過！除非嗌500件花の戀，咁就穿煲~ 一定係王苑之，帶埋保濟丸黎踩場！

くら寿司算抵，係兩老太擦得，要隊碗烏冬先罷手... 食咗7202円！

(待續)
attach0/tmp/phpIavTuD

私人傳訊

buklaylay

珍珠宮

積分: 32578

2024年龍年勳章牛年勳章

124^#

發表於 24-1-19 22:18 |只看該作者

回覆樓主：

本帖最後由 buklaylay 於 24-1-19 22:25 編輯

16/12 (Sat) Day 8 離開京都前篇

逗留京都5晚，屎詩式長篇行程，交完貨就算！今日，離開京都... 咪「好野」住，未走得，攞車前睇景點，攝吓時間！

京都文化博物館
顧名思義，介紹京都歴史文化... (下删百餘字)

紅磚別館，原本舊日本銀行京都分行。有衝動，想打却... 唔係，係打刧... 噢~ 錯晒d字，係打簿，拎本冇$嘅紅簿仔出黎！

本館1階，江戶末期京の町家，感受老街購物樂！

六角堂
路過辦公街，入去昅昅。用紙條綁喺柳樹，結人緣好得。哎呀！錯過咗...

到日產攞車，check花痕 (架車行咗十萬公里)，如果唔係去天橋立嗰架，係極全新車 (千零公里)，以為歧視老人... 哈哈！

上車，出發！

(待續)
attach0/tmp/phpqyFyjg

私人傳訊

buklaylay

珍珠宮

積分: 32578

2024年龍年勳章牛年勳章

125^#

發表於 24-1-20 22:24 |只看該作者

回覆樓主：

本帖最後由 buklaylay 於 24-1-20 22:27 編輯

16/12 (Sat) Day 8 琵琶湖白鬚神社

離開京都，到琵琶湖。昆昆地話白鬚神社，但水中鳥居，至係主角！

「嘩~ 水中鳥居呀」
等等~ 咪衝出去過馬路，死人架！
「咁點算？」
嗱~ 有藍湖白鬚台，上去影心頭好靚景(是日落雨灰濛濛)！

唔駛多謝我，感謝扶輪社捐$，起觀景台。初時唔理解，琵琶湖郊區，神社出面係黑點，過馬路被撞傷/死悲劇？！

黎到總算見識，車來車往嘅威力。記住~ 生命冇take2，小心每一步！

睇夠水中鳥居冇？
「未去白鬚神社喎」

太細... 加上大風微雨又凍，感覺淒慘。有間似日劇入面，家庭式食堂，吔碗熱辣辣湯麵。正過排隊名物，老蘭拉麵啩？(冇食過，係神座の友)！

(待續)
attach0/tmp/phpUXG84B

私人傳訊

buklaylay

珍珠宮

積分: 32578

2024年龍年勳章牛年勳章

126^#

發表於 24-1-21 20:25 |只看該作者

回覆樓主:

16/12 (Sat) Day 8 琵琶湖浮御堂

浮御堂，大跌眼鏡...

喂喂喂~ 咪走住，我未講完！係冇諗過，湖中浮堂景観，靚到dum一聲... 煙雨淒迷，昏暗橋頭，佛堂似夢幻般飄近，好得！

鬼咩~ 浮御堂有近江八景「堅田落雁」名聲，係琵琶湖嘅「紅牌寺院」。

湖畔一座佛堂，望落浮喺湖中央...(咳) 今日狀態唔得，差咗少少，似兩條老野嘅荷包~ 冇水，乾晒塘咁滯！

但完全演繹，尋尋覓覓冷冷清清悽悽慘慘戚戚，嗰種淒涼悲慘詩意。又有黛玉葬花，嗰種淒美離愁嘅變態... sorry！係美態，呢種詩意，可遇不可求呀！謀殺唔少菲林。

浮御堂有另一個好靚嘅名~ 満月寺。唔知你地下次黎，寺院呈現乜野美景？

(待續)
attach0/tmp/phpvagemg

私人傳訊

buklaylay

珍珠宮

積分: 32578

2024年龍年勳章牛年勳章

127^#

發表於 24-1-22 20:34 |只看該作者

回覆樓主:

