基督家庭 今日: 0 | 主題: 9939

積分: 483

121^#

發表於 11-6-1 00:07 |只看該作者

第三十一日小報告: 由於已決定暫存任務，今天沒有特別事發生。她今天對我的態度比昨天好了一點，但其實我甚麼也沒說，甚麼也沒做，大概有其他因素影響她的情緒吧...

我並沒有因父母或其他人的關係而與她有矛盾 (她倒是有...)，因此明天的任務讓我好好思想一下經文吧...

私人傳訊

ndw

子爵府

積分: 13957

122^#

發表於 11-6-1 02:29 |只看該作者

"...今晚難得自己一個人，好好安靜自己，向神支取力量去捱過艱難的每一天..." ~ pigra

ndw: 啊，舊約裡哪一位先知要娶個妓女和淫婦來做妻子呢？我想你最能體會那先知每天的生活了。雖然你從流淚谷經過，但願神使你力上加力，"如鷹展翅上騰，奔跑並不疲乏"。

"...同埋太太去見妹妹，好過唔知去咗邊。..." ~ chocobean
ndw: 系0丫。希望太太不會再仔女面前同妹妹數丈夫的不是吧！無論太太怎麼，pigra, 你只要做好本份，神必會將萬事互相效力，是要叫愛他的人得益處！

“其實，信，望，愛，三樣都係要努力先有。”~ chocobean
ndw: 系0丫。還要即使只有單方面的信、望、愛也得要堅持下去的 "though none go with me, I still will follow, no turning back" 。

"...其實我不太明白，我最近似乎沒有做過令她不開心的事，實在不明白她為何要這樣對我..." ~ pigra
ndw: 我提議你此短時間避免提這問題，自問也不好，因為如果她不想告訴你原因，不想自己想想為什麼如此，你是沒有可能知答案的。即使她告訴你為什麼，那也未必是准確的，因為我們沒有人能完全真實地了解自己。你只需專心仰望耶穌，做好本份。你只需專心仰望耶穌，做好本份。不寄望人的獎賞，但求神的稱贊。

點評

Chocobean 河西阿發表於 11-6-1 16:49

私人傳訊

ndw

子爵府

積分: 13957

123^#

發表於 11-6-1 02:53 |只看該作者

"...我並沒有因父母或其他人的關係而與她有矛盾 (她倒是有...)，.." ~pigra

ndw: 0甘就唔好在此時此境下再0念下去她如何在此跌倒了。你做得好，不繼續去數她。因為這麼數人做並不能改變她，也不能使你在神面前站得住。只要分辨到她如此做不好的是與非能夠日後對事而不對人地把你的經歷幫助到你或其他人就是了。
你也不需要為你們的夫妻關系變壞而自己獨自背曬責任上身。但是，不代表你不需要做好神給你的做丈夫的本份。繼續努力！

私人傳訊

Chocobean

男爵府

積分: 6529

畀面勳章貢獻勳章環保接龍勳章

124^#

發表於 11-6-1 16:48 |只看該作者

re:今天任務
亦可能係以前，或現在，
你對物質或工作上嘅關係，例如抽煙或要常開OT嘅工作等。

私人傳訊

積分: 4598

125^#

發表於 11-6-1 21:08 |只看該作者

回覆 Pigra 的帖子

愛係無條件嘅。好多時候因為咁﹐所以要有勇氣同毅力去單方面去愛﹐不過更上好嘅福份係完全嘅愛。
在婚姻嘅愛當中﹐兩個人係不斷去完成對方。每一個人想搵一個同自己好夾嘅人一齊生活﹐但何謂好夾呢﹖好夾唔代表兩個人嗜好同性格完全一樣﹐兩個性格一樣嘅人反而可能有更大衝突﹐又或者唔能夠從多方面去思考事物。現在提倡男女平等﹐我係同意嘅﹐不過我唔認為男女平等意思係喺什麼情況什麼時候男女都要做同樣嘅野﹐而係男女應該有同等嘅機會去發揮佢地與生俱來嘅唔同嘅優點。從體格到思維﹐神都好巧妙地讓男女可以互相補足﹐可惜嘅係人好多時候讓呢一D分別變成衝突﹐唔識得去運用呢D分別將佢地變成祝福﹐甚至在個人或家庭決策上唔看重對方嘅意見。有D人會因為數口比較精﹐喺理財上同消費上獨斷獨行。有D人遇到工作上事業上嘅困難﹐唔願意同配偶講﹐覺得你識乜野丫。有D人喺兒女教育方面做晒所有決定。其實神安排夫婦喺一齊生活﹐去分享生命﹐係包括晒生命嘅全部。唔係每一個人都要求在每一件事情上都有話事權﹐但每一個人在婚姻裡面嘅決策都應該有份參與同埋受尊重。
你需要對方﹐正如對方亦需要你。

