吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 早產嬰兒交流站..

嬰兒醫護今日: 0|主題: 79147

收藏本版

發帖

返回列表

跳至頁

樓主: 過客

早產嬰兒交流站.. [複製鏈接]

70 717273 74...97

coco媽咪

大宅

積分: 2151

1421^#

發表於 07-4-24 23:47 |只看該作者

Re: 早產嬰兒交流站..

YoYoi~我唸我而家既心情同你係一模一樣 :-( 面對早產BB,我自己既心情,就好似坐緊過山車一樣...又起又跌

BB行1步退2步既進展,真的令我心力交瘁 :-( 滿以為進步得快可出院既時候,BB又再跌機,又話貧血要輸血 :-( 餵餵下奶既時候,BB又唔抖氣跌機,睇住BB塊面由紅轉青,由青轉紫 :-( 我當堂嚇得手忙腳亂 :-( 但面對住BB又唔可以哭,眼裡面既眼淚快擁出黎既時候,仍然要堅強面對,只好將快擁出黎既淚水強忍,然後走入

私人傳訊

amon28

男爵府

積分: 7204

1422^#

發表於 07-4-25 00:00 |只看該作者

Re: 早產嬰兒交流站..

wong bb, podi,dorischung,catcatchong

好耐冇同你哋傾計,各BB好嗎?

華豐仲未識行,仲係用脚尖行路,做鞋一事個物理治療師話見到我先同我講,因上次我放唔到假同囝囝去,只得個工人帶囝囝去做物理治療,聽個工人講,好似唔係好想做鞋比我囝囝,話咁細個唔洗做喎!要到5月3日再反去做物理治療,到時聽吓佢點講
gathering 好呀,與埋我哋,不過就要星期日先得,因星期六囝囝要返保護兒童協會playgroup,上星期第一堂,囝囝未試過咁熱鬧咁多小朋友唱歌仔拍手掌好嘈好開心時,佢突然嘩嘩大喊,攪到我手足無措,到中段適應咗環境玩遊戲就好開心,不過我覺得可能囝囝帶眼鏡原故,同埋仲未識行,有好多媽咪同小朋友好抗拒同囝囝玩,當有個環節係互相認識做個好朋友時,好少媽咪比佢BB主動同我囝囝握握手,咁我就主動帶囝囝過去握握手,佢哋就好冷淡
其實我都有些擔心第時囝囝返學會比同學仔笑佢帶眼鏡唔同佢玩,形成佢有自卑

conniesm

搞點晒就快些返來,會好掛住你哋

私人傳訊

josephinehi

複式洋房

積分: 300

1423^#

發表於 07-4-25 01:53 |只看該作者

Re: 早產嬰兒交流站..

我BB都經歷過和你一樣的情況，我明白你的心情，我BB都只是出院一星期左右，加油努力!!!

私人傳訊

YoYoi

別墅

積分: 597

1424^#

發表於 07-4-25 12:25 |只看該作者

Re: 早產嬰兒交流站..

昨天去探囡囡佢又好些了, 不要用呼吸機同埋好精神, 我同我老公都好開心, BB 真係好努力…現在佢都36週了 , 我估應該呼吸會好些…希望神賜力量給她, 健健康康咁成長。

Podi, 係呀有個姑娘佢肥肥矮矮, 好好人又好好傾的, 其實東區好多姑娘都好好, 都會跟我傾講只係有少部份比較 cool..

Joseplinehi, 你BB 多少週出生的? 住了醫院多久 ? 現在返到屋企如何呀 ? 仍然食人奶嗎 ?

Coco 媽, 你真的說得對, 很多人都話我好似沒有生過仔咁, 身形沒有點變, 又話7星仔好聰明, 有時真係有苦自己知。有得選擇我寧願辛苦些, BB 遲些出來, 唔洗佢受咁多苦, 有時係街見到人哋的BB好得意又可以出街玩, 真係好羨慕他們。我BB 初初出院, 我估我頭半年我都唔敢帶佢出街, 我驚佢會病。

聽你地講 playground , 其實 BB 多大可以去的 ?? 我真係唔係好識做人阿媽, 好多野都唔知。好似聽我朋友講, 要想一些教材給BB聽, BB 3個月就要開始聽, 好似迪士尼美語世界, English-Time 咁, 我真係一點都沒識, 你地有沒有人用這些教材呀 ? 迪士尼美語世界都好貴, 要6萬多, 真係攞命….

