夫婦情感 今日: 9 | 主題: 42807

積分: 43

141^#

發表於 04-11-2 17:31 |只看該作者

Re: 我好唔開心呀........

昨晚心平氣和同我老公傾左一晚, 當然都係無答案, 佢都係個句問題出左係佢度, 係佢拖拖拉拉唔肯去面對, 係佢自私唔捨得選, 佢話兩個女人都真係好好, 原來我地兩個都同時問個佢係咪好唔開心, 叫佢放鬆d等.
佢話佢點都估唔到會行到黎一部, 佢話知道唔同我齊, 佢要放棄好多野, 我有同佢講, 不如我地離婚俾佢兩個一齊, 佢只係搖頭, 佢又有話, 如果佢只係逄埸作慶會好好多, 可惜佢唔係,
佢有問我, 我鍾意佢d 咩, 我張黎9年感情同發生既事同佢講番一次, 講左點解我會鍾意佢, 我都有問佢黎個問題佢有無問過個女仔, 佢話有, 個女人答案係覺得我老公會對佢好好喎, 所以咁鍾意我老公, 其實我都有問我老公, 係咪值得為左佢地黎段2個月既感情而放棄我地9年既感情, 佢無答我.
我有同佢講, 佢唔可以咁拖落去, 我真係好辛苦, 佢話佢知, 只係就算定左個時間俾佢, 佢都唔知會唔會選到, 到度或者又好似依架咁, 佢都有話覺得佢係緊張我多個個女仔, 唉........

私人傳訊

annlee

公爵府

積分: 25784

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章牛年勳章 2018復活節勳章開心吸收勳章最關心BB問題熱投勳章畀面勳章

142^#

發表於 04-11-2 17:46 |只看該作者

Re: 我好唔開心呀........

我都覺得你老公根本就係"拖"字，你試想佢可以講出愛你幾多%?物真正愛一個人可以答到，重可以分得o甘清楚，面前的答案只可選擇去或留，留你亦都要承受一段痛楚，不過最清楚都係你自己。

私人傳訊

racar

子爵府

積分: 10379

143^#

發表於 04-11-2 17:49 |只看該作者

Re: 我好唔開心呀........

PION_HAPPY 寫道:
昨晚心平氣和同我老公傾左一晚, 當然都係無答案, 佢都係個句問題出左係佢度, 係佢拖拖拉拉唔肯去面對, 係佢自私唔捨得選, 佢話兩個女人都真係好好, 原來我地兩個都同時問個佢係咪好唔開心, 叫佢放鬆d等.
佢話佢點都估唔到會行到黎一部, 佢話知道唔同我齊, 佢要放棄好多野, 我有同佢講, 不如我地離婚俾佢兩個一齊, 佢只係搖頭, 佢又有話, 如果佢只係逄埸作慶會好好多, 可惜佢唔係,
佢有問我, 我鍾意佢d 咩, 我張黎9年感情同發生既事同佢講番一次, 講左點解我會鍾意佢, 我都有問佢黎個問題佢有無問過個女仔, 佢話有, 個女人答案係覺得我老公會對佢好好喎, 所以咁鍾意我老公, 其實我都有問我老公, 係咪值得為左佢地黎段2個月既感情而放棄我地9年既感情, 佢無答我.
我有同佢講, 佢唔可以咁拖落去, 我真係好辛苦, 佢話佢知, 只係就算定左個時間俾佢, 佢都唔知會唔會選到, 到度或者又好似依架咁, 佢都有話覺得佢係緊張我多個個女仔, 唉........

happy
sorry!
我真係有d頂你唔順!!!
好佩服你囉!

私人傳訊

12201230

積分: 108

144^#

發表於 04-11-2 19:34 |只看該作者

Re: 我好唔開心呀........