第三十三日任務﹕今日你思考一下你太太喺你未來嘅一切成就上扮演一個乜野角色。你話畀佢知你在將來嘅決定上需要佢嘅參與﹐因為你好需要佢嘅觀點同意見。如果你過去曾經忽略過佢嘅意見﹐你就承認你嘅過失並且求佢原諒。

經文﹕兩個人總比一個人好，因為二人勞碌同得美好的果效。若是跌倒，這人可以扶起他的同伴；若是孤身跌倒，沒有別人扶起他來，這人就有禍了。(傳道書4:9-10)

私人傳訊

積分: 483

126^#

發表於 11-6-2 08:21 |只看該作者

第三十二日小報告: 今天她又突然對我說，她已處理好需要做的事情，並在FB把那學生UNFRIEND了，叫我以後不用擔心...同樣地我也沒有多大反應，因為我覺得她的情緒起伏不定，所說的話也不一定是認真的...我也不想有太多回應，以免進一步激化她的情緒...一切也交給主吧!

明天的任務，其實我一直都視她為我的顧問，很多事情都有徵詢她的意見，只是未必每一次都尊重好的意見...我會嘗試與她討論的，希望她願意跟我傾吧...

私人傳訊

積分: 4598

127^#

發表於 11-6-2 21:19 |只看該作者

回覆 Pigra 的帖子

無論點樣﹐佢都算係做左一件正確嘅事﹐就好似舊約列王時期有一D王決心將異教嘅丘壇拆去﹐係神所喜悅嘅作為。黑暗中嘅燭火雖然搖擺不定﹐但人仍然應該為呢一點光而歡欣。尤其當配偶按著神話語去做﹐我地就更應該讚賞同支持。
我地基督徒每日生活都面對世俗價值觀嘅衝擊﹐包括我地對配偶嘅期望。諗下﹐我地配偶做D乜野會令到我地最自豪呢﹖係一D實質嘅成就﹐定係一D屬靈品格嘅流露﹖使徒約翰話﹕「我聽見我的兒女們按真理而行﹐我的喜樂就沒有比這個大的。」我地同配偶比父母兒女之間更親﹐影響力更大﹐所以更應該因為對方嘅成就而喜樂﹐更為對方作出正確嘅屬靈抉擇而雀躍。

第三十四日任務﹕思想一下最近你太太有無做過一件事係顯出基督徒嘅品格。如果有﹐你就親口讚賞佢。

經文﹕(愛)不喜歡不義﹐只喜歡真理。(哥林多前書13:6)

私人傳訊

積分: 483

128^#

發表於 11-6-3 03:23 |只看該作者

第三十三日小報告: 她今天依然是很不開心的樣子，我也照舊沒有去刺激她，只儘量的照顧她的需要...今天有另一件事令我有所反省，我的一位同事對我說，我這大半年在工作上的表現大不如前，好像變了另一個人似的，老板對我已積壓了不少負面的看法...家庭及伴侶對一個人的影響可真大呢...看來我應該要收拾一下自己的心情，重新投入工作，不為昇職加薪，至少也不應該有失見證...

明天的任務我大概能完成，求主幫助!

