想生BB 今日: 6 | 主題: 109563

積分: 469

121^#

發表於 24-6-6 12:54 |只看該作者

Mmmoniee 發表於 24-6-6 10:25
請問你知唔知你內膜食藥前係幾多?

食14再加7，咁咪過晒移植時間？

唔知，不過我有問，正常到排卵期時間應該有0.8，之後就逐漸厚

食完14日你要返去check，ok之後仲要有藥同針俾你用，用完之後先可植入

私人傳訊

積分: 141

122^#

發表於 24-6-23 21:50 |只看該作者

yx2 發表於 24-6-2 10:31
想問大家

1. 係咪都係約咗初診先，再決定之後既野(例如用新鮮胎定雪胎，飛幾多次之類)？

係，因為到底雪唔雪唔係你個人決定，要睇你身體狀況，驗血報告，子宮情況等等…. 所以要去到抽卵前一次驗血見醫生先知。

我自己就total 飛左4次，

1）見醫生商討方案（即日來回）
2）過去抽egg 同精同抽血睇下可唔可以即月做埋（至少要兩日），如果即月可以做就，就要留7日左右，或者分兩次飛過去，都係7日內

因為我唔可以當月放入，所以我又要再等下個月，食曬藥，再過去驗血

3）驗血（即日來回）
4）幾日後就過去植入（即日來回，其實最好就留多日，植入完最好休息下）

點解簡王家瑋就。。。因為佢地係最快覆我之餘，我覺得價錢合理，唔係話最平，但感覺ok, 緣份呱…. 同埋以我個人經驗，醫生同姑娘都真係好好，好過香港好多。

事實上，佢真係幫到我，昨日3個月啦：）

私人傳訊

積分: 141

123^#

發表於 24-6-23 21:54 |只看該作者

本帖最後由 mammyisthebest1 於 24-6-23 22:21 編輯

Mmmoniee 發表於 24-6-2 16:07
Hello,想問下你植入時間同番去覆診睇內膜相隔幾耐？因為我黎緊都係王個到植入了，想大概知道下個時間，方便 ...

我係11 號過去驗血同睇內膜， 16號再飛過去植入。佢應該會話你知 mc 第14-18 番去驗血，如果ok就4-7 內植入。

私人傳訊

積分: 469

124^#

發表於 24-6-23 23:23 |只看該作者

本帖最後由 wawamcw 於 24-6-23 23:23 編輯

mammyisthebest1 發表於 24-6-23 21:50
係，因為到底雪唔雪唔係你個人決定，要睇你身體狀況，驗血報告，子宮情況等等…. 所以要去到抽卵前一次 ...

想問下你，開獎你係去抽血驗定用驗孕棒？
同埋如果當驗孕棒驗到，要唔要再抽血確定？
同埋係咪要再過多2個星期先可以照超星波？先照到野？謝謝你(emoji)

恭喜你

私人傳訊

積分: 141

125^#

發表於 24-6-23 23:31 |只看該作者

本帖最後由 mammyisthebest1 於 24-6-23 23:36 編輯

wawamcw 發表於 24-6-23 23:23
想問下你，開獎你係去抽血驗定用驗孕棒？
同埋如果當驗孕棒驗到，要唔要再抽血確定？
同埋係咪要再過多2個 ...

多謝：）

我太心急，由植入D8 就開始用棒驗(emoji) 如果心急，建議買clearblue 超早孕去check, 第十日見到淺陽，台灣個邊就話14日先check, 個日就好清楚見到啦… 咁我都有book到磯岱驗血， $350 一次，即日或第二日有報告，因為台灣個邊都會叫我最好驗血，之後我驗多一日， confirm hcg 翻倍靚仔，咁就約醫生 2星期後照胎位置， confirm 唔係宮外孕個d… 太早照唔到架真係

放心，台灣個邊會msg 同你跟進，會叫你幾時做d咩

你最終放左入去未？

私人傳訊

積分: 469

126^#

發表於 24-6-24 10:11 |只看該作者

mammyisthebest1 發表於 24-6-23 23:31
多謝：）

我太心急，由植入D8 就開始用棒驗(emoji) 如果心急，建議買clearblue 超早孕去check, 第十日 ...

