吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我與Bruce Wayne的大鑊婚禮（完，多謝）

夫婦情感今日: 0|主題: 42771

收藏本版

發帖

返回列表

跳至頁

樓主: oguh

我與Bruce Wayne的大鑊婚禮（完，多謝）

5 678 9...28

積分: 119442

育兒性格勳章我的育兒心得勳章 hashtag旅遊勳章畀面勳章大廚勳章 BK Milk勳章 hashtag影視迷勳章

121^#

發表於 12-8-1 01:47 |只看該作者

引用：好似睇緊Sophie+Kinsella啲小說咁好正呀!唔

原帖由 肥Kate 於 12-07-31 發表
好似睇緊Sophie Kinsella啲小說咁好正呀!唔好停!多謝你分享!

有同感，但樓主仲好睇過SK，真係本版清泉、正能量

私人傳訊

midcocatcat

別墅

積分: 874

122^#

發表於 12-8-1 01:49 |只看該作者

真係好好睇,由上一個POST一直追,樓主好勁,寫得好好,好簡潔易明。

睇睇下我發現我C6架格有小小像你C6 (Bruce),又係仲意玩,自命不凡(我C6成日同我講佢係吳彥袓

不過我C6都唔差架

)同成日整鬼C9, 我成日都中招

私人傳訊

dolphinjelly

大宅

積分: 3764

123^#

發表於 12-8-1 01:51 |只看該作者

回覆：我與Bruce Wayne的大鑊婚禮

寫得好好呀！我沈迷到唔睇晒唔想瞓

私人傳訊

jarjane

珍珠宮

積分: 38470

124^#

發表於 12-8-1 02:17 |只看該作者

引用:寫得好好呀！我沈迷到唔睇晒唔想瞓

原帖由 dolphinjelly 於 12-08-01 發表
寫得好好呀！我沈迷到唔睇晒唔想瞓

我都係呀!
睇到又流眼淚又傻笑，唔捨得瞓

私人傳訊

oguh

子爵府

積分: 11575

125^#

發表於 12-8-1 02:21 |只看該作者

本帖最後由 oguh 於 12-8-1 13:39 編輯

第六節：

姊妹團中，有兩位是香港的朋友，其中一個是伴娘，其餘都是英國讀書時結識的朋友，其中一位，以下暫叫佢做Florence，因為佢同早排電視好hit既「盛女愛作戰」當中的Florence好似，都係三高：身形高，高歷高，要求高。佢同我係MA一齊讀書既同學，大家都係名牌大學畢業，佢之後仲讀埋PHD，讀書讀到三十歲，高歷高真係名乎其實。而佢真係幾高，本身有意大利人血統，都幾有份量下，佢著埋高根鞋的話，接近六尺高，我企係佢身邊，我成日話自己變成哈比人。至於「要求高」，我都唔知係緣份未到定真係要求高。總之，佢不停搵男友，恨嫁恨到爆，但總係無一個男人佢接受到。

但係呢個婚前姊妹兄弟trip之中，佢緣份到喇。

而對像，好彩唔係Bruce，而係同Bruce有D相似既Robin，佢哥哥。
呢位PHD三高女，竟然對中學未畢業既Robin有興趣。

Robin係Best man，佢仲負責埋我地婚禮食物同酒水。個trip我地星期五一早出發，分左幾架車去，我刻意安排Florence坐係兄弟最多既車裡面，事關佢一早已經問定我，兄弟中有無好介紹，講真我唔多清楚，Bruce既朋友們個個都唔似好人，點介紹。但我點都要做下野交下差。

去到農莊，首先我唔理佢地，同Bruce周圍視察下水浸後既修復工程進度，好彩真係整得七七八八，無我想像中咁恐怖。我好用力咁攬下佢，覺得佢真係好叻，但我又唔想讚出口，一讚佢，佢又會話要整個銅像比世人去崇拜佢。Bruce反而收起嬉皮笑臉，同Robin好認真咁周圍檢查。我就返去大屋同佢地安排下分房事宜。

總共有五間套房，我同Bruce一間，另外姊妹各share兩間，兄弟又share兩間。無耐Robin出去附近有個市場，佢話買D食材整野食，但要人幫手一齊去；其他兄弟姊妹幫手執緊屋，於是我話我同Florence兩個一齊去。

