吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 1|主題: 16123

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

77 787980 81...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1561^#

發表於 15-1-21 11:37 |只看該作者

關仁隱事：「格格」見低踩俾「空嘴」寸

公仔箱啲花旦成日有負面新聞，搞到形象插水，返唔到轉頭嘅「格格」當然要匿埋避風頭。格格份人其實人緣唔算好，佢最叻見高拜見低踩，試過有同佢同劇、知名度唔及佢嘅演員，就成日俾格格藐。話說有次格格寸同劇女演員扮丫環，又係咁講嘢有骨落地，令現場氣氛好尷尬，但佢把口仲係唔肯收，好似機關槍咁鬧，結果同劇小生「空嘴」睇唔過眼，開聲寸番格格，由於空嘴知名度大佢好多，格格立即收聲，關仁覺得格格份人太勢利，先落得𠵱家咁嘅下場。

「格格」= 馬菜
「空嘴」= 勾羊Bobby?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1562^#

發表於 15-1-22 11:22 |只看該作者

關仁隱事：「豬唇」自誇人面廣攞嚟衰

二打六「豬唇」專職做主播，間中都有機會撈吓閒角，係人都知呢類藝員仔人工唔高，平時靠出面接商場司儀騷幫補。近排就好多人投訴「豬唇」三分顏色上大紅，由初頭頂爛市，到𠵱家扮上菜。話說「豬唇」初時冇人識，接司儀騷平到一千幾百有交易，頂爛市搞到好多同行「媽媽聲」，後來佢見多咗人搵就開始加價，越收越貴，仲自稱同全行記者好熟，可以call晒記者嚟撐場，試過有次全世界記者冇去採訪，𤓓到爆，仲俾個客列入黑名單，真係自己攞嚟衰。

「豬唇」= 朱海停?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1563^#

發表於 15-1-26 09:25 |只看該作者

關仁隱事：「藍藍路」借醉試水溫

巨頭「藍藍路」一向鹹濕，經常向旗下藝人埋手，聽聞佢有方法去試人落唔落搭。首先就係以公事為名，要藝人出席飯局，跟住自己就扮醉，要人送佢返歸，期間藍藍路會出手摸嚟摸去，試吓對方有乜反應，因為佢都做到好出面，成年人一定知道佢究竟想點，肯落搭嗰啲，自然工作變得密麻麻；而唔肯嗰班，就會被打入冷宮，日日坐冷板櫈冇工開。藍藍路次次都用呢招，已經傳到全公司都知，所以每次佢一扮醉，大家都知又係佢釣魚搵對象嘅時候。

「藍藍路」= 黃精

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1564^#

發表於 15-1-27 09:35 |只看該作者

關仁隱事：「C9」自大睇唔起人

從來女子勾心鬥角就永遠都係最好睇，話說鬥靚出身嘅「C9」，喺藝海浮沉咗一段日子，最近佢拍咗套戲，佢心諗都半紅不黑咗咁耐，都把心一橫豁咗出去。拍咗之後果然啲工作就多咗好多，C9忽然以為自己好紅，當正自己超級巨星不突止，到同同劇嘅另一位女演員「假胸」去宣傳時，就睇人唔起覺得對方係人造人，冇資格同佢平起平坐，兩個因此勢成水火，C9有次當住假胸大大聲講：「導演點解咁鍾意我？咪因為我真材實料唔係假囉！」

「C9」= 圓+敏
「假胸」= 賤拿

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1565^#

發表於 15-1-28 09:09 |只看該作者

關仁隱事：「車仔」同「登登」反面

吸毒害人，呢啲小學生都知嘅常識，唔明點解仲有咁多藝人會中招。最近「蟲仔」吸毒搞到周身蟻，好多俾人拉過嘅藝人都被翻舊賬，但其實冇被拉嘅更大有人在，好似「登登」就係好彩嗰個。當年「車仔」同「小花」一齊畀人拘捕，其實登登都有同場一齊玩，但咁啱佢去咗附近買嘢，先避過一劫。登登明知車仔同小花喺異地求助無門，但佢怕俾人驗尿，最終自己買機票返香港先，扮晒唔識佢哋。雖然已事過境遷，但車仔心知登登份人冇義氣，獲釋後梗係冇朋友做啦。