我一路都有睇你既topic,真係頂唔順要回應,
好多人比左好多意見你,你都係0甘,
你真係覺得你老公愛你多過愛果個女人呀,
如果一個男人好愛佢既老婆既話,
根本一開始就唔會做d令老婆傷心既事,
仲要講d傷害你既說話,根本就睇死你,
家下仲係到支支左左,拖得就拖,
什麼愛佢40%,愛你60%,廢話,直頭唔專重你啦,
佢有幾辛苦呀,都唔知幾過引,
而家係度享受緊2個女人爭佢既過程呀
簡直不知所謂:-(
你醒下啦你

如覺得我太直接,請見諒,希望你明白

私人傳訊

積分: 43

145^#

發表於 04-11-2 19:43 |只看該作者

Re: 我好唔開心呀........

其實我知架.....
我真係知佢唔愛我
只係我自己唔肯面對
或者過埋今晚會有答案架啦

私人傳訊

貓姐

禁止訪問

積分: 33575

146^#

發表於 04-11-2 19:47 |只看該作者

Re: 我好唔開心呀........

提示: 作者被禁止或刪除內容自動屏蔽

私人傳訊

12201230

積分: 108

147^#

發表於 04-11-2 20:05 |只看該作者

Re: 我好唔開心呀........

過完今晚就會有答案? ?-(
你如果仲唔堅強d,
就日日都有今晚,
每一晚都比佢食住,
就算你老公最後簡左你,
難保佢他日都會再有第二個,
死性難改,
只怕你已人老珠黃,
真鄧你擔心 :-(

私人傳訊

積分: 43

148^#

發表於 04-11-2 20:06 |只看該作者

Re: 我好唔開心呀........

黎一刻我真係覺得好灰呀,
我今晚唔打算番屋企,
我想等我同佢都好好想一想
貓姐, 或者你講得岩, 可能大家都
係度笑緊我傻爪
但事實我真係好愛我老公
不過點都好都多謝你提點

私人傳訊

12201230

積分: 108

149^#

發表於 04-11-2 20:17 |只看該作者

Re: 我好唔開心呀........

PION_HAPPY

如果你今晚唔打算番屋企,
就搵朋友陪下,傾下,
等自己可以抒發下情緒,
唔好自己一個諗埋一邊呀,
希望你可以快d渡過唔開心既時間

私人傳訊

積分: 43

150^#

發表於 04-11-2 20:30 |只看該作者

Re: 我好唔開心呀........

我唔會搵朋友啦
我唔想麻煩人地
自己一個可能會好d

私人傳訊

魚子

大宅

積分: 3821

151^#

發表於 04-11-2 20:51 |只看該作者

Re: 我好唔開心呀........

咁你有冇地方瞓呀??
好擔心你呀...!!

私人傳訊

積分: 43

152^#

發表於 04-11-2 20:55 |只看該作者

Re: 我好唔開心呀........

唔使擔心....我會係公司

私人傳訊

貓姐

禁止訪問

積分: 33575

153^#

發表於 04-11-2 21:04 |只看該作者

Re: 我好唔開心呀........

提示: 作者被禁止或刪除內容自動屏蔽

私人傳訊

Kruson

男爵府

積分: 7413

154^#

發表於 04-11-2 21:26 |只看該作者

Re: 我好唔開心呀........

PION_HAPPY,
睇左咁耐終於忍唔住要回應啦, 你o既容忍度真係好犀利, 佢口口聲聲話愛你你先係佢老婆, 係咪咁講就可以做d 傷害你o既事? 佢仲衰到話你同個女人係6 4對比, 佢知唔知醜o架, 雖然話寧教人打仔莫教人分妻但係呢個男人真係不要也罷啦, 佢真係仲值得你去愛咩, 你地只不過結婚半年佢已經咁咁第日漫長o既路有又幾多個"她"呀。

私人傳訊

朱古力

男爵府

積分: 5657

155^#

發表於 04-11-2 21:28 |只看該作者

Re: 我好唔開心呀........

PION_HAPPY

我知道你好愛你老公，無論你老公是否還愛你，始終再拖落去都唔係辨法？你可以接受老公曾經犯錯，但佢現在唔係，佢係繼續再錯．睇開Ｄ，好為你祝福．

私人傳訊

Lavenda

等待驗證會員

積分: 187

156^#

發表於 04-11-2 21:33 |只看該作者

Re: 我好唔開心呀........