我地三個人出去買野，主要都係Robin同Florence交流緊煮野心得，Robin以前做大廚，而Florence對食好講究，佢以佢一半意大利血統自豪，自稱對意大利菜非常了解，於是佢地兩個一拍即合，見到D食材，就不停講講講，我呢個哈比人跟住兩個六尺巨人後面，真係有D悶又覺得好笑。

返去莊園，Robin即刻落廚煮野，大家執完屋就休息緊，係花園出面既餐桌傾下計，飲下酒，而Florence成日走入去廚房，扮晒拿東西，其實又想同Robin傾下計。

我捉埋Bruce一二面，偷偷講佢知：「Florence好似打你哥主意。」
Bruce皺一皺眉：「下，你又知？」
我：「我有咩唔知？你都知我feel呢D野幾準。」
佢：「我唔approve。」
我：「幾時要你approve？你憑咩？」
佢：「就憑我地係兩兄弟，兄弟，緊係要互相照應，我唔可以睇住佢比呢隻怪獸食左。」
我一拳打落佢心口。

第一日，大家食完好美味又簡單既lunch，就一齊出去附近地方hiking。Bruce搵左當地一個算係農夫既人同我去出hiking，果個人有槍，一齊出去打獵。係英國有合法槍牌係好難既事，唔同美國，支槍應該係果個人既家族上一代之前已經擁有，佢先可以有牌繼續用，所以都算少有。

我地沿途行，有時果個農夫會停低，想打雀。其實我本身好討厭打獵呢件事，但人地係傳統，我就算喇。槍聲好響，佢每發一下，我地就按住耳仔，Florence就會扮驚，靠在Robin身邊，我笑住用打眼色比Bruce睇，佢皺晒眉，話：「一陣我有機會用槍的話，我一槍打死果隻怪獸。」我又一拳打落佢心口。

Hiking完大家返去都攰，但好開心好好玩，Robin又煮野食，Florence直頭入去廚房幫佢。晚上大家又圍埋一齊飲下酒咁，我同Bruce好攰返房瞓，佢地繼續玩啦。我記得Bruce當晚不停同我細細聲係枕頭邊講，話果隻怪獸好恐佈，就快食左佢阿哥。

第二日做過D乜，其實我真係唔係好記得，我只係記得，部份時間Bruce同Robin兩兄弟又去左整下屋睇下D田講下公事，部份時間成班人周圍玩下食下出去行下，只係記得大家都玩得開開心心。

好快到左星期日，我地準備下午離開，晨早大家就起身去hiking同野餐。果朝我好早就係廚房整定D三文治同咖啡，奇怪Robin一直都無出現係廚房。到出發前，我同班姊妹都發現Florence同Robin唔見左，大家都笑到企唔直，然後Bruce好驚慌咁，問我：「佢係咪食左Robin？」

最後佢地都無出現，算啦，我地自己去野餐，一路行行行，大家一路笑笑笑，因為大家都睇得出，有人「擦出火花」，有事發生左。Bruce真係笑唔出，佢細細聲問我：「點解你個朋友咁架？咁狼既？兩日就咁？」

緣分真係好好笑，我都唔知點解Florence咁高要求，會對Robin一見鍾情。佢地於這片綠油油田園撻著，用Jane Austen一句話代我去解釋最適當不過：The enthusiasm of a woman’s love is even beyond the biographer’s

我地野餐完返去，佢地已經係屋裡面，有D尷尬咁，但大家都係成年人，緊係唔會多事啦。我私底下問Florence尋晚去左邊，佢話佢同Robin出左去露營，好浪漫，我問得detail D，咁有無發生任何事呢？呢個三十歲既「盛女」，突然少女上身，佢好開心咁話，無其他野發生，只係錫左，仲讚Robin係一個good kisser。

救命，果個moment，我真係好記得，呢位高大美人既曖昧笑容，同佢既濃妝唔係好夾。有一刻我腦裡閃過，唔通第時你會係我「阿嫂」？

然後，我地執野走，呢個減壓之旅，大家都好盡興，只係Bruce成日皺住眉、瞇住眼睇實隻「怪獸」。（續）