「蟲仔」= 房早明
「登登」= 王有糧
「車仔」= 關楚光翟
「小花」= 胃c

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1566^#

發表於 15-1-29 09:11 |只看該作者

關仁隱事：「牛脷」冇愛心養乜死乜

曾經同巨星交往嘅「牛脷」，做咗單親媽咪多年，對佢個獨生女相當疼錫，幾乎個女想要乜嘢，牛脷都會諗盡辦法去滿足個女。話說牛脷個女多年嚟好鍾意啲古靈精怪嘅小動物，牛脷都會買畀個女養，聽聞前前後後都養過七、八隻。不過，聽聞牛脷本身其實唔鍾意小動物，根本係冇愛心嗰種，買咗畀個女就算，自己唔會點去打理，而佢個女年紀細，好多時都唔知點樣照顧啲小動物，所以屋企幾乎養乜嘢死乜。

「牛脷」= 唔2脷

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1567^#

發表於 15-1-30 10:20 |只看該作者

本帖最後由 22May 於 15-1-30 16:59 編輯

關仁隱事：「阿Queen」俾「刀夫婦」吹脹

「阿Queen」大病後努力面對人生，同朋友搞生意，開食肆又有好評，身邊朋友都替佢開心。阿Queen喺呢個圈廣結人緣，好多朋友搞派對都會捧佢場，但亦有人恃熟賣熟。好似最近有對「刀夫婦」搞結婚周年派對，阿Queen好識做免咗好多雜費，點知派對過後，刀夫人投訴朋友都走得七七八八，啲甜品都冇乜人食，要求阿Queen喺張單度扣番！阿Queen覺得好難為，都已經平咗畀刀夫婦。唉，唔通平時去酒樓飲，剩低美點雙輝、橙冇人食，都叫酒樓扣番錢咩？真係越有錢嘅人就越斤斤計較，生意難撈！

「阿Queen」= 舌趾倫
「刀夫婦」= 養和院長夫婦

很想知道，追夢的人是如何踏出第一步?

私人傳訊

choc_choc

侯爵府

積分: 20606

1568^#

發表於 15-1-30 10:48 |只看該作者

引用：關仁隱事：「阿Queen」俾「刀夫婦」吹脹「

原帖由 22May 於 15-01-30 發表
關仁隱事：「阿Queen」俾「刀夫婦」吹脹

「阿Queen」大病後努力面對人生，同朋友搞生意，開食肆又有好評， ...

Ball 后，薛芷倫?

點評

22May

發表於 15-1-30 17:00

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1569^#

發表於 15-2-2 09:24 |只看該作者

關仁隱事：「博士」力場彈走女人

泡菜國藝人受歡迎，自不然有好多公司爭住搵佢哋做嘢，香港同強國都係佢哋搵錢嘅地方。不過好多行內人都呻同泡菜國藝人合作又煩又受氣，要求多多，呢樣唔得，嗰樣唔准。好似之前爆紅嘅「博士」咁，早排同「國際巨星」合作拍廣告，下令要人離佢六呎遠。雖然「博士」人氣已經冇之前咁勁，不過要求繼續有增冇減，除咗台上提到佢嘅嘢，全部要審視過照稿讀唔改得之外，仲要求頒獎畀佢嘅嘉賓一定唔可以係女人，驚女人驚到咁，真係O晒嘴。

「博士」 = 金瘦賢
「國際巨星」 = G E M

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1570^#

發表於 15-2-3 09:07 |只看該作者

關仁隱事：「足球」麻煩多多勁難頂

拍咗套露點戲，搞到周身是非嘅「足球」，表面上扮到好似好委屈，查實佢私底下麻煩多多！同佢合作過嘅人，好多都因為頂唔順佢啲脾氣而反目收場。好似當年佢喺大台，你知啦，大台大把小花，爭出位都唔容易，樣要靚，又要識得出招，當然好快上位。
不過，偏偏有人要求多，又話自己身材好，唔明點解工作量唔多，兼且接極都冇乜泳衣騷晒身材，嗰陣好多人知道呢件事，個個都揞住半邊嘴喺度笑！

