少年成長 今日: 0 | 主題: 16099

http://forum.baby-kingdom.com/viewthread.php?tid=909498&extra=page%3D1&page=4

積分: 33215

1463^#

發表於 13-10-28 23:05 |只看該作者

本帖最後由 SandraLo 於 13-10-30 17:14 編輯

japoton 發表於 13-10-27 22:26
Sandralo
我罰佢naughty chair 因佢3歲我罰 3 min or more 1-2 min , 佢最鍾意就係玩囉,佢naughty 我已即 ...

japoton :
1) and 2) 其實你做乜嘢佢都會學的, 我不知你的眼神可以有幾惡和會不會太嚇人, 但堅定的眼神是有須要
3) 可看這裡第一個 post

4) 千祈唔好誤會, 我並非叫你樣樣先問佢, 問佢只係想避免佢借換人做藉口發你難渣而你又唔識處理, 基本上你係可以話唔得, 唔換人！！！

刷牙冲涼呢d, 你可以照捉佢做, 做完讚, 佢唔做, 你底線係乜？有家長真係可以話小朋友唔肯食藥所以唔食個囉！

5) 佢喊係唔高興你唔就佢, 你唔會每樣嘢都就到佢, 就到都唔好就, 你都唔想佢EQ零蛋冇朋友, 咁佢喊咪由得佢囉, 你想點？

6) 不關事任何階段的, 年紀大少都係咁................... 細個喊開有用(改變到你地), 咁梗係喊咗先, 喊就有咪持續用喊囉, 人性如此, 喊就有都係你地所 allow 的！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

japoton

積分: 4381

1464^#

發表於 13-10-29 13:03 |只看該作者

SandraLo 發表於 13-10-28 23:05
japoton :
1) and 2) 其實你做乜嘢佢都會學的, 我不知你的眼神可以有幾惡和會不會太嚇人, 但堅定的眼神是 ...

我會努力再試
即係如果佢無理咁喊, 我地就唔需要同佢講任何野
如果佢唔刷牙, 沖涼我照捉佢沖? , 那如果他堅持唔沖涼/刷牙咁我可以點做?我底線係一定要佢完成唔可以因喊可以唔做

今朝佢起身就叫我同佢玩車, 我話起身第一件事要刷牙先, 佢同我講 5min , 咁我叫佢睇一睇個鍾, 我話個支長針去到3 字就到5 分鍾了, 夠鍾我就叫他睇下我們現在一起刷牙, 但佢刷2 下就叫媽咪幫我刷, 我唔幫佢佢唔刷, 我怎樣可以叫他自己刷牙呢?
他現在換衣服我叫他自己做,他又一定要我幫手, 我唔幫又喊, 最後我都要幫佢做, 我想訓練他自己可以自理, 怎做好呢 ?

私人傳訊

@Q太朗@

積分: 1556

1465^#

發表於 13-10-29 14:49 |只看該作者

回覆：小朋友大脾氣,可以點教 Part III

你好，在管教小朋友方面真係遇到好多困難，由其是我lee d新手媽咪。想請教下當遇到lee d問題點應付好。
我嘅情況就係甘嘅，我個仔依家13個月，脾氣好大，一唔鍾意郁d就係街上拗腰大吵大鬧，如果抱得佢唔實，甘大力頭向後鐘實會跌落地。如果在家裡，我實放佢落地，佢就會訓地上，對腳踢唔停，個身就碌來碌去，周圍撞，大嗌，愈嗌愈大聲，癲晒甘，我就唔會理佢，背對住佢坐係度唔出聲，不過我都會偷偷望下佢，驚佢整親，佢見我唔理佢，自己就係碌到我面前，情況就會升級。當我妥協時，佢所有行動係即時停，喊都唔會喊多句，無事發生過甘。
有一次我要佢坐high chair食粥，佢唔肯，仲要玩，佢就爭扎在high chair冼落來，照舊發爛炸，之後佢突然起身要自己爬上high chair度，我以為佢妥協就抱佢上去啦，點知佢都係唔肯，又搞一輪，開歌俾佢聽先平靜返個心情，但佢望我嘅眼神係有少少不憤，係咪我睇錯左，點講佢都仲係bb