就算佢真係話揀左你, 以後唔再搵個女人,
我100%相信佢(人頭博戶頭)過兩三日, 頂多一個禮拜佢地又會痴番埋一齊,而且會痴得更實, 因為佢地分開過先知道原來係唔可以冇左對方.
你地又會由頭開始過成個過程. 因為佢根本唔覺得自己錯,
仲認晒衰, 認晒自私咸濕, 咁你都仲係佢身邊"默默等待, 永遠支持", 我係你老公, 我都出去搞女人啦.

我地唔係係度鼓勵人離婚, 呢d野會唔會發生係自己身上,
真係話唔埋(我自己就有晒心理準備).
只不過我自己覺得做女人唔好做到咁低聲下氣,
"默默等候"而最尾等到老公回頭既, 我諗呢個世界好少囉.
因為男人要既女人, 通常係得唔到既壞女人, 呢d心癮, 好難解釋.

我亦都唔會話叫你抱希望搵過第二個,
如果有係bonus(仲要係大份), 冇就預左,
但女人冇男人, 生活一樣可以愉快自在,
唔係一定冇個男人唔得.
一個可以負托終生既人無錯係好難求,
但問題係, 佢係咪真係可以俾人"負托終生"先?
"負托終生"包含忠誠專一, 如果你可以負托,
第二d女人又可以, 咁算咩"負托終生"呀?!

私人傳訊

blank

積分: 14

157^#

發表於 04-11-2 21:40 |只看該作者

Re: 我好唔開心呀........

看完你的故事(of course, I know it is true).
恕我直言, 因我絕對同情你,我believe everybody here does,except your老公.
你有冇深夜看過『粵語殘片』?
你而家咪就係果D以為
1只要自己只需好好持家,
2好好照顧老爺奶奶,
3唔好係佢面前哭(因佢覺得討厭,所以你應該『病』埋一面哭),
4唔好係佢面前提起個『賤女人』(frankly speaking,你老公就一定話個『賤女人』係『可憐女人』啦!如果唔係又點會下下o甘圍護佢!)
5你老公又『懶』最衰係你在Saturday『逼』佢陪你,你又搶佢手機,又鬧佢,YOU spoil everything.YOU ruin everything. 如果唔係都已經選左你啦!(你唔係真係信關你事 ?欲加之罪何患無詞!你信佢一成都死 !)
6自己一人承受苦痛(外內家都要隱瞞)
7你真係信做齊以上各點就係好老婆好媳婦,老公就會鳥倦知返,回到好老婆身邊???

你老公要的不是這些 !!!
你老公要的是：
1初戀feel
2有幾個女人爭的feel
3齊人之福feel(最好一三五你,二四六『賤女人』,sunday出去揾/偷食)
4一係是旦有個自動退出,唔駛自己做衰人去決定。(你比一個月佢? 多餘!!!比十年佢都make唔到decision啦!!!)

