吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 21|主題: 16121

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

75 767778 79...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1521^#

發表於 14-12-8 09:47 |只看該作者

關仁隱事：「俠仔」口花花𠱁「索蚊」

呢個圈有離有合一啲都唔出奇，早排就成日有傳話「俠仔」同「索蚊」段婚姻出現危機，話兩個人冇晒感情，已經去到不相往來嘅地步。點知咁啱得咁蹺早幾日就畀關仁喺銅鑼灣撞到佢哋兩公婆拍拖行街，雖然嗰時天氣好熱，不過索蚊驚死俾人認出，由頭包到落尾，戴墨鏡、口罩遮到實。反而身邊嘅俠仔就冇遮冇掩。其間索蚊唔知係咪遮鬼到睇唔清條路差啲仆倒，俠仔就好緊張捉實老婆，仲問長問短驚死佢有事，真係戴住口罩都覺索蚊好受落。問起同佢哋相熟嘅朋友，佢話俠仔除咗靠口甜舌滑，最叻就係噓寒問暖，當年就係咁追到美人歸。

「俠仔」= 陳13
「索蚊」= 12000蚊

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1522^#

發表於 14-12-9 09:02 |只看該作者

關仁隱事：「雀鳥」按樓自認俾人包

「雀鳥」入行成十年，最爆都係呢半年，同「油王」撻着，即刻又拍戲又開公司做老闆，之前仲買樓做業主，忽然超級富貴令到唔少同行羨慕，不過雀鳥啲同行都頴晒頭，皆因佢哋嗰行收入唔穩定，唔係個個月有糧出，銀行戶口又唔會有天文數字存款，好難上到會借錢，點解會有銀行肯畀佢落定做按揭。聽聞雀鳥知道銀行要提供收入資產資料，佢都好直言同銀行嗰邊解釋自己俾人「包養」，包佢嗰個仲係好猛料，所以唔愁冇收入，最後當然成功落定，再過多幾個月仲一筆過完成交易，輕易成為豪宅女主人。

「雀鳥」= Mandy鳥

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1523^#

發表於 14-12-10 09:26 |只看該作者

關仁隱事：「一座山」整傷人速閃

公仔箱係一個好複雜嘅地方，當好多小生花旦上咗位，自然會有風駛盡隽，關仁聽到當家花旦「一座山」個人成日好巴閉，不但要拍攝幕後大隊就晒佢，即使佢對替身同老臨都態度奇差，關仁有次見到佢有一場戲要推跌個老臨，最初一座山都係輕輕力，但食咗幾個NG，佢開始發竧𣉢，於是大力將個老臨推落地，結果導演係收貨，但就換嚟老臨手臂擦損晒，一座山問候都冇一句就速閃，好冇禮貌，關仁覺得雖然呢一下係無心之失，但始終搞到對手流血，點都要講句唔好意思啦，人紅都咁冇品，抵佢人開始下滑。

「一座山」= 除子山

很想知道，追夢的人是如何踏出第一步?

私人傳訊

lovebabyking

珍珠宮

積分: 49843

開心吸收勳章最關心BB問題熱投勳章畀面勳章

1524^#

發表於 14-12-10 23:08 |只看該作者

引用：Quote:muffinmama+發表於+14-8-28+04:00+我

原帖由 22May 於 14-08-28 發表
勁!!

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1525^#

發表於 14-12-11 09:17 |只看該作者

關仁隱事：「大力」為冧女掉低阿媽

「大力」成功翻撻「西太后」鬼咁得戚，搞到好多人都一地眼鏡碎，大力為咗箝實女友同公司請大假，幾乎全天候隨傳隨到，有二五仔話畀關仁知，大力瘟女瘟到連媽咪生日都唔理，唔單止禮物都冇送一份，就算抽時間陪媽咪食飯慶祝都做唔到，難為含辛茹苦養大佢嘅媽媽，仲要喺其他人面前做戲，聽到啲人恭喜佢個仔追到西太后，就E起棚牙笑晒口扮好開心，唉！冇辦法啦，𠵱家仔大仔世界嘛，況且西太后嘅名氣比前新抱勁多多聲，梗係希望佢快啲娶西太后過門啦。