仲有教佢任何野，例如hi,拜拜嘅手勢，捉住佢隻手，佢實唔肯，又唔肯跟你做，佢係唔俾你捉佢隻手做任何姿勢，唔理邊個都係甘，點解會甘嘅？我太長氣了，麻煩請指教

私人傳訊

積分: 33215

1466^#

發表於 13-10-29 22:49 |只看該作者

本帖最後由 SandraLo 於 13-10-30 15:48 編輯

hk430 發表於 13-10-28 21:43
其實我知架，我知係我地縱到佢咁，
爸爸太太太錫佢，絕對係溺愛。
我之前一直無好強硬阻止佢咁寵個仔，

hk430 :

查實你問嘅問題, 答得細緻同有條理d, 係可以........................ 出一本書！

唔介意的話你可否話我知你地響邊個國家？有冇資源俾自閉兒童家長？

你地依家嘅問題, 絕對唔係寵、縱咁簡單, 你要清楚咁解釋到俾爸爸知, 佢先會明, 然後「的」起心肝幫阿仔, 而家係害緊佢！

一個細路, 你縱佢, 喊就估佢要乜然後俾佢, 佢最多係「洗」人唔駛本, 嘿人憎d, 但唔會唔識講嘢, 但囝囝係自閉症, 爸爸咁對佢就好大件事！佢本身已經冇乜講嘢意欲, 重要真係唔駛佢講, 你地會估然後俾, 言語發展當然會大落後, 而慣咗唔駛諗唔駛做, 對四周環境又冇興趣, 順理成章唔鍾意去學, 咁容乜易變成弱智？！

唔好以為小朋友有奶飲有足夠營養就可以揀飲擇食, 事實A仔好多因為口肌弱唔願咀嚼而偏食, 亦因此更加唔願講嘢, 但愈揀食, 愈唔咀嚼, 口肌就愈弱, 係惡性循環！

爸爸就哂佢, 佢當然鍾意爸爸, 但依然會扭係因為「可以」！因為「扭到」！你明唔明個「因果」？呢樣爸爸必定唔明了, 否則佢不會做相反................... 等佢扭先呵同 hug！佢一見爸爸, 就腦都唔駛用, 喊咗先, 等你地估, 等你地 "offer", 愈喊愈呵同 hug, 咁点解唔扭呢？！爸爸咁對佢, 就係教緊佢要扭, 同用扭嚟同你地溝通！

(待續)

私人傳訊

積分: 33215

1467^#

發表於 13-10-30 17:13 |只看該作者

hk430 發表於 13-10-28 21:43
其實我知架，我知係我地縱到佢咁，
爸爸太太太錫佢，絕對係溺愛。
我之前一直無好強硬阻止佢咁寵個仔，

hk340 :

(續昨)
................ 因此, 我依家教你乜都係假, 你先要令爸爸明白問題有幾嚴重, 然後將我寫嘅點用讚同「教仔心得：媽咪容易犯的錯誤」print 俾佢睇, 另外睇多五、六版呢個 topic, 打個底先, 再俾專業人仕教你地「點教」！
3歲小朋友係學嘢最多嘅年齡, 不能再浪費時間了, 怏快行動！

私人傳訊

積分: 33215

1468^#

發表於 13-10-30 19:03 |只看該作者

hk430 發表於 13-10-28 21:48
。唔肯行，之前出街要人抱，爸爸同佢出就抱到，但都抱到成頭汗，我就抱唔到，結果要買孖車。。

。仲未識去 ...

自閉兒有些不願行是因為大肌弱, 你去找物理治療師做此類訓練強化肌能, 其實都係好類似, 即係要佢行多些, 強化大肌！
打並不是一種教仔方法, 只係爸媽自己發洩, 小朋友亦只會學咗打人, 同邊個打低人邊個話事！

私人傳訊

lpy3513

積分: 1673

畀面勳章

1469^#

發表於 13-10-30 20:13 |只看該作者

回覆：SandraLo 的帖子

其實都幾難，都只能心平氣和，好有耐性咁同佢講道理，不過都未必行得通。

私人傳訊

積分: 33215

1470^#

發表於 13-10-30 23:10 |只看該作者

hk430 發表於 13-10-28 22:25
佢唔識點頭，識 yes，但佢個 yes 係有佢自己既語言，次次都係一樣音架。
次次我地都有教佢講 yes 同點頭， ...

hk430 :
你意思係佢發 yes 音, 但唔係 mean yes ?!
你教佢講 yes, 佢已經識講, 但你要俾佢知 yes 係代表乜先得！例如佢想要一樣嘢, 佢要講yes 你先俾, 佢先會知yes 代表要, 呢過程對A仔嚟講係要學, 佢先會知兩者關係, 如果好似爸爸咁喊就俾, 佢係唔會識！

私人傳訊

hk430

男爵府

積分: 7289

1471^#

發表於 13-10-31 01:02 |只看該作者

SandraLo 發表於 13-10-30 17:13
hk340 :

(續昨)

我地係住英國架, 英國有自閉症 support, 不過要到4 歲之後~ 因為佢地呢邊話未到4 歲係唔可以確診係咪自閉~
咁就加重左佢爸爸既諗法,因為佢一直覺得佢個寶貝仔唔係自閉!!