好啦,當佢最後有decision啦, what is the possibility of his decision. Let's guess here and see what will you do next ?
1 你老公說：我選你,我已『決定』『同佢講分手』。
(1)注意:佢係講『決定講』o姐! 以佢o甘憂游寡斷的人,
(2)D個『決定講』指定動作通常無得一年半載都係同對方講唔出口o既。
(3)到時就算比佢終於係一年半載後講到,你估個『賤女人』會唔會o甘易放棄、o甘易接受呢?看來以你老公o既『難分難捨、難捨難離』o既性格,看來你老公又要多another『一年半載』。
(4)最後,當你終於得回你老公時,你都原氣大傷,心力交瘁啦!
2 你老公說：我選你,我『已經同佢講左分手』,個『賤女人』重答應以後唔再見我。
(1)你真係信一個女人會甘心o甘輕易放手o羊?
(2)唔好忘記,你係女人,我係女人,個『賤女人』都係女人。假設你係那女人,你剛剛正在熱戀中(剛開始1 month),你好愛個男人,當然個男人都『話』好愛你,後來一個月後,才知佢有老婆,因為熱戀中的人通常都係沈醉在愛河,both of the two lovers are "blind".無論身遭什麼困難,都會堅強地忍受,以表堅貞,甚至唔介意兩女侍一夫,因自己是遲來者。假設你係那女人,你真係會甘心o甘輕易放手o羊?反正這段戀情一開始都係同人分一半老公,最壞的打算咪係繼續同人分一半老公o羅,有o羊損失?分分鐘佢老婆頂唔順走先過我,我隋時坐正啦!
(3)你都係女人,你話女人通常點先會同男朋友分手?
(3a)對男朋友已無feel , or
(3b)男朋友打你 ,or
(3c)男朋友對你做左一些不能原諒的事 ,or
(3d)男朋友堅決同你分手,因佢剛有另一個新女人。
(4)個『賤女人』完全無以上(3a至3d):
(3a)對男朋友已無feel (個『賤女人』實有feel)
(3b)男朋友打你 (你老公都無打個『賤女人』)
(3c)男朋友對你做左一些不能原諒的事 (你老公都無對個『賤女人』唔住,係個『賤女人』內疚因何自己鍾意得個男人o甘遲o姐!)
(3d)男朋友堅決同你分手,因佢剛有另一個新女人。(個『賤女人』自己o米就係個新女人o羅)
(5)o甘你重真係信個『賤女人』會甘心o甘輕易放
手o羊?
(6)現實d啦,
十年的愛情是愛情(20%),也(80%)。
兩個月的愛情是愛情,是最熱辣辣的愛情(90%),也是感情(10%)。
佢話愛你60%,愛個『賤女人』40%。你又信!
佢愛你60%是十年的感情,愛個『賤女人』40%是熱辣辣的愛情。
(7)唔好騙自己啦!
(8)今次結束,又可能是另一個女人的開始,下一個女人又會幾時出現? 你的心力還支持到嗎?
3 你老公說：我唔選你,我已經決定同個『賤女人』一齊。
(1)o甘你就甘心含淚接受嗎?
(2)點解要決定權在他,而不是你?
4你老公說：我已經決定同你一三五日,個『賤女人』就二四六,大節日同你,小節日同個『賤女人』。你做大,個『賤女人』做細。
(1)接受。如果你真的這樣深愛他,不可以沒有他,你不用等一個月,現在索性直接告訴他你選擇做『大老婆』。你處處體諒他,連d件事都唔話比佢屋企人知,你這樣深愛他,為何不可讓他活得快樂。見到他活得快樂,理應你也會活得快樂!
(2)不接受。像一個cycle,你老公會無止境的繼續選擇下去。
5你老公說：我決定兩個都唔要!
(我不相信你老公會選擇這個)

清醒吧! 唔好騙自己啦!
1接受做大老婆,(d種男人值得你愛嗎?出便大把好男人,就算冇,又駛唔駛忍d種男人呀?再唔係咪獨身!)
2不接受,(o甘你要退出,取回自己的尊嚴,)
3在這世上,無話邊個無左邊個唔得。一年後,當你回想現在的苦痛,你便會笑自己當年有幾傻。
4現在,等佢返工後,拾行李返娘家,不用跟佢屋企人交代任何野,留個爛攤子比佢,o甘過癮,齊人之福???!!!
5快刀cut亂馬,速戰速決,得就得,唔得就退出。傷口愈早醫愈早康復。
6無左佢,咪當佢(touch wood)突然死左,o甘就要接受啦.

私人傳訊

Lavenda

等待驗證會員

積分: 187

158^#

發表於 04-11-2 21:44 |只看該作者

Re: 我好唔開心呀........

blank,

你好近呀, 有冇打到手軟 :lol:

我都話"亞大一三五, 亞一二四六, 星期日猜情尋", 你仲去到咁盡, 話"星期日出去搵/偷食", 我笑死啦.....

我懷疑呢度大部分女人都係睇亦舒李碧華大既....(咁當然有少數係煲"難為了家嫂"仲中埋毒啦....haha~~~)

私人傳訊

ROSANNA