「大力」= 謝檸檬
「西太后」= 皇妃

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1526^#

發表於 14-12-12 09:55 |只看該作者

關仁隱事：「堅姐」當Fans透明

近年嘅韓風係咁吹，唔少香港品牌都願意出錢請韓星嚟撐場，之前好拍檔「二撇雞」同「堅姐」孖住嚟香港出席活動搵真銀，兩人一直畀fans印象都好nice，但私底下又係咪真嘅呢？關仁八到話二撇雞就真係好親民，有fans等佢簽名，佢見到都會逐一幫佢哋簽，唔會托手踭，相反堅姐就同鏡頭前嘅nice樣係兩回事，有fans等佢想搵佢簽名影相，堅姐就當乜都睇唔到，直行直過，搞到啲fans不知幾失望！

「二撇雞」= 車勝O
「堅姐」= 恐孝憎

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1527^#

發表於 14-12-15 09:26 |只看該作者

關仁隱事：「歪頭」偷偷抽脂消腩

貪靚唔係女人專利，好似「歪頭」一向唔賣樣，只憑歌藝闖出名堂，但估唔到佢都搵機會執執自己個樣。關仁聽講歪頭早前偷偷去咗韓國做割雙眼皮手術，點知俾整容醫生游說多幾次，就即場做埋減肥抽脂療程。歪頭雖然唔係超級肥仔，但人到中年，加上好杯中物，所以肚腩走晒出嚟。其實佢一向都想減肥，但又懶做運動，所以肚腩越嚟越大，佢擔心一發不可收拾，於是把心一橫做手術，雖然抽脂都有一定風險，但佢相信韓國技術較好，成功做完手術之後，佢仲周圍介紹朋友去，免費幫整容公司做宣傳。

「歪頭」= 側填

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1528^#

發表於 14-12-16 09:49 |只看該作者

關仁隱事：「才子」好兄弟折現找數

喺娛樂圈最緊要人緣好，好似「十兄弟」嘅成員「才子」，早排結婚做老襯，仲大排筵席，風風光光擺咗幾十圍，加埋老婆啲行頭，使費都咪話唔甘呀！
好彩嘅係，佢有班好兄弟兩脇插刀，齊齊折現當幫補一下才子，唔係話才子畀唔起錢，但始終擺咁多圍，嚟親個個賓客都咁「劈得」，開親仲要係靚酒，真係預計唔到埋單幾多錢吖嘛！所以才子今次喺一班老友大力相助之下，唔單止唔使蝕，仲有錢賺㖭！

「十兄弟」= BIG 4
「才子」= 鬚永腔

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1529^#

發表於 14-12-17 10:11 |只看該作者

關仁隱事：「寶姐」為爭仔唔妥「大山婆」

娛圈嘅男女關係一向複雜，就連幕後人感情問題亦一樣千絲萬縷。一直盛傳女高層「大山婆」跟另一部門女高層「寶姐」口和心不和，好多人以為因為權力鬥爭，但有江湖傳聞，其實佢哋係因為一個男人而爭風呷醋反面。據講，男高層「勾脷」經常向寶姐大獻殷勤，有時成班同事食飯，勾脷成日主動夾餸畀寶姐，甚至有人見過勾脷掃寶姐背脊，兩個人關係相當唔尋常。之但係，寶姐後來聽聞勾脷對大山婆原來亦相當照顧，寶姐覺得俾人玩，咪同勾脷以及大山婆反目囉！

「大山婆」= 魚泳山
「寶姐」= 憎勵真
「勾脷」= 勾偉淋?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1530^#

發表於 14-12-18 09:20 |只看該作者

關仁隱事：「拖肥」詐型反被嫌棄

早年喺公仔箱合作而成為好朋友嘅「拖肥」同「迪迪」，咁啱一齊成為新聞人物，兩個人經常相約食飯吹水。不過，拖肥外表同迪迪friend過打band，但早排有人想搵佢哋兩姊妹一齊出席活動，拖肥竟然詐型，話迪迪形象太差，唔肯同佢孖住出活動，好姊妹背後原來係咁樣。其實拖肥都係因為桃色新聞上位，個形象都唔好得去邊，當日佢同一大班藝人出席活動，就輪到佢俾姐仔「抵打」嫌棄，抵打同客戶講到明唔同拖肥同場合照，結果大會惟有安排佢兩個一先一後出現。