私人傳訊

積分: 4598

129^#

發表於 11-6-4 01:16 |只看該作者

回覆 Pigra 的帖子

無錯﹐我地婚姻生活係會影響整個生命嘅所有範疇﹐就算你唔講﹐旁人都會睇得出。所以今日想你學習嘅係搵適合嘅人去講、去畀你指導。
樹林入面嘅樹比起單丁一棵樹更能承受暴風雨。雖然單丁樹可能因為無其他樹去競爭養份而長得高大D﹐但暴風雨來臨時﹐樹林入面嘅樹嘅根互相交纏﹐互相支持﹐互相抵擋風雨﹐所以可以挺得住。
同樣﹐喺婚姻當中﹐我地都需要在外面搵到敬虔、健全、屬神嘅友誼都指導。箴言12:15話﹕「愚妄人所行的，在自己眼中看為正直；惟智慧人肯聽人的勸教。」好嘅指導者能夠同你分享經驗﹐分享失敗與成功﹐等你唔使一定見棺材先識流眼淚﹐等你行少好多冤枉路。
一位婚姻嘅指導者當然唔可以隨便搵。對方可以係一對夫婦﹐可以係一個人﹐但如果係一個人就一定唔好係異性﹐呢樣野無須要多講啦。對方嘅婚姻一定係一所羨慕嘅﹐唔一定(亦無可能)係完美﹐但佢婚姻嘅目標同方向係你所欣賞嘅。對方嘅婚姻路要行得比你耐﹐假如你已經結婚十年﹐無理由搵個剛剛新婚嘅人來指導你。最重要係對方要以基督嘅心為心﹐包括喺婚姻上﹐一定要順服神不變嘅話語。
當然你觀察到身邊有合適嘅人選時﹐你就為呢件事禱告﹐求神讓你知係唔係呢個人﹐如果係﹐你就約個時間同佢傾下。我估對方一定會好樂意去指導你﹐與你同行。

第三十五日任務﹕尋找一位屬於你嘅婚姻導師--一位穩健嘅基督徒﹐能夠關愛你﹐對你坦誠﹐謹守私隱。同佢約一個時間傾談﹐並從此建立長遠關係。求神透過呢段關係指引你以後嘅抉擇。

對方可以係牧師﹐亦可以係一位成熟嘅弟兄。你曾經提及想向牧師講述你婚姻嘅問題﹐呢個亦係一個選擇﹐你為呢件事恆切禱告﹐並記得我在上面寫嘅重點。

經文﹕無智謀，民就敗落；謀士多，人便安居。(箴言11:14)

私人傳訊

積分: 483

130^#

發表於 11-6-4 19:48 |只看該作者

第三十四日小報告: 她依舊悶悶不樂...我依舊按兵不動，讓她有空間安靜...之於我自己，經過反省後在工作上開始積極了一點，不再把焦點過度放在她身上...

明天的任務，我暫時仍未適合把事情告訴牧師，現階段仍傾向按兵不動，我覺得現在彼此關係的平靜十分難得，我想慢慢觀察她，慢慢重新建立關係，循序漸進，以免重蹈覆轍，再有大動作去破壞大家的關係...

私人傳訊

積分: 524

131^#

發表於 11-6-4 23:47 |只看該作者

回覆:大家可以為我代禱嗎?

我會支持你的。

點評

Pigra 謝謝! 發表於 11-6-5 02:27

私人傳訊

積分: 4598

132^#

發表於 11-6-5 04:46 |只看該作者

回覆 Pigra 的帖子

搵個人做你嘅婚姻導師﹐並唔係叫你即刻一五一十將你嘅婚姻狀況向對方講晒出黎。個任務係教你先禱告﹐鎖定一個人﹐然後開始建立一個導師與指導者嘅關係。希望你可以認真去儘快開始。
當然﹐最好嘅指引係神嘅話語---我地腳前嘅燈﹐路上嘅光。唔知你讀經生活點呢﹖讀經嘅好處我亦唔須要多講﹐最重要係你肯下決心去讀﹐有一顆讀經的心﹐就如詩篇119話﹕「我一心尋求了你；求你不要叫我偏離你的命令。我將你的話藏在心裏，免得我得罪你。」你亦都要在一個教導神話語嘅教會中同其他信徒彼此學習﹐彼此勉勵。
更上一層樓係要將真理應用出來﹐唔好單單聽道﹐亦要行道。聖經唔一定將我地生活中每一個情況嘅每一個抉擇都寫晒出黎(感謝神﹐否則讀到天光都未讀完個目錄﹗)﹐但已經包括晒我地生活中一切環節嘅大原則﹐包括婚姻、金錢運用、教養兒女等等。只要你透過聖經認識神嘅心意﹐憑著信心活出來﹐你就會經歷到神話語嘅大能﹐信心因而增強﹐係一個良性循環。所以有智慧嘅夫婦都會將婚姻建立在呢個磐石上。