我其實已經有睇左你個topic 好多, 就係因為有呢個"讚" 既方法,
我先可以成功開始第一步, 說服到我老公願意配合,
但我對住呢兩父子,有時真係好無言~
我老公好願意讚個仔, 但對於 ignore,我仲要再堅持!
同埋我有少少confuse, 比如佢打細佬, 我應該 ignore 定no 佢?,
我而家係no 佢, 之後佢就發脾氣, 咁我就 ignore, 但好多時我覺得佢會因為咁更加唔鍾意細佬,
因為好似我地成日為左細佬鬧佢咁,
同埋 ignore 完我又應該點埋尾? 要唔要同佢講道理?
每次捉住佢講道理佢就發脾氣, 咁我又要唔要再ignore?
ignore 完又應該點?
你post 入面講過好多道理可以 story time 同佢講,
但每次我想story time ,佢都係咁搞呢搞路, 無話好似人地咁瞓好好聽你講,
唔郁黎郁去都會講好多野,好似想大聲過你咁,我又應該點做?

佢唔知點解死都唔肯講yes, 佢唔想要既就會no, 但想要係講" chi chi hut"... 我地每次都有更正佢係 yes,
但佢只會不停咁重覆" chi chi hut", 試多幾次又發脾氣~
我都唔知佢呢個 "chi chi hut" 係乜語言!
死在我老公仲覺得佢咁好 cute! 真係血都嘔!!

私人傳訊

積分: 33215

1472^#

發表於 13-10-31 23:16 |只看該作者

japoton 發表於 13-10-29 13:03
我會努力再試
即係如果佢無理咁喊, 我地就唔需要同佢講任何野
如果佢唔刷牙, 沖涼我照捉佢沖? , 那如果他堅 ...

japoton :
其實你問佢點解喊, 由佢俾你嘅答案, 你應該知佢係唔係扭定係有乜要講, 有冇委屈？如果係扭咪由得佢喊囉, 但唔係唔啋喎, 只係 ignore 壞行為 ~ ~ 呢度即係喊, 其他一概照做！即係須要做乜就照叫佢做乜！
如你底線係一定要, 那當然係捉佢做, 但過程要和平, 盡管佢喊, 你只須 firm 便行了, 不可鬧、話或 keep 住响度講嘢哦佢！
你現在要先定你的目標：你要佢跟程序每日起身習慣去刷牙先, 定要佢自己刷牙緊要？要一步步嚟.......... 如係後者, 佢刷兩下就叫你幫, 你咪要佢刷兩排你幫佢刷兩排, 然後讚, 下次佢刷三排你先幫.............. 同埋, 你都睇吓佢能力, 你知佢穿褲吃力嘅, 俾d 鼓勵, 又幫少少咁, 再逐漸減少幫, 並唔係一刀切你想佢自己做就一次過放晒俾佢, 佢樣樣覺得自己唔得, 重俾你話, 又會冇自信, 你要睇吓情況先, 唔好一竹篙打哂！

私人傳訊

japoton

積分: 4381

1473^#

發表於 13-11-1 16:24 |只看該作者

SandraLo 發表於 13-10-31 23:16
japoton :
其實你問佢點解喊, 由佢俾你嘅答案, 你應該知佢係唔係扭定係有乜要講, 有冇委屈？如果係扭咪由得 ...

明白曬, 我會多加留意,會努力教好他

私人傳訊

louisachausw

禁止訪問

積分: 15337

1474^#

發表於 13-11-1 19:24 |只看該作者

回覆：小朋友大脾氣,可以點教 Part III

提示: 作者被禁止或刪除內容自動屏蔽

私人傳訊

積分: 33215

1475^#

發表於 13-11-1 22:32 |只看該作者

@Q太朗@ 發表於 13-10-29 14:49
你好，在管教小朋友方面真係遇到好多困難，由其是我lee d新手媽咪。想請教下當遇到lee d問題點應付好。
我 ...