有，放了，我無偷雞呀，打算等到14日就好了。
希望接到你好孕

那麼我都會去抽血，上次我都去左你介紹呢度，謝謝。你係格一日又去再抽？定格2,3日去？

私人傳訊

積分: 141

127^#

發表於 24-6-24 14:31 |只看該作者

本帖最後由 mammyisthebest1 於 24-6-24 14:31 編輯

wawamcw 發表於 24-6-24 10:11
有，放了，我無偷雞呀，打算等到14日就好了。
希望接到你好孕

祝你好孕(emoji) 接左王醫師個出奇蛋一定得

我隔兩日，因為撞正5/1 假期，所以數值番左4倍，化驗所醫生話ok，唔洗擔心

私人傳訊

tanned

積分: 460

128^#

發表於 24-6-24 20:53 |只看該作者

回覆 mammyisthebest1 的帖子

Congrats! 我嚟緊再次植入接好孕！請問咩係出奇蛋呀？

私人傳訊

積分: 141

129^#

發表於 24-6-24 20:58 |只看該作者

本帖最後由 mammyisthebest1 於 24-6-24 20:59 編輯

tanned 發表於 24-6-24 20:53
回覆 mammyisthebest1 的帖子

Congrats! 我嚟緊再次植入接好孕！請問咩係出奇蛋呀？ ...

佢植入完送左個kinda 出奇蛋俾我，寓意接個蛋番屋企(emoji)(emoji) 我番到黎即刻食左(emoji) 祝你成功(emoji)(emoji)(emoji)

私人傳訊

tanned

積分: 460

130^#

發表於 24-6-24 21:18 |只看該作者

回覆 Mmmoniee 的帖子

王醫師植入雪胎用人工週期，所以原本週期日子已經唔關事，你可以放心:)
day 2/3開始食嘅藥會增加內膜厚度+令到唔排卵，到回診當日會照吓內膜夠唔夠厚，如果夠的話會決定邊一日開始用黃體素(塞藥)，然後就會令內膜黃體化，方便幾日之後植入

私人傳訊

tanned

積分: 460

131^#

發表於 24-6-24 21:20 |只看該作者

回覆 mammyisthebest1 的帖子

I see! 佢俾咗好孕糖我;) 但食咗都未得，希望今次成功

私人傳訊

積分: 141

132^#

發表於 24-6-24 22:09 |只看該作者

tanned 發表於 24-6-24 21:20
回覆 mammyisthebest1 的帖子

I see! 佢俾咗好孕糖我;) 但食咗都未得，希望今次成功 ...

今次一定得，最緊要心情輕鬆，無壓力就來架啦：）

私人傳訊

積分: 469

133^#

發表於 24-8-22 11:45 |只看該作者

Update
跟大家報個平安，bb 下年3月出世，感恩感恩

琴日第一次去左醫院報到，t21都pass。感恩

同大家分享多少少，我發覺關於ivf前期抽卵的分享都比較多，但到後期的事就比較少。

關於我個人的分享，ivf感受，比大家一個參考，我係用雪胚。

開始進入植入週期，來m 開始食14日藥，係5月尾返去覆診，睇下可以植入到未，結果內膜唔pass，要我返去再食下藥同埋加左搽的藥俾我。（但係香港自己要去照內膜跟進情況，照左2次都唔夠厚，但香港醫生覺得我個情況其實都可以放，因為佢睇我的分泌物，子宮血流量都ok，係內膜厚度唔夠8,個時大約維持係7,但醫生就話咁你聽返台灣個邊指示啦），後來台灣call我返去要用PRP ，用完之後內膜成功達標過8，可以排做植入。（後來香港醫生話我知PRP係香港係唔用得，犯法的，但台灣可以，咁亦都多個機會俾媽媽）

已確認可做植入之前要用多5日藥+塞劑+打針。先可以做植入。當日做植入前會見一見王醫生，開藥開針，再即場打傳說中的油針，打係pp 到。返香港之後自己都要打多一次。（當日無再抽血，亦無再照聲波，就可以做植入了，我自己覺得咁老定我個內膜會唔會有變？話晒都過左5日，但我又無問到就懷着問號落去植入）做植入成個過程都好快，原先以為會有個mon睇住王醫生植入，但原來無的，係靠王醫生的技術同眼力把胚胎送入去子宮，我個下都好奇其，究竟係點的一回事

。
完成後休息了大約15分鐘左右，就可以走了，完成後我就去食飯，行左個圈先返酒店。因為睇左行下血液流動會好啲，唔使一路訓。

植入後原來要一直用藥，用到10週，所以拎左好多藥返香港，每朝每晚塞藥，食藥。

但已經好好。我開頭因為呢件事好擔心。因為後期資訊唔多，我睇人哋個d,我以為要日日打油針，又痛又有硬塊。打到成個pp無從下手。但原來塞劑已經可以取代到油針呢件事，我真心覺得係好友善的一件事。塞劑價錢係比較貴。另外台灣都有比到備用油針看門口用，因為油針打入去肌肉層，藥力係可以更快到達。
(塞劑，油針都係加强黃體，因為唔係自然懷孕所以要另外加强，用完10週後，就要靠自己努力了，但唔知係咪因為黃體補充的問題，我孕反的情況無乜出現，只係嘔過幾次）