你地約出來見面呀, 我都想 join , 雖然我BB 未出院, 但我都好想跟你們分享下經驗, 等我囡囡出院後可以好好咁照顧佢。將來等我囡囡出院, 約埋一班小朋友出來玩, 實好開心姐。

私人傳訊

dorischung

別墅

積分: 836

1425^#

發表於 07-4-25 14:19 |只看該作者

Re: 早產嬰兒交流站..

coco， YoYoi，
加油！堅強d呀！
時間過得好快，你囡囡好快會長大，放鬆心情休息吓，慢慢你就會習慣，別人成日話7星仔好聰明，你就好啦等，以前我會覺得佢地唔會明，而家我會念可能佢地想安慰我呢！
我囡囡都要輸血，又係飲奶唔抖氣，佢好心急，飲到塊面黑晒都仲要啜，醫生話佢未協調到，一直靠機飲奶，同期的bb走晒，囡囡都未走得，後來我地餵佢飲奶，佢啜幾吓，我要走支奶，但係返到屋企，佢飲奶又無黑面，可能唔同奶咀吧！

私人傳訊

Wong_bb

複式洋房

積分: 181

1426^#

發表於 07-4-25 15:20 |只看該作者

Re: 早產嬰兒交流站..

Dear Amon28....

just take more time to walk with him ar....very work and tell him walking is a funny things.

私人傳訊

leungwaimin

大宅

積分: 1759

1427^#

發表於 07-4-25 15:55 |只看該作者

Re: 早產嬰兒交流站..

Yo Yio,
add oil 呀!!!當BB可以回家時,真係會好倦同擔心.....
不過

私人傳訊

coco媽咪

大宅

積分: 2151

1428^#

發表於 07-4-25 19:27 |只看該作者

Re: 早產嬰兒交流站..

Zoe~
唔好客氣,我地應該互相支持鼓勵的!!!你講得好岩...我自從我個仔出世後,我只係同d親戚講我已經生左,至於我d朋友,我一個都無講,唔想講既原因,係d親戚已經好煩,我唔想煩上加煩,更加唔想聽d可憐我既說話,因為我個仔雖然7個月出世,要住耐d醫院之外,身體託賴尚算ok,最多係我地倆公婆辛苦dd,所以我唔覺得我有d咩咁可憐!!!我同你一樣,最憎d人不停問問問問...問到我都扯開話題都仲要問,有時真係火都黎

我無產後抑鬱已經算係咁了

亦感謝BK有得比我發洩下,和多得各位BK媽咪既支持同鼓勵

Zoe~你自己要小心身體啊!!!
josephinehi~
恭喜你BB出院回家!!!BB出院後係咪仲忙呀?你都要休息多d呀!!!大家都努力加油啦!!!

YoYoi~
我個仔初初學自己呼吸時,都係有時要用番貓鬚,有時就比佢自己學,因為佢地呼吸要好用力,會好容易倦,就算我個仔而家已經可以自己呼吸,但佢都仲有偷懶唔呼吸既情況出現,我地大家一齊加油努力啦!!!

dorischung~
多謝你既支持同鼓勵!!!係呀...我個BB都係因為飲奶好急,有時回唔切氣,塊面就轉哂色

真係心血小d都比佢嚇c呀

私人傳訊

catcatchong

男爵府

積分: 5896

1429^#

發表於 07-4-25 20:45 |只看該作者

Re: 早產嬰兒交流站..

amon28
載眼鏡呢個問題你唔駛禁擔心..安安返學都冇同學笑
開頭都有叫佢眼鏡仔.因為佢仲末知安安叫乜名..後來都冇再叫lu.佢甚至連高年班都識佢..因全班得佢一個載眼鏡..特別容易記
点解 PLAYGROUP D人咁COOL架..乜佢哋晤係想小朋友可以識多D朋友仔先返PLAYGROUP..我相信你嘅熱情可溶化佢哋嘅

生命有價...入黎聽下~~恩典太美麗~~靜思語錄一頁子莊 ~蒐集坊間流傳的箴言和佛偈、佛經 Anson blog

私人傳訊

dorischung

別墅

積分: 836

1430^#

發表於 07-4-25 21:50 |只看該作者

Re: 早產嬰兒交流站..

YoYoi，

YoYoi 寫道:
聽你地講 playground , 其實 BB 多大可以去的 ?? 我真係唔係好識做人阿媽, 好多野都唔知。好似聽我朋友講, 要想一些教材給BB聽, BB 3個月就要開始聽, 好似迪士尼美語世界, English-Time 咁, 我真係一點都沒識, 你地有沒有人用這些教材呀 ? 迪士尼美語世界都好貴, 要6萬多, 真係攞命….