「足球」= 圓+吻

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1571^#

發表於 15-2-4 09:20 |只看該作者

關仁隱事：「珊瑚」專對男人放生電

「珊瑚」出名係發電廠，佢同合作過嘅男藝人都好易傳緋聞。關仁聽講珊瑚放電嘅範圍好廣，連拍劇嘅燈光師、場務都唔放過，總之係男人都會嗲聲嗲氣。有次有位女記者問珊瑚攞電話號碼，佢話自己未開新號碼，要遲啲先。隔咗一輪，佢喺一次訪問，話經常同班同事WhatsApp，記者再問佢攞電話號碼，佢又答未開，即刻俾人質問：「咁點解同人玩WhatsApp？」佢就面懵懵答想公事同私事分開，但之後就有男記者踢爆，其實珊瑚一早畀咗個電話號碼，嘩，佢份人真係好重男輕女囉！

「珊瑚」= 菜c貝

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1572^#

發表於 15-2-5 09:30 |只看該作者

關仁隱事：「小怪」街舖修甲冇貴格

明星通常俾人感覺身光頸靚，出入都係名店同高級食肆，估唔到身為名模嘅「小怪」好似師奶咁慳家！關仁聽聞小怪有次同朋友去老銅修甲，不過佢唔係揀高級扮靚店，而係幫襯商場仔入面嘅街坊舖，地方細細得兩張梳化兼零裝修，修甲只收五十蚊，修腳甲包剪腳皮同磨腳板都係收一百，小怪就揀咗修腳甲，修甲阿姐問佢做乜唔做埋指甲？小怪好有禮貌咁話「因為自己有贊助」，其間小怪仲唔該前唔該後，事後阿姐好開心咁周圍同人講，有名模幫襯佢㖭。

「小怪」= 奇奇?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1573^#

發表於 15-2-6 09:39 |只看該作者

關仁隱事：「花小姐」病態偷竊脫罪

內地有位當紅女星「花小姐」真係好奇怪，拍部戲片酬成幾百萬，但得咗個怪病，經常會喺商店偷嘢。上次花小姐喺內地已經衰過一次，不過佢嘅團隊即刻賠錢道歉，同店舖老闆解釋佢有病，所以對方就冇追究。
早排花小姐去咗歐洲拍戲，又再病發偷咗支唇膏，離開嗰時俾職員發現，俾人拉咗去警察局，電影公司知道後，即刻拜託當地有勢力人士幫手，解釋係病態控制唔到自己，結果雙方和解了事。其實明知佢有呢個病，係咪應該叫個助手跟住佢，一見佢攞嘢冇畀錢即刻幫佢找數呢？

「花小姐」= 白百合

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1574^#

發表於 15-2-9 09:10 |只看該作者

關仁隱事：「藍寶石」縮骨博同情

二奶台曾經風光一時，可惜越做越唔爭氣，尤其喺「藍寶石」揸權之後，成個台變得一潭死水，最近仲搞到一鑊粥，隨時要收檔。早排，二奶台搞咗個自強騷，希望上下一心，兼且想外界支持幫補吓啲生意。原來，呢個騷完全係藍寶石嘅主意，佢唔肯出糧畀員工，於是度咗條屎橋，叫下面啲人搞呢個免費騷，一來嗰次義演唔使二奶台出錢，二來可以博外界同情，吸納多啲人落廣告幫襯佢哋，藍寶石呢份人真係縮骨到死。

「藍寶石」= 葉+寶

很想知道，追夢的人是如何踏出第一步?

