吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› (11月29日update)繼續寫下我家癲佬Bruce同我之間的趣事 ...

夫婦情感今日: 0|主題: 42773

收藏本版

發帖

返回列表

跳至頁

樓主: oguh

(11月29日update)繼續寫下我家癲佬Bruce同我之間的趣事

5 678 9...42

積分: 15421

BK Milk勳章

121^#

發表於 12-9-4 21:45 |只看該作者

回覆：繼續寫下我家癲佬Bruce同我之間的趣事

你嘅post唔可以埋身餵人奶時睇

冒險樂園時笑到甩左一次咀，米奇都要死又再甩，攪到呀囡好𢛴憎

私人傳訊

lovebabyswong

大宅

積分: 4590

122^#

發表於 12-9-4 22:36 |只看該作者

回覆：oguh 的帖子

我都勁驚曱甴

私人傳訊

fatangel1108

大宅

積分: 1742

123^#

發表於 12-9-4 23:23 |只看該作者

回覆：繼續寫下我家癲佬Bruce同我之間的趣事

“米奇都要死”

私人傳訊

ayumihamasaki

男爵府

積分: 7208

124^#

發表於 12-9-4 23:34 |只看該作者

引用：+本帖最後由+oguh+於+12-9-4+15:55+編輯+\\

原帖由 oguh 於 12-09-04 發表
本帖最後由 oguh 於 12-9-4 15:55 編輯

細膽

咁阿Bruce 咪唔會去廸廸尼囉？

私人傳訊

candy.c

子爵府

積分: 11178

125^#

發表於 12-9-4 23:42 |只看該作者

本帖最後由 candy.c 於 12-9-4 23:46 編輯

我曾經住過唐樓
都好易有小強.老鼠

小強不嬲我唔驚
老鼠我都驚發顛

有次屋企無人
得我一個
隻老鼠上我屋企探我
驚到去上張床搵被嬲自己

mg:" />mg:" />

mg:" />mg:" />

迫於無奈搵掃把監生打隻老鼠
由打死到執屍到垃圾桶到倒垃圾

從此勁憎老鼠

「殺晒所有老鼠啦，Selina！你要保衛地球呀！殺殺殺！米奇都要死！」
你老公講尼句,我好明白!由個MOMENT開始連米老鼠都憎死

私人傳訊

YEUNG2179

男爵府

積分: 5480

好媽媽勳章

126^#

發表於 12-9-5 00:35 |只看該作者

回覆：繼續寫下我家癲佬Bruce同我之間的趣事

呢個睇到起雞皮～所有昆蟲我都好怕

私人傳訊

fishchow

大宅

積分: 1744

127^#

發表於 12-9-5 00:53 |只看該作者

回覆：oguh 的帖子

有次我逛街，去了花園亍的＂譚才記＂執平。行入舖尾，看到後方有較大size 的籐器擺設，咪入去睇下有冇心水貨囉！

舖尾店主為了省電，頭頂只有一支光管，有點暗。好在對正中間的後門開著，有光射進來，都幾好feel。門外地上放了幾個飯𠒇，有幾隻小貓在吃飯喝水。

我是個有養貓的愛貓人士，當然覺好奇，想上前𢭃弄那幾隻小傢伙。它們是灰啡色的小貓，想是同胞生的。背著我的，有一隻有一隻淨灰色的，尾巴的毛有點稀疏，我看上去body, omg, 像是一隻老鼠身軀！！！當時還不十分確定，它見到有人，不慌不忙，還轉了半個身，調節碟子位置繼續吃飯...之後，我見到一隻紅色發亮的眼睛抬了頭，向我對視，凝視了幾秒！當時我慌張到極點，又發軟蹄，走不動也叫不出，太震撼了！
這隻\"老鼠足足有一尺長\"(之後，我總算能行幾步，走遠了一點，立即到一間茶餐廳座底，定一定，心情久久不能平伏呢！）
事隔了十多年，還歷歷在目呢！

私人傳訊

豆豆卡卡

大宅

積分: 1087

畀面勳章

128^#

發表於 12-9-5 08:05 |只看該作者

引用：+本帖最後由+oguh+於+12-9-1+17:06+編輯+\\

原帖由 oguh 於 12-09-01 發表
本帖最後由 oguh 於 12-9-1 17:06 編輯

乞兒肚

睇完你呢個post, 我個垃圾肚都發作，而家係外國今日無車的情況下都行去買黎食，你同Bruce 的威力真係強大！

食完好內疚呀

仲要唔要一向點開的sweet and sour sauce 而要Bruce 點開的honey mustard!