我都係得一個囡囡，好多嘢都唔識，唔知點管教佢，但係好多媽咪朋友都好肯幫忙&仲有bk媽咪教呢！
學前教育唔係個個都認同，但係多一點剌激對bb都係好，我囡囡1歲多dd(更正年齡)都仲未有反應，成日自己玩呆呆吓都唔理人，咁我就同佢join咗個較為郁活動的playgroup玩，上堂玩過的嘢返到屋企又可以再同佢玩，玩玩吓好快反應好咗，當然，唔去playgroup的話，平日都可以多d同囡囡玩，去公園、遊樂場、shopping時話比佢知那些是什麼什麼(活動、認知)，聽吓音樂歌仔(感官)，同佢多d講嘢(言語)，同隔離鄰居d小朋友玩(社交)等。

我一早就買咗dwe比囡囡，出世到而家佢從dwe學到好多嘢，不過我每日唔會比佢睇多過0.5個鐘頭dvd，其實英文教材有好多，noddy/鵝媽媽等都好多媽咪會撰，仲有可以去圖書館借書，我囡囡好鍾意睇圖書，我都會去圖書館借書。

私人傳訊

podi

大宅

積分: 1076

1431^#

發表於 07-4-26 01:07 |只看該作者

Re: 早產嬰兒交流站..

coco媽咪, leungwaimin&Zoe,
我好明白你地既心情, 我屋企果時仲要派薑醋, 仲煩! 我同老公已經好煩, 唔想見人, 連朋友都無搵. 隔離屋有個師奶, 成日都問我地bb夠5磅未, 我話夠但未出院, 佢又問咩唔係夠5磅就出院咩?! 我真係唔想解釋咁多啦. 不過, 依家望番轉頭, 呢d事真係好少事架咋, 最緊要就係bb身體健康, 其他野已經唔重要!

私人傳訊

熊仔仔媽咪

大宅

積分: 3672

1432^#

發表於 07-4-26 01:09 |只看該作者

Re: 早產嬰兒交流站..

amon28:

從最初你透露你 bb 出世的情形開始, 我已覺得你是一個很堅強的人. 去 Playgroup 時其他家長似乎冷淡對待你的囝囝, 你可以立即從被動改為主動, 帶 bb 去跟其他囝囝接觸, 看到這裡我很感動. 你的積極性格, 你的囝囝一定會遺傳得到, 亦不用擔心他會自卑! 其實我經常見到很多很小的小朋友都有戴眼鏡 (我想大約是幼兒班吧), 而到了小學之後, 戴眼鏡的小朋友將會更多, 到時更不用擔心囝囝跟其他人不同啦, 對嗎?

話說回來, 我想問你的囝囝現在是近視嗎? 是不是由於做過激光手術引致的呢? 戴眼鏡是短期矯正, 抑或是長期的呢? 由於我的 bb 也做了激光手術, 我很想知道. 謝謝.

熊仔仔同D豬係爹哋媽咪心肝寶貝豬

私人傳訊

podi

大宅

積分: 1076

1433^#

發表於 07-4-26 01:25 |只看該作者

Re: 早產嬰兒交流站..

YoYoi,
你囡囡剛剛輸完血面色一定好好架, 比d時間, 好快就出得院lu.

至於playgroup, 我都係等囝囝識得行先安排佢上堂. 之前就上左1個trial lesson, 囝囝當時仲未識行, so佢唔係咁投入, 不過好彩係free. 我自己就無買教材比囝囝, 只係問朋友借迪士尼美語世界DVD比囝囝睇. 係借咋, 無買, 實在太貴, 同埋我唔係咁想囝囝咁細個就'質'咁多野比佢, 我prefer佢多d出去睇下呢個世界instead of睇DVD, 所以我阿媽湊囝囝, 每日都會去2次公園玩, 等佢同多d小朋友接觸, enjoy佢既童年. 另外我又會買書, 我囝囝好鍾意動物, 咁我就會買d動物書, 不過就會買平既, 例如去深圳書城; flash card我就會自製, 上網print flash card, 然後用photo album入起. 我覺得教材有教材既好, 不過最終都要我地有時間陪佢地睇, 唔係播左等bb自己睇就算, 呢樣野對於我來講係最奢侈, 因為我仲讀緊個part-time

但點都好, 我每日都會抽10幾分鐘同囝囝一齊睇書, 培養佢閱讀興趣.

私人傳訊

podi

大宅

積分: 1076

1434^#

發表於 07-4-26 02:14 |只看該作者

Re: 早產嬰兒交流站..

amon28,
你已經做得好好架啦, 係果d媽咪唔識做, 唔好擔心華豐第日返學比人笑, 呢d野控制唔到, 最緊要我地識得用方法教育小朋友(例如解釋人人都有缺點, 好多人都戴眼鏡....), 等佢大個有自信, 呢d野我都要慢慢學, 因為我仔細粒我都驚第日返學佢比人蝦!