私人傳訊

GMGM

男爵府

積分: 8703

1575^#

發表於 15-2-9 10:04 |只看該作者

回覆 22May 的帖子

黃精

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1576^#

發表於 15-2-10 11:55 |只看該作者

關仁隱事：「四眼妹」養狗周圍屙尿

好多藝人都有養貓貓狗狗，仲會當佢哋如珠如寶帶佢哋四圍去，好似去狗cafe玩同埋去寵物店行吓咁。屋企養咗唔少狗嘅「四眼妹」，有次帶佢啲狗出巡，本來四眼妹一直都抱住狗狗嘅，但係因為狗狗都幾有份量，於是四眼妹就問店員，可唔可以放低隻狗落地下，講真嗰句，喺寵物店入面嘅都係愛小動物嘅人，放低隻狗梗係冇問題，但係最爆嘅係四眼妹同店員講：「我隻狗四圍屙尿㗎！你哋OK㗎呵？」嗰陣全場O晒嘴。

「四眼妹」= 負名憲

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1577^#

發表於 15-2-11 13:38 |只看該作者

關仁隱事：「寶石」俾「公主」揭私隱

藝人名人中晒微博、Instagram毒，去親活動都電話不離手狂集郵，輕則手機食先，道道菜影，重則會洩露私隱，搞到有心病。城中富婆「寶石」好鍾意喺屋企開party，不時都請佢圈中啲好姊妹作客。話說有次「公主」都有份去，即刻周圍參觀，好似家居專訪咁影到唔停手，影得好仔細，仲極速擺晒啲相上網，快過主人家自己發相，搞到寶石都不知幾唔開心，覺得冇晒私隱，之後喺屋企請客都唔再叫公主。

「寶石」= 將慢玉 / 劉+0 / 擴尾雲 ?
「公主」= ?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1578^#

發表於 15-2-12 11:42 |只看該作者

關仁隱事：「凍齡」靠生蠔保童顏

圈中好多男星個樣好似長生不老咁，都已經係中佬，但嗰樣就好似二十幾歲。係寶島紅過嚟香港嘅「凍齡」已經四字頭，但外表一啲都唔似，加上爆肌身形，真係引死妹妹仔。為咗keep住不老樣，佢好注重健康，唔飲凍嘢、飯後洗面同做足保濕工作。
不過原來凍齡仲有一個秘方，就係狂食生蠔同龍蝦，話就話補充體力，但大家都知食生蠔有壯陽功能，佢咁食法唔怪得可以keep住咁有活力啦，但係佢好似有信教，太補嘅話一陣把持不住就弊傢伙囉！

「凍齡」= On 至杰?

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1579^#

發表於 15-2-13 09:35 |只看該作者

關仁隱事：「夢兒」屈「阿月」放料博上位

「夢兒」入行幾年緋聞多多，樣又唔靚身材又唔夠勁，但就靠姣上到位，最近佢贒中咗受公司力捧嘅「大皇子」，佢哋都係同期新人，所以就同其他新人喺手機開咗個group chat，成班人不時吹吓水搞吓活動。點知有次新人「阿月」同佢哋一齊去玩，就畀傳媒寫咗出嚟，夢兒即刻鬧爆阿月，話阿月放料畀記者博上位，身為新人嘅阿月啞子食黃連，周圍同人哭訴，最後仲自動離group免再惹是非。

「夢兒」= 唔弱希
「大皇子」= 擲進暈
「阿月」= ??

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

1580^#

發表於 15-2-16 14:17 |只看該作者

關仁隱事：「鄉巴佬」帶運動員開毒P

內地近年嚴打明星吸毒，一早放晒風見一個捉一個，不過幾年前內地名導演「鄉巴佬」同運動選手「發光」，都試過因為吸毒一齊俾公安帶走。鄉巴佬有毒癮都唔算係秘密，遇到志同道合嘅演員仲會一齊「開飯」，有次鄉巴佬出席派對遇到同好發光，有人睇唔過眼報公安話有人吸毒，結果公安嚟到帶晒佢哋返公安局，但結果經高層商量後，只係拘留咗佢哋幾個鐘，亦唔准傳媒報道件事。後來關仁問過內地一啲知情人，佢哋話有啲名人近乎係國家之光，為咗面子都冇辦法唔保護。

「鄉巴佬」= ?
「發光」= 填亮?

很想知道，追夢的人是如何踏出第一步?

私人傳訊