本帖最後由 LuckyBBB 於 14-1-29 16:28 編輯
大家好，已經差不多九個月無在呢版留言喇 ! 希望大家唔好介意我咁耐先0黎報喜 & 同大家打氣，因為懷孕0既經歷對我0黎講真係一d 都唔容易，種種0既擔心真係接二連三咁出現，真係未到最後一刻都唔敢開心住 !
但我今日終於可以要同大家講，我在 24 /1 終於卸貨喇 ! 係女女，3.04 kg ，大家都耍加油唔好放棄呀 !
2009 尾 ~
結婚
2010年 9月 ~
test 晒排卵日咁試0左半年都唔成功
2011年1月 ~
搵家計會，發現我 fsh12好高 & 老公丁丁型態得 3%
2011年4月 ~
有轉介信比我去威記輔助生育科，但威院比個期係 2013年1月先聽第一次講座 (見到個期真係眼都突)，於是分別打0左去仁安約期 & 瑪麗私家約期，最後仁安最快個期比0左我9/2011 , 而瑪麗就 6/2011
2011年6月 ~
最後揀0左瑪麗私家，因為出名 d & 可以平過仁安 (但我卻住粉嶺)
2011年9月 ~
正式開始第一次IVF 療程 ，最後有2A 2B (當時滿有信心，以為用IVF0既方法就可以解決0左我 & 老公問題一take 成功) ，點知…….中0左OHSS，無得放鮮胎，攪到 1/2012 先再放雪胎，唔成功……. 3/2012 再放埋其餘兩個雪胎又唔成功 ，當時我真係覺得好驚訝 & 諗唔通，連醫生都覺得驚訝點解會唔成功 (因為我都未係高 O，而且胎0既 grading 又好，應該成功機會好高)，但都無辦法唯有接受…….. 失敗之後開始看中醫食中藥、食Q10、介口
2012年5月檢討
2012年 9月 ~
正式開始第二次 IVF 療程，今次心態已經無第一次抱咁大希望，都係平常心去面對，但點知今次結果仲衰過第一次結果，得 1A1B其餘 2 粒免強可做雪胎 (唉……已經佞晒中藥，做晒我可以做0既0野都係咁0既結果呀)。但今次有機會放鮮胎，11月廿幾號開估日唔中0黎M，當時自己都無抱有中0既希望，所以都唔係話好失望 ………. 點知 D M 0黎0左十幾日都唔停，一驗之下兩條線 ??? 其實當時都無開心感覺，因為心知不秒應該係有 D 古怪，點知係中左宮外孕囉 ……..唉 ! 做微創無0左一邊輸卵管 。
2013年1-2月
在香港失敗過 2次，已經再在香港做成功機會都唔高，而且唔想再拖一年先試得一次，於是我已經開始看 “台灣IVF 呢版” 計劃在 3 月放雪胎唔成功之後就過台灣做，快 & 平 !
2013年3月中
調理好身體諗住放埋果個個免強可以雪0既雪胎啦，點知當天在病房等緊放胎前，有醫生過0黎同我地講，兩個雪胎都解凍玻裂0左，無得放 …… 當時我老公聽到真係晴天霹靂，我就有 d 驚訝 & 失望，無諗自己可以行衰運行到咁囉 ! 都試０左２年半啦，使晒我地０既積蓄，總共放０左３次胎，２次唔成功，１次宮外孕仲無埋一條輸卵管，而家連最後兩個機會都唔比我地 ．．．？？？ 當時諗，上天係咪真係覺得我地唔適合有ＢＢ呢？唔想比我經歷＆感受到懷孕０既感覺呢．．．．．當時心情真係去到谷底 ＆ 有Ｄ絕望！不過心抵裡面為０左安慰自己就唯有諗，咁0既 grading 雪胎就算放0左都應該唔成功呀啦 !
