影視娛樂 今日: 0 | 主題: 16170

積分: 6042

醒目開學勳章

121^#

發表於 07-1-30 17:08 |只看該作者

Re: 鍾意睇恐怖片嗎?

真係又要震又要睇，好緊張

私人傳訊

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

122^#

發表於 07-1-30 19:14 |只看該作者

Re: 鍾意睇恐怖片嗎?

可能佢地係教徒來,佢地初初都一直成家人係道祈禱仲叫過d弟兄來唱詩歌,佢個仔當差照計都好夠殺氣,不過真係問題就係呢班唔係普通野,我而家講緊二樓呢單你地就知啦.

二樓租客係自己上來見到租紙一上屋就比個海景吸引左即租,咁佢兩公婆見到d傢私好新都叫業主留比佢地用,半個月之後就搬入來,佢地養左2隻狗其中一隻黑色架,一去到門口就唔肯入屋,抱佢入去隻狗係咁震,佢兩個以為隻狗唔慣陌生地方.

咁第一晚對狗一入夜就走入主人房係咁震,點叫都唔出去,第二日隻細狗就病左起唔到身,佢地即係帶佢睇醫生,話佢急性肺炎,到夜晚就死左,佢地返到屋企一開門隻黑狗就衝左出街走左去.

佢地都唔知發生咩事,第三晚一關燈就開始聽到有人推傢私,又有鞋聲又有女人唱歌,呢d未恐怖....

剛搬入去第一個星期日晚上9:00就發生咁事,佢兩公婆去完食晚飯返屋企,當時個男人明明開左樓梯燈,咁太太跟後面上樓,佢太太上到第一層轉彎時突然d燈息哂,呢個時候有對手好大力係後面掹佢對腳向下拉,太太成個人由樓梯訓落下一層趺穿個頭同手腳損哂,佢叫好大聲個老公即時轉身架啦,不過好怪佢郁唔到去拉個老婆.

佢老公以為黑太太差錯腳者,佢老婆係醫院話明明係一對手,佢比雙小腿佢老公睇有9隻指印真係嚇死人,佢地就打比個學矛山術朋友,佢朋友即刻就查到.....

原來成班有十幾個精,唔係靈體係呢間屋起時平地有棵樹起碼有幾百年,樹係砍左不過冇掘走樹根,本來呢棵樹有精靈依附而家比層樓壓住所以精靈要趕人走.

而家呢間屋冇租比人幾年啦,只係用來做左佛堂,請左觀音娘係道就冇事發生啦.

不過呢條村都出過d幾恐怖事件,一件係同舊村長有關,我親身經歷唔係假架.

私人傳訊

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

123^#

發表於 07-1-30 19:57 |只看該作者

Re: 鍾意睇恐怖片嗎?

嗯嗯..我答下讀者來信先:haah我點解會知.因為當時我係幫呢條村移左民d村民負責收租,維修架,我唔負責租樓架,咁果道位置同景都唔錯我都介紹左d朋友買左個道,雖然發生咁多野不過一d都冇係我身上出過事.

呢間屋唔洗我收租,因為本身業主住係後面,講起呢個業主本身佢地心腸都唔好架,我聽老村長講佢地係舊村時為左要張間屋起闊d就張屋邊一個墳掘起左,因為呢個墳d後人去左英國好耐都冇人返過來,咁佢地張人個墳剷起d骨就掉左係草堆,比狗食左又有風吹雨打咁唔知去左邊.

後來條村要搬佢地d後人先返來不過已經唔見左個墳同個老母d骨,人地查地政都知道佢地間屋長左,個墳就冇左,所以佢地間屋有野個個都覺得係報應來.

私人傳訊

積分: 161936

好媽媽勳章醒目開學勳章畀面勳章環保接龍勳章大廚勳章

124^#

發表於 07-1-31 14:31 |只看該作者

Re: 鍾意睇恐怖片嗎?

真係欲罷不能呀,仲有無呀?????

私人傳訊

積分: 6042

醒目開學勳章

125^#

發表於 07-1-31 17:49 |只看該作者

Re: 鍾意睇恐怖片嗎?

chinatea 你好勁,知咁多,我等你 :lol:

私人傳訊

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

126^#

發表於 07-1-31 22:12 |只看該作者

Re: 鍾意睇恐怖片嗎?

