【星島日報報道】韓國男團出名型英帥、花美男，有樣又有實力，跳舞、唱歌、演戲、創作，大部份都樣樣精。縱然演藝圈競爭激烈，竟有娛樂公司反其道而行，挑選五官平凡，甚有路人Feel的男孩組團出道。「Alldayz」和「Zetta」兩隊男團甫出道，即引起網民討論，國字面、鞋抽面、超級矇豬眼、扁鼻齊晒，似乎想殺出新血路。
Alldayz係4人男團，今年2月剛出道，其宣傳照中以白衫白褲Look示人，營造白馬王子形象。但有網友公開未P圖的街拍照，驚見有團員係國字面；染上金髮的成員，配以「蠟筆小新」的濃密黑眉毛，看起來格格不入。
另一隊4人男團Zetta，去年6月以《Poker Face》一曲出道，目前主要進攻日本市場。該團成員幾乎都係矇豬眼，亦有人係扁鼻、鞋抽面。
兩隊韓團被封為「最醜男團」，但有網友聽過他們的歌曲後，大讚歌喉一流，行實力派路線，亦有人搞笑指：「證明他們是『純天然』。」
發表於 
.gif)
...今朝一起身steel仲話咁熱既...問我話唔係今日氣溫急跌咩
返回列表