私人傳訊

kalau

洋房

積分: 159

1435^#

發表於 07-4-26 10:30 |只看該作者

Re: 早產嬰兒交流站..

I feel the same. My BB was born 25 wks 6 days. His heart still has PDA problem, lung has BPD and oxygen level around 30-35%. After eating 4ml/2 hrs, his tummy too big and they have to stop. Next week, he should be tested for ROP. I really hope he will be ok, but I'm so scare he is so weak.

Petrina_To and 熊仔仔媽咪, can you share your experience as my BB only 35 days old and it seems not much progress and I'm very scare about his lung and eyes. Thx! :cry:

私人傳訊

YoYoi

別墅

積分: 597

1436^#

發表於 07-4-26 15:14 |只看該作者

Re: 早產嬰兒交流站..

Kalau

你BB 住係邊間醫院 ? 出生時有多重呀 ?
我囡囡是27week6 出生, 現在已出生62天了, 仍住係醫院。我好明白你的心情, 我起初都係好驚, 好驚囡囡的肺唔好, 驚隻眼有事, 或有什麼病, 又擔心驚將來唔知點照顧佢。有時傷心到覺得好對囡囡唔住, 要佢受咁多苦。

我記得, 囡囡初頭的進度都很慢, 但等到佢差唔多足月的時候, 大概33-34 週, 情況會好好多, 會穩定好多, 所以唔洗太擔心。現在只係暫時性, 等佢大點就會好些。你有否餵人奶給 BB 呀 ??

其實想深一層, 我們擔心都沒有用, 要發生的要病的, 我們都沒有辦法去控制及改變, 就算足月 BB 也會有病也會有問題, 放鬆些及看開些, 將BB 交給醫院, 要相信他們及現在的醫學昌明, 最重要對 BB 有信心。其他早產媽咪成日都講早產BB 的生命力和意志力都好強的。放心啦 !! 願主保佑你BB 健健康康 !!

私人傳訊

熊仔仔媽咪

大宅

積分: 3672

1437^#

發表於 07-4-26 19:49 |只看該作者

Re: 早產嬰兒交流站..

kalau,

我的 bb 是在出世後第六個星期進行 PDA 導管結紥手術的. 當時已用過 2 次藥, 但都未能成功關上導管. 至於氧氣用量, 我反而覺得不用太擔心, 因為我的 bb 在做導管手術前的用氧量更高, 手術後也不是立即有很大的進步. 直至約 33-34 週, 才漸入佳境, 但也是徘徊在 30-35%. 這一點是急不來的, 要多點耐性, 有一天 bb 突然間會有大躍進, 然後可能又會原地踏步好一陣子, 跟著又是另一次大躍進. 當 bb 有一天突然不想用氧氣了, 那就可以甩喉啦. 但在這一天來臨之前, 作為父母的只要保持樂觀正面的想法, 每天到醫院為 bb 打氣已經可以了.

祝你 bb 早日出院!

熊仔仔同D豬係爹哋媽咪心肝寶貝豬

私人傳訊

amon28

男爵府

積分: 7204

1438^#

發表於 07-4-26 22:49 |只看該作者

Re: 早產嬰兒交流站..

catcatchong

安安點解要戴眼鏡?你會唔會比佢睇電視,我知做咗激光係好容易有近視,所以我唔比華豐睇電視,但都避免唔到
你早排話安安飲少了奶之後可以食多咗飯,是否真的,我囝又係唔咪好食飯,睇完鏘集後我都想減少一餐奶,睇吓是否真係食多咗飯,但我又唔知點樣安排

podi

教小朋友真是一門好高深的學問,好多時我自己都唔知教得岩唔岩,由其我們早產BB父母,因我們BB先天已經比人弱,後天就要加倍努力好好照顧,教導,培養,要追反同齡BB 並非一件容易的事,無形中就給了自己一些壓力,樣樣都擔心
我都好明白好多父母都冇聽過/知道早產BB的事,我又唔想講咁多,就算我講佢哋都唔會明,所以佢哋以為華豐係足月BB,咁大個又唔識行又戴眼鏡覺得好奇怪以為佢有問題囉
好多時人哋問我囝幾大我就話1歲,費事解釋咁多,免別人用奇異眼光睇我囝

熊仔媽咪

華豐近視係激光後的後遺症,醫生無講要戴幾耐,相信要戴到近視有改善為止,5月中返眼科醫院覆診就可知道近視有冇改
善
你放心眼科醫院會跟得好足,定期會覆診,未必個個做完激光後都會有近視