今日講呢條村d村長,我係道做收租都有6年見過3代村長,第一代村長我識佢時,佢已經比人推翻左冇村長做,因為佢當村長時爛賭欠人好多錢就係咁用左政府比佢地後代d屋地去還債,所以令村民好憎佢.

不過因為佢亞媽同村主席係親戚有d勢力咁大家都尊重老人家,舊村長只係好似過街老鼠咁同亞媽住,個老婆一見勢色唔對即時同老公劃清界線.

一個夏天佢突然嘔血之後就話係肺癌已經擴散左,本來一個6呎高180磅男人入完醫院變左得返150磅.140磅一直瘦落去,有時我都會同佢傾下計,佢對以前d事好唏噓.

有日佢係英國d仔女返哂來佢好開心叫左盤菜叫大家食,不過就只有兩枱人來食,過左一星期細仔起程返英國前一日佢就過左身.

後來因為老人家出面佢先可以係村道設靈,果日我都在坐送佢一程,佢d仔女同孫扎左好多野比佢,一直攪到12點幾我就去先睇亞婆就走,大約12:15分我剛入亞婆家門電話就嚮,舊村長妹妹接聽,個電話搵亞婆聽...

亞媽:做咩咁夜仲唔訓呀?...亞婆:訓啦,你係邊呀?食左藥未呀?你都好訓啦.

村長妹妹同我聽到亞婆咁講都你眼望我眼,即刻問佢邊個打來,亞婆話:大佬呀,佢叫我好訓啦.

佢妹即刻搶個電話來聽,不過已經冇人出聲,我地兩個送左亞婆上床就出返靈堂同其他人講.

係大家講講下時,佢細仔就想起一件事,佢話特登買左個最新8250手機比老豆仲寫埋屋企電話號碼係機道,真係唔知你地信唔信.

佢妹話當時聽把聲都覺得似大佬,不過好似係好遠打來,佢又好自然咁比個電話老人家,咁大家唔想佢再掛住亞媽就即刻搵個手機,不過好奇搵極都搵唔到,有人話可能燒左比佢,不過之後冇再發生呢d事啦.

因為過左半年亞婆有日一早叫個工人推佢去露台睇花,到左12點午飯時個工人來餵飯不過亞婆唔知幾時已經去左.

明天講個好淒厲女鬼故事比你地知,因為我第一次係聽另一個村長講,佢講時我只係當故事來聽,不過就係女鬼生忌時佢老公親口講比我知點解女鬼單野嚇親咁多人時我都打左個冷震,因為我覺得佢一路講佢太太就係我後面....

私人傳訊

積分: 161936

好媽媽勳章醒目開學勳章畀面勳章環保接龍勳章大廚勳章

127^#

發表於 07-2-1 11:47 |只看該作者

Re: 鍾意睇恐怖片嗎?

比起你果d,我聽番黎

私人傳訊

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

128^#

發表於 07-2-1 13:46 |只看該作者

Re: 鍾意睇恐怖片嗎?

降頭呢樣野我都接觸過,不過我係幫人解降的其中一個童女,講完女鬼就講比你知.

坤伯好斯文講野細細聲我好多時都會搵下佢傾計,我知道佢35歲太太過左身掉底4個仔女比佢,佢冇再娶挨大4個仔女,睇返佢年輕時好帥哥好靚仔架,我都好奇點解4個小朋友佢都唔再娶人幫下手揍仔呢?

坤伯同佢太太都係由細玩到大,佢太太父親係幫坤伯種田工人來,大家都好窮,所以大家身體都唔係肥大果d人架啦,到左適婚年齡佢地就結婚,不過種田d人真係果頭生完又落田,身體就越來越差.

而且坤伯本身家庭人丁單簿得兩兄弟,咁老人家就想個新抱生多d,坤嫂好聽話幾年落來生左3個仔,老人家好開心,3仔剛2歲坤嫂又已經有左6個月....

有日坤嫂係田趺親,佢趺坐係田道休息左一陣見冇咩事又做過一直到6點收工又趕返去煮飯,日日如是者坤嫂個肚到左8個月突然有日作動,當時係日落佢由田返緊去堅企....

到有人發現佢時,坤嫂已經大量出血暈倒,有d老婦就幫手想張bb生出來,咁一直打醒坤嫂一邊幫佢接生,後來先發覺bb難產,又要推bb入肚再轉好位置再拉bb出來,呢個時候坤嫂全身開始變白,人開始凍bb出世果刻坤嫂即時斷氣,就死係血泊中.