2013年4月頭
過台灣第一次見老劉，佢看我個case 唔太差，應該ok喎 (但我自己就已經無咩信心，因為已經失敗過 2 次)
2013年 4 月尾
第二之返去照卵，初時只得 3-4粒，當時好失望，因為以我2次IVF經驗最後都係得番1/3成到胚胎
2013年 5月頭
抽卵日抽到 7粒 (比我想像中好 D啦)，過0左一日得知成胎結果，有 3 個 Grade A，真係好感恩，即是成胎 % 比香港高 & 靚，由叔去照卵到放胎過程總共用0左 8 日時間，比我預期中少
2013年 5 月中 (bingo)
放胎後 day 11 有淺控 (有少少希望但唔敢開心)，day 12 – day13 check都有淺控(雖然有希望，但超擔心又再一次宮外孕)，於是去驗 hcg 238 ，去到開估日再驗hcg 513 , 有1.66倍上升，算可以放下一半心頭大石，因為一日仲未夠週數照到胎囊位置，一日都未敢開心住)
week4-week6
擔心照唔到胎囊 & 宮外孕
week6 – week8
擔心照唔到心跳
week9 -12
突然話子宮積血有可能作小產
week 12
Check到唐氏高風險
week 13-15
檢nifty等結果 (詳細 check 唐氏係咪屬於高風險)
week 19
發現孖B中細B臍帶血流有問題，引至營養不良，週數偏細，好有可能會發育不良甚至唔再長肉，一路超擔心
Week 21
細 B 血流直情倒流，有可能會無端端走0左，所以每日都刻意地留意有無胎動
Week 23
細 B 血流無再倒流，以為好轉或情況穩定，醫生開病假比我在屋企休息，希望令細 B 吸收得好 D，點知在屋企休養期間我無那那又0中左輕微霍亂，係咁屙
Week 23.5
細 B 已經突然走0左喇，傷心0左幾日，就開始擔心個死胎在肚裡面會否影響大 B，而且又中埋霍亂，日日屙，一路屙到生果日都仲屙緊，真係擔心到差不多崩潰
Week 25
突然又話我宮頸短 (即是個胎好近子宮頸出口，隨時會早產) 聽到真係嚇到心都離晒，因為 28 wk 都未夠，隨時保唔住個 bb ，於是就開始我長期 SL 在家休養0既日子，除0左去產檢，其餘時間都唔可以出街，要盡量坐 & 瞓。當時我在度諗………….點解我0既衰運真係未停過0既呢，由兩年半前開始計劃耍 bb開始已經一d 都唔順利，幾衰0既0野我都已經經歷過啦，點解連 bingo後都唔可以過一日安心0既日子呢，擔心接三連三咁出現，由驗到 bingo 之後都未正式享受過懷孕0既過程，點解我懷孕0既路會比其他人崎嶇 & 波折重重呢 ? 當時呢 d 諗法不斷在我腦海出現，真係好想唔通 & 覺得唔公平………..
Week25 -28
但日子都耍繼續過，而且我肚裡面仲有我唯一0既寄望，就係大B ，於是我唯有為0左大B而努力，唔再去諗一D唔開心０既０野！幾經辛苦先捱到去 28 週，第一個安全島，但這三星期真係好似過0左幾個月咁耐 ……
Week 28-34
呢段日子個人放鬆了少少，開始可以學習享受懷孕0既感覺，到達了第二個安全島
Week 34-36
已經成功登上安全島，可以完全放鬆去享受懷孕0既感覺
Week 37
大 B 已足月了，可以隨時出世，這一刻先覺得自己係同其他順利0既媽媽無分別
Week 39
經歷0左 7 小時催生痛楚，再轉開刀，BB 終於 平安出世了
回想番自己呢 3 年幾以來雖然懷孕0既經歷真係好崎嶇 & 波折重重，唔明白呢 D 不孕0既事情點解偏偏要發生在自己身上，而人地就事事順利開開心心，想耍就要，但只要唔好放棄，遇到困難0既時候看開 D 、平常心D，痛苦0既經歷總會捱過0既，只要相信上天最終都會比我地有苦盡甘來0既一日呀 ! 大家加油呀……..
同埋到時會有sample比我地實習下, 因為就咁聽冇咁易入腦, 有sample試埋仲好
好彩而家冇咁凍, 我會開始番跑步同浸腳, 之前太凍啦, 放超熱水去浸都冇汗出, side時間:pppp: 
，點知去到原來我有乳激素
，乳頭上面有分泌，食藥就可以，基本上問醫生咩都話無問題，咁就攞藥啦，老公雪埋丁丁，因為擔心下次黎唔到，黎m就開始打針，太約day9就番去，點知一照就差唔多大細
，即晚就打破卵針，day12就抽卵，姑娘第二日打黎有10粒受精，day15放胎，但就得3粒較好，係 1A2B，我決定放晒佢，休息到day18就走，一共用左大約14萬，其實應該小d嘅，因為第一次去開多左葯，驗血報告出左後，打俾我話唔洗咁多，減小打葯，但最後無得退，呢度各位jm要注意，而家係無得退嘅，最後7粒雪胎係唔成功嘅，可以攞番錢！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