16/12 (Sat) Day 8 琵琶湖

雄琴溫泉緑水亭

冇辦法，溫泉旅館太多野要分享...
分兩部出~

第一部優雅和洋室
第二部溫泉大浴場

緑水二字，可能諗起，工人姐姐叫你，用XX拖地？於我而言，緑水亭，一字記之曰~ 嘩。

嘩~ 間房咁大嘅
嘩~ 半露天風呂咁展望嘅
嘩~ 琵琶湖咁靚嘅
基本上，見親乜野，前面加「嘩」，實中！

住501房，呢幢5階嘅房，全部係優雅室。

房超大，有2張雙人床，啱晒情侶夫婦。趟櫃入面，有8套榻榻米，成村人入住，都仲得！一家大細黎到，細路反僕喱喱(我個名呀)，熱鬧到呢！

一排玻璃窗，由露台、溫泉、浴室，無遮無擋見琵琶湖，正到暈... 我冇野補充，歎吓世界先！
attach0/tmp/phpvZ6cFo

私人傳訊

buklaylay

珍珠宮

積分: 32578

2024年龍年勳章牛年勳章

128^#

發表於 24-1-22 20:36 |只看該作者

回覆樓主:

第二部溫泉大浴場

我發誓，晨咁早入去澡堂，嗌極都冇人，先影相！

緑水亭嘅雄琴溫泉，譽為美肌之湯，係高鹼性溫泉，含礦物質，聽講泡完湯，肌膚滑一滑... (C6皮膚粗，浸極都唔明顯；我唔浸溫泉，冇用後心得)

大浴場由旅館1階通過去，分御婦人(女湯)，同殿方(男湯)。浸完有休息室抖抖，咖啡果汁雪條，隨便攞！

水鏡の中庭，有手湯，足湯 .. 冇時間去浸勁野，手手腳腳沾吓溫泉水，好過冇。

公眾浴池通宵開放，幾時落去浸都得... 不過，之不過，之但係，緑水亭十點退房，4點先攞房。唔好噏咁多，入去享受吓！

(待續)
attach0/tmp/phpAbMMfe

私人傳訊

buklaylay

珍珠宮

積分: 32578

2024年龍年勳章牛年勳章

129^#

發表於 24-1-23 22:42 |只看該作者

回覆樓主：

本帖最後由 buklaylay 於 24-1-23 22:52 編輯

16/12 (Sat) Day 8 一泊二食

緑水亭風の音

KAZENONE夕食朝食好得，分兩part出~

第一部夕食懷石料理近江牛
第二部朝食自助餐燒魚

緑水亭，最perfect係一泊二食，多d時間lay喺旅館，歎溫泉。唔訂晚餐，幾難搞，附近冇乜野食。

Check in揀定早晚餐時段。一夠鐘，上2階，fing一fing房鎖匙號碼，搞掂！風の音安排晒座位，凳都未坐暖，就開餐。

12月「師走膳」，喻意送舊年，迎新歲。(家下1月，應該可能有機會「睦月膳」... 正月揭開新一年嘛！)

會席料理有d乜？(字數有限，下删幾十字)

有一味一定要提~ A4以上「近江牛」。我唔食牛，4塊一見發財咁長嘅近江牛，C6一人獨吞... 肉質細嫩，見到都流口水！
attach0/tmp/phpDGEoWR

點評

Skytree1000

發表於 24-2-16 09:22

私人傳訊

buklaylay

珍珠宮

積分: 32578

2024年龍年勳章牛年勳章

130^#

發表於 24-1-23 22:44 |只看該作者

回覆樓主：

本帖最後由 buklaylay 於 24-1-23 22:49 編輯

第二部朝食自助餐燒魚

有冇搞錯，離晒譜~ 我唔係鬧人，讚緊緑水亭個早餐呀！自助餐形式，任食... 仲有得燒魚！

坐喺窗邊，欣賞日出湖靚景，食住香噴噴燒魚... 成件事變得好幸福！

有冇留意我衰咗？Shhhh~ 靜靜話你知，我唔覺意，做咗行走嘅活C人...！我件浴衣搭錯咗~ 右搭左... 食食吓突然醒起，浴衣變壽衣... 晨早流流大吉利是！將件外套遮遮掩掩，咋咋啼啼拉到上頸喉位！

(待續)
attach0/tmp/php4gvnzq

私人傳訊

buklaylay

珍珠宮

積分: 32578

2024年龍年勳章牛年勳章

131^#

發表於 24-1-26 00:15 |只看該作者

回覆樓主:

17/12 (Sun) Day 9 宇治平等院

平等院好犀利，列入世界文化遺產，仲一(鳳凰)堂兩傑！

正所謂，飛上枝頭變鳳凰... 嫁人係二次投胎，成功好機會。但鳳凰堂，有麝自然香，名正言順坐正！

攞張一萬円，望吓背面... Eee~ 好熟口面！係阿彌陀堂，屋頂隻鳳凰！

嗱~ 再拎10円出黎，成個鳳凰堂喺你手！冇呃人，十円硬幣雕咗鳳凰堂㗎。

日本都市傳說：
10円雕嘅鳳凰堂，正門閂埋。不過，有... d... 係... 開... 住... 度... 門...
(唔驚，花紋磨蝕咗咋)

照咁睇，鳳凰堂大有來頭！影多幾張，叨吓光！

今集講到呢度，又收工！
「等等~ 平等院未介紹喎？」

引用平等院字句：
欲知極樂，當去拜宇治御寺...

(待續)
attach0/tmp/php0CJbDR

私人傳訊

buklaylay

珍珠宮

積分: 32578

2024年龍年勳章牛年勳章

132^#

發表於 24-1-26 22:39 |只看該作者

回覆樓主:

17/12 (Sun) Day 9 奈良初到鹿境

千辛萬苦，終於踩入「鹿」嘅世界！

鹿係神嘅使者，long long time ago 已經住喺奈良，原居民，絕對係陀地！(我明白)

星期日，遊客迫去奈良公園，一睹鹿采，搞到周圍封路，唔俾車入公園範圍... (我都明)

但問題係... 兩老入住嘅酒店，喺公園附近... 一波三折，警察最終放行，俾我地駛入！

第一波：
路口封咗，唔俾右轉，同警察解釋，要去酒店
「Ok」

第二波：
路口封咗，唔俾右轉，同肥警察解釋，要去酒店
「I don't know」
「I don't know」
「I don't know」
重要嘅野講3次 (日本人都興？)
佢「No」完後，我地要「you 諗 you 」

第三波：
路口封咗，唔俾直行，同警察解釋，要去酒店
「Ok」
遇到熱心警察，俾我地揸車入去，仲喺佢手機，幫忙搵去酒店嘅路

順利抵達 MIROKU！Yeah~ 未 check 得 in，我地泊好車，放低行李喺酒店，去附近搵食。

KAYA Café~ 咖哩蛋包飯+豆腐提拉米蘇 TOFU TIRAMISA

後記：
原來有祭祀活動，封晒所有可以到酒店 (公園範圍) 嘅路....
C6話，塞車塞到厭世！

(待續)
attach0/tmp/php3Gu3Ea

私人傳訊

buklaylay

珍珠宮

積分: 32578

2024年龍年勳章牛年勳章

133^#

發表於 24-1-28 21:41 |只看該作者

回覆樓主:

17/12 (Sun) Day 9

MIROKU 奈良 by THE SHARE HOTELS

分兩集出：
第一部 The Roots of Nara
第二部 CAFE & BAR MIROKU TERRACE

MIROKU 喺奈良公園荒池側邊，見到世界遺產~ 興福寺五重塔，春日山林，若草山。酒店名~ MI(美)ROKU(麓鹿)... 好明顯設計理念，係同自然環境，友善共存！

到奈良，梗係要追星~ 小鹿！如果住嘅酒店，望出窗外「Oh deer」... 鹿群神出鬼沒。MIROKU 某d房，俾到驚喜你！

但sorry！我地住地下室，景觀係石頭...？

地下室有5間房(全爆滿)，同2~4階d房，風格唔同。係另一設計公司，用奈良吉野杉木，戙喺房；窗外用飛鳥石，營造吉野原始林... 酒店門口，有幾碌杉+成地沙池，都係佢地傑作！

地下室有住客專用茶水間，洗衣房... 當然又有飛鳥石裝飾！

本來喺阿goda訂 Standard Queen (17m2)，後來見官網介紹，得5間嘅 The Roots of Nara (35m2)，好吸引。所以取消，直接同酒店訂，價錢仲平d！

後記：
2024年1月8日開始，酒店取消免費停車位
attach0/tmp/phpuZJ59a

私人傳訊

buklaylay

珍珠宮

積分: 32578

2024年龍年勳章牛年勳章

134^#

發表於 24-1-28 21:43 |只看該作者

回覆樓主:

17/12 (Sun) Day 9

MIROKU 奈良 by THE SHARE HOTELS

第二部 CAFE & BAR MIROKU TERRACE

酒店設計咁花心思，CAFE & BAR 亦一絲不苟，請咗奈良咖啡名店~ Kuruminoki (るみの木)，負責監修菜式。

由和/洋朝食，下午茶輕食，到黃昏 Cocotail，都係用奈良本土食材。

餐廳叫得 TERRACE，一定有d野... 室外露台位對正荒池斜坡草地，有機會食食吓，d鹿出黎同你打招呼，講早晨！可惜，呢朝太早，氣溫又得0度，所以冇佢地蹤影。

兩老揀室內... 唔想食西北風！朝食有和洋兩款，我地唔食好「西」，要日式。

味道唔錯，係份量唔多夠... 之前餐餐自助，食大咗個胃；而且呢度d餸「菜」，有d我唔喜...

和食料理：
自家製玉子
奈良蒟蒻
自家製大根奈良漬，梅干
芝麻牛蒡菠菜
味噌湯
蒸野菜
白飯

(待續)
attach0/tmp/phpD4xOTI

私人傳訊

buklaylay

珍珠宮

積分: 32578

2024年龍年勳章牛年勳章

135^#

發表於 24-1-29 22:18 |只看該作者

回覆樓主:

17/12 (Sun) Day 9 奈良興福寺日繽紛

酒店攞完房，可以開始行程。MIROKU 幾近興福寺，我地索性唔揸車，行去奈良公園，昅吓世界遺產有乜野睇。

差唔多4點，兩條老野計過條數，俾$入場參觀唔化算(臨近閉館)... 附近行吓就算！

撞正五重塔，修理事件進行中... 冇辦法，見有街邊小檔，趁吓熱鬧先！

呢個奈良「日繽紛」，應該同香港日夜都繽紛，差唔多...啩？

奈良掃街，係咬吓鯛魚燒，食吓章魚燒... 所以我理解香港乜繽紛，都係篤吓咖哩魚蛋，拮吓魚肉燒賣，揀吓煎釀三寶，呢幾尾地道港式小食！

跟住d人群，唔覺意去到近鐵奈良駅... 我地又唔覺意發現~ 晚餐冇乜選擇！d食肆，一係開始打烊，一係準備中，點辦好？

買定平宗柿の葉寿司... 大不了返酒店食！

(待續)
attach0/tmp/phpUGeBzu

私人傳訊

buklaylay

珍珠宮

積分: 32578

2024年龍年勳章牛年勳章

136^#

發表於 24-1-31 00:18 |只看該作者

回覆樓主:

17/12 (Sun) Day 9 大衆酒場×串揚げ奈良ism

奈良搵食好艱難！！

下晝5點啫，成條街d舖，好似約埋收工咁，冇晒人！再唔係就掛「準備中」，望入去黑忟忟，唔知係執咗笠，定未開門。

揀咗唔係心水之選~ 奈良 ism，即係 Nara 主義？！是但啦，好又一餐，唔好又一餐。

兩條老野坐低，仲揭緊 menu，有個伙記擺低，一鍋㷫烚烚嘅野？我地六目交投... 短短2秒，佢好似明我地想問「未注文喎」，跟住佢抛低一個「charge」字，走咗！我地昅到，檯檯有份，永不落空，明哂... 係蜆湯！

居酒居冇乜選擇，求其嗌d野食咋~ 刺身好唔搞，但豆腐沙律，冬烏，炒飯，炆牛肉都 ok。

好彩有平宗柿の葉寿司，返到 MIROKU 食咗一盒... 另1盒，隔阻兩日，到姬路城先ko埋！

(待續)
attach0/tmp/phpbsHSzW

私人傳訊

buklaylay

珍珠宮

積分: 32578

2024年龍年勳章牛年勳章

137^#

發表於 24-2-1 21:23 |只看該作者

回覆樓主：

本帖最後由 buklaylay 於 24-2-1 21:28 編輯

18/12 (Mon) Day 10 奈良鹿公園

MIROKU 同緑水亭一樣，十點 check out。嗱嗱淋朝食後，鬆人！2點前，架車泊喺酒店車位。(而家取消咗免費泊車，冇呢支歌仔唱嘞)