佢一眼都未望過bb,連生左咩都唔知,bb女真係苦命,就因為佢有人話呢個女命硬害死亞娘,有人叫坤伯唔好要佢,話腳頭唔好,你一言我一語大家都冇理坤伯幾傷心.

頭7果晚坤伯抱住個女埋去同太太講比村民迫佢放棄個女, 一行淚咁對住老婆講,呢個時候成屋人聽到好尖女人聲大叫,奶奶第一個就聽到係新抱把聲,好慘咁叫...哎...叫左幾耐

3個仔都識得亞媽把聲就跟住把聲走出去,一家6口親眼見到一個滿身血女人係道飛來飛去,因為鄉村空曠佢把聲好多多人都聽到.

係頭7果日坤嫂就一直晚晚出來哭叫,圍住間屋來飛,呢件事成村人都知,都聽到,返而小朋友就聽唔到,咁有人請南無來同佢交涉啦.

坤嫂比個意識係d仔女太細唔捨得,村民對佢個女太毒辣所以要報復,因為佢難產而死成身血冇地方可以去,佢唔捨得d仔女驚佢地冇得食,又驚個老公再娶,所以唔肯走.

坤嫂一直哭叫左一個月,d村民入夜都小左出門,後來老村長就同坤伯講咁落去好影響人,咁坤伯就同個老婆發誓唔再娶,個女都會好好養大佢,唔會放棄,問佢仲有咩心事,坤嫂果晚只係圍住間屋轉就冇再叫.

到左100日坤嫂就冇再出現,不過細膽d人同講過叫唔好要個女d人就間唔中會聽到女人好淒涼咁喊.

坤伯當日已經78歲啦,滿頭銀白頭髮,不過佢講起太太時對佢果種尊敬一字一句都係好似昨日事咁,不過果日係坤嫂生忌,佢講到100日之後....我背後就好凍,我覺得佢係後面聽住個老公講佢呢件事,我當時都唔係驚,佢覺得坤嫂好慘,因為難產所以轉唔到世,因為佢仲掛住d仔女幾十年都冇擺底呢個心事去化解,我諗坤伯離開人世時坤嫂先可以安息.

私人傳訊

積分: 161936

好媽媽勳章醒目開學勳章畀面勳章環保接龍勳章大廚勳章

129^#

發表於 07-2-1 15:47 |只看該作者

Re: 鍾意睇恐怖片嗎?

坤嫂好慘呀, 好彩佢仲可以保護到個女

私人傳訊

積分: 6042

醒目開學勳章

130^#

發表於 07-2-1 17:11 |只看該作者

Re: 鍾意睇恐怖片嗎?

唉,,,,真可憐

私人傳訊

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

131^#

發表於 07-2-1 19:20 |只看該作者

Re: 鍾意睇恐怖片嗎?

係呀,女人舊時嫁入村真係好慘又冇地位,得個做字,佢4個仔女好生性去哂英國,個女係英國做律師架,有6個孫,所以坤嫂真係應該安息啦.

私人傳訊

積分: 161936

好媽媽勳章醒目開學勳章畀面勳章環保接龍勳章大廚勳章

132^#

發表於 07-2-1 23:12 |只看該作者

Re: 鍾意睇恐怖片嗎?

我諗起當時情景,假如我見到有隻女鬼一路飄、一路尖叫，都咪話唔驚呀！！

私人傳訊

積分: 161936

好媽媽勳章醒目開學勳章畀面勳章環保接龍勳章大廚勳章

133^#

發表於 07-2-1 23:37 |只看該作者

Re: 鍾意睇恐怖片嗎?

我個朋友有個小經歷，佢十幾歲時成日去踩單車，有一次佢同朋友去沙田馬鞍山踩單車，當時條路係好多上上落落位，佢記得佢上左一次再落坡一次，當第二次落坡向下時佢見到對面有個女仔，坐住格單車失晒控，兩隻腳仲叉開晒，佢見到咁既情形就驚撞埋一齊，下意識就轉汰，一扭就撞向左邊石駁位跌左出黎，塊面、手同身都損晒，其實佢一扭去左邊時既記憶就開始無晒架啦，但佢D朋友問佢野佢都識答"唔","係呀"等，佢坐係路邊，佢D朋友去買D藥物返黎俾佢搽，係呢個時候佢個腦忽然由當日朝早幾點出門、幾點食野、幾時同屋企人講過野，一路play back到佢出事，係個腦度重現一次，跟住佢見到好似一度門咁，打開左，有D強光射出黎，就咁佢就醒左啦！最奇怪係佢同朋友講番佢因為避個女仔而炒車，但佢所有朋友都話無見過有一個咁既女仔，只係見到我朋友無端端自己扭汰！真係到而家都解釋唔到究竟發生咩事！！

