吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 17|主題: 16121

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

76 777879 80...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1541^#

發表於 14-12-31 09:52 |只看該作者

關仁隱事：「彩虹」訂枱扮紅丟架

呢幾年香港樂壇死氣沉沉，嚟嚟去去都係嗰班歌手，入行多年嘅「彩虹」由組合到單飛發展，以為自己唱過上紅館，就已經叫做好紅㗎嘞，人人都要畀面佢，不過面係人哋畀，架係自己丟囉！話說有次彩虹約咗班朋友食日本嘢，佢親自打電話去餐廳訂VIP房，點知侍應話間房一早畀人訂咗，彩虹就寸寸貢喺電話度表明身份：「我係XXX喎！」以為自己大晒囉，侍應好淡定咁話：「間房畀YYY訂咗。」原來訂房嘅係天后YYY，彩虹即刻冇聲出，仲好辳咁匆匆收線㖭。

「彩虹」= 唔雨飛

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1542^#

發表於 15-1-2 10:07 |只看該作者

關仁隱事：「水魚」弄權砌低「亞軍」

公仔箱膠層「水魚」做節目洗錢好似倒水咁，好似之前播嗰個節目《百寶箱》，因為反應太差搞到叫停。原來《百寶箱》之前拍好咗好多集，點知出街前水魚睇過，嫌呢樣唔好嗰樣唔好，下令要重新拍過，好多幕後人都媽聲四起。事關之前係水魚落柯打要咁做咁做，拍好之後又話唔掂要重拍，即係浪費晒之前啲人力物力時間同金錢。唔單止咁，原來另一個高層「亞軍」向最高領導人反映，話《百寶箱》收視咁差，水魚應該負責，結果雙方嘈起上嚟，亞軍即時被停職，你話呢個世界幾黑暗呢。

「水魚」= 魚泳山
「亞軍」= 河冠中
《百寶箱》= 《尋謎博物館》

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1543^#

發表於 15-1-2 10:10 |只看該作者

關仁隱事：「紳士仔」扮紅星𢱑着數

「Chok爆」近期同前度女友翻撻成功，個個都戥佢開心，可憐佢阿妹「涼茶」失戀，仲俾人話佢有公主病，認真慘情。實則佢男友「紳士仔」都係花心男一名，呢排仲以為自己上咗娛樂頭條有人氣，加上以為自己做咗主持「升呢」有新聞價值，竟然最近同品牌公關講出活動要收幾萬蚊酬勞，當然冇品牌落搭啦。紳士仔仲去啲健身會申請會籍，主動問人識唔識得佢，仲撻朶話自己係涼茶嘅前度男友，要求有折扣，佢鍥而不捨自我感覺良好，真係令不少人佩服。

「紳士仔」= 帶上安
「Chok爆」= 謝停瘋
「涼茶」= 謝停停

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1544^#

發表於 15-1-5 15:11 |只看該作者

關仁隱事：「軟皮蛇」臭蟹都打包

內地藝人「軟皮蛇」出身正統嘅演藝學校，而且佢份人又好勤力，所以有今時今日嘅小生地位都係實至名歸，至於佢整容變臉呢啲又係後話。不過據佢嘅好朋友講，軟皮蛇自少家境都唔好，所以佢一直好畀心機去讀書同做嘢。亦都可能因為出身問題，令佢𠵱家有過億身家仲係好節儉。有位工作人員同關仁講，之前軟皮蛇拍一場食蟹戲，一早預備咗成30幾隻。點知佢太過專業，幾take就拍完，現場蒸熟咗啲蟹食唔晒，軟皮蛇就一於唔浪費，全部攞返屋企。呢種心態係好，但據在場啲人講臨走時已聞到有臭味，至於有冇變壞就冇人知。

