吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 究竟愛，係咪要比空間?

夫婦情感今日: 4|主題: 42807

收藏本版

發帖

返回列表

跳至頁

樓主: wewanwan

6 789 10

積分: 15314

141^#

發表於 16-11-9 19:21 |只看該作者

魚女發表於 16-11-9 18:16
有無第三者都好

最終原因係佢已經唔愛你

我都係咁諗，不過現實社會，又真係唔止我一個遇到呢樣野，咁其實可能呢個世界真係有人會想分開空間，但又唔係變左心

私人傳訊

wewanwan

伯爵府

積分: 15314

142^#

發表於 16-11-9 19:22 |只看該作者

Bobo113 發表於 16-11-9 18:42
樓主，你已經對佢好好啦，算把啦，放佢走，等佢後悔，Ｄ人活在福中不知足，希望你能快Ｄrecover,同delete ...

多謝你既祝福呀

私人傳訊

gloriatutor

子爵府

積分: 11167

熱血勳章畀面勳章

143^#

發表於 16-11-9 22:13 |只看該作者

wewanwan 發表於 16-11-9 19:19
我都自欺欺人咁諗，莫講女人中意有人係身邊，男人都一樣，就算唔係100%中意好多人都會拖下拖下，但我男友 ...

我都試過係絕無第三者的情況下，好決絕咁同個拍拖4年的男友講分手，其實內心已經想分好耐，但表面我都冇異樣。主要原因真係思考過唔想成世咁樣過，有時唔一定係要有第三者trigger(當然有會更快)，好多時係真係自我內心的覺醒，唔想再同對方一起。

anyway希望你快啲走出傷痛，遇到個更適合你的人。

私人傳訊

wewanwan

伯爵府

積分: 15314

144^#

發表於 16-11-9 22:48 |只看該作者

gloriatutor 發表於 16-11-9 22:13
我都試過係絕無第三者的情況下，好決絕咁同個拍拖4年的男友講分手，其實內心已經想分好耐，但表面我都冇異 ...

但都拍左4年真係唔可能到老?真係甘唔夾?

私人傳訊

gloriatutor

子爵府

積分: 11167

熱血勳章畀面勳章

145^#

發表於 16-11-9 23:20 |只看該作者

wewanwan 發表於 16-11-9 22:48
但都拍左4年真係唔可能到老?真係甘唔夾?

本帖最後由 gloriatutor 於 16-11-9 23:39 編輯

其實拍左兩年已經想分..
我唔知係咪唔夾，但可能wrong timing掛..或者大家要嘅野都唔一樣，又或者對左4年真係乜都淡晒，大家食飯又可以冇野講，平時msg講得最多就係啲咩食飯未沖涼未之類，好無聊，根本上係身體很誠實我連錫呀等等親密啲嘅接觸都唔想同佢有。果陣覺得佢個世界得我，但我個世界除咗拍拖仲有好多野..我覺得我一星期spend 1.5日同佢一齊已很多，佢就覺得好少, 佢想大家一得閒就傾電話之類，我就寧願一個人聽下歌睇下劇或者咩都好..
我唔知係我唔再愛所以睇佢咩都係負面丫，定係大家真係唔夾，總知分手後我係有種重生的感覺，仲好唔想再拍拖住，要enjoy single life, 分手後我又去做義工又同朋友聚會又去學野等等，我覺得冇另一半縛住真係好自由(拍拖時，你想去做義工，另一半可能都會驚你比第二啲男仔溝左唔想你做...

), 我冇諗拍左4年就要到老，相反我果陣係諗如果4年都已經咁，40年呢？我一諗到我往後40年都要咁過，我就超超超唔想，更加覺得如果我果陣唔襯離開，年紀愈大更加離唔開。

有時我會覺得，佢應該係好愛我，分手時佢都話自己就晒我，問我仲想點。我諗可能呢個就係大家最唔夾的位，佢可能係好愛我，但用錯左方法吧，或者大家需要的愛的方式不一樣。

而事後我亦認識了一位更加夾的另一半，最起碼大家都係好要空間的人，拍拖係我地生活的一部分但唔係全部，係拍拖時我地亦冇忽略到友情，家人，事業的追求，自我的追求等等。但有空間唔等於我地關係疏離，我地都會每星期見一兩次面，間中傾電話，會認識對方的朋友並一齊活動, 佢公司的活動好多時帶埋我，會同雙方家長食飯交流等。

私人傳訊

wewanwan

伯爵府

積分: 15314

146^#

發表於 16-11-10 08:48 |只看該作者

gloriatutor 發表於 16-11-9 23:20
本帖最後由 gloriatutor 於 16-11-9 23:39 編輯

其實拍左兩年已經想分..

但悶呀無野講呢啲階段，好多情侶，夫妻關係都會遇到，你可以咁有決心提出分手，4年時間都真係唔短

私人傳訊

gloriatutor

子爵府

積分: 11167

熱血勳章畀面勳章

147^#

發表於 16-11-10 09:38 |只看該作者

wewanwan 發表於 16-11-10 08:48
但悶呀無野講呢啲階段，好多情侶，夫妻關係都會遇到，你可以咁有決心提出分手，4年時間都真係唔短
...

所以有時係整體個感覺, 當中我都經常懷疑呢d係唔係每段感情都會出現既野?然後我嘗試諗d大家開心既野...又好似諗唔到? 一諗就係負面野...
咁之後大家都試過做d新野, 去下旅行咁, 但其實我都唔係因為同呢個人做呢d事而開心, 而我只係單單因為件事而開心....即係話我同邊個去旅行都一樣開心...係旅行令我開心...而唔係同呢個人旅行同我開心...
所以其實個心路歷程都拖左好耐....我都唔係一有分手諗法就決絕分手果D, 我都考量左好耐諗左好耐....但去到好多個位我都覺得身體真係很誠實, 我同佢拖唔拖手都冇所謂, 唔想比佢錫, 唔想比佢掂我, 佢個嘴一整埋黎我已經覺得好多口水好核突.....之後就會問自己, 唔通每對情侶拍耐左都會咁???
我地4年咋wor...4年好耐咩?? 咁人地拍左10年果D呢?? 如果拍4年已經悶到冇話題, 點樣結婚? 點解要結婚? 往後40年都要咁?? 總知一幻想下未來幾十年要同呢個人過, 我就知唔想.....問下自己甘唔甘心...我就知道答案..
而家回望, 其實我覺得拍拖4年真係唔長...當然唔係短但我唔想因為過去呢4年的suck cost, 縛住我未來幾十年的人生。

唔好沉醉係過去果幾多年時間, 諗下你未來仲有n年的人生...加油