「拖肥」= Coffee
「迪迪」= Liddy
「抵打」= Dada

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1531^#

發表於 14-12-19 09:22 |只看該作者

關仁隱事：「人造人」攝位趕都唔走

早排喺街頭同「總裁」啜爆，上過幾日娛樂新聞頭條嘅𡃁模「人造人」，出完本寫真集之後冇乜起色，最叻都係喺電影裏面做吓串星，但呢啲𡃁模生命力頑強，好識自己製造新聞，仲會不停打電話頴撈。早輪人造人難得有套西片搵佢去首映，低胸谷盡出鏡差唔多係指定動作，難得個靚仔外籍男主角亦在場，佢當然攝到盡咁去影相，最衰人哋唔知你邊位，基於禮貌自然係影咗先，結果出到嚟所有有男主角嘅相都見到人造人，仲要張張攝正喺中間，最慘係連在場公關拉極佢，佢都唔肯走嗰下面皮厚至抵死！

「人造人」= 角奕心
「總裁」= X品魚

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1532^#

發表於 14-12-22 09:06 |只看該作者

關仁隱事：「吱喳」拍劇嫌三嫌四

「吱喳」人高又生得靚，唔少監製都鍾意搵佢拍劇，可惜撈咗十幾年都係做二、三線角色。其實撈極上唔到一線唔係冇原因，吱喳鏡頭前就高貴大方、善解人意，但鏡頭後係出名麻煩友，挑剔兼有公主病。關仁聽幕後工作人員講，吱喳每逢拍親動作戲就會不停投訴，一時話畏高唔肯拍跳樓戲，一時又話自己怕開槍聲太大，唔少人已經喺背後竊竊私語，明知假槍都驚得咁緊要。而最離譜係吱喳連踩單車都嗌到拆天，係咁話自己唔識，踩上腳踏位都嗌好高好高，真係誇到冇朋友。

「吱喳」= 陳蚊吱

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1533^#

發表於 14-12-23 10:20 |只看該作者

關仁隱事：「細嫂」擔心阿仔戀事

一家唔知一家事，幾頭住家仲多煩惱事，好似「細嫂」公事家事兩頭忙，真係少啲魄力都唔掂，好彩仔女大咗都開始幫吓屋企打理家族生意。
其實細嫂咁忙，仔女啲感情事更加理唔到，好似佢寶貝仔最近同「易容」拍拖，雖然見過面，人前都讚對方得體，其實個心都有啲微言，更擔心阿仔玩認真，佢仲同身邊好友呻易容細細個就喪父，都唔慌有人管教，但係又唔可以對住阿仔明言，不過佢身邊朋友都勸佢要睇開啲，仲笑細嫂本身都細細個冇咗老竇，管教都冇問題，叫佢放開啲。

「細嫂」= 4太

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1534^#

發表於 14-12-24 09:08 |只看該作者

關仁隱事：「奇人」呻使錢要搵經理人

「奇人」雖然係好多人心目中嘅女神，但同樣有好多是非，單係佢個得罪人多稱呼人少嘅經理人「微型」已經令佢增加唔少是非，但最估唔到嘅係奇人老公「洋葱」，原來佢對老婆呢位極品經理人都好有微言，事關洋葱同奇人合作，公司好多錢銀出入都要共同處理，但係佢就成日唔見人，早排奇人想喺公司出張票攞錢使，但就成日搵唔到佢簽名，雖然奇人唔出聲，但佢就覺得好有問題，嬲到周圍同人呻。

「奇人」= 謝安奇
「微型」= 下心尾
「洋葱」= 將計葱

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1535^#

發表於 14-12-29 09:23 |只看該作者

關仁隱事：「大眼」懶有知識𠱁賣菜佬

係人都知「大眼」同「賣菜佬」單戀情，唔少人都覺得好奇怪，以賣菜佬身邊錢多女多嘅往績，一般佢都係一買一賣乾手淨腳，只有佢老婆至可以綁到佢。所以唔知大眼有乜嘢方法可以令賣菜佬買樓畀佢，仲出雙入對成個阿嫂咁周圍飛。早前就有人八畀關仁知，原來大眼搭上賣菜佬之後，唔止日日捉佢起身晨運跑步，要佢過正常生活，出埠行街亦都唔係去濕平咁膚淺，而係帶賣菜佬睇藝術展品同博物館，大眼仲化身講解員每樣展品講解。對過慣日夜顛倒、刀光劍影生活嘅賣菜佬嚟講覺得好新鮮，仲當正大眼係女神，有知識有文化，搞到自己成個人都升咗呢。