「軟皮蛇」= 黃日堯日月

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1545^#

發表於 15-1-6 10:42 |只看該作者

關仁隱事：「大隻佬」唔換新機驚穿煲

打工仔最忌冇糧出，唔會帶錢去打工，呢排電視台爆財困拖糧，影響員工士氣，連「大隻佬」都自爆窮到燶，戶口都唔夠食個快餐店早餐，大家都同情佢咁可憐，當然佢應該唔止呢個戶口，呢個慘情都係用嚟做大控訴。
關仁聽講大隻佬啲朋友見狀都紛紛伸出援手接濟，不過大隻佬就猛話自己搞得掂，佢呢排見身邊嘅朋友出晒新手機，大隻佬都心郁郁想出番部跟貼潮流，但友人聽到佢有咁嘅想法都制止佢，話佢𠵱家日日喺度呻窮，但卻突然有錢去換新手機，咁咪穿晒煲，大隻佬先至忍手唔出新手機住。

「大隻佬」= 黃雜瘋

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1546^#

發表於 15-1-7 09:36 |只看該作者

關仁隱事：「四眼文」鬼祟賣衫套現

「四眼文」雖然唔靚仔，但份人就鬼咁貪靚，仲周不時鍾意買名牌，自命係潮流達人㖭，成日晒命話啲衫多到要租個倉嚟擺，點知有日關仁有朋友喺銅鑼灣嘅蚊型商場撞到四眼文，佢戴住黑超攞住個名牌購物袋出現，之後入咗間買賣名牌嘅二手店，原來佢係嚟放售二手名牌套現㗎！
其實好多藝人買埋啲名牌用一、兩季就擺埋一邊，唔用攞去放售好正常，但四眼文就扮晒嘢話要嚟收藏，令人以為佢真係好有錢，事實上咪一樣都係攞去放售最實際！

「四眼文」= 王位文?

很想知道，追夢的人是如何踏出第一步?

私人傳訊

vivi_C

男爵府

積分: 8429

1547^#

發表於 15-1-7 12:18 |只看該作者

引用：關仁隱事：「四眼文」鬼祟賣衫套現「四眼文

原帖由 22May 於 15-01-07 發表
關仁隱事：「四眼文」鬼祟賣衫套現

「四眼文」雖然唔靚仔，但份人就鬼咁貪靚，仲周不時鍾意買名牌，自命係 ...

似係so x 康

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1548^#

發表於 15-1-8 09:07 |只看該作者

關仁隱事：「公仔台」專制唔准收贊助

最近聽到好多「公仔台」藝員猛呻，話人工已經奀，近年出面搵外快job又賣少見少，不時都靠收啲免費贊助商品，好似係化妝品、健康食品、服裝等，用嚟幫補吓，減少支出。咁收得人哋嘅贊助，同人宣傳吓都好應該，好多時佢哋會喺微博、facebook騷件貨出嚟話多謝贊助商咁，點知小家嘅公仔台最近落命令，話唔准藝員再喺網上面po嘢幫人免費做宣傳，話咁樣會影響公司嘅利益。有啲徘徊喺三線尾、四線頭嘅藝員，好驚因為咁連贊助都冇埋。

「公仔台」= T V Bloody

很想知道，追夢的人是如何踏出第一步?

私人傳訊

simple430

翡翠宮

積分: 81501

好媽媽勳章醒目開學勳章環保接龍勳章

1549^#

發表於 15-1-8 11:00 |只看該作者

vivi_C 發表於 15-1-7 12:18
四眼文」雖然唔靚仔，但份人就鬼咁貪靚，仲周不時鍾意買名牌，自命係 ...似係so x 康

四眼文似係 Y 文 , 唔係so x 康

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1550^#

發表於 15-1-9 10:20 |只看該作者

關仁隱事：「好彩」最緊要有禮物收

電視台好講關係，藝人一旦埋到高層「好彩」堆，佢都等於行好運，起碼有工先關照佢哋先，關仁聽聞好彩份人講面子又現實，你識做時，佢都識做，喺過時過節送禮真係唔少得。話說有個花旦「草草」俾廣告客戶睇中，邀請佢合作拍嘢，不過一直經正途問咗好多次，點知都係得個等字，仲未簽到批文出嚟，點知咁啱嗰段時期佢獲邀出席好彩搞嘅飯局，草草好大手筆送咗件名牌禮物冧好彩，結果拖咗成個月嘅廣告立即得到批准，仲快過嗰啲廣告話申請借錢，關仁真係覺得講你都唔信。

