本帖最後由 oguh 於 12-7-29 18:57 編輯
第六節：
求婚失敗，C6無放棄，佢當我係delay呢個決定，等我返香港慢慢諗清楚先。
當時佢求婚，其實timing上的確無咩問題，我地關係修補返，相處又無問題，佢又無再重蹈覆轍犯錯，表面上完全無問題。
但我內心心底非常不安，我同C6講，我心底裡對婚姻看法，其實都係一個非常傳統中國人既看法，唔同你地英美，離婚當食生菜，對於一個中國女子，我結得婚，就決定一世都跟住你，離婚並唔係一個選擇，亦都唔接受。
C6來自單親家庭，佢出世無耐，老豆就走左佬，佢媽一手湊大佢同佢阿哥兩個，細個佢環境好差，好窮，我想像唔到，原來佢細個好多時候都係食唔飽！話晒英國都係先進國家，點會有人捱餓。佢話佢細個時，好多時晚飯都係同阿哥兩個食一包薯片，咩都無！佢阿哥會教佢去一齊偷野，真係正宗街童（衰野講都講唔晒，可以開另一個長post幫佢寫自傳XD）。因為阿媽又有酗酒問題，有時照顧唔到佢地；佢既童年好影響佢日後人生，佢成日覺得，咩都係靠自己，有咩唔對路就走人，佢唔會覺得離婚有咩問題，反而係解決問題既方法。佢明白我地大家對婚姻有分歧，所以佢都認同，我要慢慢考慮，而佢就keep住隻戒子，話有一日一定會幫我戴上。
我問C6：「點解你唔去問下其他女人戴唔戴呢隻戒子？點解一定係我？」
佢話：「我見過咁多個女人，無一個好似你咁煩，要我做運動、要我著多件衫、飲少D酒、食多D菜，連我媽都無你咁緊張我。無一個人真係為我好，個個都係想要著數。」
我又問：「咁點解我要戴呢隻戒子呢？」
佢話：「你可以選擇唔戴，戴同唔戴都好，你決定。但我都會永遠痴住你，你無得逃走了。」
我training完左返香港，結婚既事一直係心上，但工作上忙到癲左，根本無時間去認真考慮，每日都係凌晨收工，第二朝一早又衝過，周末有時都要返，無晒私人時間，有時間，都用晒來瞓覺。
C6同我開始左long distance relationship，坦白講，我以為我會無信心，因為佢實在太容易有女人痴埋身，同埋分隔兩地，有時寂寞難耐，佢會忍到？更何況佢之前個底咁花？我平常心面對，完全無過份著緊佢，佢反而比我而著緊，每晚都主動同我係skype傾計，我返到屋企更攰都同佢傾一陣，而佢通常都係公司。佢會主動同我講佢會去邊、做D咩，用盡方法令我放心。
佢有時間，就會放假飛過來香港陪我。第一次來香港我屋企，有晚佢同我係我間房到，睇我細個D相，睇得好開心之際，佢又突然拿了隻戒子出來，又再求婚。當時我第二次拒絕左佢求婚。
到我放假有時間，我飛去法國，同佢去下旅行。係法國南部一個小城，佢又第三次求婚，而當時真係非常浪漫，成個環境都好舒服，係黃昏我地係一條河邊坐底休息，四周都無人，非常安靜。但我又第三次拒絕。
如是者，我地繼續long distance，有時佢係skype會講笑咁問我幾時嫁比佢，佢唔想等到60幾歲。
但當時，我仍然覺得自己未ready，未sure，將來一切都好糢糊，我都唔想去諗，總之，維持現狀其實都不錯。
直至到某一日發生左一件事，我人生中出現一個巨大打擊，影響日後所有事情，包括我和我家人，日後大家都變得不一樣。（續）
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
嵐嵐bb出生2012-7-20
返回列表
