worthy 發表於 16-7-27 00:13 
各位JM, 我見到一點好多位都叫我對自己好D, 過自己喜歡嘅生活, 揾興趣, 揾節目.
我係明, 但係:
1) 如果樣樣 ...
我比你更依賴我老公，因為移民後結婚，朋友喺晒香港，新朋友好多都係老公嘅朋友或佢地太太，而家識嘅朋友有同事，有更多係仔女學校嘅家長，又有仔女興趣班家長，我會自己出街，我亦鼓勵老公同朋友出街，係佢越來越宅，年紀大反而痴家。睇到上一輩例子，可以去玩就玩，唔好等到老咗行又唔行得，食又唔食得，一日對住幾幅牆，我父母而家八十幾歲都日日出街，得閒見下朋友飲下茶，去打下麻雀仔，同朋友親戚煲下電話粥，反觀老爺以前行得走得果陣度度都唔去，而家行動唔方便終日困喺屋企，朋友都冇個。
2) 幸福唔等同依賴，你嘅幸福靠一個人好危險，就好似賭錢咁，下下晒冷好易一鋪清袋，咁而家唔係叫你去蒲D落club，去上下興趣班，約下朋友食飯買嘢，多D自己生活，個人唔會太過集中喺一個人身上，對你對你老公都好D，如果你老公冇你更開心的話，你要反思下點解，係唔係你太專制，令到佢長期覺得自己受到控制，如果係的話，你段婚姻根本一早有問題，任何一個人出現都好易會動搖到你嘅幸福。
3) 你自己鍾意D咩？有冇嘢有興趣學，以前冇機會冇時間，而家騰D時間安排下，語言、手工藝、音樂等，唔駛要好認真學到咩專業資格，當過下日辰，轉換下心情，等自己可以有時間放低下心情，就算係做運動，例如跑步、喻咖等都有益身心，平平地可以去工聯會睇下。
花旗太太生活在花旗國，留意時差，你問我未必即時答到。
發表於 
返回列表