「好彩」= 620
「草草」= 香香

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1551^#

發表於 15-1-12 10:01 |只看該作者

關仁隱事：「埠仔姊妹」夜蒲小霸王

「埠仔」幾姊妹嚟到香港發展，由做嘢到識男朋友都好積極，成日三條友一齊落蘭桂坊夜蒲。其中一個細妹已有成績，有個穩定嘅男友，另一個妹就成日同點心舅父耍花槍。
大家姐就反而冇乜着落，雖然佢對住記者就不知幾爽直同nice，但實質性格都火爆，之前先同生意拍檔鬧到不歡而散，佢成日去夜蒲都搞出事。關仁聽聞佢試過去夜店飲大兩杯同其他枱客人有爭執，表面同人冇嘢，轉頭即叫夜店啲江湖背景保安「班馬」出手打人，搞到夜場啲人都怕咗佢，個個背後都幫佢改咗花名叫小霸王。

「埠仔姊妹」= 裝C吻, 裝C明, 裝C華

很想知道，追夢的人是如何踏出第一步?

私人傳訊

muffinmama

大宅

積分: 4407

1552^#

發表於 15-1-13 00:49 |只看該作者

引用：關仁隱事：「埠仔姊妹」夜蒲小霸王「埠仔」

原帖由 22May 於 15-01-12 發表
關仁隱事：「埠仔姊妹」夜蒲小霸王

「埠仔」幾姊妹嚟到香港發展，由做嘢到識男朋友都好積極，成日三條友一 ...

仲有…
點心舅父=塵胃淋個細佬

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1553^#

發表於 15-1-13 09:44 |只看該作者

關仁隱事：「老鼠」有着落搣甩觀音兵

好多女藝人都知道喺呢個圈唔係咁易撈，一旦紅唔起，嫁個有錢人絕對係「上岸」嘅最佳方法。就好似「老鼠」咁，有個咁好嘅男朋友「老爺」，但一樣要騎牛搵馬，趁住男友唔喺香港，就會偷偷地同其他追求者約會，呢度擸啲嗰度擸啲，都咪話唔和味。
不過關仁最近收到風，老鼠幾個月前已經同嗰啲觀音兵斬晒纜，除咗因為風聲緊，佢見老爺開晒口公開撐自己，鬼死咁冧咪決定買定離手囉！

「老鼠」= Miki 羊愛緊
「老爺」= 角永唇

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1554^#

發表於 15-1-14 09:20 |只看該作者

關仁隱事：「小星女」當奀星冇到

宅男暱稱BB嘅「小星女」早排招惹是非，俾同門寸爆，關仁聽聞小星女其實人前人後兩個樣，佢鏡頭前真係柔弱小女子，但背後往往會出動小李飛刀插死人。小星女有時喺商演或宣傳，對住前輩擦晒鞋，笑臉迎人，但對一啲後輩就會對眼生喺額頭，視而不見。試過有次宣傳，佢為咗頴撈就主動同人交換電話，但見奀過自己嘅藝人就即刻擺阿姐款唔騷人。關仁覺得𠵱家幾紅嘅藝人都態度謙虛，相反小星女見高拜見低踩唔睬人，咁樣一定冇運行。