第三十六日任務﹕由今日開始下定決心每日讀經﹐唔好畀自己任何理由去忽略。

網上同市面都有好多靈修書可以幫助你。最好就係夫婦一齊讀。如果唔得﹐你就問你太太願唔願意各自同步跟一本靈修書去讀。(我知你多數話現在唔適合問﹐但你至少問一次啦。)

經文﹕所以，凡聽見我這話就去行的，好比一個聰明人，把房子蓋在磐石上；雨淋，水沖，風吹，撞著那房子，房子總不倒塌，因為根基立在磐石上。(馬太福音7:24-25)

私人傳訊

積分: 4598

133^#

發表於 11-6-5 19:26 |只看該作者

回覆 Pigra 的帖子

回到你第一貼﹐你話希望大家能為你代禱。其實你最需要嘅代禱者係你太太。
耶穌喺馬太福音18:19話﹕「若是你們中間有兩個人在地上同心合意地求甚麼事，我在天上的父必為他們成全。」喺婚姻當中呢個係最美好嘅情景。如果有一對夫婦有一起禱告嘅習慣﹐就算唔係每日﹐就算唔係好長時間﹐我都敢寫包單佢地有最一流嘅婚姻。當彼此有摩擦時﹐能夠為對方禱告﹐當堂心入面D火都熄晒。當自己遇到困難挫折﹐能夠聽到對方為自己禱告﹐係好大嘅支持。當有喜樂事情發生﹐聽到對方為自己感恩﹐就更加錦上添花﹐甜上加甜。
禱告奇妙之處﹐就係我地幾時覺得最唔想禱告﹐幾時就係我地最須要去禱告。

第三十七日任務﹕問你太太可唔可以一起禱告﹐如果可以﹐乜野時間最好。用呢個禱告時間來感恩﹐亦都將所求嘅交托畀主。如果佢暫時唔願意﹐你仍然要搵一個固定時間禱告。

記住時間唔一定要長﹐甚至開始時只係用謝飯時間一起禱告都得。

經文﹕耶和華啊，我呼求你；我早晨的禱告要達到你面前。(詩篇88:13)

私人傳訊

積分: 524

134^#

發表於 11-6-6 00:00 |只看該作者

回覆:Pigra 的帖子

愛真是恆久忍耐，本人也是過來人，我太太也是用祈禱與愛令那時的我改變，感謝主，罪令我們與神隔絕，請你堅持去愛神，愛是來自神，主耶蘇會親自祝福你與一家，我深信，只要你對太太堅持地去愛，你太太總有一天會感受到你對她的付出，願主祝福你，弟兄我與你心同感受，我希望可以與你在天家一同讚美主

私人傳訊

積分: 483

135^#

發表於 11-6-6 02:20 |只看該作者

第三十五日小報告: 她今天心情好轉了，為何? 因為她在fb上和那學生做返friend了...我沒有反應，因為這已不是第一次了，我也預計會這樣...關於婚姻上的導師，我暫時只和一位有婚姻輔導經驗的弟兄分享 (他和我不是同一教會)，教會內的弟兄姊妹我暫未想驚動，以免她知道後會有過激行動...當然牧師是看得出我們有問題，但我仍向他表示暫時仍未是適當時候與他分享...

之於提出和太太一起靈修和禱告，我已試過了，得到的回應也是預期之中...其實她自己也沒有靈修和禱告，暫時仍是很困難...