自我感動一下，為左bb食左咁多藥，依家見到藥都有啲怕，但都好多謝自己呀，加油啊你哋都，多謝自己咁叻女，辛苦了

attach1/tmp/phptubevQ

私人傳訊

積分: 469

134^#

發表於 24-8-22 13:38 |只看該作者

另外分享埋今次的專題費用

等大家可以考慮下係香港定台灣做

總結約hk$92000 （未含台灣在地使用費）

醫生：約$65000
我睇返佢地開頭介紹，費用係18-26萬台幣
我就係用左26萬台幣個個，我好奇有無人用18萬台幣就攪掂？同埋我係無做pgs ，我聽其他姐妹分享，加埋pgs 條數多數都超

機+酒: 約$23000
我前後飛左5次
老公飛2次
1)初診：住左2晚
2)取卵：住左6晚，我成個過程都係台灣等埋取卵先返香港
3)回診：check內膜是否可做植入，即日來回
4)回診 : 內膜唔合格，要返去做PRP ，住左4晚
5)植入：住左2晚

P.s取卵飛個次最貴，因為撞左假期，機票double

大家就到時間可以盡量避免假期時段

Hk check: $3900
係香港做跟進子宮情況

後記：
我係係台灣星展兌台幣，因為個匯率係最好，扣埋手續費都係多過係機場兌，多過係機襟，（多幾百台幣到，你當可以食多餐）去星展亦都唔使排隊，係要填下表，等等要d時間(同埋係王醫生診所個頭有星展唔使搵來搵去），佢哋的職員其實唔知自己間行係最好價，仲推你去其他兌，因為台銀唔使收手續費，但所謂唔收個d佢係個匯率到已經食左你了。可參考以下網址睇價
https://www.findrate.tw/HKD/#google_vignette

我幾次都book左住係101的雀客（可能比台北車站個d貴少少100-200），但好近王醫生診所行過去十分方便，我係取卵前幾晚要打針，我都可以返去診所姑娘幫手打，咁岩佢個幾次的針都要溝(2支溝埋1劑），所以有佢哋幫手真係好好。行大約10分鐘有個夜市(植入完個晚去左買菠蘿食，新鮮切好，好方便），同埋101 food court 係解決食飯的好地方。

以上係我今次的費用，如果順利進行的話，應該飛4次就夠，我見之前有姐妹分享過，上幾頁。
所以就住我自己的情況費用會多少少，同埋我停留的時間都多天數，大家可以因自己情況做安排。

開頭對ivf，都帶點慌張，由其知道要係咁打針的不安，帶住不安的心，一步一步跟住做就可以，第一次自己打針的時候真係，用左無比的勇氣。但原來都無想像中咁痛的。

記返起取卵個次回診，我先行到台灣準備見醫生，唔知係咪何蒙的影響，我自己好擔心不安，怕取卵唔理想，又怕之後要係咁打針。係出面等的時候，偷偷係眼角流左2滴馬尿。但我又帶住口罩，同埋我坐埋一邊應該無人見到我，我自己都唔知點解？診所職員私信我老公，話我個情緒低落唔係太好，叫佢安慰下我。（個下我有驚訝到）我老公打泥同我傾偈，又話俾我知呢件事。經過溝通完個下情緒係有釋懷左。

之後我個下係到諗，唔通我的不安已經掛到上眼到，佢哋一眼就看出，定有cctv 射到我見到我眼濕濕。
呢件事成為左我一件好奇的事，同埋佢哋好細心，feel到唔對路，又搵我老公，因為佢哋係無過泥同我講任何野，係我老公打俾我，講我知有件咁的事，話佢哋私信佢。成為左一件係個到發生的窩心事。

在此多謝所有前人的分享，同路人的鼓勵，希望姐妹們未決定做，做緊的，都順順利利。搵到方向，祝大家心想事成

仲有一件題外話，我係取卵之後係台灣買左老協珍的滴雞精補補，發覺係平過香港買。之後返到香港係網上訂加運費都平過係香港買，係bb展話有折都貴過網上訂。心諗香港老協珍真係可以出到貨嗎？如果台灣買就慳返運費自己托

私人傳訊