「小星女」= 黃尾奇

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1555^#

發表於 15-1-16 09:08 |只看該作者

關仁隱事：「超人」當「白面仔」儍仔

「白面仔」雖貴為男一，但講到做人處事就拍馬不及「超人」咁醒目。關仁聽講有次白面仔同超人合作拍古裝劇，白面仔見到有啲對白唔對勁，即刻唔留情面開咪話人：「唔掂！」搞到編劇冇晒面。超人就乘機喺白面仔背後搞小動作，直接同監製投訴，事後有人叫白面仔要小心啲超人，但超人就先同白面仔講，話有人想離間佢哋，難得白面仔仲當超人係好兄弟，但就俾人喺背後笑佢儍仔。

「超人」= ?
「白面仔」= ?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1556^#

發表於 15-1-16 09:10 |只看該作者

關仁隱事：失婚「雀仔」專瘟有錢人

愛嘅反面就係恨，內地女星「雀仔」婚姻失敗，同前夫「大力佬」反晒面公開互鬧，兩人為咗爭仔女嘅撫養權日嘈夜嘈，大力佬投訴前妻唔畀佢見仔女。不過，雀仔就同閨蜜訴苦，話其實係大力佬收埋咗仔女嘅護照，搞到佢想帶仔女嚟香港住都唔得，事關雀仔唔想再見到大力佬，雖然佢離咗婚，但憑住撒嬌絕技，依然話咁易吸引男人埋身，新歡仲係有錢嘅香港人，所以雀仔呢排密密飛嚟香港瘟仔，失婚嘅佢依然死心不息想再嫁有錢人。

「雀仔」= 王亦
「大力佬」= 王偽青

很想知道，追夢的人是如何踏出第一步?

私人傳訊

lovebabyking

珍珠宮

積分: 49843

開心吸收勳章最關心BB問題熱投勳章畀面勳章

1557^#

發表於 15-1-18 23:28 |只看該作者

引用：關仁隱事：「堅姐」當Fans透明近年嘅韓風係

原帖由 22May 於 14-12-12 發表
關仁隱事：「堅姐」當Fans透明

近年嘅韓風係咁吹，唔少香港品牌都願意出錢請韓星嚟撐場，之前好拍檔「二撇 ...

8888

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1558^#

發表於 15-1-19 09:07 |只看該作者

關仁隱事：「小巴」做訪問掛住發夢

成日都話娛樂圈冇以前咁好景，其實班後生演員都要爭氣，青黃不接咁點會好呢？首先要搞好嘅係佢哋嘅私生活，好似男演員「小巴」，有日應公司安排接受傳媒訪問，本來大家都好輕鬆坐喺酒店，一邊飲咖啡一邊做訪問，就喺呢個時候，小巴竟然攞啲鹽係咁倒落杯咖啡度，大家都睇到O晒嘴，仲以為咁樣飲咖啡有咩好處，直到小巴將咖啡飲入口，鹹到頂唔順，𦧲番出嚟先知自己落咗鹽，仲左搖右擺問記者點解唔提佢，你話死唔死吖？

「小巴」= 的士塵萎停

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1559^#

發表於 15-1-20 09:42 |只看該作者

本帖最後由 22May 於 15-1-20 09:43 編輯

關仁隱事：「小嘴」開火喪鬧「大隻男」

「小嘴」平時斯斯文文，對人亦好有禮貌，但對住男友「大隻男」即港女上身，成日無故發脾氣。關仁有次喺停車場撞見小嘴同大隻男坐埋同一架車返公司，諗住過去同佢哋打聲招呼，離遠已聽到小嘴狂鬧大隻男。當時大隻男輕聲講咗句：「你頭先應該行左邊。」點知小嘴道火一撻即着，一輪機關槍鬧大隻男淨係識馬後炮，又唔一早出聲。點知有外人見到，大隻男梗係覺得好尷尬，但又知道反駁後果更嚴重，最後只能繼續忍氣吞聲。

「小嘴」= ??
「大隻男」= ??

羊2 蘿仲言兼?

很想知道，追夢的人是如何踏出第一步?

私人傳訊

simple430