私人傳訊

mikimikilaw

大宅

積分: 1201

129^#

發表於 12-9-5 09:51 |只看該作者

我bf房有時都有果d細細隻既小強
有一日飲罐野飲一半放低左
後來再去飲返
因為罐野係有d果肉
咁我一飲落口果一刻, 覺得有d奇怪
果肉點會吉吉地
跟住個腦突然一陣驚慌
心諗千其唔好比我估中

一吐出來
真係一隻小小強

點評

~sunshine~

發表於 12-10-24 15:54

pat222 太嘔了吧=___________= 發表於 12-9-11 16:19

alicialee1210

發表於 12-9-6 22:29

私人傳訊

oguh

子爵府

積分: 11575

130^#

發表於 12-9-5 10:47 |只看該作者

引用：你嘅post唔可以埋身餵人奶時睇冒險樂園時笑

原帖由 opheliatam 於 12-09-04 發表
你嘅post唔可以埋身餵人奶時睇冒險樂園時笑到甩左一次咀，米奇都 ...

Haha 小心濺奶

私人傳訊

oguh

子爵府

積分: 11575

131^#

發表於 12-9-5 10:48 |只看該作者

引用：Quote:原帖由+oguh+於+12-09-01+發表本帖最

原帖由 豆豆卡卡 於 12-09-05 發表
睇完你呢個post, 我個垃圾肚都發作，而家係外國今日無車的情況下都行去買黎食，你同Bruce 的威力真係強大！ ...

佢呢排話要減肥忍口中，比佢見到呢啲相真係流口水都似

私人傳訊

oguh

子爵府

積分: 11575

132^#

發表於 12-9-5 10:49 |只看該作者

引用：有次我逛街，去了花園亍的＂譚才記＂執平。

原帖由 fishchow 於 12-09-05 發表
有次我逛街，去了花園亍的＂譚才記＂執平。行入舖尾，看到後方有較大size 的籐器擺設，咪入去睇下有冇心水 ...

紅色發亮眼睛

私人傳訊

oguh

子爵府

積分: 11575

133^#

發表於 12-9-5 10:50 |只看該作者

引用：我bf房有時都有果d細細隻既小強有一日飲罐

原帖由 mikimikilaw 於 12-09-05 發表
我bf房有時都有果d細細隻既小強
有一日飲罐野飲一半放低左
後來再去飲返

OMG!!!!!!! 比著我嘔足十日！

私人傳訊

蕃茄薯仔湯

水晶宮

積分: 52056

134^#

發表於 12-9-5 10:57 |只看該作者

回覆：繼續寫下我家癲佬Bruce同我之間的趣事

大中小強，老屎我都唔驚

我最驚蛇！睇到相都打冷震！早一兩年有個匯丰電視廣告做做下有蛇，我啲毛孔sap一聲全部擴張哂

行街見到蛇王×果啲牌，我會過對面行。

我真係超怕蛇

我好百搭o架! 煲魚,煲牛,煲瘦肉,煲甘荀乜都得!!

私人傳訊

me920

珍珠宮

積分: 47185

馬年勳章 2024年龍年勳章

135^#

發表於 12-9-5 11:08 |只看該作者

JM們的經歷好恐佈呀

私人傳訊

mandelicious428

子爵府

積分: 13914

136^#

發表於 12-9-5 11:10 |只看該作者

引用：Quote:原帖由+lionivy+於+12-09-04+發表哈

原帖由 oguh 於 12-09-04 發表
我真係唔驚老鼠，但昆蟲就

Same here !!! Scared of insects but not mice !

私人傳訊

helen_wheel

別墅

積分: 817

137^#

發表於 12-9-5 12:43 |只看該作者

我最驚係d識飛既昆蟲...

有次放學回家, 唔記得因乜事好趕, 我係跑住咁返屋企。跑到差唔多到樓下時, 我"mat"大口深呼吸左一啖氣, 就係我成合埋口之際, 見到有隻黑色野飛入左我口!!!! 太快喇,我個人來唔切反應, 個喉嚨仲要唔受控制咁"ton"左啖口水.... 就係咁,生"ton"埋隻唔知係乜既黑色昆蟲入肚!!!

驚到我一返到屋企即刻扣喉, 可惜嘔唔到出來。依家諗番都仲覺得好驚下!!!

點評

alicialee1210

發表於 12-9-6 22:30

私人傳訊

oguh

子爵府

積分: 11575

138^#

發表於 12-9-5 15:01 |只看該作者

本帖最後由 oguh 於 12-9-5 15:01 編輯

辛苦命

有人話，你呢D有錢女，又嫁埋人，洗乜做，點解唔腳un un過日晨，大把人唔想做都要局住做。但我從來都係獨立既人，無論生活上，經濟上，我都鍾意靠自己，從來都討厭飯來張口，想過優質生活，唔係旨意晒靠晒家人或老公，我所有野都係靠自己計劃同努力去實行，所以，我的確係「辛苦命」。

小時候讀書，因為自知不夠別人聰明，我會凌晨4點起床溫書，當時人在英國，宿舍既暖氣試過壞壞地唔夠暖，一路溫書一路震。考試前我D同學仲可以出去玩，但我就日日呆係房溫書。我哥或我姊出去留學，媽媽姨姨一定有跟住佢地過去開學，幫佢地打點生活所有，而我呢？第一年開學已經係自己一個人過去，12歲人仔細細拉住個行李箱，係機場度仲比人吐口水，去到學校第一晚我只係食左片麵包然後就瞓。當年果間寄宿學校雖然校譽好但實在又舊又殘，廁所恐佈不在話下，我記得剛去到無自己帶來既毛氈，當時就用學校既毛氈，又鞋又吉肉仲有陣味，張床仲有蝨咬......