「大眼」= Mandy 尿
「賣菜佬」= 周火卓華

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1536^#

發表於 14-12-29 09:27 |只看該作者

關仁隱事：「書生」「方方」低調玩同居

「書生」雖然唔靚仔，但勝在家底夠厚多女埋身，關仁聽聞佢早排返內地做嘢時，已經搭上一個親密女友陪玩陪食，返到香港之後，風流成性嘅書生不甘寂寞，有次做運動時見到同場有個後生女樣靚身材正，食得唔好嘥嘅佢成功抄牌，原來呢個女仔係奀星「方方」，白面書生當然認唔出方方啦，但方方就一眼就𥄫中書生，兩人火速打得火熱，書生唔介意女友知名度低，好快已經住埋一齊玩同居，方方仲行奶奶政策，知道男友屋企人鍾意低調，平時見到記者最鍾意自動報料嘅佢，都乖乖封嘴保護戀情，希望成功鋪路入豪門。

「書生」= 向左
「方方」= 圓紫僑

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1537^#

發表於 14-12-29 09:29 |只看該作者

關仁隱事：「小甜甜」遲到勁囂張

女星愛纖體瘦身，「小甜甜」就偏偏玩另類，肥大肉厚，反而俾佢殺出條血路。小甜甜憑搞笑外形人氣勁升，唔單止香港，連好多外地華僑都識得佢，令佢密密走埠登台，短時間撈到一大筆。唔知係咪紅得太快，關仁聽到好多人話小甜甜態度囂張，唔係外表咁成日笑騎騎、冇機心。有次小甜甜做一個訪問，足足遲到三個鐘，嚟到sorry都冇句，猛咁鬧之前一個活動遲咗好多，之後問人幾點到，當記者話準時，佢仲要加多句：「咁應該嘅。」似乎一啲歉意都冇。

「小甜甜」= 欣2

很想知道，追夢的人是如何踏出第一步?

私人傳訊

siutsunboy

伯爵府

積分: 15339

1538^#

發表於 14-12-29 11:24 |只看該作者

引用：關仁隱事：「小甜甜」遲到勁囂張女星愛纖體

原帖由 22May 於 14-12-29 發表
關仁隱事：「小甜甜」遲到勁囂張

女星愛纖體瘦身，「小甜甜」就偏偏玩另類，肥大肉厚，反而俾佢殺出條血路 ...

我估係細細粒

點評

22May

發表於 14-12-30 09:02

私人傳訊

BestHKMother

男爵府

積分: 5181

1539^#

發表於 14-12-29 22:19 |只看該作者

引用：Quote:原帖由 22May 於 14-12-29 發表關仁

原帖由 siutsunboy 於 14-12-29 發表
我估係細細粒

我都估係小寶

點評

22May

發表於 14-12-30 09:01

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1540^#

發表於 14-12-30 09:01 |只看該作者

關仁隱事：「醋埕」扮闊太亂點下人

女人真係有多重性格，即使係賢妻又係良母，但唔代表佢對所有人都一視同仁，好似同男友生咗兩個、早排先至結婚嘅「醋埕」，聽聞佢對嗰啲認為係「下人」嘅人士就唔多nice，仲要係點人唔使本嗰隻。話說醋埕平日都好鍾意黐住一班有錢太太玩，但黐黐吓就連人哋嘅司機都黐埋嚟用，仲點到人哋陀陀轉，搞到人哋劈炮唔撈，最後有錢太太個老公喺外地返嚟知道個司機走咗，了解之後火都嚟埋，即刻請番個司機返嚟，仲下令叫佢以後唔使理呢個女人，幫司機出番口氣。

「醋埕」= 飯薑

很想知道，追夢的人是如何踏出第一步?

私人傳訊