HappyJo888 發表於 25-4-19 00:46 
bk長老大駕光臨，多謝多謝。
我其他有唔少地方同你相似。我個A，當然係擲界到不得了嗰種A，唔係典型，真 ...
唔好講大駕光臨，我都係會員，以前好難參與會員討論，而家可以暢所欲言，但一樣好難參與討論，大環境唔一樣。。。講番正題。。。照咁睇，我地處境真係唔少相似地方。。。我仔對公平、因果都係異常執著，因為記性好，所以更難同佢討論，佢唔明白點解努力咗得唔到好成果，我話世時難以盡如人意，只要問心無愧，佢會覺得唔公平；點解有人可以扮窮攞福利呃助學金，我話只要我地唔做違法事唔做陰質嘢就得，佢就問果D人嘅報應幾時到。。。佢係數理人，1+1=2，咩都講formula，有時討論冇結果，我知當時已經冇得再講落去，於是會問佢一D佢好鍾意又擅長嘅話題，成功引導佢去咗另一個話題，之前要討論嘅就留番下一次有機會再講，如是者，日日積下又積下，等到佢某次叮一聲就開竅。
講起開竅，由5歲確診，當時係幼稚園，小學六年可以用驚濤駭浪嚟形容，佢太細太單純，成日俾人整蠱，估唔到只係小學生都可以聯群結黨去有計劃霸凌其他同學，好彩係大部份老師加埋校長都好清楚我仔嘅品性，好多情況下都以保護佢為先，但我仔就已經有心結，對小學嘅同學都非常反感。升中學後佢立志成為全A學生，基本上真係做到，成績唔駛我擔心，所以老師校長都鍾意佢，上高中遇上新冠，第一年要全年網課，對佢嚟講非常辛苦，冇得問老師功課（佢係幾乎日日搵老師討論），搞到佢濕疹發得好犀利，第二年復課又要追番教程進度，影響到佢第三四年選課，又要再適應社交，好彩係識到朋友，而家升大學又識到新同學，算係幾安慰。
我反而係擔心佢對自己要求太高，所以高中冇揀呢度最多人追捧嘅一間公校，揀咗一間老師校長對SEN都非常照顧又近屋企嘅另一間公立高中，過去四年都有好多問題，但又遇到非常多好老師好輔導員，睇住個仔成長，當然成長進度比我個女係差好遠，不過baby step is better than no step，感恩唔只有個好隊友，細女好錫哥哥，佢兩兄妹係相互保護成長，彼此係對方最好嘅朋友，我覺得我地一家關係好微妙，唔只係親人，仲係朋友，無條件支持包容，但唔係盲目附和。
有一樣係我同老公無心插柳，仔5歲確診，之後我地有幾年時間帶佢去做語言治療同行為治療，仔只係當例行活動，冇任何質疑，我地又冇刻意講佢係SEN，但我地對任何人都冇隱瞞，所有家長都知佢係有D唔同，直至好似係上初中後，某次同學校老師校長開年會，當時校長話我仔已經大個，可以叫埋我仔出席，佢有D驚訝原來自己係SEN，我叫佢去查下咩叫PPD-NOS（佢個確診症狀名稱），了解下自己嘅行為。。。佢後來話好彩媽咪嗲哋一直都咁照顧佢，佢對自己係SEN冇抗拒冇太大反感，我亦清楚同佢講過，佢冇得揀，我地都冇得揀，既然冇得揀就面對，任何人喺世界上嘅出發點唔同，自身條件都有高低，但我地唔需要同人比，要比同自己比，每日都有長進就得，佢讀唔讀大學我冇異議，唔係個個人都適合讀書，有D人係擅長其他嘢，不過最低限度讀完高中，攞到高中文憑就OK，不過我仔想讀大學，仲想讀碩士讀研究院，呢樣反而令我同老公頭痕，佢想讀果科讀到想做嘅職業大大話話18年，一來我冇錢供咁多年，二來最驚讀讀吓讀唔上或者唔想讀，咁冇咩職業選擇？18年係一個好大嘅commitment！不過人生係個仔嘅，我只能同佢分析，最後決擇係點都係佢自己承受。
BTW，唔知你信唔信星座睇性格，我就覺得大體幾準，對我幾有用，我知道我仔女同老公係咩星座性格，咁啱我自已叫做係比較情緒穩定同冷靜嘅人，多年來見招拆招。
花旗太太生活在花旗國，留意時差，你問我未必即時答到。
發表於 
。第二，你想對個仔做乜都好，大家商量咗先先好做。Do No Harm好緊要。
我成日都覺得你係一位老師，好似以前我細個時覺得啲老師真係好有愛心好正面嗰種，灌輸好好嘅教育俾我哋，謝謝你！
返回列表