剛上大學時我唔住宿舍同幾個朋友獨立住，佢地係愛爾蘭、印度同俄羅斯人，人人都有屋企人過來探佢地，人人都有屋企人帶來既食物，唯獨是我，開學前後都係自己一條友，屋企人只係寄東西來，寄去當地我一個親戚屋企，果個親戚同我平時完全無聯絡，佢叫我去拿東西，我咩住一個60 lit既背包，裝晒所有家人寄來既野，重到幾乎行都行唔到，一個人搭地鐵搬晒返屋企。我記得，我每行幾步，就要停一停，甚至有路人問我洗唔洗幫手搬個背包。點解唔搭的士呢？我真係覺得自己好蠢。

之後自己又有病，又唔想話比屋企人知，一邊病一邊痛一邊考試，仲要發住高燒去field trip，火車上一直咳咳咳，又嘔又氣管炎，仲要通宵做功課，辛苦到我依家回想起，我都唔知自己點捱得過當年所有恐佈生活，幸好當時Bruce都有照顧我，令我順利畢到業。

我身邊既女性朋友，唔係結左婚做少奶奶，有四、五個工人幫佢地湊細路、打理家頭細務，就係打緊「他條工」，每日準時6點收工去shopping，周未一齊去食個bruch或tea，有個女性朋友由外國名牌大學first honor畢業到依家都未做過野，因為佢一畢業就結婚了，從未試過踏入陰險既職場。

無一個女性朋友好似我咁，由第一份工到依家，做過咁多份工，轉過行，都係長期處於博殺mode，又辛苦又壓力大，最厲害我連續兩日無瞓，或連續一個月無放假，或幾個星期每日只係瞓4個鐘，但呢D都係後生時候既事，依家真係無辦法再咁做。我問Bruce，佢信唔信我係「辛苦命」，佢覺得我比一般人事業心重同專注勤力，咩都要做得好，太上心所以先導致「辛苦命」。

「你有得揀可以唔洗咁！我唔同呀！當年我無得揀，我先係真正既辛苦命！」佢話。但Bruce依家公司上晒軌道好多野佢都交比D下屬去做，佢又投資有道，幾乎進入半退休狀態。我忙到飛起時，佢會send張相過來，話我知佢打緊波好開心，真係好衰格。

但佢都有細心時，佢會係屋企特登拿D飯餸同湯比我，lunch或夜晚係公司一齊食，佢同我公司位reception姐姐講：「我係Madame Selina既工人，拿飯來比佢食的，請你放我入去。」比佢激死。

幾年前我試過辭職在家休息，當時正值金融海嘯，我係某一間公司做得好辛苦唔想做，Bruce完全無異議，叫我即刻遞信走人。我好擔心自己前途，問佢日後搵唔到工點算，個市咁差，佢只係叫我唔洗擔心，以我資歷唔會搵唔到，真係搵唔到就唔好做。結果，我只係休息左一個月，當我準備投入享受少奶奶生活時，好快就有第二間公司搵我返工，辛苦命果然係辛苦命，無得走雞。

我問過Bruce：「你鍾唔鍾意一個咁博命做野既老婆呢？」因為中國人傳統思想中，都唔想個老婆太叻，男人會覺得無面。

Bruce話：「最好你叻過我，我會好自豪。」正當我感到安慰時，佢又話：「不過無可能你叻過我架喇，我叻過你並唔係theory，而係tautology。」

但人生，應該唔止有事業，或者另一個講法係，一個人既才能，並不止限於事業上。

呢一點其實係受到Bruce所影響，因為佢年少坎坷經歷，到佢有所成之後，其實一直默默經濟上或行動上支持某幾個基金同機構，幫助有需要既少年（係佢家鄉），多年來一直都無間斷，搬到香港後就只能經濟上繼續支持。佢令我明白，我既專長除左可以用來賺錢之餘，仲可以幫助人。

目前雖然只係初階段，只係義務性質做東做西，更實在、更長遠既計劃慢慢進行中。但我覺得女性如果顧及到自己事業或家庭之後，能幫助身邊既人，小至如捐錢，或身體力行去做義工，大如放棄職場高薪投入慈善工作，一樣幫到人。呢樣野會令我地更加快樂、滿足，一個人既才能，不止於佢可以搵幾多錢或有幾叻，簡單地去幫助其他人，都可以係一種值得尊敬既才能，換來呢種「辛苦命」，又何妨呢？對於未來既計劃，因為有Bruce支持，我都係樂觀既。