入屋叫人入廟拜神，到奈良，梗係同鹿仔 say 個 Hi 先莎喲娜啦！

直踩去奈良公園，話口未完，喺公園入口，老遠已經見一群群，分黨分派咁，霸地盤。

呢班春日大社，神明嘅使者，係要小心呵護嘅。兩老靜靜雞走近，搵鹿做佈景板打卡... Err~ 其實人係茄喱啡，佢地先主角！

奈良鹿俾人背後講壞話~ 用煎餅(鹿せんべい) 餵鹿，會一窩蜂，衝埋黎攞著數？又話佢地曳，搶野食... 連告示牌都篤4宗罪：鹿會撞人，踢人，咬人，頂... 人？

但係，見d人餵鹿，鹿仔唔搶唔爭，與世無爭咁？！分唔到餅仔，冇話發脾氣喎？！點解嘅？

「星期日俾人餵飽晒，仲未落格啫」

哈哈~ 有呢個可能！

不過，我要篤背脊~ 佢地好衰，隻隻趙完鬆... d人餵完餅，想摸吓，佢地縮開喎？！

返酒店之前，遇到1隻出於爛泥而不染~ 喺「市中心」單拖賣萌！仲要附近有便利店... 有鹿餅賣呀！(叻仔，知訂)

佢任模唔嬲，冇俾甜頭，佢都ok！果然係世界仔，醒目！

「可能係乸，雌性呢？」

No~ no~ no~ 應該係仔！隻鹿鍾意用頭，揭日本女仔短裙底 ... 仲幾次添！

(待續)
attach0/tmp/php8Zi1C2

私人傳訊

buklaylay

珍珠宮

積分: 32578

2024年龍年勳章牛年勳章

138^#

發表於 24-2-3 00:14 |只看該作者

回覆樓主:

18/12 (Mon) Day 10 奈良晨跑篇

(今集冇乜野介紹，唔好靴我)

好天跑步，落雨跑步
心情好跑步，心情唔好跑步
唔夠瞓跑步，經濟低迷~ 就去跑山
跑步、跑步、跑步...

老人家有d唚氣，我唔係第一次提及，C6熱愛喪跑~ 晨跑﹑中午跑﹑黃昏跑﹑深夜跑！

今日離開奈良，去神戶，以為佢唔反呢家野添！點知一早流流，佢腳痕~ 唔係香港腳發作，係深癮... 唔跑唔舒服！

我梗係唔陪佢癲... 正所謂：阿婆走得快，一定有古怪... 都係留喺暖笠笠酒店房，食住花生，同佢講聲「加油」！

佢沿著猿澤池(奈良日繽紛嗰度)跑，又去公園搵d鹿，總言之，見路就跑。

氣溫得0度，路人甲乙丙，可能覺得呢條友傻架！

(待續)
attach0/tmp/phpz7Z4FY

私人傳訊

buklaylay

珍珠宮

積分: 32578

2024年龍年勳章牛年勳章

139^#

發表於 24-2-5 00:27 |只看該作者

回覆樓主:

18/12 (Mon) Day 10 神戶

KPM (Kobe Port Museum)
神戶港灣博物館

今集，帶住矛盾黎到神戶~
神戶有牛、有港、有塔，仲有勝利船... (咳~)

(Music~)
「Miami這天星影串串
Brochure說今天的「斯」采媲美秩天
報了數天版幅百遍
Fan屎心聲附加祝福信箋寫滿
... ... ... ... ... ... ...
多麼多麼的好興
多麼多麼的昆你
快落人共並肩」

今天應該很高興~ 特別係銅鑼灣... (又咳~) 維園年宵花市，今日開鑼嘛！斷估冇痛苦，係咪好多人著喜慶顏色，例如：紅，粉紅嗰d？！不過粉紅色，尋日著幾威水，今日變咗掠水... (連咳兩聲~)

入返正題，我地到神戸みなと温泉蓮，1點幾咋，未攞得房。擺低行李喺酒店，泊埋車(每日1千円)，近近地過對面「商場」搵食！

Kobe Port Museum 好新，1階美食廣場~ Tooth Mart Food Hall & Nightfes。

樓上有藝術型水族館~ 「átoa」Aquarium x Art。我地冇入場，喺紀念品店行吓摸吓，周圍無無聊聊吓！

(待續)
attach0/tmp/phphYagsj