吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 。

婆媳關係今日: 0|主題: 27783

收藏本版

發帖

返回列表

跳至頁

樓主: rainbow0605

。

[複製鏈接]

4 5 6 78

fibimama

複式洋房

積分: 402

141^#

發表於 17-9-4 17:03 |只看該作者

luckybaby2011 發表於 16-8-27 11:53
有冇坦心因此而生疏？而家好多都親女家都係因為婆婆幫手湊、呢度都見唔少、冇付出冇孫見...現實講、孫近邊 ...

哈哈哈,
生疏咪生疏囉, 樓上有人講得無錯,
父母有著數先肯返嚟, 真係當生少個好過,
哩D仔真係唔使恨喇, 邊個嫁著佢我都祝個女仔好運~
唔通要我為有孫抱而委屈咩,
我又真係唔制啊.

好似我阿媽咁,
為咗可以日日見到個仔,唔想個仔星期六日出去過夜,
就算幾唔鐘意佢個女朋友都要夾硬忍,
要煮返飯俾佢地食, 準備埋茶點零食送去佢間房,
仲要幫佢女朋友洗埋底褲 + 有M嘅睡衣啊陰功,
我真係無眼睇

私人傳訊

Lovelovebear

珍珠宮

積分: 31496

142^#

發表於 17-9-4 17:55 |只看該作者

回覆樓主：

本帖最後由 Lovelovebear 於 17-9-4 17:57 編輯

住99屋企幫你湊埋b俾$13500真係唔算多，樓主唔好以為請工人真係會好好多，而家好多工人少少事就黑面做你睇，再唔係就走佬，分分鐘仲惡過你

同埋未結婚就唔好住去人地屋企啦… 伯母無啦啦要照顧多個人，佢條氣唔順都好正常啫

私人傳訊

mini1204

翡翠宮

積分: 79228

143^#

發表於 17-9-4 18:31 |只看該作者

rainbow0605 發表於 16-8-26 16:34
我不是認為3500足夠2個人費用而係佢既性格只要你妥拹加家用隔一段時間又要再加永遠無停既一日我地不 ...

吾好理佢會吾會停先
係眼前3500根本就吾夠
結左婚分開住啦，你吾加睇怕佢都吾想招呼你地
分開住比D家用吾好煩

私人傳訊

wingwing2009

大宅

積分: 2807

144^#

發表於 17-9-4 18:54 |只看該作者

回覆樓主

廿年前我剛結婚頭一年同太爺太嫲住左一年，我地都比6000，當然我地兩個加埋都唔夠兩萬。後黎買左樓搬走，家用依然要比，我地真係唔敢諗生小朋友，一年一年加人工兩人收入高了，死慳死抵最終6年供完層樓先敢生小朋友。

千祈唔好因為想生小朋友就生左先算，一定後悔！

私人傳訊

燉蛋媽媽

別墅

積分: 649

145^#

發表於 17-9-4 20:34 |只看該作者

回覆樓主

我細佬都有個女友長期同居媽咪屋企（有原因的），我媽媽都無要求個女仔俾家用。我媽媽心態係如果呢個係我個女，我都唔想人地咁對佢，一個人可以用你幾多嘢幾多水幾多電，佢一日唔計訓覺得個六小時係屋企（可能我屋企有養幾隻貓，個啲洗費仲勁過一個人頭計，加上我媽唔煮飯係個女仔煮多），而且呢一個係囝囝嘅對象，做人丫媽何必將丫仔夾係中間做磨心（仲要係婚都未結），佢又唔等錢使，所以家用佢只係記得就叫細佬俾約$2000，絕對唔會係個女仔臉前出聲話要。

我覺得你地兩個搵得兩萬，又要俾家用又要維持平日開支加上個人儲蓄係辛苦嘅。你奶奶的確比較現實，講到出聲要加（明明你都話根本好少係屋企食飯）。但會唔會佢真係有需要？你可以叫你男朋友問下佢媽媽拎個共識，你人工無加但家用每兩三個月加5%真係唔多合理。但無論你點諗都好，想搬出去又好想生仔又好，到邊個湊仔都好，你都唔係應該係呢到搵答案。你應該問返你男朋友，究竟你地想將來條路點行？點儲錢？我見你打嘅內容呢一個媽媽都唔似會同你講道理嘅奶奶，俾佢湊b你預左呢一世你都有條刺係心口。不過你地兩個搵得兩萬其實真係無可能唔同丫媽住喎，但一同佢丫媽住，你預左住一世，因為你地唔會儲到錢搬出去（佢要成13500一個月喎，得返6500一個月兩個人用，我唔信到時你奶奶會俾零用錢你地去搭車返工買lunch。仲未計BB大左食多左，我相信你奶奶點都會話加返一兩千，你一定計到最後你地有幾多錢係袋）。

所以，有遠景是好的。但現實歸現實，你地都係努力係呢一兩年內搵到至少合共3萬以上嘅工先啦，兩萬似乎你就無乜選擇嘅空間啦。我有朋友生完之後係俾育嬰院湊bb而兩公婆去返工，係辛苦d，但都頂到嘅。