我相信日本還是有安全既地區冇被受到影響，我阿哥阿嫂去年底都有去關西旅行，我親戚朋友去玩，我都唔會特登同佢地話有輻射既可能性，畢竟別人要做什麼係人地既自由，其他人無權過問。
只係輻射唔係只規範係一個地方，會隨著雨水、空氣、物件、人既衣服到處漂動，雖然輻射度唔高，亦需要長時間接觸，才會被影響，但因為肉眼睇唔到，所以難以估計日後影響。
日本政府選擇半隱瞞既態度亦影響到旅遊既意欲。我相信如果事情發生在其他國家，幾乎每個政府都會出同樣既事情，因為這牽扯到整個國家既穩定性。
對我自己來說，自從成為左媽咪，我只希望儘我能力把一切有可能發生在我bb身上既壞事情隔離，就算只有0.001%機會發生，我都唔希望見到bb既眼淚，我唔捨得佢喊、佢痛。
就算知道去日本而唔小心因輻射影響導致十幾二十年後有血癌或者其他唔知名病痛流血既情況非常微弱，我都唔願意冒險，唔係因為我聽信謠言，只係我太愛我bb，呢d係我作為媽媽自私既心情，我唔捨得。
我知道大部份既人都熱愛日本既一切，出了唔少力和資源來幫助佢地，連我都非常欣賞日本既人事物，亦明白到最好既幫助係持續性既旅遊人數，但輻射既問題的而且確存在，係日本政府和國民需面對既難題，呢個亦唔可否認。
所以只要自己心中有個判斷，去與唔去，其實唔需要太理會人地講乜。好歹我地都係成人，有自己既思考能力，有自己既考量，亦有能力為自己既行為負責，唔使爭辯為何他人既意見唔相同。
I never mind the rain from the sky, as long as I have the sun in your eyes~
發表於 
d回覆仲精彩過發po果位
返回列表
