夠了，不要再想依賴任何人，最近我有朋友都係咁，個老公衰同佢離婚，跟手就搵到個大碼頭，點知人地已經有家庭，依家玩夠啦就同我朋友分手，佢都好似你咁唔醒，成日想有人幫佢，最好咩都唔使做，就有好的生活，結果個個男人俾到好多假希望佢，不停講大話呃佢，男人就係咁，永遠都覺得自己係王;
你要記住現在，係男人放棄個家庭，唔好再因為呢個所謂0既「老公」而唔開心，我依家都係攪緊離婚，情況仲慘過你，我自己有三個仔，我老公有不良習慣，三時五刻就會發顛，會郁手，會大吵大鬧，依家仲係同一屋簷下，因為無能力即刻搬走，但都會搵社工攪另一地方俾我同三個仔住，我都多次好似你咁諗，可能會有轉機，可能佢會回頭，但係咁多年黎，我用左大半生做賭注，去等呢個人，點知都係得個吉，仲衰過以前，因為過往不停縱容，不停的所謂體諒，竟讓他變得更差，變得女人付出係理所當然的事，我都很累了，我都明白你那種心情，我都嘗試過，但係你要記住，你唔係最慘個個，大把人慘過你，大把人咩都無，所以唔係係度自怨自艾，振作d，無男人唔會死架啦，我地女人要自強一d，唔好俾d男人覺得女人無左佢地係唔可以生活，堅強d去，勇敢d，大家都會支持你的!!
~~就算我曾淌著淚，狠心放棄自己，然而袮卻說不會把我遺棄~~
發表於 
(話工作)
返回列表