@Q太郎@ :
事情很簡單, 他試過用這些「方法」取得他所要的, 他便會持續這樣做了, 更何況他未懂說話, 也不會用手勢, 他所做的便是他可以做的了！我常說bb喊並不是傷心, 他只是表達他想要的, 若你給他, 他當然是「喊都唔會喊多句，無事發生過」啦！難道你以為他有什麽不関心？你先看我簽名位兩個主打 topic 的第一個 post, 再問.
正常小朋友是從模仿中學習, 你不須捉他的手教他, 你給他看見你和別人揮手拜拜, 他慢慢便會識！

私人傳訊

積分: 33215

1476^#

發表於 13-11-1 23:11 |只看該作者

hk430 發表於 13-10-31 01:02
我地係住英國架, 英國有自閉症 support, 不過要到4 歲之後~ 因為佢地呢邊話未到4 歲係唔可以確診係咪自閉~
...

hk430 :
係唔係自閉都好, 囝囝好明顯係好多嘢都落後咗, 爸爸已經唔識教, 重咁對佢

淨讚唔 ignore 係冇用, 俾個例子爸爸............. 有個少年好大洗, 個個月很可觀的零用錢也不夠用, 每次清袋就伸手問媽媽攞, 媽媽每個星期都讚他還有錢剩, 沒向她攞, 但往往在月中後約20号便沒錢要向媽媽伸手了, 媽媽又照給他, 你猜他有沒有因被讚而改善？
即是說, 他的好行為(不扭時)出現你讚他, 但扭時你又照給他的, 他怎會知這是壞行為呢？明明是你給的嘛！當然是欣然接受, 然後下次再重覆咁做啦！
(待續)

私人傳訊

積分: 33215

1477^#

發表於 13-11-2 19:02 |只看該作者

hk430 發表於 13-10-31 01:02
我地係住英國架, 英國有自閉症 support, 不過要到4 歲之後~ 因為佢地呢邊話未到4 歲係唔可以確診係咪自閉~
...

hk430 :
(續昨)

任何情況出手打人都一定要 stop 佢先, 然後罸, 冇得 ignore！難道個個任佢打？依家細佬重細未識還拖, 遲d 咪兩個打餐死！！！咁細佬打佢又得唔得？點可以雙重標準呢！你咁驚佢發脾氣, 就係佢發脾氣嘅原因！！(好有用嘛, 一發就可以操控一切) 遲下兩個一齊發脾氣, 係咪邊個發得勁邊個話事？
你擔心佢唔鍾意細佬, 但唔擔心細佬唔鍾意佢？你依家只能盡量安排佢兩個分開, 等哥哥打唔到細佬, 咪情況就只會愈嚟愈難搞！
查實你囝囝對言語接收嘅能力係好有限, 專注力亦短, 所以你同佢講道理、講故事佢應該都係未收到, 你須要嘅係專業人士教佢, 同教你和爸爸點教佢！
好多言語遲緩小朋友家長都會忽略一樣嘢, 就係小朋友唔係唔肯講, 而係未發到嗰個音, 或者未有信心發到個音先唔講, 既然你明佢 chi chi hut 係代表yes, 就要由佢識嗰個位開始教, 先接受佢用呢個詞, 知佢發到 chi 音就教佢相同發音嘅單字例如「知」「獅子」等等...........

私人傳訊

積分: 33215

1478^#

發表於 13-11-2 23:30 |只看該作者

louisachausw 發表於 13-11-1 19:24
我大女5歲半由2歲半開始(大約係剛開始懷有細妺開始)常常大喊大叫，小事大事都喊，常用喊的方法令我地屈服， ...

louisachausw :
若你囡囡上過遊戲治療, 治療師應該有同你講過你囡囡係 attention seeking, 所以有呢d 大叫大喊！
遊戲治療可以幫佢的, 係等佢解開心結, 唔好將不安收埋唔識表達, 但治療師有冇教埋你响屋企點處理呢？(雖然佢未必識教)
如果你响屋企好怕佢喊, 覺得煩, 佢喊就乜都俾佢就佢, 就係令佢喊嘅原因啦！如你唔怕佢喊, 對佢喊冇反應, 佢又點會動不動就喊呢？
你睇咗點用讚未？

私人傳訊

louisachausw

禁止訪問

積分: 15337

1479^#

發表於 13-11-2 23:40 |只看該作者

引用：Quote:louisachausw+發表於+13-11-1+19:24+

提示: 作者被禁止或刪除內容自動屏蔽

私人傳訊