有一件事我很擔心，就是她的家人決定要搬近我們，並會協助我們照顧女兒...可能大家會覺得很奇怪，這事點睇都係好事，擔心甚麼? 其實我的女兒們現在是由我父母照顧 (我父母也是住近我們，只是他們年紀較大)，她的家人搬來照顧她們，我擔心以後她會有更多藉口不在家睡，甚至連女兒都帶走...其實自從我們出現矛盾後，我已感到她的家人對我漸漸冷淡...日後若她真的要離開我，我可能連女兒的撫養權都保不住 (她曾經這樣對我說過)...唉...我已失去了太太的心，如果連女兒都有可能會離開我，我如何面對前路呢? 求主憐憫...(可能我諗多左，但我如此擔心是因為她曾經對我講過這些「假設性的結果」...)

未能和她一起靈修禱告，至少我也會立志自己做好，也會選擇繼續愛她，無論結局是怎麼樣...

私人傳訊

積分: 524

136^#

發表於 11-6-6 14:14 |只看該作者

回覆:Pigra 的帖子

某程度看你還欠缺對這段婚姻的信心，

私人傳訊

積分: 524

137^#

發表於 11-6-6 14:23 |只看該作者

回覆:Pigra 的帖子

某程度看你還欠缺對這段婚姻的信心，分析事情可從神的角度去想，不用太悲觀去想，樂觀點動力可更大，效果相信會來得更好，我與太太會為你家禱告。

私人傳訊

nganma

積分: 1153

138^#

發表於 11-6-6 15:26 |只看該作者

Pigra 發表於 11-6-6 02:20
第三十五日小報告: 她今天心情好轉了，為何? 因為她在fb上和那學生做返friend了...我沒有反應，因為這已不 ...

不知你兩位女兒的年紀，不過小朋友的情感敏感度是較言語能力發展較快，所以你可能要留意一下婚姻的問題是否影響到小朋友，或是如果日後小朋友照顧安排有改變，她們會有什麼影響，這些都需要成年人去關心，你既然有一位有婚姻輔導經驗的兄弟，可考慮向他請教，因為有小朋友的家庭，婚姻不只是兩個人的事，而是整個家庭的事，你們兩人既與原生家庭有密切來往，這也是兩家姻親的事了。你一個人面對可以嗎？

私人傳訊

積分: 4598

139^#

發表於 11-6-6 20:17 |只看該作者

回覆 Pigra 的帖子

如果你唔先從負面思想當中走出去﹐你好難繼續在婚姻路上走落去。四十日已經接近尾聲﹐就算你已經忘記左大部份細節﹐希望你仍然記得去仰望永生神﹐永永恆角度去睇生命中短暫嘅事物。
你在第一貼當中提及你太太話係你令佢失去信仰。佢點解會咁講呢﹖如果佢所講屬實﹐你唔單只要幫助佢建立返信仰﹐建立佢與神關係﹐更進一步幫助佢達成佢嘅夢想。
神嘅愛達成人類最大嘅夢想--從罪嘅捆綁當中得釋放﹐得到真正永恆嘅自由。最奇妙嘅係呢個夢想係我地最唔可愛嘅時候達成﹐因為「有基督在我們還作罪人的時候為我們死﹐神的愛就在此向我們顯明瞭。」(羅馬書5:8) 同樣﹐我地亦應該仿傚基督﹐在我地同配偶關係唔理想時﹐仍然無條件地愛對方﹐甚至願意放低自己所抓緊嘅事去達成對方嘅夢想。喺電影《烈火情心》裡面﹐男主角願意將自己儲左好多年本來打算用來買一部游艇嘅錢拎出來﹐買左一套醫療器材畀岳母等佢可以有多D活動自由﹐達成左佢太太嘅夢想。願所有已婚者都將自己配偶嘅夢想放在一個比自己嘅夢想更高嘅位置。

第三十八日任務﹕思想一下你太太有什麼夢想﹐有什麼係佢一直想得到嘅(當然要係合法、合理)。為呢D事情禱告﹐並且寫下計劃點樣在你能力範圍內幫助佢達成呢D夢想。

經文﹕要以耶和華為樂，他就將你心裏所求的賜給你。(詩篇37:4)

私人傳訊