私人傳訊

talkative

禁止訪問

積分: 205825

畀面勳章環保接龍勳章

134^#

發表於 07-2-2 00:10 |只看該作者

Re: 鍾意睇恐怖片嗎?

提示: 作者被禁止或刪除內容自動屏蔽

私人傳訊

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

135^#

發表於 07-2-2 01:55 |只看該作者

Re: 鍾意睇恐怖片嗎?

小路你講開撞樹就令我記起一件事,係發生佢一個(香港)創作歌手身上,發生邊年我唔記得啦,件事係發生係美國,歌手家人,當日有兩架車一齊出發去玩,回程時大哥,媽媽,同懷孕太太一架車在前行,後面係另一架親戚的車,因為要開車6小時先可以返去屋企咁一般都半夜就開車天光就到目的地.

佢地由科羅拉多開車好似係行左只一個小時經過樹林呢個時候後面架車就睇住前面架車突然撞埋一棵大樹,司機同太太暈左,不過歌手媽媽就彈左出車外重傷死左.

佢太太懷孕7個幾月但佢一直未醒,等左2個月醫生幫佢開肚拎左bb出來,好左冇耐太太都醒返,歌手哥哥同警方落口功,話當時本來車開得好順但突然有3個好肥的外國人(2男1女)係樹走出來過馬路,因為好突然佢就扭呔咁就撞左埋樹啦.

但後面架車一直跟住佢地係咩都睇唔到架.只係見佢突然好快咁剷埋去.

私人傳訊

積分: 161936

好媽媽勳章醒目開學勳章畀面勳章環保接龍勳章大廚勳章

136^#

發表於 07-2-2 10:38 |只看該作者

Re: 鍾意睇恐怖片嗎?

唔通係想搵替身???/呢d事件其實我係恐怖熱線聽唔少架!!!chinatea, 你有無聽恐怖熱線架?

chinatea 寫道:
小路你講開撞樹就令我記起一件事,係發生佢一個(香港)創作歌手身上,發生邊年我唔記得啦,件事係發生係美國,歌手家人,當日有兩架車一齊出發去玩,回程時大哥,媽媽,同懷孕太太一架車在前行,後面係另一架親戚的車,因為要開車6小時先可以返去屋企咁一般都半夜就開車天光就到目的地.

佢地由科羅拉多開車好似係行左只一個小時經過樹林呢個時候後面架車就睇住前面架車突然撞埋一棵大樹,司機同太太暈左,不過歌手媽媽就彈左出車外重傷死左.

佢太太懷孕7個幾月但佢一直未醒,等左2個月醫生幫佢開肚拎左bb出來,好左冇耐太太都醒返,歌手哥哥同警方落口功,話當時本來車開得好順但突然有3個好肥的外國人(2男1女)係樹走出來過馬路,因為好突然佢就扭呔咁就撞左埋樹啦.

但後面架車一直跟住佢地係咩都睇唔到架.只係見佢突然好快咁剷埋去.

私人傳訊

積分: 6042

醒目開學勳章

137^#

發表於 07-2-2 17:50 |只看該作者

Re: 鍾意睇恐怖片嗎?

好緊張，而家恐怖熱線好似無咁好聽咁

私人傳訊

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

138^#

發表於 07-2-2 19:09 |只看該作者

Re: 鍾意睇恐怖片嗎?

冇架,我只係開車時聽下路面交通消息,我屋企冇收音機架,我可能住鄉村就聽得比較多呢d野,同埋我本身命硬又唔驚呢d野,所以我接觸到都好我又唁覺咩一回事,只係我住過青衣美景花園果道就試過比佢入過我夢同我鬥過.

你地要聽我仲有好多包你地係未聽過,唔係成日傳來傳去果d,而係發生係我身邊,唔到你唔信.

不過有時我怕打太多字我就簡單d,好多濃縮左者,跟住落來我今晚講有關我細佬的事,唔係嚇你....

私人傳訊